هذا ماحدث لي

محروم.كوم · #1 08-21-2013, 05:10 PM

مسيكم بالخير
هذا ياطويلين العمر لماكنت بصف خامس كان عندنا بالسطح الله يسلم الشايب حاط معزا في سطح بيتنا وبيتنا دورين والسطح الثالث وتخبرون المعزا تحب تشرف وتوايق مع الجدران لا اقبلت على بيتنا لاروس المعزا موايقه من السطح
المهم توسعت هويات الوالد الله يطول بعمره جاب ارانب وتوالدت ولاجااللي ماتسمع الاخبيط ودبيك لدرجه ماننام من الازعاج وبعدوواحد من اخواني جاب له حمام
قالت امي ماعادنيب الاخيره حطت لها كم دجاجه وديك
المهم غدا بيتنا حديقه حيوان لدرجة ان جيرانا اشتكوا من ريحة الغنم والازعاج عاد وحده من الدجاجات فرخت لها فريخات ولاتشوفون الاوانا مسنتره بالسطح اتفرج علئ ذالحلال
المهم كنا شتا وذيك الليله نزل مطر قوي لدرجه المرازيم تسددت من الطين واقوم من فجر قبل اروح للمدرسه اتفقد فريخاتي الا والله شوفت عدوك الدجاجه الام ميته وناقعه بالهجله اللي بالسطح وفريخاتها حيات راكبين فوق امهم عاد اناهنا شفت الوضع وجافي بالي ان الام ضحت بحياتها عشان عيالها يعيشون واروح للمدرسه هاك اليوم وماااغير ابكي ابكي ابكي والبنات مجتمعات علي ينشدون من اللي مات عندنا وعيوني كل وحده كبر الليمونه من الصياح وتجي الابله وشفيتس من مات وانا انتفض من البكي ولانيب قادره احتسي والابله كسرت خاطرها وتجي جنبي الموت حق ياحبيبتي وكلنا بنموت ومن هالكلام الين بديت اسكت وقالت هاه من الميت عندكم قلت واناراجعه ابكي دجاجتي ماتت وخلت عيالها المهم الابله ودها بقس على وجههي قالت بس عشان دجاجه سويتي عزا وضيعتي حصتي وقامت تهاوشني للحين سنيييين واناماخذه بخاطري عليها لانها ماقدرت اني بزر وبي رحمه رحمت الفريخات يوم شفتهن راقيات على امهن وهي ناقعه فالما ميته سبحان الله الطفل ماينسى حسيتها استخفت مشاعري ولا بعد الفصل كله ضحك علي وكان معي طالبه من جيرانا التقيت معها بالجامعه واول ماشفتها ذكرتني بالموقف عاد اناقلت لهاالدرجه كنت مسويه فلم اللي محد نساه طول هالسنين

ودمتم بخير __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مسابقات وجوائز مادية	محروم.كوم	منتدى أخبار المواقع والمنتديات العربية والأجنبية	0	05-13-2012 01:10 AM
طبعي مايحب الخيانه...	شوشو 14	شعر و خواطر	0	04-07-2012 09:58 PM
فزاعي و ماجدة	da1a3	الشيوخ و رؤساء الدول	2	09-04-2011 02:04 AM
هذا ماحدث في منطقة الاقرن!!	محروم.كوم	منتدى أخبار المواقع والمنتديات العربية والأجنبية	0	01-02-2010 11:30 PM
صور ماجدة الرومي في العراب	+[ ملاك الحسن ]+	صور فنانين و فنانات	11	12-15-2008 03:28 AM