| ||||||
 |
| | LinkBack | أدوات الموضوع | انواع عرض الموضوع |
| |
|
#1
08-28-2013, 08:12 AM
| |||
| |||
 البارت ال25... . . . . . بلاني و خلاني ف حبه أعاني* . . . . . . علي منصصدم : كييييف ؟؟؟ الدكتوره : الطفله روضه علي .. توفت .. علي تنهد : مشكوره دكتوره ... مشت بتعطيه ظهرها .. علي : و العنود ؟ الدكتوره : تعورت بس مش كتيير مجرد جروح بسيطه ؤ رضضه في رجلها ..... تقدر تخش عندها ... علي : بس رضه ؟ الدكتوره : ايوا ... علي : خلاص بدخل عندها ... دخل علي الغرفه و انا طالعته ب عيون متروسه دمـوووع ... انا : ماتت صح ؟ علي تقرب مني و لوى عليه : صح ... انا : علي انا آسسفه .. علي : حبيبي ليش تتأسفين ؟ انا صحت شرات اليهال : كنت تتمنى هالياهل .... بس انا ب ايدي جتلته ... علي : حبيبي شو هالكلام ؟ انتي تخرطفتي و طحتي ...... مب ع كيفج ذبحتيها .. انا نزلت راسي و صحت .. علي رفع راسي ب ايدينه الثنتين و حب خدي : العمر جدامنا و بتييبين غير روضه .. انا : آسسفه علي انا ما بقدر اييب لك ياهل ثاني ... علي استغرب : ليش ؟ آنا : بالغصب يبت روضه و تبغيني اييب لك بيبي ثاني ؟؟ علي : هيه ليش لاااء ؟ انا : علي انا بعدني صغيره .... و توك تقول العمر جدامنا ...... علي وقف ... انا : علي أسمعني .... علي زاعج : بببسسسس سكتتتي ماااباا اسسمممع شييي!! انا : اختار يا انا يااا الياهل ..... علي سكت و عقب تفكير قال : اخترتج انتي لكن بتزوج عليج و بييب ياهل ... انا ب صدمه : بتزوج عليه ؟؟؟؟ علي : هيه .... اذا ما يبتي لي ياااهل ...... بعرررس .. انا : علي انته شو تقول ؟ تهددني ؟ انا محتايه وقفتك ويايه الحين .... بس تقول لي انك بتعرس عليه ؟ مينون انت ؟؟؟ خبرني انت مينووون ؟؟؟؟؟ علي : مااااا بعييد رمستيه مرتين ... و اللي سمعتيه بيصير ... انا : ما بييب لك ياااااهل و نفاااد يشششلك .. علي : برايج ... باجر الصبح بتحصليني عند حرمتيه الثانيه ... انا انصدمت ما توقعععت علي الريال اللي احبببه و سحرني ب حببه يفكر جيييه ...... يهددني !!!!! و يبغي ياخذ وحده ثانيه اذا ما يبت له ياهل ؟؟؟؟؟ علي اكيد شي فيه ولا ما بيفكر جيه ..... اكتفيت اني أحبس دموعي عسب ما تنزل و انففجر صيياااح.....انسدحت وٰ غمضت عيني .... أما علي ظهر يلس ع الكراسي اللي برا ... يفكر ... مليييون الف فكره تدور في راسه ... هو يبا ياهل عسب يورثه و يحس ب أحساس الأبوة....... صح ان العنود يابت له بيبي بس ابد ما حس ب هالإحسآس ... غمض عينه بقووووو عسب ينسى كل شي..... انا تذكرت اني يايه المستشفى عسب حمد ريـِل مريوم .. لبس شيلتي و عباتي و ظهرت جدامه بس ما التفت لي ...... ضحكت ب سخريه و سرت سألتهم عن غرفه حمد ........ خبروني و رحت هناك .... كلهم كانوا يصيحون و يوم شافوني يايه بروحي تفاجؤا ... حمدان : ليش يايه بروحج ؟ انا ب حزن : روضه ماتت ... يزوي و زايد و حامد و محمد و بانه شهقوا .. انا تنهدت : الله كريم .... "غيرت السالفه" حمد شخباره ؟ مريوم : ما نعرف عنه شي ... انا وايد زعلت على حال اختيه و سرت عندها لويت عليها ..... مريوم : امسس كان يسولف وياي و يقول لي احبببج .... "صاحت" بس راح عني ... انا : لا راح ولا شي ... ادعي له ... مريوم : الله يقومه ب السلامه .... الدكتور ظهر لهم ..... بو حمد : بشرنا ... الدكتور ابتسم : الحمدلله المريض مافيه شي ... قدرنا ننقذه .... و العمليه نجحت ... كلهم ابتسموا و أولهم مريوم تمت تصيح من الفرح ... زايد : نقدر ندخل عنده ؟ الدكتور : لااا ... بعد 24 ساعه بتستوي حالته مستقره .... يعني باجر تقدرون تدخلون عنده ..... ام حمد زغرطت و تمت تقول : الحمدلله و الشكر لله ...... انا اشهد ان الله اذا عطا عطا .... بو حمد : ارتاح فواديه الحين ... "حب راس ام حمد" الله يخليه لنا .... ام حمد : اميييين ..... مريوم صاحت بس ابتسمت و سارت عندهم ..... لوت على ام حمد ..... و حبت راس بو حمد و حبت ايده ..... بو حمد : ليش تصيحين غناتي ؟ مريوم أبتسمت : مستانسه عمي .... بو حمد : ان شاء الله دوم ... انا طالعتهم و كلهم مستانسين الا انا .... تنهدت ب حزن و دمعت عيني ..... عليي كيف يقدر ياخذ وحده عليه ؟ و يغصبني على شي ما أريده ... مابا اييب عيال .... خله ياخذ عليه عديله براحته ... بس عيال مابا .... بانه : حووووو عنود .. انا : هلا ؟ بانه : وين وصلتي ؟ انا : ولا مكان ... "ابتسمت ب مجامله" . . . . . . . علي سار العزبه لان يدري أنهم كلهم هناك ... سلم عليهم و يلس وياهم .... علي : ابويه ..... عمي ... انا بعرس ... ابويه : شووو ؟ تراك ماخذ بنتي .... علي : لا عميه .... بأخذ ثانيه ... ابويه : و بنتي ؟ خبرتها ؟ شو رأيها ؟ علي : موافقه عمي .... عمي سالم : بس شو اللي يخليك تآخذ ثنتين ؟ علي : العنود ما تبغي تييب لي عيال ... "تنهد" يدي : و روضه وين سارت ؟ علي غمض عينه : توفت اليوم ... ابويه : لا حول ولا قوه الا بالله ... علي : عمي انا أبا عيال من بنتك بس والله هي مب طايعه ... عسب جيه باخذ الثانيه ... بس العنود بتم حرمتيه و حبيبتي ... يدي : دام العنود راضيه محد يقدر يرمس . عمي سالم : متأكد انها مب معارضه ؟ علي : هيه .. اميه و ام علي يلسوا وياهم و خبروهم عن سالفه علي ... ام علي : خلاص عيل بخطب لك عوشه بنت اختيه .... علي : اميه انتي اللي تشوفينها زينه خطبيها ... ام علي : عوشه رزينه .... بخطبها لك .. علي : بسرعه خطبوووها ... ام علي وقفت : عيل بسير اخطبها الحين .. علي : سويي اللي تبينه ... يدي : الله يرضى عليك يا علي لا تكسر ب خاطر عنود ترا هي بعد مرتك ... علي : ان شاء الله ..... ابويه : صدقني ان تشكت لي بتطلقها .. علي تنهد : خير ان شاءالله "وقف" انا برد دبي .. عمي سالم : الله يحفظك ... علي : بتباتون هنيه ؟ ابويه : هيه .... ام علي : تحمل ع عمرك و عن السرعه .. علي حب راسها : تآمرين .. يالله مع السلامه .. . . . . . . . . . ام علي سارت بيت قوم عوشه و ام عوشه رحبت بها و ضيفتها .......... و من خبرتها وافقت طبعاً اول شي استغربت و بعدين وافقت بسسرعه عن تضيع هالـ فرصه من ايدها ... لان ام عوشه هي ام عوشه و سلامه *سلامه اللي بغت ام علي تخطبها حق علي قبل* بس سلامه ما تحب علي ... عشان جيه بتخطب عوشه ل علي لان علي ب النسبه ل عوشه هو الشخص اللي حبته من أعماق أعماق قلبها و تبغي تعيش وياه طول العمر .... ..... ام عوشه تزغرط : كولووولييش .... عوشه نزلت راسها ب حيا .. ام علي : متى تبغين العرس ؟ ام عوشه كانت بترمس بس قاطعتها عوشه : عموه شوفي ... انا مابا عرس ولا مهر .... بس اللي أباه باجر نملج و نعرس ف المحكمة ... ام علي : شكلج مستعيله على ولدنا .. عوشه أبتسمت ... ام عوشه : الله يهنيكم مع بعض ... عوشه : اميييين ..... ام علي : ان شاء الله .. يعني جي اتفقنا ؟ باجر الساعه 9 الصبح ف المحكمة .. ام عوشه : هيه اتفقنا .... ام علي : ما بنحصل حد اخير من عوشه ل علي ..... ام عوشه : ليش بلاه علي؟ ليش يبغي ياخذ الثانيه ؟ ام علي : شقولج ياختي .... عايفنها ما يبغيها حرمته الاوليه ... ام عوشه استانست : عيل خل يطلقها ..... ام علي : بيطلقها جريب ان شاء الله ..... و صدقيني علي بيستانس على عوشه لانه تحبه و هو بيحبها .. عوشه : انا أباه يستاانس .. بعد سوالف الحش و القيل و القال ..... ام علي استسمحت ردت بيتها و خبرت علي عن عوشه و البنت ماشي أحسن عنها و باجر بيعرسسون ف المحكمه استانس علي واايد .. لان الهدف من خطته .... ياخذ حرمه عسب عنود تغار و تدلعه شرات قبل و بعد يبغي بيبي .... من تييب له الياهل بيطلقها .......... .. . . . . . . . ردينا البيت و كل حد مضايج ..... بس مريوم مستانسه لان حبيبها الله عطاه عمر و ما بياخذه عنها .... مريوم : شرايكم اليوم نسوي قيرلز بارتي *girl's party* ؟ انا : اوكيه .... ميره : انا موافقه .... مريوم طالعت يزوي : انزين بس الاكل ع حسابي ... قوموا بنسير الجمعيه ... أنا : منو بيودينا ؟ ميره : برمس سعود ... مريوم ابتسمت : سعوووود ... ميره : ههههه جب ..."اتصلت له" هلا حبيبي .... سعيد : هلا قلبي ... ميره : مشغول ؟ سعيد : لا .... بس يالس العب ورقه ويا إخوانج و محمد و حامد .. ميره : زين عيل أباك توديني الجمعيه ... سعيد : ان شاء الله من عيوني ... ميره : و بنات عمي ويايه ... سعيد : اوكيه يالله تجهزوا من تخلصون دقيلي رنه ..... ميره : اوكيه .... باي .. سعيد : باي ..."بند" محمد غمز له : أسمعك تدلع و تقول حبيبي ... حمدان : خله يتغزل ف حرمته .. سعيد : اذا ما تغزلت ف حرمتي أتغزل ف منو ؟ حامد : تغزل فيني ... سعيد : امممف عليك ماعندي انا هالمنكر .. زايد : اصلا انتوا شدراكم ف الرومنسيه .. محمد : انت عرس اول و عقب ارمس عن الرومنسيه .. زايد فر عليه المخده : بعرس جريب ... محمد : هههههههه ... سعيد : يالله لعبوا و فكووني ... حمدان : عيل علي وين ؟ زايد : ما يندرى به هذا ... حامد خطر ف باله يوم شاف منى ظاهره من عند علي : تلقونه مواعد وحده شقرا .. سعيد : جيه حرمته وين ؟ محمد : حرمته موجوده و يحبها و تحبه ... و حامد خل عنك هالرمسه ... حمدان : صدقت وانا اخوك .. اتصلت ميره ف سعيد و قالت له يظهر ... ركبنا سيارته و سرنا الجمعيه ... انا : شحالك سعيد ؟ سعيد : الحمدلله ..... شحالج آنتي ... انا : بخير ربي يعافيك .. يزوي : عاد السموحه النسيب تعبناك ويانا .. سعيد : حشى لا تعب ولا شي .... يزوي ابتسمت : تسلم .. سعيد ابتسم .. و وصلنا الجمعيه ..... ساروا يأخذون اككل و انا و ميروه سرنا بيتزا هت ..... لانه حذال الجمعيه ..... خذنا بيتزا و كانوا شي رياييل يطالعونا .... الريال ال1 : وااااايه قلبي ....... انا : ميره خليه يستعيل .... ميره : انزين الحين بيخلص صبري عليه شوي .. انا : احس انه مشكله عوده بتستوي .. ميره : خل عنج ... ما بيستوي الا اللي ربج كاتبنه .. انا تنهدت و حسيت ب ايد تسحبني ... علي : طالعه بدون شوري ؟ انا : طالعه ويا بنات عمي ... علي : لا والله ؟ انا : هيه صدق والله .. علي طالع ميره : خبريهم انها ردت وياي .. ميره هزت راسها .... زخ ايدي بقوو و مشى .. انا : فجج ايددي عورتني ..... مب سايره وياااك مكان .... علي : مب ع كيييفففج .... انا : علي اكرهك ...... شو تبا مني .... خلاص لوعت ب جبدي .... خلني استانس شوي ..... علي ركبني سيارته الG55 و سكر الباب بقوو .. انا : علي أنت ما تفهم ؟؟؟؟ خلني ف حالي خلاص .... علي يسوق ب سرعه جنونيه .... انا : وقف السياره بنزل .... وووووقف .... علي ما رمس و انا سكتت لأن خلاص لاعت جبدي من أسلوبه ويايه .... وصلنا البيت و سيده رحت بيت ابويه .... و علي لحقني .. انا : شوووو تبااا مني ؟؟ علي : مب انتي حرمتي ؟ انا : علي خلصني قول شو تبا ؟ علي : اباج انتي .. انا : وأنااا ما اباك ... مليت منك ... عفتك .... علي : مب من قلبج والله .. انا : برأيك لا تصدق لكني مقتعنه باللي اسويه ... و مالك خص ف حيآآتي ... دامك بتآخذ وحده ثانيه عليه مااالك حااايه فيييني .. علي : باخذ ثانيه .. و باجر بعرس .. اميه تقول انها غرشوب .. انا : غرشوب ولا مب غرشوب ..... أذلف عن ويههي ... *****من صوب ثاني***** يزوي : وين عنود ؟ ميره : سارت ويا علي ... مريوم : ها علي يطلع من تحت الارض شوو ؟ كيف عرف انها ويانا ؟ ميره : مادري ... بس شكله مععصب .... مريوم : يووولي .... يزوي دفعت الحساب و ردوا البيت .. سعيد : شكلكم خميتوا السووق كله ... مريوم : افا عليك .. سعيد : بالعافيه ... ميره : الله يعافيك ... سعيد : تريوا شوي لين ما نوصل ... لا تاكلون ف السياره ...... يزوي : انزين ... ميروه طلعت من جيسها مالتيزرز و ريدبول و جالكسي : ها حقك ... سعيد : حبيبي ... خذيه انتي .. ميره : لا انا خذيت لي .. سعيد ابتسم و حب ايدها : مشكوره .... ميره ابتسمت ... يزوي : تراه ب فلوووسي هااه ... مريوم : اييه عن الزط .. سعيد : يالله نزلوا ... و شلو قشكم .. مريوم : مشكور سعيد .... سعيد ابتسم : العفوو ... نزلوا بس تمت ميره وياه ... سعيد ابتسم لها : قلبي ما يطاوعني اخليج ترقدين وياهم .. ميره : الا ليله .. سعيد : حتى لو ... "مسك ايدينها" بشتاق لج ... ميره ابتسمت : انا بعد .... سعيد حب خدها و نزلوا .... مريم و البنات ساروا بيتنا و سمعوني ازاعج .. مريوم : شو فيكم ؟؟ ليش تضاربون ؟ انا شليت ب عمري و سرت حجره مريوم ..... فصخت عباتي و اناااا كارهه عمري .... علي لوع جبدي .... خلاص كرهته ... بياخذ الثانيه برايه ع كيفه بس مب ييلس يتأمر ع راسي .. يزوي : بلاه شو مسولج ؟ انا : بيعرس عليه .. ميره : خبل هذا ؟ ليش يعرس عليج ؟ انا : يبا عيال و انا قلت له ما بييب لك عيال .. مريوم : عنود انتي خبله ؟ حد يقول حق ريله جيه ؟ انا : مريوم بعدني صغيره و العمر كله جدامي .... و بحمل بس عقب ... تراني يبت له روضه "ب حزن" بس روضه توفت .... ميره لوت عليه : حبيبتي انتي ماعليج منه ... صدقيني بيحن لج و بيشتاق .. انا : أكرهه ميروه اكرررهه ... ميره : صدقيني اللي يحب عمره ما يكره .. انا : انزين خلونا نغير هالجو الكئيب .... بسير اييب مسجل .. مريوم : اوكيه ... بدلي ثيابج بعد ... انا : انزين .. سرت حجرتي و شفته يالس يشوف تلفزيون ... ظهرت المسجل .. و سرت اتسبح ... لبست لي بجامه قطن .... فيها حمالات و البنطلون وايد قصيير لين فوق الركب .. حطيت ع جسمي لوشن مال الأطفال و تعطرت ... بطلت شعري و ظهرت .... علي من شافني ما رام يخوز عينه عني ....... شليت المسجل بس لانه ثجيل طحت ... و عورني مكان الرضه .. يلست ع الارض و شليت الدوا دهنت ريلي وين يعورني ....... علي يا عندي و شل المسجل و قال : شو تبون به المسجل فليل .. مب زين ... انا : مالك خص .... "وقفت و شليت المسجل و سرت غرفه مريوم" يزوي : الله الله .. شو هالزييين ... انا ابتسمت و حطيت المسجل ع الارض : ثجيل يخرب بيته .... مريوم : انا بشغله ... بس سيري انتي و ميروه ييبوا صحون .. انا : انزين لا تظهرون جيه ... "لأنهم لابسين بجامه نفس مالتي" ترا علي موجود ف غرفتي ... ميروه : اوكيه ... لبست ميروه شيله صلاه ... لانها طويله ... و نزلت ويايه تحت ... حصلت علي يالس يتعشى .... يأكل كورن فليكس ... ميره : يوعان ولد عمي ؟ علي ابتسم : هيه ... ميره : افا عليك .... اصبر شوي بسير اييب لك بيتزا ... علي : لا والـلـ .. ميره قاطعته : لا تحلف ... بسير اييب .. "سارت" انا ظهرت صحون من الكبت و تفآجأت به يلوي عليه من ورا ... آنا : اممم ... علي .. علي غمض عينه و حط راسه ع جتفي : آمري يا روح علي .. انا تجدمت : خوز .. علي : لين متى يعني بتصديني ؟ انا سكت و شليت الصحون .... علي تقرب مني لين ما لصقت ف يدار المطبخ : ياخي علي خوز عن دربي ... علي قرب ويهه : مابا ... انا صديت : قوم ولا بكسر هالصحون ع راسك .. علي حب رقبتي : مابا .. انا دزيته : علي انت مب ياهل .. ميره يت و حطت كرتون بيتزا و عصير جدامه : تفضل .. علي : مشكوره ميره ... ما تقصرين ... و هيه صح مبروك ع البيبي ... انا فجيت حلجي : ميروه حامل ؟ ميره ابتسمت : هيه .. انا لويت عليها و ضحكت : ههههه مبروك حبيبتي ... علي ب حزن : عقبالنا .... انا شليت الصحون و سرت ... ميره : ماعليه ولد عمي تحملها شوي .. علي : متحملنها بس شو آسوي ... تقول انها كرهتني ... ميره : لا صدقني اللي يحب مستحيل يكره .. هي زعلانه الحين .... بس حاول تراضيها .. علي : بحاول ... "ابتسم" مشكوره مره ثانيه .. ميره : ماله داعي تشكرني ... بس اللي إباه منك شي واحد ... علي : اللي هو ؟ ميره : عنود ضايعه بدونك .. يبين هالشي ف عيونها ... صح انها تقولك كلام يغث بس صدقني محد يحبك كثرها ... علي : ميره والله انتي عسل ع القلب ... فديتج والله ... ميره ابتسمت : هههه لا تتفداني عيب .. علي ابتسم : بالغلط .. ميره : لا تنسى اللي قلته .. علي : ان شاء الله .. سارت و علي اثر كلام ميره فيه ... و بيحاول قد ما يقدر يراضي حرمته ...... مريوم : وينج طولتي ؟ ميره : يلست اسولف ويا علي ... انا : شو قالج ؟ ميره : سر .. تمينا نآكل لين م ظهرت اغنيه : عل و عسى بس ما نسى موعد لقانا ذا المسى .. ميزة حبيبي لو وعد ما يخلف ب وعده ابد .. صادق ب إحساسه معي حتى ولو قلبه قسسى ... انا استانست و قمت ارقص .... ارتبشوا البنات و تخبلوا شوي .. يوم تعبت قلت لهم بسير اشرب ماي ... سرت اشرب ماي من تحت بس شفت علي راقد حاط ايده ع الطاوله وراقد ... ما هان عليه و وعيته .... بس ما طاع ينش .... شربت ماي ... و زخيت جتفه بقومه بس مارمت لانه معظل . . حاولت وياه لين ما فتح عينه ... انا : علي نش ... علي ما رد عليه لأنه فيه رقاد .. انا حطيت ايده ورا راسي بس زخ خصري.... بلعت ريجي و حاولت أقومه ..... ركبت وياه الدري .... كنت بطيح بس الله ستر.. دخلت الغرفه و يلسته ع الشبريه .....حاولت اخليه ينسدح بس ما رمت .... حركت ايدي جدام ويهه عسب اعرف اذا واعي ولا لاء و طلع مسكين راقد ..... دزيته بقوو و طاح ع الشبريه ..... حطيت صبعي على شفايفه و تقربت منه لين ما بست شفايفه ببطئ و قلت : تصبح على خير ..... "همست له" احبك ...... رديت راسي ع ورا بس سحبني وياه و حط راسي فوق صدره ... انا شهقت : انت واعي ؟ علي ابتسم : هيه .. انا تفشلت و خدودي حممرن خزت عنه : بسير عند مريوم .... علي بـ حزن : لا تسيرين .... انا ابا ايلس وياه بس إباه يلغي فكره العرس من راسه ...... ماعرفت شو اسوي ... علي : ها شو قلتي ؟ انا : بعدك ما غيرت رايك ؟ علي : رايي ف شو ؟ انا نزلت راسي : العرس ... علي : لا ما غيرت رايي باجر الساعه 9 بعرس ..... انا وقفت و قلت : بسير عندهم .. سكرت الباب و تساندت عليه من برا تنهدت من الخاااطر يوم طرت فكره عرسه في بالي ...... غمضت عيني و صحت ....... ليش يتعمد يسوي فيني جيه .... الشي مب غصب .... اففففففف ... سرت عند البنات و تمينا نسولف لين ما رقدنا .. . . . . . . . . ف كوفي من كوفيهات دبي موول ... الساعه 11 ونص ....... منى : شو تطلبين ؟ عوشه : مب يايه عشان اشرب شي ... يايه عشان اعرف سالفتج ....... منى : اوكيه .... عوشه : ما بترمسين ؟ منى أبتسمت ب خبث : سمعت انج بتعرسين .. عوشه توترت لانها ما تعرف منو هاي ؟؟ و ناويه ع شوو .. منى : لا تخافين انا بساعدج عشان تكسبين قلبه ... عوشه : ليش انتي تعرفين منو باخذ؟ منى ابتسمت : وهل يخفى القمر ؟ عوشه : زين والله شكلها كل العلوم عندج .. منى : هيه عندي كل العلوم ... بعد فتره صمت ... منى : سمعيني ... انتي تبين علي يحبج صح ؟ عوشه وقفت : تبين تسوين له عمل ولا سحر ولا شي .. انا ما عندي هالسوالف و نيتي صافيه .... احب علي مب معناته ابغي أخرب حياته ....... منى : ايووواا الحين فهمت .....لا تيين عندي و تقولين علي ضاع من اييدي .. عوشه شلت شنطتها : صدقيني اذا استوا شي ل علي لا تلوومين الا نفسج ....... لأني احب علي اكثر عن نفسي و الحمدلله انا متربيه و مب ناويه ع شي خبيث ...."سارت عن منى بدون ما تعطيها فرصه عسب ترمس ..... حست انها سوت الشي الصح" منى فكره يت ف راسها و قالت ب عصبيه : والله لروايها .. .. اثنينتهم هي وعلي . . ان ما حرقتهم ب قااز ما أكون انا المني . . و بنشووووف يا انا يااااا "ب استهزاء" عوشه . . . . . . . . . __DEFINE_LIKE_SHARE__  |
|
08-28-2013, 10:49 AM
| رقم المشاركة : [ 2 ] | |
| عضو فعال  | البارت واايد كيووت و هااااي منى نعم؟ لوين ناويه توصل؟؟؟؟؟ خاطري أكفخها و علي قهرنيي الصرااحهه...حراام ليشش يعذب العنوود؟؟؟<<<كرهتهه حتى عوشهه مسكيينهه ليش يبااها تييب له يااهل و يطلقهاا؟؟<<< تظل أم و ليش تذبحيينيي  ؟؟؟؟ الله يرحمني ههههههههه خخخخ أحس واايد تفلسفت و لا تطوليين متحمسه __DEFINE_LIKE_SHARE__ | |
| ||
| |
|
08-28-2013, 03:10 PM
| رقم المشاركة : [ 3 ] | |||||||||||||||||||||
| عضو جديد  |
. تسلمين بعد قلبي والله<3 ردج الكيوت *-* ان شاء اللہ ما بطول 
__DEFINE_LIKE_SHARE__
| |||||||||||||||||||||
|
| ||||||||||||||||||||||
| | ||||||||||||||||||||||
|
08-28-2013, 12:22 PM
| رقم المشاركة : [ 4 ] |
| عضو جديد | البارت ططرر حراااام روضه ماتت 😭 وعلي يقهههر يتريا انزين مب لازم ياخذ عوشه وعقب يطلقها عسب ياهل 😔 ونتريا البارت الياي __DEFINE_LIKE_SHARE__ |
|
| |
| |
|
08-28-2013, 03:14 PM
| رقم المشاركة : [ 5 ] | |||||||||||||||||||||
| عضو جديد |
. هههههه فديتج والله =$ راسسه يابس شو نسوي له ☹؟ ما بطول غناتي... . . __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عٰعِرُوٰضْنٌاٰتٌبـِدّابعّدِ ثًلٰاّثّةٍ اِسٌاٍبٍٍٰبٍيُعّْ آًنًتٌظٍرُطٌلِبٍـَتٍكُمٍ | محروم.كوم | منتدى أخبار المواقع والمنتديات العربية والأجنبية | 0 | 05-19-2012 01:20 PM |
| ❤ شِٰفْتْ آڷسِٰعآدهْ « يۋمٰ عينـِي |[ شِٰآفْتڪ ]| | ششوآققه غغير ! | الأناقة والجمال والموضه والطفل | 13 | 04-28-2012 10:38 PM |
| مُّطٰـلوُبَ فٰرْخ حَّـرٰ اشَّٰـقْـر صٰـافِي الرٰاسّٰ بٰسّٰعَـر مٰعْقُـوُل | محروم.كوم | منتدى أخبار المواقع والمنتديات العربية والأجنبية | 0 | 03-27-2012 01:20 PM |
| قولوا مبروٰوٰوٰوٰوٰوٰگ ~ | غرور الحميري | الإستراحه العامة | 6 | 12-12-2011 01:22 AM |
| يا موتري ريحتك القيض كله ٰٰٰ ٰٰٰ [عدستي] | محروم.كوم | منتدى أخبار المواقع والمنتديات العربية والأجنبية | 0 | 10-15-2011 05:10 PM |
الساعة الآن 11:18 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227