تعليقات علي بنات و شباب الامارات((بدون زعل))

فديتني والله محد قدي · #1 08-31-2013, 03:58 PM

هلا
شحالكم
شفت الموضوع ف المنتدى و عيبني
و فكرت انزله في المنتدى
مراحب شباب وبنات

هالموضوع للسخرية من بعض بنات وشباب اماراتنا الغالية

خذوه بروح رياضية واللي بيزعل يعني هو منهم

~¤©§][ شباب ابوظبي ][§©¤~

اغلا السيارات... احدث الانواع...اغلا الموبايلات..احدث الانواع..المصيبه نصهم تافهيين وماعندهم

سالفه...ودمهم ثقيل...

~¤©§][ بنات ابوظبي ][§©¤~

يموتن على الكشخة والموديلات والمكياج...حتى وهن رقود بتلقاهم متمكيجات ...وياحبهن للرجيم طول

السنة وهن يسون رجيم حتى بتلاقي الوحدة فيهن معصعصه تقول مسواج ! ويحبن بعد يسون (تان ) في

شاطي الحريم..الحين من البياض الطافح عاد ! وياحبهن للانترنت ...والمصيبه مايعرفن شي في الانترنت

الا التشات...والكمبيوتر 24 ساعة مشتغل تسير وترد والجهاز مفتوح على التشات كل هذا علشان

مايفوتها شي...

~¤©§][ شباب العين][§©¤~

دكتورة في الكوفي شوب...مافي كوفي شوب في البلاد مابتلقى فيه عيناوي يالس... تقول مراسليين في

الكوفي شوب.. ويموتون على اي شي لونه بنفسجي ...نص مدارس العين فاضيه وشكلها نظيف من كثر ما

مدارسهم مهجورة ! دوم شاردين من المدارس.. ويموتون على قصص الحب ! يعني الواحد لازم يحب 4

دفعه وحدة علشان يكون انسان طبيعي

~¤©§][ بنات العين ][§©¤~

اهم شي عندهن انهم يبيضن بشرتهن ! وماتم كريم في السوق ماجربنه ! يعني اذا عندك شركة كريمات

سير العين وسوى دعايا بس قول ( كريم يخليج بيضا في دقايق ) صدقني بعد عشر دقايق بتشوف

الاستيشنات مصففه جدام محلك والكريم مخلص !..بس المصيبه عاد يوم تشوف الويه تقول يالله مبيضها

بس خل الشيله تطيح وبشوف الرقبه والسواد على اصول ! ويالله يالله ينجحن في الدراسة ! واشطر وحدة

فيهن يمكن مخلصه بس الثانوية

~¤©§][ شباب دبـي ][§©¤~

=ياحبهم للفلوس...والرمسه عن الفلوس...الا فلان عنده وعلان ماعنده وهذا باع وهذا اشترى ! ولا كل

كلمه والثانية يوم يرمسون دخلوا لك كلمة بالانجليزي تقول محد يعرف انجليزي الا هم ! وعادي تشوف

الواحد منهم مرتز في السنتر واخته او اهله وياه ومب متغشيه ....وعادي تلقاه في السنتر ببنطلون

وقميص واذا شفته بكندوره بتلقاه حاسر بدون غترة ولا شي على راسه ...والعقم بعد مبطله ..ادلع

يعني...ودقق شوي يمكن تلاقي سلسله في رقبته

~¤©§][ بنات دبي ][§©¤~

ياحبهن للموبايل ! وياحبهن للسواقه ! وياحبهن للسينمات ! سر الزحمة اللي في دبي سببها البنات ..كلهن

يسوقون ..!!! والبريكات في الشارع على كيفك ! ياليت لو يسوون شارع للنساء فقط ! بنفتك من

الزحمة !! وياحبهن للموبايل بذات بنات كليات التقنية يعني عادي تنسى ملفها وتنسى البروجكت وتسير

الكلية بس لو الموت مانست الموبايل ...!!

