[ حتىَ آنتَ , مآ أثقِ فيـكْ ., !

قَلبـيْ لكِ · #1 09-07-2013, 02:55 AM

سلام عليكم و رحمة الله و بركاته

شحالكم عيال زايد ؟!

مابرمسس وايد خخ .. بس هاي روايتي الثانيه و ابغي دعم منكم

الروايه الاولى يوم كتبتها انمسسحت كلها .. و ماسدحتها ف أي منتدي

فـ شسمممه حبيت انزل روايتي الثانيه ف هالمنتدى الجممميل

اتمنى الروايه تكون خفيفه عليكم .. !

مابتخقق بروايتي و مابقولكم هي كيف .. انتو اقرأو من البدايه لين النهايه و قوللولي رايكم
و مابقول انه روايتي غير عن كل الروايات ... مستحيل ماتكون فيها احداث نفس الروايات الثانيه .
بس كاتب عن كاتب يختلف

__ اونها هاي اللي مابترمس وايد

المهم مابطول عليكم ..

بس بليز ابا دعم لا تحبطوني .. ! ادري انه الروايات اليديده ماتعيرون لها اهتمام وايد .. بس بصببر

{ لا تلهيكم الروايه عن الصلاه }

BRB
__DEFINE_LIKE_SHARE__

قَلبـيْ لكِ · 09-07-2013, 03:02 AM

[ size="3"] [ 1 ]

باقي يوم واحد و بتبدأ الدراسسه .. ابدا مب مستعده نفسيا .. احسس مابا اسير .. يالله آخر سننه و بخلص , و بفتككك من الدراسه و المذلةة من الابلوت ..

فتحت باب غرفتي لانه كتممه .. سمعت زعييق تحت و ربششة .. اكيد قوم خالو يوو عندنا .. عاد عيالها مايخلون شي صاحي .. يجلبون البيت ع راسنا , احمد ربي كل يوم انه ماعندي لا خوات و لا خوان الحمدلله روححي معززه و مكرمه لا ضرابه و لا شياته , صح اني امل مرات .. بس احسسن من الضرابه و الزعيق كل يوم .. المهم نززلت تحت و سلمت على خالو

انا : خالو كل ماتيين اهننا عيالج يكسسرون شي .. خلصتو السامان اللي ف بيتنا

امي : عيب عليج هاي خالتج

خالو تضحك : ياختي خليها تقول اللي تبا .. عادي شرات الربع نحن ,, و لا ششرايج مريووممه !!

انا : هيه اكيد خخالو .. من كبررج يعني .. توج شباب !!

خالو ميره عمرها 22 سننه .. عندها بنت و ولد .. رواضي 3 سنين و حمود 5 سنين .. طبعا عيالها عن عششر يهال .. ماشاء الله مايخلون شي مايكسرونه .. حليلها خالو متلعوزه ههه .. و ريلها دوممه فالدوام .. 4 ايام دوام و 3 ايام يكون موجود وياهم .. شفتتات .. و مرات يتغير دوامه .. عاد ماعرفله هالشفتات .. يشتغل فالشرطه .. !! ف بوظظبي .. ونحن ف راك .. و عاد خالو دوم مطيححه عندنا .. ومرات ترقد عندنا .. بحكم انه بس انا و امي فالبيت .. ابوي الله يرحممه توفى وانا صغغيره .. !! بس خالي عايش ويانا .. بس جنه مب موجود فالبيت .. كله يطلع بررع .. !!

خالي عمر عمره 29 سننة .. مادري متى بيعرس .. مب ناوي شكله , لين مايخلصص مغازل هههه ..

من اهل اممي بس هاذيل .. اما اهل ابوي من كنت صغغيره ماشفتهم .. من توفى ابوي بس اول سنتين شفتهم و بعدين اببد ماشفتهم اختفوو فجأه .. و لا حتى اتذكر اشكالهم ..

تثاوبت و شفت الساعه 11 و نص فليل ..

انا : اممي انا بسسير غرفتي .. بشوف مسلسليييي بباي

وانا سايره فوق سمعت امي تقول حق خالو

امي : هاي ماعندها شي غغيررر الكوريين

ابتسمممت و ركضت فوق ..

تميت اتابع المسلسل ليننن الفير السااعه 5 ونص .. فزيييت وانا اشوف الساعه و سسرت اصلللي .. تميت ادعي انه امي تكون بخير .. لانها الوحيده فحياتتي .. احبها وايد و اخاف افقدها , احسس بموت لو فقدتها , هي الوحيده اللي اسولف وياها فالبيت .. ماعندي حد ثاني هي ربيعتي و اختي و امي و كل حياتي .. كاتمةة اسراري . بتقولون كيف اقولها كل شي !! الزمن مامنه امان .. خلي اسرارج كلها عند امج او احبسيها ف نفسج و لا تخلينن ربيعاتج يعرفون سرر واحد من اسراراج .. امي علمتني اني ما اثق بححد اببد .. و مشيت ع هالشي .. كملت حياتي ع هالمنهج ..

..

