سالفة:صيد على الكيف..قوافي

محروم.كوم · #1 07-04-2013, 09:40 PM

حياكم الله مشرفينا الكرام
هلا ومرحبا بكم اخواني واخواتي المكشاتيه
أنورت بحضوركم زوارنا
بعد بحث مطول بشنطة القرابيع ،،لقيت شي بدرج الشنطه وطلعته ..
وش لقيت؟؟؟
لقيت بقايا حادث من 37 سنه مرت كنها أمس..
جـــــــبـــــــره
جبره منطقه بريه و تقع على خط الخرج قريب من هيت على ما أذكر ..
ميزته مكان مليان باشجار وما أدري وشي هي طلاح ولا أثل ولا شي ثاني العلم عند الله لأني ما أذكر بذاك المكان غير سابقه مع سبق الأصرار والترصد..
كنا نطلع رحله بريه من يوم واحد ومن بعد صلاة الفجر وحنا هناك والمسئول عن الرحله عم الوالده الله يعطيه الصحه والعافيه ..
ننتشر ساعة مانوصل اللي معه نبيطه يصيد ورق الاشجار واللي معه صتمه يصيد دخل وكانت الاشجار مليانه سبحان الله مدري وين راحت الحين..
عمي الله يهديه حاااااار وما يعرف يحتسي بافمه كلش باليد ،، وبصراحه انا ماتعودت لا من ابوي ولا أمي الله يعزهم بعزه ويحفظهم ويطول عمرهم ربي اني انظرب..
معي انا واخوي صتمه نصيد اللي نلاقيه ان شاء الله جراده مايعوق ومعنا صفن والصفن هذا مثل الشنطه مصنوع من شراع يستعملونه بتجميع كل ما يصاد فيه ..
قال :قوافي وانت يافلان ويافلان يعاني اخوي وولد عمتي تعالو عطوني الصتم (الرصاص ) اللي معكم بدل ماتلعبون به ،،نسيت رصاصي بالبيت..
قال اخوي انا بعطيك نص صتمي وقوافي تعطيك نص
ما أمدانا نحط ايدينا بجراب الرصاص إلا والكف على الوجه ..
اخذهن وقعد يطخطخ بصتمنا ويوم تعب حط صتمته ورصاصنا حدر شجره يطبخ جمبه غدانا حيث انه هو الامير ومشخص على البزارين والحريم..
تغافلته واخذت البندق وحطيت به رصاصه وبسم الله وعلى عمي و
طرررررررخ
جدعت البندق وركبت السياره اشوف وش صار وعمي يتلوى بالارض وماسكٍ فخذه ويصيح مثل البزران انا خفت ولا تكلمت ولا احد قال شفت قوافي او غيره ،، ويالله ساق لين نزلنا الرياض وعلى المستشفى ومرت على خير وطلعو الصتمه من رجل عمي وانا ولا كأني سويت شي وكان ودي اعبر عن فرحتي اني صيحته وراحت السالفه مجهولة الهويه ما يدرون للحين من اللي طخ عمي البنادق واجد والبزران واجد وكلن يصيد وانا صدت عمي..
تحياتي وتقديري واحترامي للجميع
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة :البشاره..قوافي	محروم.كوم	منتدى أخبار المواقع والمنتديات العربية والأجنبية	0	01-25-2013 04:50 AM
سالفة:من خاف سلم..قوافي	محروم.كوم	منتدى أخبار المواقع والمنتديات العربية والأجنبية	0	01-20-2013 01:40 AM
سالفة:رسب ثمن سقط..قوافي	محروم.كوم	منتدى أخبار المواقع والمنتديات العربية والأجنبية	0	07-07-2012 01:20 AM
سالفة: ولد العم..قوافي	محروم.كوم	منتدى أخبار المواقع والمنتديات العربية والأجنبية	0	03-31-2012 11:40 PM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM