llxll حوار صريح بين الشباب والبنات llxll - الصفحة 22

ظبياني عكس القانون · 02-22-2008, 06:15 PM

افاا عليك اخويه ؤبستنجدك هالمره بس .. بعد هب ببلاش لوووووووولش

سؤالــــي ..؟؟

انت يامعشر البنات

اذا يا خطيبكن قبل الملجه طبعا .. ودخل المدرسه ورااح للأخصائيه واطلع على اوراقج .. وسأل مدرساتج عنج <<<< وهالشي يستوي

وراح مركز الشرطه وسأل عن اوراقج .. واذا عندج ملف هناك ولا لأ

ويوو قالوولج خطيبج جي جي جي سواا

بتضايقن ولا لأ ...؟؟؟؟ __DEFINE_LIKE_SHARE__

آ۶ـشڨ ڎآڪ }›،. · 02-22-2008, 07:52 PM

من عاداتنآآ آنه الحرمه هي اللي بتروح تخطب وبتسأل عن البنت

وبتتخبر ..

مب هو يسير ويتردد ع آماكن شرات المدرسه ولا الشرطه (قويه بصراحه يروح الشرطه يسأل عن ملفي )

بتقول من حقه يروح ويسأل هيه من حقه --{ بس مجتمعنآآ اللي عايشين احنا فيه وعاداتنا وتقاليدنآ ماتسمح انه يسوي هالاشيآآء عشان يسأل

نحيد الحريم هنه اللي يسألن ويجوفن البنت وهلها

هذا الا إذا شآآك في البنت وتربية هلهآآ -{ هنيه يروح ويرد ع كيفه

آممم آنا عني لو صآآرلي هالشي ---{ برده ع طوووول

مب عسبة شي لكن مب حلوه في حقي وحق هليه يروح يسأل في هالامآآكن

بالاخص --{ مركز الشرطه

تسلم ع السؤآآآل --[ غريب هالشي وآول مره اعرف انه يصير هالشي __DEFINE_LIKE_SHARE__

آ۶ـشڨ ڎآڪ }›،. · 02-22-2008, 08:01 PM

سؤآآآآآآآل

:-

في يوم كنت تسولف ويا حرمتك (والله طيحك ع حرمه صريحه )

ويبتلها طاري الحب وهالسوآآلف ع ايام العزوبيه

وقآلتلك آنا كنت احب فلان ( ولد عمتها خالتها ------الخ ) واحد منهم !!

شو ممكن تكون ردة فعلك .؟ __DEFINE_LIKE_SHARE__

النعيمي · 02-22-2008, 08:23 PM

المشاركة الأصلية كتبت بواسطة اعشقـ ذاكـ

سؤآآآآآآآل

:-

في يوم كنت تسولف ويا حرمتك (والله طيحك ع حرمه صريحه )

ويبتلها طاري الحب وهالسوآآلف ع ايام العزوبيه

وقآلتلك آنا كنت احب فلان ( ولد عمتها خالتها ------الخ ) واحد منهم !!

شو ممكن تكون ردة فعلك .؟

( تسلم الغالي ظبياني على تقبل المناشده وسرعة الإستجابة )

اختيه اعشق ذاك ، بالنسبة لسوالج صراحه صعب

اتوقع اني اصفعها ، ولا اقول لها سيري بيت اهلج
ماتخيل الموقف امرررررررررره
ريال طول وعرض شو خانتي ماحب الخديه المفروض تحكم عقلها لأن ريلها له مشاعر
ومنقود عدنا ها السوالف
0
0

سؤالي للبنات

صدف مرة ان خوج عنده بلوى وهو محتاي مبلغ وانتي ماتشتغلين وهو متعشم
فيج وبدال مايتشيم فالناس يسير عند اقرب وحده ( اخته اللي هي انتي)
شو بتسوين ؟!! هل بتاخذين من ريلج ولا بتاخذين سلفة من البنك ولا شو؟ __DEFINE_LIKE_SHARE__

نكته · 02-22-2008, 09:16 PM

السلااام عليكم والرحمه

مم! أنا أول مر أشارك فهلموضووع والصراحه عيبني

ممم بالنسبه للسؤاال :صدف مرة ان خوج عنده بلوى وهو محتاي مبلغ وانتي ماتشتغلين وهو متعشم
فيج وبدال مايتشيم فالناس يسير عند اقرب وحده ( اخته اللي هي انتي)
شو بتسوين ؟!! هل بتاخذين من ريلج ولا بتاخذين سلفة من البنك ولا شو؟

شوف عاد اذا كانت السالفه تسوى ويستاهل اني اساعده ليش لا بساعده ..يعني ان ما ساعته منو عيل بساعد ,, والصراحه لو اني مب معرسه توني صغيره هع هع هع بس ما بتسلف من ريلي ها اللي أنا أشوفه عند بعض الحريم يعني من مصروفي الخاص

و أنا بعد عندي شؤاااال للشباب

اذا مثلا اختك و بنت خالتك أو أي حد معاها كانن يتمشن عن البحر بصفة انه البحر حذال البيت
انزين وووووو انته و ربعك كنتوا فالسياره ,,وهاي اختك انته صدق اتعزها ووايد وياها وتعرف انها حشيم وهي سايره ومب فنيتها شي
لكن ربعك تمواا يعلقون عليهن الثنتين ..مثلا.: هاذيلا شو يتحسبن اعمارهن يتمشن عالبحر ههه! و يطنزووون

شوووو بيكون موقفك ؟؟؟! ومحد من ربعك يعرف انه هاذيلا يقربلك الاا واحد منهم !
شو بتسويييييييييي؟؟؟

أرقب الجواب على أحر من الجمر لووووووول

والسموحه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حوار بين الشباب والبنات	كيفي شيختكم	الحوار والنقاش - الرأي والرأي الآخر	43	12-29-2009 06:26 AM
مع الأنطلاق الرسمي لموقع العزة : الشيخ النوري في حوار صريح على حلقات	محروم.كوم	منتدى أخبار المواقع والمنتديات العربية والأجنبية	0	12-04-2009 07:10 PM
مع الأنطلاق الرسمي لموقع العزة : الشيخ النوري في حوار صريح على حلقات	محروم.كوم	منتدى أخبار المواقع والمنتديات العربية والأجنبية	0	12-04-2009 06:50 PM
()حوار صريح بين الشباب و البنات()	()ولد المزاريع()	المواضيع المكرره	3	07-30-2008 08:35 PM
حوار بين الشباب والبنات في جلسة صراحه	+[العيون الذبوحيه]+	المواضيع المكرره	4	01-10-2008 02:38 AM