اليوم الثاني

سسرت بيت ربيعتي .. و خذتنا السوالف .. لين 9 و نص الفليل ..

انا : مهره انا بسير البيت الحين ..

مهره : اوصلج ؟

انا : لا شو لا فرةة حصا مابلعوزج

مهره : لا شو مابخليج روحج تطلعين ..

انا : و نفترض انج وديتيني لين باب بيتنا .. مب انتي بترجعين روحج ؟ مايستوي عادي بسير روحي ..

نزلت تحت و وقفت عند باب بيتهم
انا : يلا دشي داخل .. عن حد يشوفج جي بدون عباه

مهره : براقبج لين توصلين البيت .. اخاف حد يخطفجج

انا رفعت حياتي و قلدت صوت الاولاد : افاااا طايح من عينج .. انا عن عشررر

مهره ضحكت : مريوم والله اللي مايعرف انج بنت بيتحسسبج ولد هه

ضربتها ع جتفها ودزيتها : دشي دشي يا مال القحططط

مهره : ههه انزين يلا ع الاقل اشوففج جريب البيت

انا اوني معصبه : هاي اللي ماتسسمع الرمسسه دشي اشوف اعطيج راشدي الحين

مهره : صصدق انج وللد !! ,... خلاص بدش بدش

ابتسمت لها و سررت .. بيت مهره مب بعيد عن بيتننا .. بسس بيننا 3 بيوت
تميت امشي و احس انه حد يراقبني ..
صدديت ماشفت حدد .. ماسويت سالفه و كملت ...
كنت واصله جريب بيتنا .. خلاص خطوتتتين و اوصل عند باب البيتت
بس ماحسسيت الا وحد يسسحببنني و يضربني ع رااسي بششي .. ماعرفت شو هو بس حسيت بألم فضيييع طحت ع الارض وانا ميوده راسسي
احاول اني اشوف اللي جدامي بس احس بضباب .. كل اللي اشوفه كندوره بيضه .. ماكملتت ثواننني ال اوانا غشياننه
..

كنت اشوف اممي معطيتني ظهرها .. ازقرها و تبتعد عننني .. كنت اححس بخننقه و كل ما تبتعد امي خطووه احسس انفاسسي تنقططع .. كنت ادعععي انه ها حلللم ..
وفجأه نششيت و حسسيت عمري عرقانننه ..

انا اتنفسس بصعوبه : الحمدلله .. الحمدلله انه كان حللم

تنهدت و نشيت .. بسسس انصدممم !! كيف انا راقده ع الارض و ليش الغرفه بيضه .. هاي مب غرفتي !! و ليش لابسسه عبايه و راقده
وقفت وانا اطالع حواليي .. هاي مب حجرتتتي , و لا حجره اميي ولا خال ..

انا : اننا وين ! !

يودت راسي وانا اتألممم .. تذكرررت انه حد ضربني ع راسسي

بخوف : بسم الله الرحمن الرحيم .. ها مب ححلم ..

سسرت صوب الباب وانا خايفه .. بس الباب كان مقفول .. تميت ادق الباب و انا اردد : افتححححوا الباب افتححححوا

بس ماحصلت اي رررد .. دورت ع شنطتتتي بس مب موجوده ... اببا مبايلي ابا اتصصل ف اممي .. انننا وين !! , .. تتمييت اصيح وانا احس انها نهايتي .. كل اللي افكر فيه اني انخطفت و بيذبحوني ..

صحت بصوت عالي و اصرخ : افتحوووووولييييي الببببببببباااااااااابببببب

ادق الباب ع امل انه حد يسمعننني .. بس ماحصل اي جواب .. الغرفه كتمممه مرره .. تميت اكححح و اصيح ... و راسي كان بينفجر من العوار

لين ماحسسيت انه حد يود قبضة الباب على طول ركضت صوب الباب وانخشيت ورا الباب
بشويشش فتحو الباب .. ماعرفت منو كل اللي كنت اشوفه الحديده اللي ف أيدي .. حصلتلها صصوب الباب و شليتها
و اول ما انفتح الباببب ضربتتت ع ايييد اللي فتحه ..

ماكان يهمني هذا منو اهم شي اني اطلع من اهننا ..ضربته بأقوى ما عندي .. الريال صرررخ و انا شردتت
ركضت و هو يركض ورايي .. بس طبعا هو كان اسرع عني و سحببني من عباتي و سدحني ع الارض .. انا اقاوممم بس هو كان اقوى عننني

انا : خوووز عننننني الخسسسييييس يالـ ....... .....

تميت اسبسبب فييه و هو يرنني ورجعني الغرفه

صرخ علي : بسسس سكتتتي مابا اسمممع حسسسسج اببببد !!!!!

انا سكتت من الخوف .. خفت انه يذبحننني .. تميت اصيح وانا اطالعه

بخوف : انت منو !! و شو تبا مني

ابتسمم الريال .. تقرب صصوبي و انا رجعتت ورا لين مالصقت فاليدار

ضربته ع صدررره : خوزززز عننننننننننني

وتقرب مني زياده لين ماحسسيتته لصق فيني .. اهنا يتني افكار انه بيسوي فيني شي تميت اصييح

الريال : تبين تعرفين شو ابا منج !!

تميت اطالعه بعيون زايغه ..

الريال : ماعتقد اللي بطلبله ترومين عليه .. لانه هالشي بأيد الله .. بس والله لدممر حياتتتج مثل ما اهلج دمررو حياتتتي و حياةة ابوي

انا دززيته و سرت صوب الباب مابا اسمع منه شي وماهتميت باللي قاله ابا اطلع من اهنا بس الباب كان مقفول

دقيت الباب بالقو ابا حد يسمعنني : سسسساعدووننننني الله يخليككككككمممم

الريال تم يضحك : محد بيسمعججج ..

تقرب مني .. و انا من الخوف اللي فيني بغيت اركض و اسير الزاويه الثانيه بسس طحت

الريال تم يتقرب منيي و نزل لمستواي وقال بنبرة تهديد : خليني اكمممل كلامي و لا تتصرفين بتهور

ابتسم و اشر ع تلفونه : تشوفين ها !! .. ها يروم ينهي حياة امججج بثانننيه .. بس مجرد اتصال مننني امج بتروح فيها ..

مسسك ايدي بس انا يريتتته و مسسكه مره ثانيه و قال : خللج شاطره و سمعي الرمسسه .. ترا حياة امج بيدي الحين

صرخت فويهه : مايخصصصصصك ف امممممي .. خلللها بحالهههههها

الريال : تؤتؤتؤ ماتفقنا ع جي .. عيب يصرخون ع اللي اكبر منهم .. ترا هااه

وتم يأشر ع مبايله

غمضت عيني و انا خايفه ع امي اكثر من نفسسي ..

انا : الله يننتتتتقم منكككك .. الله فوووووق يالظظالم .. عساك ماتتوفق بحياتك

ابتسم و قال : ع راحتج

نش و دق من مبايله ..
الريال : الوو .. ها جاهز !! ادش البيت

على طول سسرت عنده و مسكت ريوله وانا اصيييح

بترجي : الله يخليك .. خل امي فحالها والله بسولك اي شيييي .. بس الله يخليك لا تأذيهههها الله يخليككك والله بسولك اي شي تباه بس لا تتقرب صوب اممي مالي غيرها

تميت اصيح وانا اترجاه
الريال : اوك .. مابيصيب امج شي بس بشررط

اصيح بيأس : بسولك اي شي والله بس خلها بحالها

الريال نزل لمستواي : ماتعارضيني ع اللي بقوله لج اببد .. و اي كلمه تطلع منج غير اللي اقوله لج قولي حق امج باي باي ..

كمل : ترا حياة امج بأيدج وانتي بكيففج .. تبينها تععيش و تسمعين كلامي و لا تمينها تموت و تعيشين حره .. هالشي راجعلج

حسسيت هاي نهايتي .. تميت اصيييح و هو بس يطالعني و يبتسسم

تميت ع هاي الحاله تقريبنن نص ساعه .. بهاي النص ساعه هو سار .. بس رجع مره ثانيه

الريال : ها شو قلتي !!

انا اغمض عييني و ادمع : موافقه بس خل امي بحالها و لا تسير صوبها

الريال ابتسم : الحين نحن حلوين

وتقرررب صوببي وووو ..................

كااااااااتتت [/size] __DEFINE_LIKE_SHARE__

قَلبـيْ لكِ · 09-07-2013, 03:03 AM

ها البارت الصغنون خفيف عليكم .. و بداية الاحداث

اتمنى اشوف دعم منكم = ( __DEFINE_LIKE_SHARE__

t7lm tlageny · 09-07-2013, 03:38 AM

وعليج السلام والرحمه
طيبه طاب حالج ، شحالج انتي عساج بخير

كبدايه الروايه ححلوه وتسلم اناملج ع هالابداعع

بس بغيت استفسر متى بتنزلين البارت 2 __DEFINE_LIKE_SHARE__

حبيبة المطيري · 09-07-2013, 02:59 PM

تحمست الصراحة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنتَ عنْديـۓ شَيـۓ غيرْ ۈأنتَ فيـۓ قلْبيـۓ ڪبيْر~ F6amy	~ Ƙяạzyo❥	عدسة الاعضاء , كاميرا الاعضاء	13	07-20-2010 06:20 PM
حبيس التصليحات	محروم.كوم	منتدى أخبار المواقع والمنتديات العربية والأجنبية	0	06-21-2010 07:30 AM
بدر حبيش كيف تهواني	اشواق الامارات	نغمــات للهــواتف	4	02-15-2010 12:23 PM
لمن يبخص بكهرب الفتك	محروم.كوم	منتدى أخبار المواقع والمنتديات العربية والأجنبية	0	12-25-2009 03:50 PM
لتكــــن أنتَ، أنتَ، فأنتَ، أنتَ!!	♕ وليد الجسمي ♕	الإستراحه العامة	7	09-12-2008 04:02 AM