سالفة:سليم البدعه..قوافي

محروم.كوم · #1 07-12-2013, 02:00 PM

مشرفينا الافاضل

اخواني اخواتي زوارنا

السلام عليكم ورحمة الله وبركاته

حياكم الله جميعاً

الام مهما كان من ابنائها لا تستطيع ان تدعي عليهم وان تمكن منها غضب فأنها سريعاً ما تستدرك نفسها وتستغفر ربها فالدنيا كلها كوم والابناء كوم آخر ..

ام سليم بُليت بسليم لا يسمع ولا يوحي على ما قالو..

ان قالت يمين قال شمال وان زعلت جا يراضيها بس وش عقبه يحمقها لين تنهبل منه،، وبيوم حمقها و دعت وقالت رح قل آمين( جعلك تشوف اشكال وعجايب خلق ربي بكل ما على الارض)،،تقصد اشكال واختلاف ما على الارض من انسان وحيوان وطير وشجر ..

سليم زعل وراها تدعي عليه مافهم وش تقصد ،، وطلع للبر عند عمه وعمه كثير عيال ولين واحد من البزران بعمر 8 سنين يحب تجميع الضبان ،،وصل سليم ونام ويوم فتح عيونه ولين الدنيا حول مغرب وما يشوف زين والذاكره منتهيه مع النوم نسى انه بخيام عمه ولا هاللي جمب جبهته صامد مثل الصنم وناضر رفع عيونه بيشوف ولا خشت الضب بوجهه وينقز من مكانه ويركض برا الخيمه موب مستوعب من ثقل الراس وش اللي حوله ويقول:

استغفر الله استغفر الله

الله يهديتس يمه يارب استغفرك ،،يمه،،يمه،، وصاح يوم انتبه اسكت واتسوعب وش يسوي وقعد يضحك لين وصلت خشتُه لكشتُه،،

يحكي لأمه عقب مارجع ويطلب السماح منها وانه ما عاد بيزعلها او يضايقها ،،ويقول انه كان صادق يوم يقول انه ناسي انها تبيه يجي يوديها مشوار وبين الصاحي والنايم توقع انه صار ضب بجحر الضبان..

تحياتي وتقديري واحترامي

..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:سليم البدعه..قوافي	محروم.كوم	منتدى أخبار المواقع والمنتديات العربية والأجنبية	0	07-09-2013 07:30 PM
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة: ارض العمالقه..قوافي	محروم.كوم	منتدى أخبار المواقع والمنتديات العربية والأجنبية	0	02-04-2012 01:40 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM