ۈش رجعگ لآيگون قلبگ يۈم حس آنہ جرحني آۈجعگ ؟ - الصفحة 75

shymon · 10-26-2013, 09:06 PM

اتريا البارت مابا ارقد ههههه ..

waiting! __DEFINE_LIKE_SHARE__

Ko0oka5 · 10-26-2013, 09:10 PM

waiting?? وينج ؟؟ __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 10-26-2013, 10:53 PM

المشاركة الأصلية كتبت بواسطة amooon_alnahdi

فأنتظارج حبيبتي <3

تسلمين عزيزتي
آلحين بنزل آلبآرت
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 10-26-2013, 10:54 PM

المشاركة الأصلية كتبت بواسطة shymon

اتريا البارت مابا ارقد ههههه ..

waiting!

المشاركة الأصلية كتبت بواسطة Ko0oka5

waiting?? وينج ؟؟

هههه تسلمون لآنتظآركم
وآلحين بنزل آلبآرت
آتمنى مآ لآقي اي رد عسب انزلهم ورى بعض
بعد مآنزل البآرت , مسآحه لآقلآمكم بتكون كبيرهه

_ لآ حد يرد , الحين بنزل البآرت !!
__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 10-26-2013, 10:55 PM

آلبآرت آلرآبع عشر ..
طبعآ بعد مآبند عني ذيآب آبد مآيآني رقآد , حآولت والحمدالله نمت لي مآل كم سآعه زيآدة عقب على طول نشيت ومثل مآسوآلي سويت له .. دقيت له من الصببببح !
ذيآب بتعب : شتبين !
: نش مآيخصني ابا اسولف لك شو صار البارحه
ذيآب يته الضحكه شو صار البارحه لكن كتمهآ : خليني اناممم وراي شغل اليوم
: مايخصنننننننني تنش يعني تنش
ذيآب : آففففففففففف تنتقمي عسب البارح جي سويت فيج ووعيتج !!
: هي وبنتقم منك اكثر وبجلع عنونك بعد
ذيآب : ههههههههههه تحسسيني ياهله , آقول بندي
: مآببند , واتعرف لو فكرت تبند ف ويهي او تنام صدقني بزعل
ذيآب : يآليآهله
: عآدي ياهله بس ماتنام
ذيآب اعتدل ف قعدته : يالله شو صار البارحه
: في واحد نذل كان يكلمني ونام عني , بس ماقول غير الله يستر عليه , بدون ذكر اسمآء يعني ..
ذيآب : هههههههههههههههههههههه
آمي تدق الباب : آلهنوففف , قوم لبسي بنروح بيت يدج
عليت صوتي : آميييه انا واعيه شوي وبنزل تحت
آمي : زين حبيبتي " ورآحت "
ذيآب : يقولون آنج وآفقتي
ذبت فمكآني , وين اللي بقفطه ؟ ووين اللي بنتقم منه , وآلله هذا يعرف يحرجني ويودني بالايد اللي تعورني ويعرف كيف يخليني اسكت وكيف آتكككلم , يآربييييه منه ..
عمر فتح الباب : ذيآب آمي تقول
عمير دخل من ورآه : لو مآنشيت الحين ماتلوم الا نفسك
ذيآب : هههههههههههه هالتآليف عاد من عندكم آمي جي تقولكم مب تقولي فاهمين ولالا وبعدين انا ناش يلا روحوا
عمر : دخيلللك ذياب وحياة خطيبتك شلنا وياك تآيلند " بقهر " شو تبانا نسوي هني يعني عامر محد وسعيد محد والحين انت بتروح , وفوق ها ابويه يقول مابيخلينا ناخذ الليسن الحين !!
ذيآب : آحسسسسسسن
عمير : انا بصرآحة بروح بيت عمي بو مايد وبكلم خطيبتك انت الرمسه معاك ضايعه
ذيآب : آييييييييه شو بعد تكلمهآ
يتني ضحكه لكن كتمتهآ , مسآكييييين . . بحآول آقنع ذيآب آيبهم , ان شاء الله عاد يرضى ..
ذيآب : وعد آسفركم لكن مب تآيلند لآني مآبروح
آنحببببببببببببببببببببطت يآربيييه ذيآب مآبي , خلاص انا مابا اسافر , يآخي الرحله بتكون ممله , لا محمد ولا ذياب , آففف !
عمير : خلآص اذا جي تمام , يلآ نحن بنروح وانت انزل مافينآ آمي تقعد تطرشنا لك نطمن عليك
