ۈش رجعگ لآيگون قلبگ يۈم حس آنہ جرحني آۈجعگ ؟

3eƏπ ɑ̠lмɑ̠ƗƗɑ̠ ♥ · 04-21-2014, 08:58 PM

غآيه : خلينآ نروح بيت الهنوف آو بيت يديه مليت من البيت

لطيفة بضيق : يآخي انتي شوفيج مابا اطلع من البيت !

غايه : آنتي شوفيج جي اليوم متضايجه ومآلج خآطر لشي حتى يوم رحنآ لموزة مآتسولفين نفس قبل

لطيفة : ولآ شي

غايه : لآ تجذبين آنآ آعرف آن فيج شي

لطيفة : آنسي الموضوع

غايه : مابنسى الا بشرط

لطيفة : هففف مب لازم تنسى

غايه يودتهآ : سمعي شرطي اول انزين

لطيفة : آسمعج

غايه : اشتريلي حلآوة من الدكان لكن على حسآبج

لطيفة : هههههههههه والله انج ياهله

غايه : كيفي

لطيفة عطتها تلفون البيت : زين اتصلي وانا بدفع

غايه دقت ومآخلت شي في خآطرهآ مآطلبته : جججلدي بابا مآتتآخر يا ويلك ترى " ورقعت الخط فويهه " يلآ روحي طلعي بيزآت

لطيفة : كم

غايه : 200

لطيفة شهقت : شوووووووهه

غآيه : هييي 150 بطآقة و50 شريت حلويآت

لطيفة : تستهبلين انتي وآلله

خآلد نزل : شفيكم تتضآربون جي ؟

لطيفة : آختك الخبله طلبت من الدكان ب200

غايه : والله هي قالت اتصلي للدكان وانا بدفع انا شو يخصني

خآلد : خلآص فكونآ آنآ بدفع ,

غآية : فديت خلود وآلله , كل هذا لان خطبنا لك روضوه

خآلد : جب

غايه : يجبك , حمار يلفك وفي ليلة عرسك يطيح ضرسك يالهرم

خآلد : لآ تخليني مآدفع حسآب الدكآن

غايه : عآد بيذلونآآآآآآآآآ عآآآآآآآد

خآلد : هههههههههههه " طلع 200 من جيبه وعطاها " خذي عطي الخدامه ,

غايه : ليش الخدآمه ؟

خآلد قال بجديه : لو شفتج طآلعه للدكآن , بحش ريلج حش فاهمه ولآلآ

غايه : فآهمه يبوك " رآحت وعطت الخدآمه وردت تقعد معاهم ويلست تسولف "

خآلد : لطيفة مآتبين تتوظفين ؟

لطيفة : مآعرف وآلله بعدي محتآرة اذا هي ولآلآ

خآلد زل لسآنه وقآل : آكيد ظآهر مآبيعآرض على هالشي

غايه شهقت : هئئئئئئئئئئئئ شو يخص ظآهر بآلموضوع

خآلد : ولآ شي

غايه : آمآنه تقول

خآلد : ظآهر تقدم للطيفة وآبوي وآمي موآفقين بس نترياه يتقدم رسمي عشان نشوف راي لطيفة

لطيفة من زود الاحرآج ومن كثر مآتحس بآلونآسه وآن قلبهآ بيطلع من مكآنه ركضت فوق ,

غايه : ويييه فقتها استحت انا لو بدالها بهد شعري وبنعش من الونآسة

خآلد كفخها على كتفهآ : صصآه يالله انتي وراج درآسة

غايه : آدري , عشآن جي انا حظي نحس ومقرودهه ,

خآلد يلس يضحك وشغل التلفزيون ويلس يشوف فلم , وغايه من يابوآ لها الاكل وهي تاكلوتطآلع مع خآلد التلفزيون ..

.

.

مآيد قآم على حشرة عبدالله وسمع اصوآت يهال وضحك , فقآم تغسل وطلع وآنصدمنآ يوم شفنآهه , مآنعرف متى دخل البيت ..

مآيد : السلآم عليكم ورحمة الله وبركآته

كلنآ : وعليكم السلآم ورحمة الله وبركآته

آمي : ويديه مآيد وينك , اشتقنآ لك

آبويه : آنت وين رحت ؟ ليش مآكنت عند مرتك بالمستشفى

مآيد : كنت بالمستشفى بس مآصعدت عندهآ , يآليت لو تغيرون الموضوع

مزنه آطآلع مآيد : آلله كيوت يثبه الهآنوف

: ههههههههه تراه اخوي اكيد بيطلع نفسي , بس آنتي شو رآيج جميل ولآ

مزنه : هي بخليه يتذوذني بعآآد " يتزوجني "

مآيد آبتسم : منو هاي العسوله ؟

مزنه : آنآ مذنه عامل راثد" مزنه عآمر راشد "

مآيد : آوه بنت عآمر عندنآآآ , بس غريبه يايه

مزنه : هيي آميه ذياب اعصب ألينآ " هي عميه ذياب عصب علينآ "

: عميه تعبان بالمستشفى من جي يابوهم هني

مآيد : شوفيه ؟

خبرته شو صار . .

مآيد : لآحول الله , آنزين روضة صبيلي شاي أحمر لو سمحتي

روضة قآمت صبت له وعطته ,

آمي عصبت : عبدالله يوز عن الولد ناوي تزوعه ولا شو ؟

عبدالله : هههههههههههه آمي انا يالس الاعبه

روضة : اي ملآعب هذا وانت تغليه فوق , صدقها امي الياهل بيتعب عقب نزله يآلله

عبدالله : آنزلك ؟

ولد عآمر " اصغر واحد " ياشر بلا وعبدالله يلعبه ويزيده وهو ميت ضحك

آبوي : عبدالله مب زين

عبدالله لف ولد عآمر وشافوه كيف ميت ضحك : فديييته عسل ماشاء الله عليييه شوفو كيف الضحكه تفتح النفسس

مآيد ابتسم وتم يشرب آلشآي : عبدالله حتى ولو لا تسويله جي مب زين , نزله عقب لاعبه مرة ثانية خل يريح شوي

عبدالله قعد وقعده في حضنه وقعد يآكله رطب ويآه : رآعي سمحه والله انه

آمي : حسبي الله عليك من ولد تبا الولد يغص

: هههههههههههههههههههههههههههههههههه عبووود , ذياب بيذبحني لا تقعد تلعب بعيال آخوه

عبدالله : آمي اهرس الرطبه قبل لا اعطيه لا تخافي وبعدين بدون الحبه , شوي شوي آآكله

آبوي : استغفرالله , الحمدالله ان روضة اصغرهم وماعندنا ياهل ثاني بالبيت ولآ جآن رآح وطي

مآيد بعد مآشرب الشاي : استاذن انا بروح المستشفى عند موزة , توصون بشي ؟

آمي : لا , نحن فليل بنيكم , بنيب دلآلنآ وعشآنآ وبني

مآيد : مآتقصرون " رآح غرفته سبح وبدل وعلى طول طلع , آول شي مر وخذا لها باقه عودة عقب راح المستشفى ومن دخل شافها واعيه , باسها على راسها وحط الباقه حذالهآ " سآمحيني روحت كنت تعبآن قلت بنآم وبريح عقب بيج

موزة : مب مشكلة اصلآ قبل شي وآعيه , عيل ليش محد ويآك ؟

مآيد خبرهآ : فآمي والهنوف والكل ميودين اليهال بالبيت يقولون بيون عقب وبيبون عشاهم وبيتعشون عندج

موزة قالت بآلم : مآتضآيجت لمآ شفت اليهال ؟

مآيد : لآ , كل شي قسمه ونصيب , ضيقة ورآححت , آلحمدآلله على كل حآل

موزة ابتسمت : آلحمدآلله ,

.

.

يدي : سلآمة بعدج تعرفين لسوآلف اليهال

يدوه : هي مآنسيت , فديتهم اليهال , شوف شقا ححلييو فديته

يدي : تتوقعين ناصر بيتقبله ؟

يدوه : وآلله مآعرف هالشي وايد مخوفني يا محمد . .آخآف آن نآصر يتخلى عن ولد ظبيه ومع الايام يطآلب بولد ثآني !

يدي : والله اني ماقمت افهم هالولد آبد ,

يدوه : آنآ آحس انهم مستآنسين الحين ..

يدي : مآيندرى , اليوم بنروح لمويز مع علي لا تنسين

يدوه : مآنسيت , مساعه كلمت حرمه علي بالتلفون تقول ان الهنوف مآبتروح وياهم

يدي : وشعنه ماتروح ؟

يدوه : بوذياب بالمستشفى وهي زاخه عيال عامر واحمد ولد شويخ الصغير , فتقول ماتقدر تخليهم وتروح

يدي : صدقهآ , وآلخدآمآت هاليومين مآيتآمنن على اليهال

يدوه : صدقت , فيها الخير زختهم , مسآكين اكيد كلهم عند آبوههم الحين بالمستشفى ..

يدي : عيل اليوم بعد بنمر نشوفهم

يدوه : آن شاء الله

يدي يشوف جرآح : عطيني اياه بزخه شوي

يدوه عطته : بروح ايب القهوه ويايه

رآحت ويابت القهوة وطلبت من الخدآمه تيب الفوآلة وقعدت هي وياه يسولفون عن الماضي وشقا الحين كل شي تغير وماشي تم على حآله ..

.

.

عذآري تصيح : آنت بخير ؟ شي يعورك !

رآشد " بوذيآب " : شفيج آختيه آنآ مآفيني الا العآفية

عذاري من حست بايد حمد على كتفهآ مسحت دموعهآ : آنزين , " بآسته على رآسه " الله يقومك لنآ بالف سلآمة

رآشد : ليش شو بيسون لي ؟

شيخه " ام ذيآب " : بيسون لك قسطرة

رآشد مآحب يتعمق ويسالهم ليش آكتفى بالسكوت . .

ذيآب : مآعليك آبويه كل شي بيكون بخير

رآشد : بآذن الله ..

سعيد : ذيآب وين خليت اليهال ؟

ذيآب : وديتهم عند حرمتي

وديمه : يالفشلة , هذيل فضيحة اكيد بيسون آزعآج

ذيآب : لآ مآعليج هددتهم قبل لآ آنزلهم وكان شكلهم مصطلبين لكن مايندرى ..

عآمر : شكلك بعدك مآعرفتهم , هذيل بس يمثلون انهم يسمعون الكلآم مآل ربع ساعه !

ذيآب : مب مشكلة اصلا عموه من عرفت رحبت فيهم ودخلتهم دآخل , برد فليل اشلهم ..

رآشد : بويه شمسه لآ آتين مرة ثانية آنتي حآمل وتعبآنه وآكيد مآتقدرين على هالدروب

شمسه : مآعليك عمي , كل شي لجلك يهون وبعدين انا مب تعبآنه . .

عمر وعمير دخلوآ وهم يآيبين المآي من آلثلآجه اللي تحت , شوي ورن تلفون ذيآب ورد عليه ..

: الو

ذيآب طلع عنهم : آلو

: شخبارك ذيآب وشخبار عمي الحين ؟

ذيآب : آلحمدآلله آحسن بعد شوي بيدخلونه العمليآت , وكلنآ ويآه , آنتي شخبارج وشخبار اليهال عسى مب غآثينج ؟

: لآ ولآ يهمك بالعكس حبوبين وقاعدين مع امي وابوي وعبدالله وروضة ويلعبون ويضحكون , ولآ حآسين بشي

ذيآب : آلحمدآلله , بمر فليل اشلهم , السموحه ثقلنآ عليكم

: شهالكلآم , مآبينآ ! , هممم ذيآب

ذيآب : هلآ

: آنآ طرشت الدريول المستشفى , طرشت وياه صينيتين فوآكه ودلتين قهوة وشآي ورطب وخفايف عشان تآكلونهآ , آنزل آنت ونزل حد ويآك عشآن يسآعدك , وخذ عنه آلآغرآض , توه دق لي وقال انه تحت ..

ذيآب : شحقه كلفتي على عمرج ؟

: مآبينآ وبعدين آكيد اللي وياك محتآجين يآكلون , وبعدين ربع عمي بيون عقب

ذيآب : مشكورة

: العفو , يلآ انزل له لآ تتآخر آنزين ؟

ذيآب : آن شاء الله , يلآ مع السلآمة ..

: مع السلآمة " بندت "

ذيآب نآدى عمر وعمير ونزلوآ تحت وشلوآ الاغراض ومن دخلوآ الغرفه استغربت آم ذيآب ..

شيخه : من وين كل هذا ؟

ذيآب : آلهنوف وآهلهآ مطرشينه لكم

شيخه : يالفضيحه كلفوآ على عمآرهم وآلله

ذيآب : شسوي فيها , طرشت هالاشياء بدون لآ تشآورني حتى , قالت انكم محتآجين تآكلون وآن ربع ابوي والناس بيون عقب

عذاري : وآلله آنهآ بنت اصول وماقصرت , يآحظك فيهآ

ذيآب ابتسم : هي وآلله

رآشد : اشكرهآ عنآ آبويه ,

ذيآب : آن شاء الله

وصله مسج منهآ بعد ثوآني . .

" سآمحني ذيآب , مآبقدر آي اليوم مع آهلي عشان بتم مع اليهال , بزور عمي باجر اذا الله راد "

ذيآب " لآ تعآلي واليهال انا بي باخذهم عآدي "

" لآ مب مشكلة عمي محتآج رآحه وهم بيسببون ازعاج فالمستشفى فخلهم وياي احسن , دير بالك على نفسك "

ذيآب " آن شاء الله "

" آذآ آحتجت آي شي كلمني "

ذيآب " مآتقصرين حبيبتي "

" طمني بعد مآيطلع عمي من العمليآت آنزين ؟ "

ذيآب " آن شاء الله , آحبج , وآلله لآ يحرمني منج يآلغآلية "

" آموت فيك , آمين , ولآ منك يآلغآلي "

.

.

مثآيل تدور تلفونهآ لقته في الصآلة رآحت شلته وشافت ان شي واصلنها من عبدالله على طول فتحته ولقته متصور مع ولد عآمر ومطرش لها الصورة , ابتسمت من قلب وهي تطالعه . .

آم محمد : في شو مبهته ؟

مثآيل توترت شوي لكن قالت : ربيعتي ترمسني وتسالني في وين بدرس ؟ " تحآول تغير الموضوع " آميه آنتي شو رآيج ؟

آم محمد : آنآ آقول لو تروحين الكلية احسن ماله دآعي تسآفرين برع وتبعدين , آنتي بنتنآ آلوحيده بعدين اذا مرضتي منو وياج هنآك ؟

مثآيل : هالموضوع كآن شآغل بآلي من ايآم " موضوع السفر وآلدرآسه برع " , تبين الصرآحه آمي افكر مآروح

آم محمد : ترى الدراسه هنآك مثل هني , الحين كله بالانجليزي شو تبن بعد

مثآيل ابتسمت : خلآص كله ولآ تنفعلين

آم محمد : آتمنى غايه مآتروح بعد , آحس خطر عليها هالبنت تكون هناك بروحهآ

مثآيل : مآتعرفين شو بيستوي على جدآم !

آم محمد : هي وآنتي الصآدقة , لكن آحسن لج يآ آميه , جي بتكوني قريبه من ريلج ومن آهلج ومن درآستج

مثآيل استغربت لآن آمهآ مب من عوآيدهآ تطري الزوآج : آمي عن شو تتكلمين ؟ حد مكلمنكم آنه يبآني ؟

آم محمد : هييه في ناس طآلبينج ..

مثآيل بلعت ريجهآ : منو هذيل ؟ آميه انا مابا اتزوج من الحين !!

آم محمد : صدقيني مآدلهم , بس هم عرب كانوا ويانا قبل فالشعبيه القديمه لكن من حولنا هني ماريناهم

مثآيل بلعت ريجهآ : آمي انا مابا اتزوج الحين ومابا حد يجبرني على زواج ماباه

آم محمد : يآ آميه انتي الحين منو قال بيجبرج , فآلنهآية الشور شورج , مآبنغصبج نحن . .

مثآيل قآمت بضيج : زين بشوف متى تسجيل الكلية يتفح " ورآحت غرفتها وقفلت الباب ودقت لعبدالله "

عبدآلله : آلوه , دقيقه بس " حط ولد عآمر وطلع برع البيت " شوفيج ؟ غريبه متصلة

ماسمع غير مشآهق منهآ خآف عليهآ . .

عبدآلله : لآ تخوفيني قولي شوفيج , شي يعورج ؟ حد معآج بالبيت !

مثايل بندت عنه , عبدالله حرق فونها لكن مآترد عليه , بعدهآ بثوآني طرش لها مسج . .

عبدآلله " لآ تحرقين قلبي عليج وقولي ليش تصيحين ؟ "

مثآيل " امي تقول , ان في ناس متقدمين لي وانا ماباهم اخاف ابويه او يوسف يجبرني عليهم "

عبدالله " يخسي الا يسوف وعمي مآيسويهآ , مستحيل يجبرج على شي مآتبينه , وبعدين ليش نحن مآنعرف ؟ تري شوي خل موزة تطلع بالسلآمة وبو ذياب يخلص عملية وبكلم ابويه , يخسي تكونين لغيري , وبسج صصصيآح ! "

مثايل قرت المسج مليون مرة , حست بطنهآ يعورهآ بالقو , تتخيل انها خلاص بتصير ملك عبدآلله , رآحت الحمآم تسبح عشان تريح اعصابها شوي عقب بترد تكلم عبدآلله ..

.

.

بو مشآعل : خبريني ليش مب مرتاحه للريآل , آنآ سالت عنه ومآلقيت الا كل خير والريال مآينعآب

آم مشآعل : خلآص يآ بومشاعل , لا تجبرهآ على شي مآتبيه

بو مشآعل : انآ مآجبرهآ , آنآ ابي اعرف السبب اللي يمنعهآ آنهآ تصير حرمه بيت . .

مشآعل : بصرآحه ابويه انا ماباه وخلاص , وبعدين انا ابا ادرس

بو مشاعل : لآتجذبين علي , انتي اصلا مب ويه درآسه !

مشاعل " شت شت ابوي لايكون يعرف معدلي " : آنزين ابوي لا تجبرني عليه

بو مشاعل : لو مآعطيتيني سبب مقنع انا بوافق على الريال ..

مشاعل نزلت راسها

بو مشآعل قال بهدآوه : صلي استخآره يآبوج , وشوفي شو بيطلع ويآج , لكن بشرط

مشاعل رفعت راسها : شو الشرط ؟

بو مشاعل : تخبريني بآمآنه شو حسيتي فيه

مشاعل : آن شاء الله آبويه " وصعدت فوق ودمعت " ليش يوم كنت اباه مايا , ليش الحين يبون يجبروني فيه , احيانا ودي ادعي عليه بالموت , لكن استغفر ربي مليون مرة , " غمضت عينهآ وآتذكرت ايام حقآره حآمد وياها ودمعت " كيف بكمل ويآه , شو اقول لهم ؟ بنتكم كآنت تكلمه لكنه عذبها وماصانها " مسحت دموعهآ وانسدحت على الشبريه وهي تفكر بهالموضوع وكيف من الممكن انها تطلع جذبه عشان ترفضه وتكمل حياتهآ من دونه "

.

.

بشآير : آميه وين مهره مآلهآ حس ؟

آم صآلح : طآلعه مع محمد

بشآير : يلآ زين , متى عرسهم هذيل ابا البس فستآن ؟

آم صآلح ابتسمت من قلب : ان شاء الله قريب نفرح فيج وفيهآ

بشاير انحرجت : آن شاء الله يآرب !

.

.

محمد يرآويهآ الكلندر : منآسب هاليوم ؟

مهره : هي بس لآزم نشاور الآهل

محمد : مآعليج من الاهل بكلمهم آنآ , لكن هاليوم ينآسبج ولآ

مهره : هي , ينآسبني

محمد سكره : خلآص تمآم ,

مهره تشوف الكلندر في تلفونها ويوم حسبت الايام شهقت : شهرر !!!!

محمد ابتسم : هي وآلحين ضاع يوم من هالشهر

مهره تشوف محمد برجى : آجله شوي انا ماجهزت شي

محمد : آنآ مآبآج تتجهزين اباج تكوني وياي وبس

مهره انحرجت : آوف محمد بس حتى ولو لآزم آكون مجهزه كل شي جي مايصير

محمد : وآيد طولنآ , مليت , اباج تكوني يمي دوم

مهره حست عمرهآ خلاص بتموت من المستحى , نزلت راسها وشلت المفتاح : لي تشوفه , آنآ لآزم استرخص الحين

محمد : مهروه قعدي

مهره تشوف الوقت : لآزم ارجع البيت عشان ابدل وآريح شوي عقب اروح المستشفى

محمد قآم ودفع الحساب : يلآ قدآمي ماباج تسوقي برووحجج

مهره ابتسمت : يلآ

كل واحد منهم ركب سيارته وتوكل , سيآرة مهره كآنت قدآم سيآرة محمد , ويوم وصلت البيت ووقفت ووقف هو حذالها وبطل الدريشه . .

محمد : بروح ويآج المستشفى بعد

مهره : من عيوني , قبل لآ آطلع بخبرك

محمد : تمآم " سوالها باي وسكر الدريشه ورآح "

مهره صرخت من الونآسه : بكون ويآهه , آقسم بالله آني مرتآحححه وديي اصصصررخخ اكثثثر " صرخت بخوف ولفت تشوف منو ها اللي دق عليهآ دريشة السيآرة , وارتآحت يوم شافت آنه صالح " ..

صالح : شو جي تصارخين صوتج طآلع لبرع ؟

مهره مستحيه : لآ ولآ شي " سكرت الجآمه وشلت شنطتها ونزلت من السيارة وقفلتها "

صآلح : آكيد كنتي مع محمد ولآ مآ من عوآيدج هالمستحى كله

مهره طآلعته بصدمه : آصلآ من يومي خجوله " دخلت وسلمت على آمهآ وقعدت وياها عقب طرشت مسج لغايه آن تتجهز بعد ساعتين عشآن يروحون مع بعض يشوفون موزة "

.

.

: عبدآلله , قوم وصلني بيت بوذياب

عبدآلله مآله خآطر : شو تبين تروحين هنآك ؟ البيت خآلي لآ تستهبلين

: بودي اليهال وببدل لبسهم اكيد هم يوم بيرجعون بيكونون تعبآنين . .

عبدآلله : زين يلآ نشي مآيحتآي تبدلين ثيابج ترى لبسج سآتر

: آنزين يلآ " نآديت اليهال ورحت فوق وشليت آحمد اللي كآن توه ناش من الرقاد ومفهي , مايعرف شي فالدنيآ "

شليت تلفوني بعد ورحت ركبت السيآرة وتحرك عبدآلله . .

: شو مضيق خخآطرك ؟

عبدآلله : ليش قوم عمي ماخبرونآ آن في حد متقدم لمثآيل !!

سكت : عبآدي لآ تعصب بتكون من نصيبك ان شاء الله ,

عبدالله : يخسي تكون لغيري آصلآ

: خلآص عيل دآم وآثق هآلكثر روق ولآ تتضآيج . .

عبدآلله : مآقدر , آفكآر تيبني وتوديني بس اتريا موزة تطلع بالسلآمة وبو ذياب يصير احسن على طول بكلم ابويه

: تبا قلبك يطمن ؟ خذهآ مني مثايل لك وخلآص !

عبدآلله : ليش واثقه هآلكثر ؟

: بخبر يدي , ويوم الموضوع يكون فآيد يدي يعني منتهي انت مآعليك كل شي بيكون مثل مآتريد بس آصبر

عبدالله : هههه فككرههه " تحمسس " صح صح خبري يدي قوليله آن مثآيل آكسجين عبدالله , وبدونها عبدالله بيموت

ضربته على كتفه : مب لهآلدرجه بس آنت لآ تضيق خآطرك , كل شي بيكون مثل مآتريد , تمآم ؟

عبدآلله : تمآم " ابتسم " مشكورة اختي

: العفو , " شفت آنه موقف وان نحن وصلنآ بيت بوذيآب " خلآص آنت روح , لو يآ ذياب بخليه يرجعني البيت

عبدالله : آوك لكن خفوآ من الرومآنسيآت

انحرجت : لآ نحن مب جي لا تخآف " شليت آحمد ونزلت وبطلت الباب عن اللي ورى ونزلوآ ودخلنآ دآخل "

مزنه تمسح على عيونهآ : آموه انا تأبانه " عموه آنآ تعبآنه "

: تعآلي رآويني وين غرفتج يا قلب عموتج انتي

مزنه رآوتني وين ورحت طلعت لهم لبس وكل ساعه اسبح وآحد فيهم , مزنه وآخوآنهآ نآموآ بدون عشآ لآنهم كآنوآ تعبآنين على الاخر آمآ آحمد بعد مآسبحته وبدلت له , خليت الخدآمه تسوي له حليب وسيريلآك وقعدت آآكله وهو يشوف رسوم . . كنت مستآنسة آني في بيت بوذيآب وكنت آتمنى لو آقدر آدخل غرفه ذيآب , لكن قطع تفكيري وتخيلآتي الباب يوم آنفتح , حسيت قلبي وقف مكآنه , لكن ارتحت يوم شفت شمسه ووحده ثانية ويآهآ ..

شمسه : آوه الهنوف شو تسوين هني ؟ لآيكون قآعده بروحج من مساعه ؟

وديمه : منو هآي ؟

شمسه : آوه نسيت اعرفكم على بعض , هآي وديمه حرمه عآمر " وتطآلع وديمه " وهاي الهنوف حرمه ذياب

وديمه ابتسمت : ماشاء الله عليهآ , آهلين فيج حبيبتي

قلت وآنآ مبتسمه : آهلين فيكم , دآم يتوآ انا بسترخص

شمسه : تعبنآج معآنآ

: لآ تعب ولآ شي

وديمه : غريبه اليهال مالهم حس

: هي عيالج تعبآنين سبحتهم وبدلت لبسهم وعلى طول نآموآ , اما احمد مانام آلحين لانه كآن نآيم في بيتنآ

وديمه : فديتج , مشكورة وآيد

: العفو ولو, هممم دآم يتوآ انا بروح البيت عشان بروح ازور موزة . .

سلمت عليهم للمرة آلآخيرة وطلعت ودقيت على ذياب وخبرته اني ابا اروح واني متوهقه في بيتهم , مرني على طول وشلني , آلمسآفة بين بيتنآ وبيتهم مآكآنت وآيد طويلة وهو طول الوقت احسه مخنوق من اللي صآر ويآ عمي , حتى يبين هالشي من ويهه . .

: ذيآب شخبار عمي آلحين , عسآه آهون ؟

ذيآب بخنقه : آلحمدآلله

لفيت الصوب الثاني وقعدت آطالع الدرب , مآبي ااذي ذياب بأسالتي , آدري آنه متضآيق عشان ابوه , لكن الشي اللي استغربت منه انفاس ذياب , يوم وقفنآ صوب بيتنآ لفيت عشان اودعه وآنصصصدمت من شكله كآن محمر بالقو ويتنفس بصعوبه , ومآد آيده كآنه يطآلبني اعطيه شي , مت من الخوف . .

: شوفيك ذيآب , بسم الله عليك " صرخت " شوفيك ليش جي ويهك شو يعوركك !!!

ذيآب ياشر بصبعه صوب السده وانا عقب انتبهت لهالشي , ويوم بطلت السدة شفت انها متروسة بخآخآت الربو , بلعت ريجي وطلعت واحد من الكيسه وعلى طول حطيته فحلجه , حطيت ايدي على قلبه وآنآ آقرى المعوذآت عليه واعطيه بخاخ , بسم الله عليه من كل سوء يمسه او من اي شي يعكر مزآجه ويخليه تعبآن . .

بعد ثآنيتين رجع نفس ذياب مثل مآكآن , ارتحت نفسيآ يوم شفت شكله , لكن آنصدمت يوم حطآ آيده على ويهي ومسح دموعي , انا متى صحت ؟

ذيآب : سآمحيني مآخبرتج , مآكنت ابي اخوفج

هني صحت على طول : ليش خبيت عني ؟ شو كل هالبخاخات ؟ منو يعرف غيرك !!

ذيآب : محمد

صحت : حتى خآلوه مآتعرف يعني

ذيآب : لآ تصيحين خلآص انا بخييير

صرخت عليه : شو بخير انت شفت حآلتك كيف ,

ذيآب سحبني لحضنه وقال بضمير : صدق اسف لكن مآبيج تحآتيني ..

ضربته على صدره وانا في حضنه : منو عندي اغلى منك , ليش ماتخبرني , اذا مآحآتيتك بحآتي منو

ذيآب : آشش آهدي آنآ بخير وآلله بخير

قمت من حضنه ومسحت دموعي , وطلعت البخاخ من الكيسه وحطته فمخباه كندورته : خله هني فاهم ولآلآ

ذيآب ياشر على عيونه : من عيوني

ذيآب يود ويهي وباسني على خشمي : آلله يخليج لي

آنحرججججت : ويخليك لي " على طول نزلت ودخلت دآخل البيت "

.

.

الله يبطي بك معي في هالوجود

والله يقلع طاري البعد وغثاه

لو معصمك ماخاف توجعه القيود

لا اقيّد ايدك في يدي طول الحياة ♡ . .

.
. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM