ظاهرة خروج البنات .... للنقاش - الصفحة 5

$$ شقاوي العين $$ · 02-20-2008, 03:22 PM

والله صدقتوا يا اخواني وخواتي ...

وشي طبيعي تصير هالظاهره فيوم من الايام موووووضه ....

ولا تستبعدون ان البنت اللي محتشمه يقولون عنها متخلفهـ ...

شاكر لكم تفاعلكم و لآرائكم الطيبهـ ....

بانتظار المزيد من التفاعل .... __DEFINE_LIKE_SHARE__

نسايم كلباء · 02-20-2008, 03:42 PM

تسلم اخوي عالموضوع وانا صج فيني ضيجه من هالسالفه

وأنا مريت بهالشي >> ماعليه يمكن اطول عليكم بس شسوي تحملوني شويه

أنا من النوع اللي أحب أكون صداقات واايد من يوم ما دخلت الجامعه وتقريبا

أعرف الأغلبيهـ بس فالسنوات الاخيرة تعرفت على شلة تتكون من 5 بنات وانا

السادسه .. فيوم كنا مقررين نطلع رحله مع الجامعه كانوا منظمينها لمول الأمارات ...

رحنا .... بس --- للأسف تفاجات بربيعاتي جني أجوفهم أول مره وما عيبني اسلوبهم فالسوق كشخه عالآخر ووووو ....إلخ ..

ما حبيت اشوه سمعتي واروح معاهم خليتهم ورحت بروحي خذت اللي أبيه من المول ورحت قعدت مع المشرفه وسوالف وضحك حسيت اني استانست لاني رحت عنهم .

طعبا ً زعلن عالشي اللي سويته وانا ما همني لاني رضيت ربي وما خنت ثقة اهلي اللي أمنوني وخلوني أروح .

وبالباجر قطعت علاقتي فيهم وصار بينا سلام الله بس .

حاولت أغيرهم بس للأسف ما شي فايده اللي يتربا عـ شي صعب يغيره

ومن يومها وانا معزوله عن البنات ليما تخرجت وطلعت من الجامعه .

صج الدنيا على نهايتها والله يستر من اللي ياي

اللهم أصلح بنات وشباب المسلمين .. آمين ..

والسموحه عالإطاله بس حبيت أذكر الموقف لكم

وربي يجمعنا إن شاء الله على الخير

دمتم في ظل الرحمن

نسايم كلباء __DEFINE_LIKE_SHARE__

$$ شقاوي العين $$ · 02-20-2008, 05:50 PM

الله يوفقج اختي نسايم كلبا ...

وتشوفين كل خير ان شاء الله ...

ومشكوره ع المرور والطله الطيبه .. __DEFINE_LIKE_SHARE__

بلۈشيـۂ ™ · 02-20-2008, 08:25 PM

والله الصرآحه أشوفهآ عآدي البنت تظهر ويآربيعآتهآ المول
بس أتكون مصطلبة وتحترم عمرهآ...

لكن اتسير تتميع وضحك وسوآلف وتخون ثقة هلهآ لأ أهني أنآ ضدهآ __DEFINE_LIKE_SHARE__

miss_lonely · 02-20-2008, 08:50 PM

[align=center].. و عليكم السلام و رحمة الله و بركاته ..

الصراحة أنا أعارض فكرة أن البنات يضهرن رواحهن و بدون أم ولا أبو و لا حتى إخو .. أو بالنسبة لي مستحيل أظهر من البيت بدون عل أقل إختي الكبيرة .. بـــس طبعاّ كل وحده أو طبيعة المكان و البيئة إلي هي عايشة فيها .. أو لا تقولون أنه بنات البلاد ما يظهرن و ايحوطن رواحهن لأنه العكس .. ؟؟!!
بس أنا أبا أوصل فكرة أنه مش كل البنات نفس الشيء أو نفس الطبع .. أو بالنسبة للمكياج و اللبس ترا كل يوم يلسين ايطورون في هـ اللبس و الماركات .. أو عاد شوفو الموضة الشهر الياي ولا فـ الصيف شو بتكون .. !! أو أبا أنهي كلامي بنصيحة لكل وحدة تقرا الموضوع .. إلي ما تبا الناس يرمسون عنها لا تيب الرمسة لعمرها .. أو إذا عــ سالفة الرياييل أو أطباعهم "الريال مسماي ريال لأنه ما ايعيبه شيء" .. بس مش معناة هــ إلي يالسه أقوله أن الريال من حقه ايسوي كل شيء .. !!

~ أو نحن ما بنغير الناس و أطباعهم .. لأنه كل حد ايعرف حدوده أو كيف يلتزمها ~

.. و السموحة إذا طولت عليكم ..

تسلم .. إخويـــــــ $$ شقاوي العين $$ــــــــة عـــ الموضوع إلي يستاهل المناقشة .. [/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مواضيع ظاهرة او عدة ظواهر تنشاء و تحدث حولنا ...للنقاش	محروم.كوم	منتدى أخبار المواقع والمنتديات العربية والأجنبية	0	04-23-2010 11:40 PM
خروج النساء في المناسبات الدينية،هل هي ظاهرة سلبية ام ظاهرة ايجابية؟	محروم.كوم	منتدى أخبار المواقع والمنتديات العربية والأجنبية	0	09-07-2009 05:40 AM
البنات المسترجلات ( ظاهرة لابد القضاء عليها	محروم.كوم	منتدى أخبار المواقع والمنتديات العربية والأجنبية	0	06-17-2009 04:50 PM
·!¦[·«● إلآ غلآك أنسى من قلبي يروح لو يروح آلعمر بآقي آذكره .. Topics ●»·]¦!·	Moon_AlMuhairi	المسنجر وملحقاته , توبيكات , ماسنجر بلس , msn	31	03-29-2009 03:49 PM
موضوع للنقاش من المسئول عن انحراف البنات؟	داعمة دورية	الحوار والنقاش - الرأي والرأي الآخر	10	02-28-2008 01:07 PM