|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله ايها الاحبه الكرام في منتدى مكشات العزيز اقدم لكم نبذه عن الطير الاعجوبه ذو الذكاء النادر وهي عن الطير المعروف ((( الديش ))) وهو طير الصقار والشاعر الكبيروالمعروف شبيب بن جعيلان الدقباسي رحمة الله عليه سوف اذكر ماشاهدته وسمعته كذلك من رجال ثقات قد شاهدو الديش في مقانيصهم مع العم شبيب بن جعيلان الدقباسي ، (((ماشاهدته))) كان العم شبيب رحمة الله عليه حينما نصبح في المقناص وحنا نتقهوى يضع الديش فوق كرسي الهاف مفكوكه سبوقه ومشيول برقعه والهاف يشتغل والديش يتطلع ولا ينزل على طير يعلف عندوكره وحتى الحبارا او اللوح لو تقطه له تحت السياره ما نزل ومع ذلك هو يشوف كثير من الحباري والارانب على غبق السيارات مشروره اخواني دقايق ولا الديش طالع وهله حركو وراه وشوي وهم جايبين حبارا او اكثر وكذلك مرات يحوم ولا ينزل براحه فيخليه راعيه ويقنص شوي ثم يغدي ويحط وكره ويحط بادية ماء عند الوكر واذا شبع من الكر والحوم نزل عليهم عند وكره وهاذى من مشاهدات بعض الربع وهم اهلً للثقه وكذلك مماسمعته انه اذا تلب حباري وطولن ما نزلن انه يخر من فوق ويمسك الارض ويروح الى اقرب رجم او ضلع يوقع عليه ويراقب الحباري ويطير مره ثانيه ويوقع واذا تأكد انهن وقعن طار وارتفع فوق وروح لين يجي فوقهن حول عليهن اما دك منهن شئ او ضايف لين يوصلون اهله وداروهن وصادو الىي صادو وراح الي راح الديش طير مجهم عادي من الطيور ارقط وافي ومجمله فعايله وطبوعه النادره وهو غالي عند راعيه وحينما ضاع الديش كان عمره سادس او سابع عند راعيه وقال فيه قصيده من اروع القصائد في ضياع الطير الله يرحم العم شبيب بن جعيلان الدقباسي ويسكنه الجنه ويقول فيها يابوسعود الطير لو قلت هداد .............ماهو مونّس خاطري في هداده لو قلت لي فرحان يطلع وصياد ..............ما لي بغير الديش شفٍ و راده وجدي على اللي ضاع بحدود بغداد ..............حول الجريبة في هذيك الحماده مع ايسر الساعة وغريبها غاد .................والا هداني حروته واعتماده طلعه طيار وراح يتلب وطراد ...........وجول الحباري منه جت به شراده واقفت معاشير الحباري وشراد ............مصقره قدمه وجاهن زياده واحمد يقول الطير ماهو بالاوجاد ... .,,,,,,...اتلى العهد به صار كبر الجراده كثر الصياح وشوحت اللوح ما فاد .............محتاج واقفى الديش طول عناده دورت بالحروه ونشدت الاجواد ..............وراح التعب كله على غير فاده ومعنا تدور كل ذربين الاولاد ....................كل مبدي قدرته واجتهاده ياعل يومٍ ضيع الديش ما عاد .................يا وسع والله فرجته وابتعاده ابيه لا من صار من بيننا عناد .........لو هو على الشرهين يعطي الشهاده بينالنشامى ما اظهر الصوت وجهاد ..................والصيد ونسه والمعاند اقناده ياما حبسنا طيورهم جمع وافراد ....,,.....,,....راكد وعند الطلع ما به ركاده ماهو كذوبٍ في طلوعه وصداد ,,,,........,,,شرٍ علىالخرب المصودع عفاده لاصار وزنه طير ذوقه الانكاد ...................راعيه حول ضيقته في فؤاده متعومسٍ يطلب من الربع الانجاد ...................يقول جاه بطلع طيري براده .ولا صار به تسجيل في زودالاعداد ..................دايم بفرز الصيد يكثرعداده متنومسٍ بالديش ماني بنشاد ...................مثل الزعيم اللي ثبت بالقياده ماخاطري عقبه على الصيد منقاد ..............ولا لي على المقناص صبر وجلاده لولاالجماعه قلت يالربع معواد ........................كل يعود يم يمة بلاده ياعلماجانا عن الصيد لداد ,,,,,,,,,,,,,,,,,,يالله عساماهو الطام وقراده سهيللحق الديش يوم الهوى زاد ...............