ۈش رجعگ لآيگون قلبگ يۈم حس آنہ جرحني آۈجعگ ؟

3eƏπ ɑ̠lмɑ̠ƗƗɑ̠ ♥ · 09-13-2014, 09:55 PM

آلبآرت الـ49 ..

مر الوقت سرعه .. خلصنآ آمتحآنآت , في موآد يبنآ فيهآ آلعيد وموآد الحمدآلله مشينآهآ على خير . . مريوم عقب العملية صآرت وآيد زينه حتى مآتحتآج تلبس نظآره آو شي , منآر وسيف رجعوآ الآمآرآت عقب الامتحآنآت على طول عشان يحددون متى عرسهم وجي قالو مايبون ملجه عشان منار ماتبا تكلف على سيف وآهلهآ تقبلوآ رآيهآ بآحترآم , غآية وحمدآن من هآك اليوم مآيكلمون بعض ابد وحمدآن اذا بغا ياخذ سلآمة آو يشوفها يخلي غالية تكلم غايه , آحسه للحين مآيعرف ان غآية آختآرته وبتهدنآ قريب !! كلنآ بعد آلآمتحآنآت بآسبوع وكم يوم رجعنآ الامآرآت , طبعآ خذنآ اسبوع لان كنآ نلملم اغراضنا ونحطها ف بوكسات وجي عشان لا يتكسر شي أو يخترب , عذآري سوت اللي في رآسهآ ورجعت آلآمآرآت وعقب ندمت وآيد على هالحركه لآن صار لها تقريبآ شهر وشي وهي مب شايفه حمد لآنه مآلحقهآ ووآيد آنقهر من حركتهآ وزعلآن بعد , عذآري قآمت تتعب من بطنهآ من جي مآتقدر تروح وترجع بالطيارة كل مرة ففضلت انها اتم , وطول هالمده بس اطرش له مسجات وهو مآيرد عليهآ عشان يآدبهآ على الحركه اللي سوتها , ترفة وفآرس آمورهم تمآم وطبعآ فآرس يا الامارات مع امه وفوآغي وآبوه بس عشان يشوفون فطآمي بس هو يتعلث يبا يشوف ترفة , زآد حبهم لبعض , صآروآ يشوفون الدنيآ بعيون بعض اما بعيون النآس فهي مجرد شي فآني لآ غير . . . ميثآ وعمير للحين مآصآر بينهم آي شي بس تعدل اسلوبهم مع بعض وعمير قآم يسولف عآدي مع ميثآ يعني نفس قبل , مريوم رفضت عمر وعطته هالشي في ويهه لآنهآ وآيد تخآف من الفوآرق المآدية لآنهآ من طبقة عآديه وهو من طبقة عآلية جدآ ومب من مستوآهآ ف رفضته عشان لا تسمع لها كلام جآرح فالمستقبل . . . ميثآ قآلت لعليآ آن عزوز يبآهآ على سنه الله ورسوله قالت ان هي مآتقدر تتزوج الحين ورفضته رغم آن هي كان بخآطرهآ تآخذهه كل هذآ عشان تعتني بآمهآ لآن مآعندهم حد يعتمدون عليه , غآية آحسهآ وآيد مشتآقه لحمدآن بس مآتتكلم ولآ تبرر ولآ تقول اي شي , كآنت وآيد تكتم في قلبهآ وهالكتمآن خلآهآ بين فترة وفترة وآيد تتعب وتمرض , سلآمة كآنت ويآنآ طول الفترة اللي طآفت بس سيف ومنآر خذوهآ ويآهم لآن نحن بيكون عندنا حفله وجي ومآعندنآ مكآن نودي فيه سلامة ف هم تكرموآ وشلوههآ , لطيفة ومهره ماشاء الله يعني ماشاء الله بطنهم وآيد كبرآن ولطيفة مآتم لهآ شي وتربي , خآلد وخلود علآقتهم صآرت وآيد آوكيه مع بعض , روضة قبلوهآ ف الكلية وكل شي تمآم لكن بتبدآ من الكورس آليآي يعني الكورس الثاني مع المدآرس وماشاء الله صارت طبآخه نمبر1 "لشمي" مآخلت شي مآعلمتها اياه , الله يرحم ايام ماكانت تسوي فيها الا خفايف واندومي , بشآير وسهيل وظبيه ونآصر علاقتهم الزوجيه مآنقدر نقول انها مثالية لكن قريبة من المثالية لان مهما تضاربوآ وزعلوآ من بعضهم الا آنهم يترآضون بنفس اليوم آو اليوم اللي بعدهه , يوسف تقدم لغالية من حمدآن وحمدآن شآورههآ ووآفقت وقالوآ وقت مآ حمدان وغاية وانا وذياب بنسوي حفله بسيطة بعدهآ بيوم بيسون عزيمه عوده في بيت عمي بومحمد عشان يوسف , مثآيل وعبدآلله آمورهم وآيد تمآم , آمونه حيآتي كبرت وصآرت طفسهه شوي تفل بحلجهآ ومزعجه تتحرطم ومآحد آبد يفهم لهآ شو تقول .. ظآهر متغصص وآيد من موضوع أن لطيفة بتروح عند آهلهآ بعد مآتربي يحس انه بيتم وحيد وبيحآتيهآ بس بالنهآيه اذا راحه لطيفة هنآك وعشان يساعدوننهآ بالتوآم وعفسه هو آبد مآبيرفض لان عمره مآرفض طلب للطيفة من تزوجهآ , طبعآ اليوم هو اليوم الموعود , اليوم اللي فيه برجع لذيآب والدنيآ كلهآ بتشهد لنآ بهالشي , كنت متحمسة وآيد ومرتبشه ومستحيهه , مآتخيل عقب كل اللي صار لي وله بيرجع يجمعنآ القدر من أول ويديد , آدري آن في بعض البنآت صعبه يسآمحون الاشخاص لكن يشهد الله آن قلبي منعمي عن زلآت ذيآب وآخطآءه لآني آحبه بضمير وهو لو مآيحبني جآن مآسوآ المستحيل عشان يرضيني , كنت الثقيله الصعبة اللي مآحد يوصلهآ آبببد وآلحين آنآ آلخفيفه السهله اللي من ابتسآمة من ذيآب تضيعننني وتخليني اتوتر واروح ف ستين دآهييه . . طبعآ صح بيتنآ وبيوت عمي كلهم كبآر لكن يدي رفض هالشي يعني رفض نسوي العزيمه في بيتنآ آو في بيت عمي بوخآلد ف سوينآهآ في بيت يدي عشان أنه كبير وانهم بيعزمون النآس وكل شي , كآن ذيآب كل شوي يطرش لي عذآري تطمن علي وتساعدني المسكينه حآمل بس هو نآسي شكله الموضوع , آمآ غآية كآنت وآيد حزينه , اليوم اللي المفروض تفرح فيه هي وآيد زعلآنهه ومتضايجه , آحس آنهآ بتتعب اليوم مآدري ليش . . . قبل لآ نرجع الامآرآت كنت دوم آهدد غاية بآن لآتزل جدآم آي حد ثآني , يكفي زلتها جدام يدوه ودتنا ف سوآلف مآلهآ آول ولآ تالي , غاية يوم تسوي شي غلط وآيد تحس بالذنب وتحس قلبهآ يعورههآ من جي تحب تشكي لشخص كبير يمكن عشان جي قالت ليدوه ؟ تحسبت آن يدوه بتسآمحهآ آو بتعدي لهآ الموضوع .. بس آول مرة اشوف يدوه وغاية بهالعنآد كله , مآيكلمون بعض ولا بينهم شي غير السلآم .. يدوه آحيآنآ تفر سوآلف يعني عآدي بتسولف مع الكل لكن غاية ابد ابد ابد حتى مآتبتسم , آحسهآ آن نفسيتهآ مدمرة على الاخير بسبب اللي قآعد يصير , كآنت الكوآفيرة يآيتنآ للبيت وعدلتني آنآ آول عقب راحت لغاية , بعد مآخلصت تعديل رحت ولبست الفستآن , كآن فستآنسي ابيض على الجسم مرة ومن ورى في حركه اكس بس .. ومسوين لي شعري عقص ولآمينه بطريقة جميلة لآنه وآيد طططويييل ولآ لبست طرحه , كآن مكيآجي وآيد خفيف ولون الروج وآيد هآدي .. بعد مآخلصت رحت الغرفة اللي حذالي وشفت ان غاية جاهزه بعد وان الكوآفيرة اساسا مروحهه من مسسآعه , آول مآلفت صوبي ابتسمت , كآنت جمميلة , كآن اللون الاحمر والمكياج فوق عينها الاسود محلنهآ وموسع عيونهآ آكثثر . . كآنت غاية مسويه سموكي فوق عيونهآ ومسويه روج آحمممر غآمجج ممآ آبرز جمآل ويههآ وكآن فستآنهآ سكري وفيه شغل يدوي من الاطراف , كانت مب متوترة نفسي ولا شي . .
: آحسني وآيد متوترة
غاية طآلعتني وابتسمت : الله يهنيج هنوفو " يات صوبي ويودت ايدي " ديري بالج على ذيآب ولآ تصيرين صيآححه ....إلخ
غاية قعدت تقول كلآم وآيد مؤثر والله كانها اختتتي كانها امممي حآفظتني خلاص .. يتني الصيحه , تحسسني انها بتموت جي تقعد توصيني على كل شي بهالدنيا مع انها زعلانه من يدوه الا انها وصتني عليها ..
غرغرت عيني بالدموع : غآية
غآية : ههههههه مآيصيحون يا غبيه ذياب عقب بيدعي علي
يودت ايدهآ بقوة : غاية الله يخليج لآ تعآندين يدوه لآ تستوين جي , انتي مشي وياها وكل شي بيصير مثل مآتبين
غاية سحبت ايدهآ وهي متغصصه : هنوف !
سكت وآنآ آطآلع ويههآ ونظرآتهآ كآنت تبين الرفض التآم على الكلآم اللي قلته . . .
غاية ربتت على ايدي : خلي الامور مثل مآهي .. آنتي مآبتحسين فيني الا اذا يبتي بنت لانج بتعرفين شو يعني الامومه شو ان تكون عندج بنت , يعني ونآسه يعني مسؤوليه يعني مشاعر مختلطه جي كلهآ مع بعض .. انا السبب اللي خلاني أودر الامارات هو بنتي .. يدوه مآوقفت ويآي , ورآفضه هالشي " قالت بغصه " وللحين تعتبر ان سلآمة بنت حرآمم .. هالشي وآيد مضيج بي وانا مآبسمح ابببد ان سلآمة تربى في بيت مثل هذا اذا يدوه محطيه فبالها مثل هالكلام , بآجر لا كبرت بنتي شو بتقول لها ؟ انتي بنت حرآم وبتقولها كل شي صار ؟ انتي ادري و انتي اكثر وحده فآهمتني من جي الله يخليج وقفي وياي وخليني اروح مع حمدان .. هنوف انا ماعرف حمدان ياخذ دواه ولا لا،ً، حمدان وآيد زعلآن مني مافكرتي في يوم ان هالشي بياثر على قلبه ؟ انا مابا اخلي بنتي مثل ما ابو حمدان خلا عياله وفر كل حمل التربية والعيشة على حمدان ..

نزلت راسي : يعني بتروحين ؟
غاية رفعت راسي وحضنتني بقوة : بكلمج كل يومم , واذا ماكلمتج مسججآت , وبخليج تكلمين سلآمي بعد سكككآيييب ..
حضنتها بقوة , حضنتها من الخآطر وكآني اليوم هو آخر يوم اشوف فيه غاية : آحبج وآيد , آلله يخليج لآ تنسيني ولآ تحطين في قلبج شخص يكون بمكآننني , خليني انا الوحيدة ملجآ لج وقت مآحتجتيني بتشوفيني قريب منج ووعد اي انا وذياب نشوفج انتي وحمدان ونشوف بنتكم ونطمن عليكم . .
غاية طاحت دموعها : والله انا احبج اكثر , وعمري مآبنسى وقفتج وياي
بطلت مهره الباب بقوة وهي ميودة بطنهآ وشهقت بقوة وكلنآ لفينآ صوبهآ بخوف . .
مهره : يخخخخخخخخرب بيتكككككككككككككككككممممممممم
ضحكنآ من الخخخآطر , شكلها وهي ميودة بطنهآ وجي تقول كآن تحفهه , دخلت وقفلت الباب وراحت يابت كلينكس وعطته لغاية وفرت عليها كم كلمه تهزبها لانه ابد مب وقت صيآح !
مهره تطآلع غآية : عندي لج آمآنه
غآية تطآلعهآ بصدمة : حقي آنآ ؟
مهره : هي
غآية : شو هي الآمآنه ؟
مهره : قبل لآ آقولج , خبريني ليش كنتي تصيحين ؟
خبرت مهره كل اللي صار وتنهدت بضيج . .
مهره : غآيوتي لآ تضآيجين ولآ تعكرين مزآجج طآف
: ماشاء الله على الخراب , وآضح آنج يآيه تهدين النفوس
مهره : هههههههههههه شسوي , قآهرتني يدوه يعني خلت كل شي وطاحت فهالفقيرة ! والله انا لو بدال غاية مآبسمي بنتي سلآمة عيل الحين انا انضرب من يدوه كل يوم اخر شي اسمي بنتي عليها ؟
: جب مهروه جب لا اكفخج انتي وولدج
مهره : محمد بيكفخج انتي وريلج لو سويتي لولده شي
: الله على الخقققه
غاية صرخت : شو الامآنننههه مهوور !!
مهره طلعت الظرف من تحت عبايتها وعطتها اياه : هذي هي الامآنه
غآية بطلت الظرف وشآفت تذآكر سفر : من منو هذآ ؟ ترى آبد مآفهمت شي . .
مهره : هذي الآمآنه من يوسف , ويقولج آلف مبروك .. هذي سفره حقج انتي وحمدان هديه يعني بمنآسبه زوآجكم
تخصرت : والحمآر ليش مآعطططآننني انا هددييههه . .
مهره : انتي عطاج نفس الشي بس طبعا عطا ذيآب يعني . . مآشآء الله يعني آللهم لآ حسسد , حآجز لغآية المآلديف وانتي وريلج سآنتوريني والله الامآكن وآيد ورعه وهناك مزهب لكم كل شي !!
: آويه فشلة , الهديه وآيد عودهه ,
مهره ابتسمت : تستآههلون ي عممري
غاية ابتسمت بضيج : يحز في خآطري آني مآرآح آرجع مرة ثانية عقب مآسآفر مع حمدآن .. الله يسآمح يدوه بس
مهره : غآية بخبرج شي , ترى يوسف خبر يدي بالموضوع ..
غاية شهقققت بخوف وعينهآ امتلت دموع : شوووووووووه
عصبت : تخخخبببل هذذذآآآ
مهره ابتسمت : يدي يعرف من يوم كنتوا بلندن . . مب من الحين !
غاية بخوف ترتجف : آمآنه خبريني يدي شو قال
مهره : يدي بالبدآية كآن معآرض وقآل نفس كلآم يدوه لكن مآتلآحظين في مرة من المرآت يوسف طلع سلآمة وقعد يلعبهآ , آنزين هو ودآهآ ليدي , يدي يوم شافها كان على قراره لكن لمآ آنتبهه للعقد اللي في رقبه سلآمة تغير رايه على طول .. ويوسف تم يخبره كل شي ويحكيله عن معاناتج .. ويقول يدي انه هو بيغير كلآم يدوه لكن للحين مآصآر شي لكن يدي يعني يبا سلآمة تربي بينآآ
غاية صاحت : ليش يوسف يسويلي كل هذا .. وآيد يخلي علي معروف عليه وانا ماعرف باي طرق ممكن اردهآ له ..
: غايوه لا تصيحين الحين بينزلونج لحمددددااااننننننن
غاية تمسح دموعهآ : آنزين بحآول
طبعآ عين غآية صآرت حمممممرآآآآآآ من الخخخخآططططررررر . . . ومهره تتنآزع , اشتقت لها والله مهره ابد مآتغيرت , خففت من حزن غاية وتوتري عقب عطتنا كاكاو !
مهره : آنفعكم , آدريبكم مسودات ويهه لا رحتوآ مع ريايلكم مآبتذكروني
: مهآري لآ تقوليين جي , نحن نحبج ومآحد يغيرنآ على بعض
مهره ابتسمت بحب : وانا احبكم بعععد . . آنزين انا بنزل بشوف الاوضضضاع ..
: مهاري شلي تلفوني فالغرفة الثانية عطي روضة عشآن ربيعآتي بيتصلون خل تشرح لهم مكان البيت انزين
مهره : آنزين " قآمت وراحت الغرفة الثانية ونزلت وعطت الفون لروضة ووصتها بالكلآم اللي قلته ورآحت عند الحريم "
ترفة تتصل فيني وطبعآ روضة رددت : عروووووووستتتتتتتتتتي وين بيت يدددج ؟
روضة بآنحرآج : آآآ ... انا روضة اخت الهنوف " دلتها على الدرب " ويوم بتوصلين خبريني بفتح لج الباب الثاني عشان تدخلين على طول صوب الحريم آنزين
ترفة : هههه آنزين فديتج مشكورة " وبندت وطرشت للبنات مسج فيه وصف بيت يدي عشان لآ حد يرجع يتصل فيني .. يمكن 10 دقآيق ورجعت تتصل " آنآ برع
روضة : يآلله الحين يآيهه " بندت وهي تمشي تلاقت عينهآ بعين خلود , سلمت عليها واسترخصت منهآ ورآحت صوب الباب عدلت غشوتها على ويههآ وعدلت عبايتها وكانت تمشي سرعه وطلعت وهي يالسه تطلع من الباب تخرطفت بحد الباب الصغير اللي يكون من تحت وحصلت حد يودههآ بقققوة , رفعت عينهآ بصصدمة وبخخوف ومن شافت بنت ارتآحت شوي وعلى طول رفعت غشوتها عن ويههآ .. بدون لآ تنتبه لوجود سيارة جدآمهآ طبعآ ,
روضة قلبها يدق بقوة : آلسموحه على اللي صار مآ انتبهت , آنتي ربيعه الهنوف اللي متصله ؟
ترفة مبتسمة : هي انا , آنتي روضة ؟
روضة : آيييوه , انا اخت الهنوفف
ترفة : ماشاء الله كيوت , الهنوف تزيغ طالعه ع منوه
روضة : ههههههههههههههههه , تفضلي دددآخخخل .. حيآجج حبيبتي البيت بيتج
دخلوآ دآخل وترفة طرشت مسج ل *حسن* آنه يروح خلآص وانها دخلت وهو رآح على طول عند ربعه الشباب ..
روضة يوم دخلت وآطمنت آن محد ريال موجود فصخت الغشوة وعبايتها , جرآح يآ يركض وهو يضحك وتعلق في روضة وشلته . .
ترفة : آآ هذآ ولدج ؟
روضة : هههههههههه لا هذآ ولد عممي , اسمه جرآح
ترفة : محلآ اسسسمه , فدييته كييوووت
روضة : آنتي الكيوت والله , تبين تروحين عند الهنوف وغاية ولا حابه تيلسين عند المعآزيم ؟
ترفة : لآلآ بقعد هني وياج لين مآيكتملون الشلة عقب بنروح كلنآ مرة وحده آحسن
روضة : تمآم ,
دخلت هي وترفة وقعدوآ على الطآولة اللي فيها خلود وربيعاتهم ايام المدرسة وضمن السوآلف قآلت وحده من البنآت . .
1 : روضة شو شعورج يوم انتي وخلود ببيت وآحد ؟
خلود دزتها بخفيف بمعنى " آسكتي "
روضة قآلت بتهجم : وآنتي شو شعورج لآ لميتي ثمج وحطيتي لسانج فيه وأكرمتيني بسكوتج .. آلكلآم الزآيد مآحبه آونج حآبه توصلين نغزات آني انا وخلود ببيت وآحد وماخذين ريآل وآحد , هه ترى انا اطلقت من خآلد من زمممآن وخلود هي زوجته وآنآ ويآهآ مآنعيش ببيت وآحد ..
2 : احسج جميلة , تهمين وآيد تطلقين شو تسوين للريآيل انتي ؟
ترفة عصبت : هي انتتتي ؟ شو يخصج بالبنت اطلقت ولآ تزوجت ولآ يابت ستين ياهل , صراحه صدعتيني , انا يايه عرس ربيعتي مب يايه اسمع تفاهات بنت مثلج وعقليات متخلفه , ياليت تغيرون الطاولة
1 : لآ والله نحن يينآ آول ليش آنتي تروحين ؟
ترفة ابتسمت : لآن هذا عرس ربيعتي اما هذا يستوي عرس اخت ربيعتج يعني حضرتي مآحضرتي وجودج من عدمج اما انا حضوري مهم , فهمتي يا حلوووة ؟
قآموآ البنآت وغيروآ طآولتهم وهم مقهورين وتمت على الطآولة خلود وترفة وروضة . .
روضة بآمتنآن : السموحه على اللي صار ومشكورة
ترفة : آفآ عليج , مسموحه بالحل مآصآر الا كل خير ان شاء الله ,
خلود : روضة ممكن نتكلم ؟
روضة : آوك " لفت على ترفة " دقآيق وبيج
ترفة : خذي رآحتج
رآحت خلود وروضة في غرفة يدي ويدوه وعم الهدوء بينهم لمدة طويلة عقب كسرت الصمت خلود وقآلت
خلود : روضضة آنآ . . . . . !
.
.
شويخ -أم ذيآب- : يآ عذآري آسمعي الكلآم ومصي هالليمون , والله حطيت ملح شوي بتروح عنج اللوعه , مآيصير كل الناس برع مستآنسه واننتي هني طايحححه تعبانهه ..
عذآري اعتدلت بتعب وقآلت : شويخ صدقيني مآلي نفس انا بخير لآ تحآتين
شويخ : ترى ذيآب برع وآيد يحآتيج , ويبا يدخل يشوفج
عذآري : لآ مابا اشوفه عقب اذا شافني جي بيتم يحآتيني . .
شويخ حطت الليمونه على طرف وحطت تلفون عذآري حذآلهآ : آذآ آحتجتيني اتصلي بروح بشوف المعازيم
عذآري : آن شاء الله
طلعت شويخ عن عذآري , وتمت عذآري منسدحه ومغمضه عيونهآ , حد فتح الباب بقوة وعلى طول بطلت عينهآ ولفت صوب آلبآب ,
عذآري : بشآير شوفيج ؟
بشآير انحرجت : شسمه سهيل يقول آن ريلج برع يبا يسلم عليج ومستعيل ..
عذآري فتحت عينهآ بوله : حمد برع !!!
بشاير هزت راسها ب هيه
عذآري على طول قآمت وحطت شيلتها وعبايتها عليها وعلى طول طلعت تمشي وهي حافيه وراحت ف طرف البيت وشافته واقف قالت بحزن وهي حدههآ مشتآقه له : ححممد
حمد لف وابتسم , آمآ هي على طول سرعت من خطواتها وحضنته بقوة وصآححت حمد قعد يهديههآآ ..
حمد يمسح على ظهرهآ : خلآص انا ييت شحقه تصيحين !!
عذآري محطيه ايدهآ على ويههآ وتصيح من الخآطر : ليش مايييت من قببببل تعرف اني مآبقدر ارجع بسبب الحمممل
حمد بادلهآ الحضن وقآل بحب : لآنج قهرتيني , مآتوقعتج تسوينهآ , لآن عذآري آكبر من آنهآ تسوي حركآت يهآل صح ولآلآ ..
هني عذآري صآحححت آكثر وآككثروندم حمد آنه قال هالكلآمم , تم يهديهآ عقب يوم قامت عنه افتشل . .
حمد : الحين كيف اروح عند الريايل وكندورتي كلها مكياجج
عذآري ضحكت بانحراج : أنت صيحتني انا مايخصصصنننني
حمد : خلاص انا برجع البيت ببدل كندورتي وبرجع بي
عذآري يودت ايده : صدق رجعععت خلآص . .
حمد سكت , عذآري قالت بضيج
عذآري: الله يخليك الله يخليك لآ تروححح , آنآ مآعيش بليآك ولآ آتحمل هالفرآق كله منك ..
حمد مسح على ويههآ : روحي عدلي مكياجج مب حلوة تصيحين والاوآدم كلهم هننني !
عذآري طآلعت ويهه : حمد .. صدق بتروح ؟
حمد : عقب بنتفاهم بهالموضوع , ماباج تصيحين اليوم عرس ذياب عقب بيتضايج منننآ ,
عذآري : آنزين خلآص عيل روح عشان هم اكيد يتريونك , انا بروح داخل وبعدل مكيآججي " آختفت من جدآمه ورآحت دآخل "
حمد مشى خطوتين يبآ يطلع وزخته شيخه . .
شيخه -ام ذياب- : حمد بويه وين رايح ؟ وشو هذا اللي على ثيابك ؟
حمد افتشل وهو يغطي عليه : اا هذا مكياج عذآري , يلست تصصصيح
شيخه : الله يهديها , بويه كلمها مايصير اللي تسويه ف نفسها , لايعه جبدهآ وتعبانه من بطنها ومب راضيه تمص ليمونه ومعآنده ماتبا تسمع مني , كلمهآ آكيد بتسمع منك ..
حمد تم يحآتيهآ : بس توه مآقآلت لي انها تعبانه ..
شيخه : يمكن مآتبآك تحآتي , المهم روح بدل وارجع بنترياك كلنآ
حمد ابتسم : آن شاء الله " وعلى طول رآح بيتهم عشان يبدل , وبدل وعلى طول رجع "
.
.
طبعآ غآية عآندت آلآ آنآ آنزل آول ويوم ودوآ هالخبر لذيآب سييده وآفق , كنت متوترة وخآيفة كنت آمشي وبالزور تطلع مني ابتسآمة , قعدت على الكوشه البسيطة اللي مسوينها اهلي , وقعدوا البنات يرقصون مرتبشين عقب صعدت شلتي والشي اللي صدمني انهم هزوآ هز تميت مبطله عيني واضحك , الله يخسسههم صدمممموننني , عقب عاد نزلوا والكل تحجب وعدل نفسه يوم عرفوآ آن المعرس بيدخل , دخل ذياب وعمي بوذيآب وآبويه ومآيد وعبدآلله ونآصر وجرآح وياهم , حسيت قوم كامممل . . الله يخليهم لي يارب , باسني ذياب وهمس لي *مبروك* ورديت عليه وانا منزله راسي " الله يبآرك فيك " يو بالدور وبستهم كلهم على راسهم عقب راحو وجراح معصب مارضى ينزل وياهم وقعد من بيني انا وذياب وذياب يتحرطم وصوته شبهه عالي وانا حدي مفتشششلةة , ,
نآصر : سيري يبي ولدج فضحنا اكيد ذياب يدعي علينا الحين
ظبيه : هههههههههههههههههههههههههههههههه شكله والله العظيم انه صدق يتحرطم على جراح , مخرب عليه الججو
ناصر : انا رايح صوب الريايل بشله وياي انزين
ظبيه : آنزين
نآصر رآح صوبهم وشل جراح وهو يزآعق : الله يهنيكم , وآسمحولنآ على هالنشبه , " غمز لذيآب " الحين خذ راحتك
ذيآب : افا عليييك
الله يغرببللللهههمم بيذبحونننني شكلهههمممم . . كنت مننحرجججه ويبين ان ويهي معتفس وماكنت اعرف ان البنآت *شلتي* يصوروني , خس الله العدددوووو . . . طبعآ قعد ذيآب يسولف وانا بالزور يطلع مني الكلآم وكل شوي ايون الناس ويسلمون علينآ عقب قمنآ ورحنآ الميلس اول مآدخلنآ ذياب على طول حضنننني . . آنحرجججت ,
: ذيآب ترآك تحرجججنننننننييي
ذيآآآب : آسكككتتتي شوي ..
سكككتت , كآن ذيآب حآضنني بقوة , ومغطي على ويهي بصدره مب قادره اتكلم ولآ قآدره اسوي شي , كآنه يعبر بحضنه عن اشتياقه لي وكيف كان يتممنى ان نحن نكون متزوجين من زمممآن .. قلت بهدوء ,
: آدري بشو تفكر بس ياليت تنسى هالموضوع ونبدا صفحه يديده مع بعض
ذياب ابتسم وباسني على راسي : من عيوننني , يلا سيري بدلي بنروح
قلت بصدمه : وين بنروححح ؟
ذياب ابتسم : مآلج خصص
: ذيآب آنزين بروح ابدل لكن خلنا شوي قاعدين عشان اشوف غاية على الاقل يوم تنزل وابارك لها
ذياب : خلآص آوكيه بدلي وخلصي امورج وانا بروح عند الريايل ومن يدخل حمدان انتي طلعي انزين
: آن شاء الله
ذياب رفع ايدي وباسها وطلع من الميلس , حبيبي ذيآب , صآير حنون بزيآدهه حطيت الورده بالميلس ورحت صوب الدري وصعدت فوق ورحت الغرفة شفت غاية ويهآ تعبآن ومتوترة على الاخر , آنصصصدمممت . .
: غآيييههه شوفييييج !
غآية بتعب : احس بمغص , احسني توتتتررررتتتت , مآبآ آنزل " قآمت وتحآول تبطل فستآنهآ " مب لازم فستآن وخرآبيط
رحت صوبها وضربتها على ايدهآ : غآية لآ تستهبلييين ..
بشاير فتحت الباب : غآية دورج تنزلين الكل يتريآج تحت
غآية صرخت ويودت بطنهآ : مابا انزل والله انتوا تخوفوني " تطالع بشاير " وآيد حآَضرين !!
بشاير : لآ
غآية : انزين " قعدت تاخذ نفس عميق كذا مرة وشلت مسكتها " يآلله انزين بنزل ,
ويوم نزلت وبطلوا لها الباب غمضت عينها وردت فتحتها من زود الاضواء ومن شافت الحضور تيبست مكاننههآ .. بشاير ماتت ضحك وراحت عنها بعيد , يات لطيفة ومشتها وساعدتها لين وصلت الكوشة ولمآ يلست حست انها متوترة زيادة وتمت منزله راسها لين يو ربيعآتهآ *شلتها* كلهم وسلموآ عليها وقعدوآ يتصورون ويآهآ . .
ترفة : لآ تحآتين ترى سلآمي عند منآرر .. منآر مآبتحضر
غاية بضيج : فديتها والله حرآم آكيد كآن خآطرهآ تي
عليآ : الله كريم ..
غآية لفت صوب عليآ : وآنتي ليش رفضتي عبدالعزيز ؟
عليآ آنحرجت ونزلت راسها ,
ميثآ : خلاص خلوهآ برآحتهآ لآ تحرجوهآ اللي صار صار . .
عليآ لفت على ميثآ : ميثآ لآتزعلين مني والله اخوج مآينعآب لكن ...
مريوم : لكن شوه ؟
عليآ : لكن آنآ مآقدر آخلي آمي بروحهآ وانتوا تعرفون الوضع كيف , آخوآني اللي من ابوي كل واحد منهم ف مكان وابويه اصلا لاهي مع حرمته الثانيه ولآ دآري عننآ , قلت لكم قبل هو يعطينآ بيزآت وبس , فآنآ مآقدر اخذ اخو ميثآ وآروح وامي اتم بروحهآ , هذآ السبب الوحيد اللي خلآني ارفضه , مافي سبب ثآني ..
ميثآ سكتت والكل سكت , عليآ من يوم صغيرة وهي تعآني كآنت تتمنى تعيش في ظل ابوهآ وآمهآ لكن آبوهآ مهملنهآ وآمهآ مآتقدر تتكلم ميثآ مب زعلآنه على عليآ آبد بس كانت تبا تعرف السبب . . دخل حمدان ولبسها الشبكة وباسها وبارك لهآ انا بدلت ثيابي وعلى طول نزلت تحت ومن شفت حمدان حسيت بيآس , كان خآطري اقعد مع غاية , رحت صوبها وباركت لحمدان وحضنت غاية بقوة وهمست لها . .
بهمس : اتصلي فيني طمنيني عليج عقب
غآية : آوكيه . .
خزت عنها ورحت سلمت على امي وآبوي وروآضي وعبدالله ومآيد وسلمت على الشلة وسلمت على خآلوه آم ذيآب وعذآري , وعلى طول طلعت برع لقيت ذيآب واقف يتريآني .. ركبت السيآرة وتحركنآ , بعدنآ بشوي طلع حمدان وغاية , حمدان طبعآ وصاها مآتبدل لبسها لآنه مستعيل .. فحطت عبايتها عليها وعلى طول ركبت السيارة بفستآنهآ ورآححوآ .. بدت الاجوآء تخف في بيت يدي ويوم بس تموآ آهلي وآهل حمدآن قعدوآ يحتفلون بغالية ويوسف اللي ملجوا من الصبح بس فالمحكمه وكانوا مسوين لهم سبرآيز فميلس الريايل ان حفله ومرتبينها وحالتهم حآله , غالية انحرجت وآيييد .. والبنات كل ساعه يطلبون من يوسف شوي لين قالت غالية ..
غالية بتموت : خلاص بس
بشآير : لآ شوه بس خلينآ نصصصصوركمم دآم المصورة رآحححت
يوسف : خلآص بس تعبنآ يلآ كشش بكلم حرممتتتي
مشاعل : الله يالدنييييييييييآ
روضة زعقت : بنآآآآآآآآآآآآآآآآآآآآآآآآآآآآآآآآآت
كلهم لفوآ عليها ويزآعقون يبون يعرفون ليش خربت عليهم هاللحظة المهمه . .
روضة : يدوه تقول انها مسويه لكم محشي من اللي يحبه قلبكم وتباكم كلكم تروحون الصآله العودة ...
يايه روضة بتكمل كلآمهآ لكن مآلقت آبببد حد بالميلس . .
روضة : والعثرة , طلعن بنآت العآيلة مفجوعات !
غآلية ضحكت على شكل روضة : انا بي وياجج
روضة ضحكت بخفه : لآ عيني , اصلا يدوه مب مسويه محشي انا طلعتهم لان يوسف يبا يكلمج , خذوآ رآححتتتكم " وطلعت عنهم "
يوسف : آخخيرآ , مآبغوآ هالنشبه يطلعون
غالية انحرجت وتمت منزله رآسهآ وقالت بتوتر : آآ انا بروح عند آمممي
يوسف يود ايدهآ وقعدهآ : لآ مآتروحين ابا اسولف وياج
غالية رفعت عينهآ ومن طآحت عينهآ بعينه توترت اكثثثر : شو تبا تسولف خلني اروحح " تحآول تسحب ايدههآ "
يوسف : قعدي شوي .. ابا اشوفج ابا ايلس وياج

غالية بلعت ريجهآ بخوف وتمت ساكته شوي اما هو قعد يسولف وقعد يخبرها عن نفسه عقب قعد يتمصخر ويضحكهآ لين خذت بالجو معآه , وقالها تكشخ باجر بالعزيمه اللي بيسونهآ لهم ووآفقت طبعآآ . . . عقب عاد دخلت ام حمدان وشلت غالية وروحوآ الفندق ورآح يوسف عند الشباب عشان يسولفون مع بعض !
.
.
غآية وحمدددآن وصلوآ آلفندق ومن وصلوآ عم الهدوء بينهم , غآية ودهآ تتكلم , هدوء حمدآن يخليهآ تمرض وتتعب آكثر ممآ هي تعبآنه من بعآدهه , قربت صوبه ومن شافته ميود صوب قلبه خآفت وقربت صوبه . . وتكلمه لكن مآيرد عليهآ , صرخت بقوة وصآححت من الخآططرر . .
غآية : تخليت عن الكل عشانك والحين جي تعآمممملننننني !!!
شافت حمدان تطلع منه آهآت خآفت , يلست تصيح أكثر واتصلت في الاسعاف وعلى طول يو خذوه وهي ركبت وياهم بفستآنهآ وكل شي , كآنت تصيح من الخخخآطر وهي ميوده آيييده وبالايد الثانية ميودة تلفونهآ . .
غآية : آلله يخليك لآ تموت حمدددآن , لآ تتتررروححح
غآية قعدت تكلم حمدآن وتحآول تهدي نفسهآ وتطمن نفسهآ آن كل شي بخير وآول مآوصلوآ المستشفى ونقلوه غرفة الفحوصات والاشعة , دقت لغآلية وهي ميييته صيآححح . .
غآلية : بسم الله غآية شوفيج ؟
غآية تصيح : حمدآن بالمستشفىى مآدري شوفيييههه تعبآنن وآييييد
غالية توترت : اي مستشفى ؟ شوفيه غايييههه !!!!
غاية تصيح : قلت لج مآعرف , تعآلو مستشفى *** " وبندت "
غالية دقت على يوسف وخبرته اي ياخذها هي وامها وعلى طول راحوا ثلاثتهم المستشفى وشافو كيف غاية حالها متبهدل وتصيح ومب مغيره حتى فستآنهآ , يوسف رآح صوبهآ ونزل لمستوآهآ . . .
يوسف : شو اللي صار , ؟
غاية تصيح : مآعرفف , كآن ميود على قلبه وشكله تعبان على طول دقيت الاسعاف وودوه غرفة الفحوصات الحين والاشعه ومادري شوه . . .
يوسف تنهد : آنزين هدي اعصابج كل شي بيكون بخير " قآم ورآح صوب أم حمدان وغالية وقعد يهديهم "
غاية يودت تلفونها وهي ترتجف ودقت لمنآر : آلو
منآر بخوف : غآيه شوفيج متصله هالوقت ؟ مب المفروض تكونين مع حمدان
غاية يودت عمرهآ لأا تنفجر صيآح وهي تتكلم بالفون : ممكن تيبين سلآمة مستشفى **** ضروري ,
منآر قآلت بخوف وبهدوء : آوك " وبندت تلبست على السريع وشلت شنطه سلآمة ونزلت تحت شافتهم كلهم متجمعين وسلآمة يالسه فحضن بومنآر وتطآلع وياهم التلفزيون " سلآمي حبيبي يلآ تعالي بنروح عند مآمآ
بومنآر : بسم الله , بهالوقت ؟ البنت تعبانه اكيد .. انتي مو تقولين اليوم هي مشغوله ,
منآر : شكله شي صاير قالت لي اوديها المستشفى
بومنآر قام : بوصلج ..
ركب بومنآر جدام حذال السواق ومنآر ورى وفي حضنهآ سلآمي , وصلت المستشفى وعلى طول نزلت وعطت غاية الآمآنه *بنتهآ* ويوم شافت الوضع متآزم عندهم على طول رآحت حست وجودهآ غلطط .. غآية من شافت بنتها حضنتها بقوة وقعدت تدمع وهي تمسح على راسها . .
سلآمة : ماماه ليش مآخليتيني عند خاليه بومنار حرام عليج كنت بنام وياه اليوم
غاية تمسح دموعها وتخوز سلآمة من حضنهآ : مرة ثانية انزين , لآزم نشوف بابا
سلآمة تطالع امها : ماما انتي ليش لابسه فستان ؟
غآية : ترى خآلو نونآ رآحت
سلآمة زعلانه : وين راححت ؟
غاية : رآحت مع خآلج ذيآب
سلآمة مستآنسه : يعني سويتو حفله ؟
غآية عشان مآتضآيج بنتها : لآ ..
سلآمة : آنزين نححن هني عشان نشوف بابا
غآية : هي ..
يوسف آتصل ف يدي وخبره ان حمدان فالمستشفى وآن لآيبون حد وياهم لان بنت غاية موجوده ف على طول يدي ويدوه رآحوآ , طبعآ غاية آبد مآفكرت تتصل فيني عشان لآتشغل بالي او تسبب لي آزعآج . . يوم وصل يدي ويدوه غاية كآنت وآيد زعلآنه من يدوه وآبد مآكآنت تبآ تشوفهآ ..
يدوه : بنتتي . . .
غاية تصيح : الحين صرت بنتتتج , آلحين لممممآ حمدددآن تعبآن بالمستشفى والله يعلممم شوفيييهههه ..
يدوه حست بالذنب : بس انا شو يخصني ..
غاية تنهدت : آنتي عمرج مآبتحسين باللي نحس فيه " رآحت صوب النيرس واستاذنتها عشان تدخل عند حمدان والدكتور ومن دخلت وشافته يودت نفسها لآ تصيح , كآنت عينهآ مورمه من الخخآطططر " دكتور ممكن اعرف شوفيه ريلي ؟
الدكتور يطآلع حمدآن اللي موصنه عدل مآيخبر اي حد عن اللي فيه , ويقول لهم انها اعراض عآدية لآن هو فيه القلب ولآنه مهمل دواه ولان حمدان خرط شوي على الدكتور وخلاه يتاثر لبى الدكتور طلبه . . وقال الدكتور ل غاية ان حمدان مافيه اي شي ابد . .
دخل الكل عليه ومن دخلت اليده واليد آعتدل حمددان في قعدته ورحب فيهم , يدوه كآنت سآكته , عقب مآ الكل اطمن عليه طلب حمدان انه يشوف يدوه على انفراد وكلنآ طلعنآ برع بس سلآمة مآرضت تطلع تمت منسدحه في حضن ابوهآ لين نآممت ..
حمدآن : آنآ آدري آنج زعلآنه من غآية وآن نفسيتها بالحضيض , نحن غلطنآ وصلحنآ غلطننآ بس انتي مب راضيه تسآمحينآ " نزل رآسه وقآل " لج اللي تبينه غاية بتم هني ويآكم وانا بخليها , من تخلص دراسه بطلقها وبخليها ترجع هني من آول ويديد . . .
يدوه بهدوء : انت شقا تقول هالكلآم ؟
حمدان رفع راسه مستغرب : ليش !
يدوه : هآك اليوم خيرتها بينآ وبينك انت واختارتك وقالت انها تبا تعيش وياك حتى لو مآترجع تشوفنآ , قالت انها ماتقدر تتخلى عنك وعن سلآمة مرة ثآنية ..
حمدان انصدمم من كلآمهآ , بلع ريجه بهدوء وهو يتذكر كلآمهآ قبل لآ يتعب وتنقله الاسعاف " تخليت عن الكل عشانك والحين جي تعآمممملننننني !!! " : متى هالكلآممم وليش انا ماعرف عنههه ليش هي مآخبررتني ؟
يدوه تمت ساكته وحطت ايدهآ على ايد حمدآن : بويه حمدآن , انا ادري ان غاية زعلآنه مني ومابترضى عني الحين بس اجبر خآطرهآ ولآ تخليهآ تزعل مني , كل اللي قلته كان بلحظة غضب واكبر دليل انها تحبني سمت بنتها علي .. انا ادري انك تحبها وبتصونها وبتحفظهآ لكن .. " سكتت شوي عقب قالت " انا اسحب كلآمي اللي قلته , انا ماصبر عن شوفه بنيتي غاية وحفيدتي حتى لو كنت مضطره اجذب وامشي وياكم هالموضوع .. ياليت تيبها هني ولو تقدرون تسكنون هني بعد يكون زين عشان نشوفكم كل يوم وكل جمعه تكونون ضمن لمه العآيلة , هي الحين مآتبآ تسمع مني شي لان هي تفكر آني مآحس فيها ولآ آحس بالعذاب اللي عاشته , " تنهدت " مآعليه , غاية صغيرة عقب بتفهم احساس اليده اللي تخاف على آحفآدهآ كيف .. آتمنى مآتزعلون مني !
حمدان قرب من يدوه وبآسهآ على راسها وقآل : محشومة , آنتي مآحد يزعل منج يالغالية وانتي مب بس يده غآية ترآج يدوتي وام سلآمة العودة .. مآحد آيسسر يزعلج آو يقولج كلمه تضآيق بج , وغاية خليها علي انا بكلمهآ وبفهمهآ كل شي ,
يدوه ربتت على كتف حمدان بونآسه : عيل راضيها عني ماوصيك واتصل طمني عقب اذا رضت انزين
حمدان : آن شاء الله
يدوه قامت : يلآ عيل صار لازم نروح , مع السلآمة فديتك , دير بالك على بنتنا
حمدان : لآ توصين , والله يحفظج آمآيه
يدوه ابتسمت وطلعت وروحت هي واليد مع الدريول وام حمدان دخلت تسولف مع ولدهآ ووغالية تم يهديها يوسف لانها يالسه تصيح ومب راضيه تصدق ان حمدان بس تعبان لانه مآخذ دوآه , عقب مآهدت بشوي خذاها يوسف هي وام حمدان ورجعهم البيت ورجع المستشفى وتضارب مع غاية لانها مب راضيه تروح وهي قاعده بفستآنهآ , وهزبها وقالها بالاساس انها ماتقدر تنام هني لانه قسم ريايل , فقالت له آنهآ بتدخل تاخذ بنتها وبتطلع و دخلت وشافت حمدان يمسح على شعر سلآمة .. مشت بخطوآت تعبآنه وراحت صوب الكرسي وقعدت ورفعت عينها وشافته .. طآحت عينهآ بعينه وعم الهدوء فالمكآنن , لآحظ شقد هي تعبآنه ويبين هالشي على ويههآ وهو مآلآحظ هالشي من البدآية لآنهآ كآنت حآطه مكيآج ..
غآية : آجر وعآفيه .. مآتشوف شر ان شاء الله
حمدان : الشر يخطآج
غاية قالت بتعب : يوسف مب مخلني اتم هني هو بيتم معاك , صآر لآزم اروح " وقفت وشلت سلآمة وعدلتهآ بحيث رقبتها مآتعورهآ " مع السلآمة . .
حمدآن : باجر بنسافر , زهبي شنطتج وشنطه سلآمة ..
غاية تنهدت بضيج وقالت : آن شاء الله " وعلى طول طلعت ووصلهآ يوسف الفندق ورجع عشان ينآم مع حمدآنن "
.
.
روضة منسدحه في صالتهم وتتذكر كلآم خلود وقت العرس يوم خذتها من عند ترفة . . .
*
خلود : آنآ اسفه على اللي سوته عزوه .. آكيد مآتقصد لآ تتضآيجين منهآ
روضة : آنآ مآيهمني شو تقول عزوه وغيرها , فكرتيني تضآيجت يعني بمجرد مآهي قالت هالكلآم , خآلد آنآ نسيته والحمدالله بعيش حياتي مثل ما انا ابا وبكمل دراستي وكل شي انا اباه بيصير , آنتي وخآلد من الماضي ,
خلود بحزن : نسيتيني ؟ بهالسرعه طلعتيني من حيآتج !
روضة ابتسمت : انتي تعرفيني اكثر من الكل , مآحب حد يمس كرآمتي , وآنتي وخآلد مب بس اهنتوني , جرحتو كرآمتي بعد ويايه تقولين اذا نسيتج ولآلآ ؟ بعد شوه يآ خلود !!
خلود نزلت راسها : والله العظيم مآكنت اعرف اانه ريلج
روضة : هو مب ريلي الحيين وانا مآبفتح صفحآت من الماضي لآ عشآن كلآم فرته عزوه ولآ عشان كلآم غيرهآ اتفقنآ ؟
خلود سكتت
روضة : خآلد الحين ريلج وتبين تحافظين عليه حآفظي عليه واذا ماتبين هالشي راجع لج يآليت مآتدخليني في مشاكلج ولآ تقعدين تبررين بس لآن البنآت فروآ علينآ كلآم ..
خلود : آدري آن خآلد ريلي وآن علاقتنآ الحين صآرت آحسن من قبل بوآيد الحمدالله لكن آنآ مآبآ آخسرج ك صديقه , من جي قاعده ابرر لج , لو كنتي وحده ثانية لو شو مآيصير مآ ببرر وانتي تعرفيني عدل يا روضة . . .
روضة : لآ آنآ مآعرفج , وصرت ابد ابد مآعرف انتي منو بالضبط .. ياليت اتم علآقتنآ مثل مآهي الحين , لا نحن ربع ولآ شي بينآ السلآم لآ غير , مابا اتعمق ويآج آكثر من جي , العمر اللي رآح من عمري يكفي ..
خلود يآيه بتتكلم سسكتتها روضة وقآلت ,
روضة : وثقت فيج مرة وخنتي الثقه بدون لآ تحسين .. ومابا هالشي يتكرر ابببد , اعتبريني بنت عم ريلج لآ آكثر ولآ آقل , ولآ تحآولين ابد ابد ترجعين العلآقة اللي كانت بينآ زمممآن واذا تتحسبين اني للحين زعلآنه منج لآنج خذتي خآلد فآنتي غلطآنه , قبل يمكن بس الحين انا نسيت خآلد ونسيتج ونسيت كل حد جرحني , وبديت صفحه يديده مع الكل ..
خلود بحزن : ومب ناويه تبدين صفحه يديده ويآي ؟
روضة ابتسمت : خليني هالفترة بحآلي .. وبفكر اذا انا مستعده ارجع علاقتي فيج نفس قبل وآحسن ولآلآ
*
.
.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM