بــاالله شـفـتـو زول ظـبــي الاغـاديــر ،،، مـربـاه فــي المـغـرب يـحـب الزعـامـه

محروم.كوم · #1 08-25-2013, 02:00 PM

بسم الله الرحمن الرحيم
السلام عليكم ورحمة الله وبركاته
هذي قصيدة / مصيبيح بن متعب بن قويد
تعتبر هذي القصيدة غزلية نوع ما رغبنا
مشاركتكم بها وهذا الون من الشعر غير
مرغوب من فئة من المجتمع نامل الا تنقص
من قيمة وجمالية القصيدة .
يا أهـل البـلاد اللـي تحـب المساييـر
بـــا الله بـنـشـدكـم يــمــال الـسـلامــه
بــاالله شـفـتـو زول ظـبــي الاغـاديــر
مـربـاه فــي المـغـرب يـحـب الزعـامـه
ظبيـن علـى اول مزتـه تـوه اصغـيـر
ظبيـن علـيـه مــن الحـلـى والفخـامـه
لونـه يحالـي لــون ظـبـي الغنـاديـر
اللـي ربـت فـي نـجـد يـابـو سـلامـه
مــيــر الـحـيــاء بـيـردنــا يـامـقـاديــر
وشـلــون بالغـيـلـه ونـعــرف كــلامــه
وشـلــون ببـديـلـه بــزيــن التـعـابـيـر
واخــذ مـعــه جـولــه ولـــو هـــي ...
صدفه بـلا ميعـاد فـي حـزت عصيـر
مـتـخـالـفــن ويــــــاه دون الــعــدامــه
مـن أولــن أشــوف مــن نـوعـه كثـيـر
وغـض مــن بــاب السـحـاء والمـلامـه
سـلـمــن تـبـعـنـا جــرتــه يامـنـاعـيـر
عيـبـن عـلـى الـرجـال يـاطـا الكـرامـه
محـدن يحـب يسحـل العـيـن ويغـيـر
كل يوم لـه صيـده ولـو هـي حمامـه
واليوم وضعي غير حتي البلد غير
إسـلــوم اهـلـهـا تخـتـلـف يـاسـلامــه

واليـوم صيـدي مـن ظبيـن لـيـا ذيــر
ماهـوب عجلـن يـاعـرب فــي مقـامـه
عاده علـي أول طلعتـه مـا بعـد ديـر
يجفـل علـى ظـول العـرب والجهامـه
يسقيـك يـادارن رباهـا وهـو صغـيـر
مــفــلاه مـاطـبــه ســمـــي الـنـعـامــه
مـفــلاه مـاطـبـه قـنـيـص وصقـاقـيـر
عـاده وثـن فــي مشيـتـه واستقـامـه
قـلـت أتـجـرا وألـزمــه لـزمــة الـطـيـر
وأخــذ مـعـه فالـجـو رحـلـة شـهـامـه
أنجـاز لـي قـلـت الـذهـب والدنانـيـر
كلـهـا لـجـل عـيـنـاك مـاهــي نـدامــه
اللي تبي باوفيه لـو هـي مخاسيـر
مـا راح عنـدك مكسـبـن لــي وهـامـه
وإن اتفقنـا قلـت عجـل عـسـى خـيـر
أخير من ممشي العطـب الاستقامـه
أخاف مـن بكـره وبعـده وش يصيـر
أرجـوك مـا فـي العلـم غيـر التمـامـه
وإن ما اتفقنا قلـت يالله عسـى خيـر
لـكــن مـثـلـك مــــا بـحـصــل حــرامــه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هزه خفيفة	محروم.كوم	منتدى أخبار المواقع والمنتديات العربية والأجنبية	0	06-14-2013 11:00 PM
نكته خفيفة	محروم.كوم	منتدى أخبار المواقع والمنتديات العربية والأجنبية	0	11-22-2009 05:02 AM
متـــــ‘,ــــى تبكـــ‘,ـــي علــ‘,ـــى نفســ‘,ـــــك ؟!!	ميود راك	المواضيع المكرره	6	04-10-2009 12:55 AM
نكت خفيفة	السرمدي	نكت , سوالف للشباب والبنات	8	11-22-2008 12:18 AM
.,’ [ لا تغــــ،ــرك ضحكتــ}ـــي ولا سلـــ،ـــوبـــ{ـــي . . . ] ’,.	قمـــ555ـــر	عدسة الاعضاء , كاميرا الاعضاء	20	07-14-2008 02:27 PM