واللي عيونهصادت الديش صاده منبينهم ساعة مضيعه بالاوكاد .................هدت خطا والله نوى في نفاده ماثبته دربيلنا يابن حماد .................والفارسيطرد الحباري مراده مناولٍ مع طلعة الشمس مداد ................ومن عقبهمرمعت درب الفهاده افرحعلى المقناص لا صرت قعاد ................غديت مثلاللي سمح من جواده قبلٍعليها كاسبٍ شقح الاذواد ...................واليومرجلي ولا به حياده والوقت لو زين لك ايام ظهاد ..................كم من عقيدٍ حوله من شداده والطير وابن ادم مرده الانفاد ,,,,,,,,,,,,,,,,,,,,الدايم الله والفنا في عباده هاذا مقناص الوالد رحمة الله عليه والعم شبيب بن جعيلان الدقباسي رحمة الله عليه والعم سعود بن ثويران المطيري والعم سعد بن هدبه وحنا اربع سيارات ومدة المقناص شهر واربع ايام وصيدنا تعدا اربعمائة حباره تقريباً غير الضبا والارانب واليكم بعض صور المقناص الديش فوق الفرت مفرع ويتطلع الوالد رحمة الله عليه يعزل الطير سحيم وانا جالس عنده
__DEFINE_LIKE_SHARE__
الوالد على يده الطير عزيز والعم شايع بن عدهان مغدى عقب مرواح الله يذكرهم بالخير وبران بن وبران وهادي بن سمير العم مطلق بن هدبه رحمة الله عليه على الزين ابو سعيد وطيره عنده دور المغدى والمعشا كل يومين على سيارتين وهذا اليوم على سيارتنا وعلى سيارة العم سعود بن ثويران وانا وعبدالله طبخ وكل شئ علي وعليه الوالد بطيحان بن قنور والعم شبيب بن جعيلان والعم سعود بن ثويران الله يرحمهم ويسكهم الجنه الله ام امين العم محمد بن شريه المطيري على يده طيره تونا مغدين العواده ابتلشو في فتح المطبقيه حقة التمر يبي يقدعون خرمانين على القهوه عقب مرواح طويل الوالد والعم شبيب ورشيد بن نويران محدثكم ينجب الغدى والعم بن شريه ووبران وعبدالله بن ثويران الوالد جارد الفرخ على ارنب وينومسه يوم علق فيها الفرخ غشام مغدين وطيرنا عند السياره مغدى والغدى حباري وارانب في الحجره ود الصحن جيب الجدر الله يذكرك بالخير يا بو سعود ويذكر هذيج الايام بالخير الوالد والعم شايع يقول ابي امقط الرجلين الوالد يعزل حباره لاحقها ومعلقها الفرخ غشام ويعزلها للهدد وقت حزة العشا وابو نابي واقف عنده الربع كاشخين والعواده متسنعين للمحدار الله يرحم الميت منهم ويديم الصحه على الحي ويذكرهم بالخير ايام لا تنسى العم سعد بن مرشد والعم سعود والعم شبيب والعم بن شريه ووبران ورشيد وهادي الكل كاشخين للمحدار الى انا وعبدالله الله يرحمك يا عم سعود ويسكنك الجنه صقار وشاعر كبير وقمة الاخلاق رحمة الله عليه ، لقد طولت عليكم تحيات اخوكم ابو فيصل |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الدفعة الثانية من الذهب السائل زيت الأركان وبدون منافس وزبدة الشيا وزبدة الكاكاو | محروم.كوم | منتدى أخبار المواقع والمنتديات العربية والأجنبية | 0 | 04-04-2013 03:30 PM |
الديش الطير الاعجوبه وقلب رجال وصور من مقناص بطيحان بن قنور وشبيب الدقباسي بن قنور | محروم.كوم | منتدى أخبار المواقع والمنتديات العربية والأجنبية | 0 | 07-07-2012 10:20 AM |
... من اصدق ماقيل في ضياع الطير ..وبن قنور يشهد بذلك !؟ ... | محروم.كوم | منتدى أخبار المواقع والمنتديات العربية والأجنبية | 0 | 07-01-2012 06:30 PM |
نسيج | في رثآء آلآب آلمجآهد..~نبذه من حياة الوالد الحنون.. من النجف ال | محروم.كوم | منتدى أخبار المواقع والمنتديات العربية والأجنبية | 0 | 12-18-2011 04:10 PM |
كراون 2011 ~~~~ فهد الدقباسي | محروم.كوم | منتدى أخبار المواقع والمنتديات العربية والأجنبية | 0 | 11-06-2011 06:00 AM |