مشكله وانحلت فكسار 98 لإفادة إخواني

محروم.كوم · #1 08-03-2013, 05:30 AM

السلام عليكم ورحمة الله وبركاته ...... هذا الموضوع من باب مشاركة الإخوان في بعض مشاكل السيارات وحلولها عن تجربه واكرر ( عن تجربه ) لربما تعرض أو سيتعرض لها أحدهم . المشكلة اللي صارت معي يا إخوان صوت بالبكرات مثل صوت غايش المكيف ولكن الصوت أخف شوي ولكن ملحووووظ ومزعج . طبعا الموضوع صار من غير سابق إنذار . اللي حصل إيش ؟؟؟؟ وهذا اللي شجعني إني اكتب الموضوع . رحت يم ورشه معروفه عندنا بشغلها بالجيوب وخصوصا اللاندكروزر. قالي يااااااارجل هو 8 سلندر صح ؟؟؟ قلت إيه قال عااااااااااادي طبيعي هالصوت . قلت يبن الحلال اي طبيعي ؟؟؟ الموتر له معي وقت مافيه إلا العافية . قال هذا الصوت من البكرات بس احتمال نفك البكراااااااااات كلها ونوصل لصدر المكينة ومايروح الصوت . هو كأنه يقول لحد يلعب عليك ويسوي فاهم هذا صوت طبيعي . أنا للأمانة مارتحت للصوت وكلام راعي الورشة ماقتنعت فيه . قلت يبن الحلال أخاف ينقطع غايش ولاشي وتروح علي المكينة قصدي خراب بسيط يجر خراب أكبر منه . قالي موترك مافيه إلا العافية ولكن احتياااااااااااااااط احتياااااااااط روح لمحل مكيفات خله يشيك على توماتيك الكمبريسر . المهم رحت لكهربائي وقلت له صوت وكذا والله ياجماعه ما اخذ دقيقتين. جاب هوز صغير وحطه على البكرات وعرررررررف العله . وحده من البكرات في قلبها (بوبرنق) صغير مثل الهلل هذا مجيم ما يتحرك ويفتر مع البكره والغايش غصب ويطلع هالصوت اللي أنا اسمعه .... طبعا هو فك البكره وطلع البوبرنق هذا الخربان وجبت واحد جديد بدينار يعني تقريبا 13 ريال وركبه لي واحلاااااااااا من احلاااااااااا حلاوه .... طبعا سوالي شغلات ثانيه مثل تبديل هوز المكيف اللي فوق الرديتر مع تعبئة غاز وطلب مني 20 دينار حوالي 250 ريال بس وانتهت القصه وحبيت انقلها لإخواني للإستفادة من الموضوع وشكرا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عالطاير بخصوص أرقام دو المميزة (شاركنا الراي اذا سمحت لإفادة الجميع)	محروم.كوم	منتدى أخبار المواقع والمنتديات العربية والأجنبية	0	03-08-2013 10:30 AM
مشكله في جير فكسار بعد فصل الدفع الرباعي المستمر	محروم.كوم	منتدى أخبار المواقع والمنتديات العربية والأجنبية	0	02-04-2013 03:20 AM
يا إخواني ( طلب )	محروم.كوم	منتدى أخبار المواقع والمنتديات العربية والأجنبية	0	11-08-2011 01:40 PM
\|\|شاح فڪري شۈح سياره وانجلب بـﮯ سبع جلباتـﮯ..\|\|	›• غَنٍجَ اڷشاُمً ‹•	المسنجر وملحقاته , توبيكات , ماسنجر بلس , msn	14	12-29-2010 09:04 PM
مشكلة وانحلت الحمدلله	محروم.كوم	منتدى أخبار المواقع والمنتديات العربية والأجنبية	0	03-19-2010 06:30 AM