~¤©§][ شباب الشارجة ][§©¤~

مثقفين وكادحين ومتدينيين ...بس فقارى على الاخر ووايد ياكلون نـخـي

~¤©§][ بنات الشارجة ][§©¤~

مثقفات وحليلهن ويوم يدشن النت يدشن علشان يسوون اشغالهن ويطلعن مايحبن الخساير مول.

.واذا حاولت تكلمها في السوق بتنتهي بكعب على راسك وهي ادي بتروح ولاكانه شي استوى بس بتقول

صبر بعدل وقايتيييييييييه

~¤©§][ شباب راس الخيمة ][§©¤~

مساكين.. لا ثقافه..لا فلوس...لا شيف تشاهد..ولا شي ...وكل حياتهم نادي الامارات ! سيايرهم مايبدلونها

مول خلاص من يشترون السيارة في البداية خلاص تم عندهم لين اخر يوم في حياتهم ! الموابيل ممكن

يبدلونه مرة كل 4 سنوات ! واغلبهم بطاقاتهم واصل ولا بدون رصيد بعد ...يعني مب قوم بو رنة لالالا هذيل

اختراع يديد هذيل قوم بو انته اتصل لان هم مستحيل حتى يرننون لك...والانترنت تلاقي 7 مشتركين في

جهاز واحد...ويالله يالله يدشون ...لان الكهرباء دوم مقطوعة ..الحين يفكرون يخترعون لهم كمبيوتر يشتغل

بالمهفه يعني واحد يجلس على الكمبيوتر وواحد يهف الجهاز علشان يشتغل...!!

~¤©§][ بنات راس الخيمة][§©¤~

ماتعرف لها شو تقول من ترمس لين تخلص والجمله جذي ششششش ششششش ششششش

....وانت

طوفها عاد... بس كشختهن عجيبه بعدهن في الستينات من القرن الماضي

~¤©§][ شباب ام القيوين][§©¤~

قلوبهم بيضا وبروحهم في عالم محد يدري بهم مول

~¤©§][ بنات ام القيوين ][§©¤~

نفس شبابهم

وباقي الامارات اللي ماذكرناها بعدهم شبابهم وبناتهم تحت الدراسة والبحث والتنقيب

الله يخلي بنات وشباب راااك والامارات كلها __DEFINE_LIKE_SHARE__

عيون لوفي · 09-11-2013, 03:57 PM

ههههههههههههههههههههههههههههههه تووحفه بس حراام في شباب عندنا فرااك مزااين
ونحن يوم نرمس كلها مقاطع مشفره بسبب السب خخخخ أذا ينا نرمس لازم في سبه ساقطه سهون ههههههههههه __DEFINE_LIKE_SHARE__

راقيه باسلوبي · 10-02-2013, 08:27 AM

ههههههههههههههههههههه
و مشكوره __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصريا دمج تعليقات الفيس بوك مع تعليقات بلوجر في تبويب واحد	محروم.كوم	منتدى أخبار المواقع والمنتديات العربية والأجنبية	0	08-28-2013 02:50 AM
[Template] كود تعليقات الفيس بوك في منتداك - بدون آخطا ولا مشاكل	محروم.كوم	منتدى أخبار المواقع والمنتديات العربية والأجنبية	0	02-17-2012 01:50 PM
تعليقات الفيس بوك في موقعك بدون اضافات	محروم.كوم	منتدى أخبار المواقع والمنتديات العربية والأجنبية	0	10-09-2011 08:50 PM
وصل لرقم 10 واختار من يلمع لك اضافرك ويخدمك شباب بنات بدون زعل	اميرة بكلمتها	العاب , فكاهه , مسابقات	307	10-31-2009 07:35 AM
ويفات بأصوات بنات -أغاني بأصوات بنات بدون موسيقى -وسائط بأصوات بنات بدون موسيقى	محروم.كوم	منتدى أخبار المواقع والمنتديات العربية والأجنبية	0	09-04-2009 03:40 AM