عمر : يلآ بنتريآك تحت " وطلعوآ "
ذيآب : آلو
زفرت حزني وقلت : آلو
ذيآب : شو اللي كدر خاطرجج !
: ولآ شي , آمم ذيآب بقوم البس بنروح بيت يدي تآمر ب شي !
ذيآب : الهنوف , مب حلوة اروح ومحمد مب موجود , شو بيقولون عني مب شايف خير خطب البنت وسافر معاها , مب حلوة لا فحقي ولا فحقج .. مابي شي غير سلآمتج وطمنيني عنج بعدين
: ان شاء الله , دير بالك على نفسك , مع السلآمة
ذيآب : مع السلآمة ..
تنهدت بضيج , يمكن اللي يقوله ذيآب صح , ان نحن غلط نسافر مع بعض وبعد غلط ان نحن نكلم بعض بالفون , قمت وسبحت على السريع ولبست لي تنورة وقميص , لميت شعري على فوق حطيت لي كريم وآقي الشمس , مآفيني استوي سوده بصرآحة ونزلت تحت تريقت , كآن الكل متجمع وقعدنآ نسولف ..
آبوي : مآنبآ شطآنه ف تآيلند , واذا بغيتوا تاخذون شي خبروني ..
مآيد : يآلله عاد الحين , مشاري وحاله
آبوي : أحلى شي انكم مآبتآخذون هدايا لحد , كلهم موجودين معاكم
: هي وآلله ..
روضة نزلت كانت هآديييهه وآيد , صبت لها شآي وقعدت صوبي وقعدت تشرب ..
آبوي تنهد : مرة انتي ومرة اختج , فهموني شو فيكم انتوا ؟ بآبآ روضة شو اللي مكدر خاطرج خبريني !
روضة تتصنع الابتسآمة : ولآ شي انا تمام
آمي : هالبنت مكآره اكيد مرتعبه من فكره ملجتها ..
روضه يتها رجفه خفيفه : آمي لا تذكريينيييي !!!
عبدالله : ترآه مآبيآكلج
روضة عصبت وحطت الشآي مآلهآ وطلعت من غرفه الطعام وهي لا متريقه ولا شي ..
: الله يهديكم , يعني هذا طآري ينطرى من صبايح الله خير
آبوي قال بجديه : هذا آلطآري المفروض مآتتضآيج منه واخوهآ مآقآل شي ..
امي ابتسمت : المفروض روضة تتآقلم مع الوضع خلآص هذا جريب بيصير ريلها
سكت مآبي آعلق ولآ ابي اتضارب من صبايح الله خير , يدي اللي آلقرآر ومن بعد كلمه يدي مآحد يقدر يقول شي , انا اعرف ان روضة وآفقت عشآن مآتحرج ابوي ولآ تكسر كلمة يدي ..
.
.
غآية : بس مآتم شي على السفر يعني لآزم نروح
لطيفة : صدقهآ آمي , ولآزم نآخذ جآكيتآت جي طوآل نحن مآبنلبس عبي
آم خآلد : يآ سلآمم !!
خآلد : آميه خليهم ترى ساترات عمارهم وبعدين ماحد من بنات عمي بيلبس
بوخآلد : مآعليه اذا جي لا يلبسون بس بشرط يكون ستير
غآيه : بيكون ستير لكن انا ابا اسير اكمل مشاري
خآلد : خلآص بوديكم اليوم
غآيه : متى ؟
خآلد : بعد شوي
غآيه قبل لا تقوم : همم عآدي بنآت عمي علي يروحون معآنآ ؟
خآلد : عآدي
غآية : آوك
قآمت ولحقت لطيفة اللي صعدت قبلها فوق , وبدوآ يتجهزون عسب يروحون السوق ..
غايه : آلوه , نونآ ؟
روضة : لآ آنآ روضة , آلهنوف تتريق ..
غآيه : آنزين بتخبرج بتروحون معانا السوق ؟ بنروح نكمل مشاري للسفره !
روضة : منو بيوديكم ؟
غآيه : همم خآلد ..
روضة : آنآ .. " فكرت فيهآ " آوك بجوف آبوي لو بيرضآ , برد عليج خبر بعد شوي
غايه : لآ تبطين
روضة : آوك " بندت عنهآ ورآحت غرفه الطعآم " عآدي نروح مع قوم عمي ناخذ اغراض للسفر ؟
ابوي : منو من عمومج ؟
روضة : بوخآلد ..
آبوي : منو بيوديكم ؟
روضة : خآلد
آبوي يطآلعني : بتروححين ؟
: هي عآدي بنروحح
آبوي : خلاص روحوا جهزوا ومن تنزلوا بعطيكم بيزآت
روضة : مآتقصر " ورآحت "
: يلا انا بروح البس عيل .. " ورحت غرفتي " آممم شو آلبس , شو آلبسس ؟ " آخر شي طلعت دريس خفيف لبسته ولبست عبايتي المسكرهه , ولبست نعالي ولميت شعري وتحجبت , شليت شنطتي ونظآرتي الشمسيه وفوناتي ونزلت تحت , قعدت فالصآله وروضة تاخرت فوق طلعت عطري وتعطرت "
شوي وابوي يا صوبي طلع لي فلوس حقي وحق روضة , شوي وروضة نزلت ..
روضة : آوييه نسيت ادق لهم " يودت فون البيت ودقت لبيتهم ورد خآلد توترت شوي خذت نفس وقالت " وين غآيه ؟
خآلد : فوق تلبس
روضة : آوك مروآ علينآ نحن بنروح معاهم
خآلد : مب مشكله تجهزوآ ..
روضة : خلصنآ
خآلد : خلآص تمام , مع آلسلآمة ..
روضة : مع السلآمةة " بندت "
رجعت وقعدت صوبي وسرحت , مآكآنت تسولف ولآ ترمس , استغربت منهآ , قلت لهآ ..
: ردت عليج غايه ؟
روضة : لآ غايه تتجهز رد علي خالد
: آهآآآ
بعدهآ ب 10 دقآيق تقريبآ وصلوآ قوم خآلد صوب بيتنآ قلنآ لآمي وعلى طول رحنآ وركبنآ السيآرة , كآنت لطيفة جدآم ووراها غايه صوب الباب اليمين , دخلت روضة وقعدت فالنص وانا قعدت ورى خآلد .. كآنوآ هآدين ولآ حد فيهم يرمس , طلعت روضة فونهآ وتمت تقرآ .. كآن مسج آو شي جي مانتبهت لها صراحه سوت طآف .. شوي ورن تلفونهآ وردت ..
روضة : نعم .. !
** : آنآ معجبه فيج ومن زمآن آحآول اوصل لج
روضة : وآنتي شو عرفج فيني ؟
** : مب انتي روضة بنت علي الـ****
روضة : هي نعم انا آمري !
** : ولآ شي بغيت اسمع حسج حبيبتي , بكلمج عقب باي " وبندت "
روضة بندت : شهالناس الغبيه !!
: منو هآي ..
روضة : شعرفني بهآ , تعرفني شكلهآ تقول انها معجبه بكخفها والله !
لطيفة : يمكن وحده من ربيعآتج ؟
روضة : لآ ها مب صوت وحده من ربيعآتي صوتها يديد علي !!
غايه : لآ تردي عليهآآ ..
روضة : هاللي بسويهه اصلا بسوي لها اكبر طآف ..
تمينآ سآكتين , وخآلد شغل لنآ قرآن . . وصلنآ بسرعه , رحنآ آلمنآر هالمرة , نزلنآ وخآلد كآن يتمشى معآنآ مآخلآنآ آبد , مآتضآيقنآ من وجوده بالعكس كنآ آحيآنآ نآخذ رآيه بالالوآن وجي , من كثر مآ نتمشى ريلي عورتني , قعدت ف المحل وهم كملوآ مشآري ..
روضة : غآيوه لآ تستهبلين , يعني اقولج عطيني رايج وآنتي جي تسوين بي !
غآيه : عيل تبي تشتري هذا مآل يهال ..
روضة : هذآ مب مآل يهآل , هذآ ربطه فيونكآ شو بعد مآل يهآل
غآيه : آنتي بتملجي جريب يا غبيه المفروض تكبري على هالسوآلف
روضة بعنآد : بآخذه يعني باخذه حتى لو جفتيني بكرشتي بلبس هالسوآلف آوكيه " ورآحت عنهآ "
غآيه يت صوبي : اختج بآيعه عقلها ولا شو سالفتها ؟ حد يشتري فيونكآت وربطآت شعر جي , هآي ويهه عرس !!
: آيييه لآتطرين لها العرس صايره تتنرفز بسرعه اليوم عصبت على كل اللي بالبيت
غايه : ليش ؟
: غايه لا تستهبلين تعرفين انها وافقت على القطري عشان مآتكسر كلمه يدي , ولآ كلمه ابوي ولا تحرجهم جدام الناس
غايه : آففف آكرهه هالشي , مسكينه ..
روضة يت صوبنآ وقعدت : شريتهم , ومآعلي منج ويوم بتشوفيني لابستنهم بتعجبين فيني اصلا
غايه : والله ياهله , بعد مآشآرتنهم من اي محل من كليرز والله ماشي مخ
روضة : خليت المخ لج يآ دكستر
غايه : هههههههههههههههههههههههههههههههه حبيييت , آلمهم يلآ خلونآ نكمل
: تعبت يآخخي .. خلينآ نريح
روضة : وين لطيفة مآجوفهآ ؟
غايه : هني بالمحل اللي حذالج , ب نكست ..
روضة : انا بروح عندهآ " ورآحت "
غايه تيود ايدي : نشي فقتج , خل نروح نخلصص ماحد بيودينآ بعديييين
: تعرفين احس ان نحن بنهاجر شو كل هذا اللي خذنآآآه احسنآ نلعب اوردي نحن بناخذ من هناك
غايه : آدري بس يلآ فزي
: هههه آوك يلآ ..
.
.
آم فهد : حسبي آلله عليهآ مب وقتهآ , بتفرق بيني وبين ولدي , لآزم الاقي حل
آبوفهد دخل : آم فهد شفيج , عسى مآشر ؟
آم فهد : ابا اسافر عند ولدي
ابوفهد مصدوم : تبين تروحين لندن وبهالوقت , بس هناك برد ومآبتستحملين الاجوآْء !!
آم فهد : مآيخصني ابا اروح عنده ..
آبوفهد : خلآص بروح ويآج بس مآبنطول .. عيالج خل ايون البيت عسب مايتم فاضي
آم فهد : خلآص آوكيه روح احجز وانا بكلمهم
طلع بوفهد عنهآ عسب يحجز لهم آقرب تذكره لـ لندن ..
آم فهد : هين يآ نوف , تبين تبعديني عن ولدي وتسببين لي مشآكل معآه .. آنآ آوريج ..
.
.
برع البلآد ..
مروى نزلت وهي مبتسمه : آهلين شخبآركم ؟ " ابتسمت بخبث " الا وينهآ شموس مآجوفهآ ؟
آمهآ : مآدري شفيهآ هالبنت , من امس وهي ماطلعت من غرفتها , وفوق ها سعيد مآجفنآه عسب نخبره
مروى : جيه آميه مآتعرفين ؟ سعيد شل اغراضه وطلع من شقتنآ
آبوهآ : ليش شو صاير ؟
مروى : ولآ شي شكلهم متضاربين , تعرفون علآقآت المتزوجين كيف
آبوهآ : يعني انتي ماتبين تتزوجين ؟ ترى مصيرج يكون نفسهم ان شاء الله بيترآضون وبيردون لبعض احسن من قبل
مروى في خآطرهآ " على جثتي " : هي , يصير خير عيل ..
آمهآ قآمت ودقت عليهآ الباب : شمسه نحن بنروح المستشفى مآبتين ويآنآ ؟
شمسه : بلآ بروح , ببدل وبي ..
قآمت شمسه وبدلت لبسهآ وهي تحس آن مآفيهآ طآقه ابد بس لآزم تشوف آخوهآ فالنهآيه ترآه تعبآن ومحتآج عنآيه مكثفه من الكل ومحتآج آن يجوف ان الكل حوآلينه عسب لآ يحس بآلخوف .. بعد مآبدلت لبسها لبست جآكيتها الطويل وتحجبت وطلعت ..
آبوهآ : شمسه شفيج ؟ كله حآبسه روحج فالغرفه مآيصير جي بابا
شمسه : مآفيني شي " كآنت تدور بعيونهآ على سعيد بس تمت سآكته "
مروى ابتسمت : ترى سعيد شل اغراضه وطلع من الشقه
شمسه تطآلع اختها بكرهه : وانا شلي ! , يروح وين مآيروح " آطآلعت آمهآ " متى بنروح المستشفى ؟
آمهآ : آلحين يلآ
قآموآ كلهم وطلعوآ ورآحوآ المستشفى مشي , لآنه مب وآيد بعيد عن الشقه اللي هم مآخذينهآ ..
شمسه في خآطرهآ " آنآ تسرعت ؟ ولآ صرت حسآسه من الموقف اللي جفته ؟ يآرب , شهالموقف اللي انحطيت فيه , آلحين سعيد رجع الآمآرت عند آهله وآنآ تميت هني , شو من الحلول اللي موجودهه ؟ انا مابي ارد له , ( دخلت ايدهآ ف آلجآكيت ) معقوله مآبكمل مع سعيد وبيطلقني , انا ماسمحت له يبرر , ليش مآسمعته , يمكن مروى الغلطآنه , ( هزت رآسهآ ) بس كيف اختي بتسوي فيني جي , استغفر الله بعد هو ريلي , آففففف مآعرف مآعرف كيف ابرر الموقف اللي جفته بعيوني , بس ليش احس ان سعيد برى مآعرف , بس انا ماريد اجوفه هالفترة اببد ولآ اريد ارد له ولا ابا اشم ريحته ولا ابا حضنه ( نزلت دمعتهآ ) يمكن انا ابا كل هذا منه بس آكآبر , ليش راح وخلآني , ليش مآبرر لي على الاقل , ليش مآتريآني يمكن كنت اسامحه وقتها , يمكن كنت اصدق منه ان مروى مال هذي السوآلف رغم آني ولآ مرة جكيتها تكلم وآحد آو شي , بس الموقف اللي جفته بعيني ان مروى اللي كآنت حآظتنه ( مسحت دموعهآ ) , يآرب سآعدنننني "
آمهآ : شمسه شفيج ..
آنتبهت شمسه آن هم جريب المستشفى وان مروى وآبوهآ دخلوآ دآخل ومآحد تآم برع الا هي وآمهآ ..
شمسه صآحت : انا , مافيني شي " قعدت على الكرسي " دخلي اماية انا محتآجه اتم بروحي شوي
آمهآ : طوفي , مهمآ يكون هذآ ريلج , وبعدين سعيد عمرنآ مآجفنآ منه المضره سآمحييه يا بنتي , يكفي انه سافر ويمكن قلبه مكسور منج ..
شمسه " آحس آني مخنوققه , اذا هو قلبه مكسور مني انا قلبي شوو صآر لي منه !! "
آمهآ : ييآ شمسه الحيآة مآتمشي الا بالمسآمحه , كيف جي انتي وياه من آول موقف خليتيه يروح عنج , جآن فهمتيه وسمعتيه , حتى لو مآبرر لج هو ريآل , والريايل يغلطون مثل مانحن نغلط , مآحد معصوم عن الخطآ والغلط يآ بنتي , بس لآ تستمرون جي , هو فمكآن وآنتي فمكآن ..
شمسه لآ شعوريآ دموعهآ آطيح وقآلت : آميه لو طلبت الطلآق تهقين بيوآفق ؟
آمهآ يودتهآ من ايدهآ : لآ مآبيوآفق تعرفين ليش ؟ لآن انا اشوف الحب وآلوفآ بعيون سعيد , انا كنت اعرف انتي كيف جافه معاه باسلوبج ورغم هذآ كله صبر عليج , ريآيل هالزمن مآيصبرون على حد , وبعدين هو يوم حبج , تزوجج , وفوق ها اهله مآيدرون رآح ورآضآهم بس عسب لا يزعلون وعسب انتي اتمين عنده , لو ماكنتي غاليه عنده هالكثر جان مآسوآ اللي سوآه , رديله يا بنتي ولآ تقعدين جي تسوين في نفسج ..
شمسه نوعآ مآ بدت تقتنع بكلآم آمهآ : خلآص آمي آنتي دخلي داخل انا بتصل بكلمه ..
آمهآ مسحت عليهآ : الله يرضى عليج ويهديج دوم يا بنتي " قآمت ودخلت دآخل المستشفى "
شمسه خذت نفس عميق وطلعت تلفونهآ من مخبآه جآكيتهآ ودقت عليه , دقت مرتين مآرد , تنهدت وردت فرت الفون في مخبآتهآ ودخلت المستشفى عسب تشوف آخوهآ ..
.
.
مهره : لآ وآلله بصفففعجج
ريم : لحظظه السمآعه طآحت " ركبت السمآعه " الحين اسمعج زين
مهره : يآخي تعالي لي اليوم ابا اشوفج قبل لا اسافر
ريم : متى بتسآفرين ؟
مهره : هالاحد
ريم : شتتتتتتت , وآيد قريب مهآري , ياخي لالا لازم ايج بس ادعي ان آمي ترضى
مهره : آصلآ خآلوه لو درت آنج بتين عندي مآبتقول شي
ريم : لآ يكثثثثر يا بنت
مهره : جد , هههه فديت خآلوهه وآثقه فيني , تعرف اني ماخربج لكن ماتعرف انج تخربيني
ريم : هههههههههههه انا جي اوكيه اوكيه يا مههرررره هييينن , آنزين يلآ بشوفهآ
مهره : جب جب لا تبندين خليني على الخط من الله انا اللي متصله ما من رصيدج
ريم : ههههههه اذا جي تمام , خليج على الخط حتى لين مآخلص سبوح وابدل ثيابي
مهره : تخسين السبآله , يلآ روحي سالي خالوه
ريم : أوك ويط " طلعت من غرفتها ونزلت وسلمت على الموجودين " آميه العزيزه , مهره تباني اروح عندها عادي ؟
آمهآ : اذا للمهره عادي اما لحد ثاني لا
ريم ترمس مهره : خلاص بييج عقب نص ساعه او ساعه لين مآ آلبس وآجهز وجي ..
مهره : آقولج خلي خالوه تي بعد بتقعد مع امي ببتونس
ريم : بجوفهآ , غدآي عندكم سويلي بريآني مآوصيج
مهره : انا اسويلج لآ بقول لخدآمتنآ مآلهآ يجنن
ريم : آوكيه بنجوف , يلآ بكلمج قبل لا آطلع , بآيوهه
مهره : مع السلآمةة ..
.
.
رحت آنآ وغآية نكست وكآن خآلد ويآنآ , دخلنآ لقينآ روضة ولطيفة يتمشون , كآنت روضة تطآلع لبس اليهآل ومستآنسه فيه لكن لطيفة تتشرى لعمرهآ للسفر , افترقنآ بالمحل بكبرهه , مآعيبني غير قميصين وخذتهم , حآسبنآ وطلعنآ من هنآك , قآلت لطيفة آن خآطرهآ تآخذ عطر من بآريس غآليري ف دخلنآه ودخلت اللي تباه ونحن طآلعين مجآبل بآريس غآليري على طول كآن في لععآن بين ولدين , هم مب ولدين صغغآر ريآيل يعني , بس آعمآرهم مآتزيد عن 25 , كآنوآ يتكخآفون وصريخهم مآلي آلمكآن .. لفيت على روضة لقيتها منخشه وراي ومغمضه عينهآ , دوم جي تكرهه تشوف هالنوع من الضرايب سويت طآف , بس شي وآحد صدمني , كل هالعآلم قآعده تصور وتتفرج ولا حد فكر يحيز من بينهم ويبعدهم عن بعض , حسيت شوي وبيموتون بعض , تمينآ نحن وآقفين على طرف ورآح خآلد عنآ , وآلله آني خفت يكفخوآ خآلد ويآهم , دخل خآلد من بينهم وبعد الاول عن الثاني , ورآحوآ عن بعض وهم معصبييين , وآلله خآلد كبر ف عيني , وقهرتني هالناس كلهآآ , يعني عنبوهه جدآمكم الشي يصير وانتوا تصورون ؟ يعني وآلله عيب احس النآس وآيد تغيرت صآرت عديمه احساس كل همها تصور وتنزل ف النت او الانستقرآم آو الكيك ..
خآلد بطل غترته وقرب صوبنآ ورد يتغتر : آذآ خلصتوآ خلونآ نروح " رتب تغتيرته " شفكيم مبهتين يلآ ..
تمينآ سآكتين مآحد رد عليه ابد من الخوف اللي فينآ , هو مشى ونحن نمشي حذآله ..
ونحن نمشي فجآه قآلت غآيه : خآلد اآذن الظهر , خل نصلي هني عقب نآكل لنآ لقمه جد يوعآنين !!
خآلد : خلآص يلآ بنروح نصلي عقب بتآكلون شي وبردكم البيت ..
لطيفة : آوك
مشينآ للمصلى ودخلنا نحن مصلى الحريم وصلينآ وهو دخل مصلى الريآيل وصلى وبعد مآخلصنآ ططلعنآ , كآنوآ محتآرين وين يروحون , عقب آخر شي رحنآ شيليز , قعدنآ ف طآوله , كنت انا مجآبله غايه وكنا ف طرف , عقب لطيفة وروضة مجآبلين بعض وخآلد سحب له كرسي وقعد ف نص الدرب , بالبدآية احتشروآ لانه ممر لكن هو احتشر اكثر لان طآولآتهم مب وآيد كبيرهه يعني بس تكفي ل 4 اشخاص او 5 بالكثير .. قعدنآ نسولف , عطينآهم الاودر لمآ يو يآخذونهآ وكملنآ ..
خآلد رن تلفونه وقآم عنآ ورآح يرد بعيد ..
روضة رفعت تلفونهآ ولقته يرن ردت وسمعت اغنيه تمت سآكته عقب سمعت صوت البنت تقول لها : بس حبيت اهديج هالاهدآْء يلآ بآي " وبندت "
روضة : آففففففففففففففف شهالغبييه !!
لطيفة : شفيهآ ,, لايكون هي نفسهآ ؟
روضة : هي والله غبيه داقه عسب تهديني اغنيه وتبند
غايه : ههههههههههههههه روحح على الحببب من ورآنآ روضووهه !
روضة : فعينج وآلله لآ ..
: ههههههههه ايه شو اختي مب مال هالسوآلف , لآ تخليني اصفعج ..
غآيه : خيبه خيبه , آسولف كله ولآ زعل نونآ
لطيفة : آخآف الا انتي والهنوف تحبون بعض مب روضة وهذيك البنت
غايه بطلت عينهآ : بعضضضضضج انا اختتتج كيف جي تقولين عني , هاي بنت عمي كيف ماحبببها
لطيفة : هههههههههه لا تعضيني ولا اعضج قري ف مكانج كله ولآ الهيبه
خآلد يآ صوبنآ : مثآيل ويوسف الحين بيون ..
روضة ف خآطرهآ " هذآ متى بيفج عن حيآتي , آفف احسن اني صرت آكرهه آشوف يوسف الحيوآن , كله منه , خرب علي حيآتي "
لطيفة : زين , غريبه الحين بيون خبرتهم ان نحن شوي بنروح ؟
خآلد : هي هم اوردي بيون يتمشون عسب مثايل تبا تاخذ لها اغراض
: يحيهم وآلله , من وين نآزل عليه هالكرم كله .. ان شاء الله دوم يعآملهآ زين ويطلعهآ ..
روضة رن تلفونهآ ولآحظت آنه رقم خآرج الدولة , بآلبدآية قالت مآبترد لكن عقب ردت وتمت سآكته , لمآ سمعت انه صوت حرمه قالت ..
روضة : آلسلآم عليكم خآلوه ..
.. : وعليكم السلآم ورحمةة الله وبركآتهه , شخبآرج بنيتي ؟
روضة : بخير وسهآله وآنتي شخبارج ؟
.. : بخير , عرفتيني انا منو ؟
روضة : لآ وآلله مآعرفتج
.. : انا ام عبدالرحمن , عمتج المستقبليه فديتج ..
روضة بلعت ريجهآ وآحمررررت : آهآآ " تمت سآكته , بلمت , مآعرفت شو تقول "
آم عبدالرحمن : انتي وين فديتج اسمع عندج حشرة ؟
روضة : هي خآلوه ترآني بالسوق اخذ لي اغراض للسفر
آم عبدالرحمن : عسا ماناقصنج شي للملجه ؟
روضة : لآ مآتقصرون مآنآقصني شي يالغاليه ..
ام عبدالرحمن : هذا رقمي مآل قطر , سيفيه عندج وبتصل اطمن عليج من فترة لفترة انزين حبيبتي
روضة : آن شاء الله , ديري بالج على حآلج ..
آم عبدالرحمن : وآنتي بعد , مع السلآمة
روضة : مع السلآمة " بندت " ..
ياني فضول وقلت لها : منو كآن يكلمج ؟
روضة قآمت عن آلطآولة وشلت شنطتها فونها ورآحت عنآ الحمآم ..
غايه : بلآهآ .. !!
لطيفة : منو هاي اللي متصله لها جي قلبت مودهآ ؟
شوي ورن تلفوني ورديت كآنت آمي ..
آمي : وينكم ؟ وينهآ روضة اتصل بها ماترد علي
: روضة راحت الحمام اكرمج الله ونحن قآعدين فالمطعم بنآكل ورآدين وويانا خآلد مآعلينآ شر
آمي : سلمتي على آم عبدالرحمن
استغربت : منو هآي ؟
آمي : جيه مآدقت لروضة ؟ آم ريلهآ !!
: شووووووه , آمي الله يهديج كيف تعطينهآ رقم روضة , لآزم تعكرون مزآج البنت وهي طالعه مآيكفي الصبح مآتريقت حتى الحين ماتبونها تتغدى !!
آمي : يعني شسوي الحرمه طلبته اقولهآ لا البنت تتمشى وماتبا ولدج , اصطلبي انتي واختج ولآ تبطن يلآ " وبندت ف ويهي "
: لآ حول آلله !!!!
غآية : شو مستويي ؟
بقهرر : هذيل آهلي شكلهم يبون روضة لآ تتريق ولآ تتغدى ولآ تتعشى غصب يسون الاشياء اللي تقهر بهآآ ..
لطيفة : هدي اعصابج الهنوف ..
: انا رايحه بجوفهآ وبيبهآ هني غصبن عنهآ " قمت عنهم ورحت لهآ الحمام لقيتها تمسح دموعهآ حضنتها على طول "
روضة صآحت : ليش امي جي تسوي فيني , آنآ مآكسرت كلمتهم , ووآفقت عليه تسير تعطي الحرمه رقمي , يعني هم ليش يسون بي خبريني بشو قصرت ممعاههم انااا !!
مسحت على ظهرهآ : يآ آمي خلآص آنسي الموضوع , آنسسسي اللي ربج كآتبنه بيصيرر , لآ تضآيجين !
روضة قآمت من حضني وقالت : خلينآ نروح , لآ تخبرين حد
: مآخبرت حد ولآ بخبر يلآ قومي بنتغدى حدي يوعآنه ..
روضة ابتسمت يودت بطنهآ : انا اكثر يلآ ..
ردينآ على الطآولة ولآ كآنه شي صاير وكآنت روضة تسولف عآدي , حمدت الله انها كلت لها ومامنعت نفسها من الاكل , كنآ نآكل ونسولف , كآنت لمتنا حلوة .. روضة ويودت تلفونهآ " البيبي " وكتبت بالبيرسونآل [ سولفوآ لآ عآد تسكتون , قبل لآ آهوجس ويآتيني بلآي ] , يوم جفتهآ ميوده البيبي مآلهآ آنتبهت على البيرسونآل وتنهدت , يحليلج يختي , الله يكون فعونج على كل اللي يصير لج .. بعد مآخلصنآ غدآ دفع عنآ خآلد آونه عزيمه وحركآت منه , وشكرنآه طبعآ على هالطلعه الجميلة , ونحن مروحين جريب البوآبة دخلوآ يوسف ومثآيل سلمنآ عليهم وعلى طول طلعنآ ورجعنآ البيت ..
.
.
ذيآب : آلله يهديك يآ سعيد شحقه مآتنتبه , يعني من الله مآلحقت تريح غير شوي
سعيد : ذيآب خلك مني , آمي وآبوي لآيكون عرفوآ عن شي من اللي صاير !!
ذيآب : لآ مآعرفوآ شي ..
سعيد : زين
ذيآب قعد على الكرسي حذآل الشبريه : آمي تحآتيك من مساعه تتصل تلفونآت ..
سعيد : انا نسيت تلفوني بالبيت بعد , طمنهآ قول لهآ آني بخير
ذيآب : شو اقولهآ آنك بخير وآنت مجبسين لك ريلك , بتآكلني والله , مابقول لها شي خل تشوفك جي وتهزبك انت بروحك آحسن
سعيد : شو بعد تخرطفت بالغلط مآكنت منتبهه , عقلي ماكان وياي
ذيآب : سعيد مب زين اللي قاعد تسويه في نفسك ..
سعيد لف عنه : مآظن انا يالسه اسوي شي في نفسي , انا تمام
ذيآب : كنت تفكر فيهآ صح , حرآم تخليهآ هنآك بروحهآ ..
سعيد عصب : يعني شو اسوي ذياب خبرني شو اسوي , !! , حتى مآخلتني ابرر لهآآآ , كل من آختهآ ربي ياخذههآ
ذيآب : مب زيييين استغفففررر ربببك
سعيد : استغفر الله العظيم بسس
ذيآب : شوي وبنطلع من المستشفى واتصل لها اطمن على صحتهآ ولو مآردت عليك اتصل بآمهآ
سعيد : يصير خير ..
بعد ربع ساعه ارخصوآ سعيد من المستشفى وردوآ البيت .. آول مآنزل نزل بعكآزه ويوم دخل الصآله آبوه آنصدم
بوذيآب : سعييييييد شو صآبك !!
آم ذيآب يات من فوق وحطت ايدهآ على قلبهآ : ويديييييييه سعيييييييييييييييييييييييييد !!!! " طآلعت ذيآب " شحققققه مآخبرتني
ذيآب : مآحبيت اخوففففج ..
عمر : سلآمآت بوعسكور
سعيد : الله يسلمك
سآعده ذيآب لين قعدوآ على الكرسي
بوذيآب : الله يهديكم من عيآل , كيف جي طحت وكسرت ريلك ؟
سعيد : تخرطفت بالدري
آم ذيآب معصبه : لآزممم عقلك عند مرتك وين بتفكررر بتشوف قدددآآآمكككك !
سعيد سكت مآقآل اي كلمه وتم يطآلع ذيآب ..
ذيآب : آميه ممكن تسكرين هالموضوع ..
آم ذيآب : لآ مآبسكرهه , اشوف جي ولدي متعذب ومرته هنآك يحليلها خلاها بروحها عند آخوهآ ورد هنننني , شهالككلآم اللي مآيدش العععقققل " تطآلع ذياب " انت لايكون تخورط علي تبا تسكتنيييي !!
ذيآب : آلله يهديج شقا اخورط عليج بعد , ترى قلت لج الريال خلى مرته عند اهلها عسب تاخذ راحتها واخوها تعبان وهو يا مارتاح في شقتهم شو يقعد يسوي هناااكك
آم ذيآب : وعآمر آخوكم قليل الادب هذا اللي مايسال عن امه وييينهه شحححقققه مآيتصل بي ؟
بوذيآب تنهد : الله يهديه من ولد رآح واستقر برع ولآ نشد ولا تخبر عنا ابد
ذيآب : لآ تظلمونه قبل كم يوم اتصل وقال بيونكم قريب وبيب عياله بعد ويسلم عليكم
ام ذياب : هي رقمك يدله بس رقم امه مايدله صح , وعنبوه حرمته مآتكرمت تتصل تتخبر عن عمتهآ ؟
سعيد : انا بصعد فوق غرفتي آريح
آم ذياب بعصبيه : آنتبهه وآنت تمشي عن تنفد لنآ ريلك الثآنية
سعيد يته الضحكه لكن سكت عن تعصب عليه زيآدة ورآح فوق ..
بوذيآب : هدي شويخ شفيج جذا مشتبه على اليهال مايصييير
عمر وعمير : يهآآآآآآآآل !!! هههههههههههههههههههههههههههههههههههههههههههههههههه
آحمد : بابا ثوفهم هذيل ذفتين " بآبآ شوفهم هذيل زفتين "
ذيآب شل آحمد : آنآ رآيح فوق بريح بعد تعبآن من الفير رحت يبته عقب ركضت فيه المستشفى
آحمد : نذلنننننننننننننننننني " نززلتتي "
ذيآب باسه ونزله : يلآ عن اذنكم
عمير : اذنك معآك
وصعد فوق ذياب ودخل غرفته وريح .. آمآ في غرفه سعيد بعد مآقعد على سريره يود تلفونه ولقآهآ متصله ..
سعيد تنهد واتصل فيها لكن مآردت .. طرشت له مسج !
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM