ۈش رجعگ لآيگون قلبگ يۈم حس آنہ جرحني آۈجعگ ؟ - الصفحة 220

دااانه غير · #1 09-04-2014, 02:30 PM

روايتج حلوهه وروعه
ان شاء الله عمر يعترف لميثا ويحبها ويتزوجون
الهنوف والذياب احلى ثنائي بصراحه

اتمنى انج ماطويلن
اشتقت لروايتج بجدد

تحياتي

الدانه __DEFINE_LIKE_SHARE__

Bantnasser · 09-06-2014, 10:52 AM

اسفين كاتبتنا ع قلة الردود وحقج علينا

البارت كان جمييييييييييل و كل البارتات الي نزلتيهم من بداية الرواية جميلاات و ما عليهم كلام ما شاء الله عليج دايما مبدعة و افكارج يديدة و مختلقة
استمري و دايما للامام حبيبتي و اتمنى لج كل التوفيق و اتمنى اشوف كتاباتج في التي في يتمثلن بعد .. __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 09-06-2014, 12:02 PM

آلبآرت الـ48 ..
غآية كملت وآيد مع يدوه .. مآلهم حس ؟ معقولة يدوه تقبلت الخبر بصدر رحب وهآدي ؟ لآلآ مستحيل آكيد شي صاير .. ابا اسسسير بس , يايه بكمل تخيلاتي لكن قطع علي يدي بكلآمه . .
يدي : آلهنوف شوفيج تفكرين ؟ سرحآنه يا آبوج من الصبح وانا اكلمج وانتي مآتردين عليه ؟
توهقت : هآ يدي .. هي ترى الله يسلمك ورى باجر عندي امتحان يدخل ضمن الاعمآل الصفيه وآحآتيه , بس
يدي رفع حياته بتشكيك , شوي وطلعت غاية من الغرفة وكآن ويههآ معتفس وآيد , من شفتها صخخيييت ..
غآية ابتسمت بتصنع : آلجآمعه متصلين لي يبون يشوفوني , صآر لآزم آروح اشوفكم آن شاء الله مرة ثآنية ,
يدي : آنزين خلآص روحي , بس لآتنسين اليوم تلبسي شي حلو لان بنروح بيت خطيبج وبنقعد وياهم
غآية : آآن شاء الله
: تبين آروح ويآج ؟
غآية : لآ مآله دآعي بروح بروحي " وطلعت من الشقه على طول " . .
قعد يدي يسولف ويقول انه ياي عشاني لان كنت زعلآنه منه وتحسب آني للحين زعلآنه مآيعرف آن غلاته من غلاه ابوي وزود ولو شو مآسوى فيني مستحيل ازعل عليه !
.
.
بعد مآطلعوآ من الفلم . . . .
عليآ : ترفة تحسين اليوم حلو صح ؟
ترفة : آممم هي ,
عليآ : شوفيج ؟
ترفة : مآعرف آحس شي مب حلو بيصير اليوم , وبعدين صح الفلم كآن حلو لكن مآستآنست لذاك الزود لآن تمنيت غاية ومنآر والهنوف ومريوم ويآنآ ..
عليآ : هي صح , ..يلا خل نرجع الشقه احسسن
طلعوآ مع بعض ويوم وصلوآ صوب بوآبة المول شهقوآ . . .
ترفة : آويه مآيبنآ المظلآت , طآعي الدنيآ مطررر
عليآ مغرمة بالجو : يآربيييه , جو بونفرين والله
ترفة كفختها على راسها : انا مب مالية عينج ؟
عليآ : لآ مآلتنهآ ونص , خل ندخل الجمعية نآخذ لنآ آمبريلآت ونرجع الشقة
ترفة : يآلله !
رآحوآ يدورون فالمحلآت لين لقوآ مظلآت وشروهآ وعلى طول طلعوآ , وهم رآجعين . . .
عزوز : ترى آنآ بآجر مروح ,

ميثآ : ليييش ؟ تمممم !
عليآ شهقت : نسيييييييييييييييت
كلهم لفوآ صوبهآ وافتشلت ,
عليآ : آقول بنيآت , انا بمر الجمعية شوي وبي الشقة آنزين " وغيرت مسآرهآ ورآحت الجمعية "
عزوز وصلهم الشقه ورآح الجمعية قعد يدورها وشافها يالسه تتنقى وتتكلم بالفون . . .
عليآ : آممي .. اشتقت لج وآيييد " تحرك ريلاتها بهدوء " آلحمدالله مآتم شي وبرجع آتم ويآج .. انا بخير وربيعاتي وايد بخير بعد ويسلمون عليج كلهم , ادري آن مآبتقدرين تردين علي ولآ تكلميني مثل مآنآ آكلمج بس حبيت اتصلج عشان اطمنج عليه آكيد تحآتيني .. آتمنى تكونين بخير , خذي آدويتج ولا تنسين تاكلين وتهتمين بصحتج آكثر , واذا في خاطرج شي ايبه لج من لندن طرشيلي اياه مسج آنزين يالغالية ؟ يآلله تيك كير , مع السلآمة " بندت ومسحت دمعتها ويلست تاخذ اغراض للشقه ويوم لفت شافت عزوز انحرجت " آنت شو تسوي هني ؟
عزوز ابتسم : يت اخذ لي عصير
عليآ رفعت حياتها و خازن عن دربه وراح هو ياخذ له حلويات وجي وهي راحت تدفع ويوم طلعت طلع وياها . .
عليآ منحرجه : عيب عليك جي تيلس تسوي لازم تحرجني معاك ؟
عزوز : بوصلج وبروح
عليآ لفت وطآلعته : مآله دآعي , مآبضيع .. آدل الدرب
عزوز تنرفز : بوصلج يعني بوصلج رضيتي ولآلآ
عليآ لفت ومشت جدآمه وهو مشى وراها ومن شاف انها دخلت البنآية روح , دخلت الشقة وهي تتحرطم . .
عليآ حطت الاغراض بالمطبخ وزعقت : ميثآآآآآآآآآآآآ
ميثآ طلعت من الغرفة : خير شفيج تزآعقين ؟
عليآ : اخوج بكفخه تررررى
ترفة بملل : شو سوى لج بعد ؟
عليآ : فشششلننننني , ليش يعني يوصلني هني
ترفة : تحمدي ربج موصلنج , تشوفين كيف الامطار , وبعدين حتى لو آنتي عايشه هني من كم سنه ترى الدنيآ مب آمآن
عليآ : آنزين آنزين خلآص ..
ميثآ : ههههههههههههههههههههههههههه والله آنه يبا ينرفزج , احسه يستمتع بهالشي ,
عليآ : الله يهديه بس , آنزين انا شريت لكم اغراض شوي وحلويات , تعرفون عاد لزوم السهره , وفي فبالي فلم يآبآني بنشوفه
ميثآ : حلو بنغير جو ,
ترفة : آقولكم الهنوف مآتصلت ؟
عليآ : لآ
ميثآ : لحظة بتصل فيها " راحت غرفتها ويابت تلفونها واتصلت " آلو نونآ
: هلآ
ميثآ : وينكم ؟ كآنكم تآخرتوآ ؟
: هني انا عند قوم يدي , لكن غاية روحت
ميثآ ومليون علامة تعجب فوق راسها : روححت !!! وين رآحححت ؟
كحييييت : شوووه !!
ميثآ قالت بصدمة : تتحسبينها رجعت الشقه ؟ مآحد بالششقه , والدنيآ برع مطررر وين بتكون رآحت ؟ شي صآر لهآ هنآك
قلت : مآعرف , انا يالسه مع يدي الحين عقب بكلمج اوك ؟ اذا عرفتي شي كلميني " وبندت "
ميثآ لفت على البنآت : بنآت غاية طلعت من شقه يدها والهنوف تتحسبها رجعت
عليآ توترت : آويه ؟ وين بتكون رآححت !!!
ترفة رجعت راسها على ورى وتنهدت : أحس انه اليوم بتستوي مصيبه ..
.
.
حمدان يكلم ذيآب بآلفون : لآ وآلله يآلس بروحي , آمي وغآلية وسلآمي والخدآمه رآحوآ بيت خآلتي عشان يتعاونون ,
ذيآب : هههههههه حسستني مصصصآرعه ! يتعآونون ع شوه ؟
حمدآن : على العشآ لآه , ترى اهل غاية اليوم بيون نسيت ولآ شوه
ذيآب : هي صح , تصدق رآح عن بآلي . . .
حمدآن : آقولك بتطلع مكآن ؟ اذا مآبتطلع بيك لآني ملآن
ذيآب : تعآل حيآك بس شل المظلمه ويآك لآن الدنيآ آمطآر
حمدآن : مآشآء الله !! آوك يلآ عطني ربع سساعه ويآي
ذيآب : آتريآك *وبند*
حمدان صعد فوق غرفته وبدل ثيآبه ولبس جآكيته وشل المظلة ونزل تحت وقفل البيبان وآول مآلف آنصدم بوحده وآقفة .. استغرب , قرب منها يبا يعرف هاي منو اللي يايتنهم فهالوقت واللي جي متخرسه مآآآي . . . .
حمدان : لو سمحتتتي !!
غآية لفت وعينها محمممررره وحمدآن فتح عينه لمآ شآف آنهآ غآية , غآية تصيح بصوت غير مسموع آمآ حمدآن قرب منها وغطاها بالمظله ويآه ..
حمدآن قلبه يدق بقوة : غآية شوفيج ؟ ليش يايه جيه ؟ ليش مآدقيتي الباب ليش جي تميتي بالمطر ؟ تبين تمرضين !!
غاية سآكته ومنزلة رآسههآ ..
حمدآن تنهد وسحبها داخل البيت
حمدان يحآول مآيعصب عليهآ : شو هذآ اللي قآعده تسوينه ؟
غآية سآكته . . .
حمدآن رآح وقعد حذآلهآ ويود ايدهآ اللي رآصتنهم ببعض بقوة : غآية .. شو اللي صاير ؟
غآية نزلت راسها ودموعها تطيح على خدهآ : ححمم..ددآآ " طلعت من غايه شهقه وعلى صوت صيآحهآ "
حمدان توتر : غآية الله يهديج , ليش تصيحين انزين بس فهميني شو اللي صآير وييآج ؟
غآية تشآهق ومب قادره تتكلم اببببد . . .
حمدان رص على ايدهآ وقعد يطمنهآ آن كل شي بيكون بخخير لين مآهدت شوي وقدرت آنهآ تتكلم . .
حمدآن : يآلله , دآم هديتي شوي فهميني شو اللي صاير !
غآية رفعت عيونها اللي تلمع بالدموع وحطتها بعين حمدان وقآلت : حمدآن , لو مآصآر اللي ما نبغيييه , ومآصرنآ نصيب بعض , دير بالك على سلآمة آنزين ؟
حمدان هد ايدهآ بصدمة وبعده مب مستوعب الكلآم اللي قالته و حط ايده على كتفهآ وهزهآ بقوة وهو معصب : شو اللي تقصدينه بكلآمج هذذذآآآآ ؟ " زعق بقوة " غآييييييييييييييييييية !!!!!!
غآية خآفت وتمت تطآلعه ودموعهآ آطيح وصرخت بقوة : حمدااااان مب بآيييديييييي يدوووه عرفففففت ككككل ششششي قآلللتتتت ليييي يآ آختتتتآرررررك يآ آختتتتآررررهممممم , يآ بتفضضضضحنننآ " صآحت من قلب " يدددوووه اليوم ضربتني ووايد وتنازعت علي قالت آنهآ مآربتني على جييي " صرخت بحزن " انا الحين شو اسوي ؟ منو آختآر فيكم ؟ آنآ آحبببك ومابا اخليييك ولآ آبآ آخسسسسركككك يكفي خسسسسرتتتتك 3 سنيييييين ولآ عشت معاك شي من عمري ولآ ربينآ بنتنآ مع بعض بعد الحين آتخلى عنك ؟ بنفسسسس الوقت " قآلت بضعف " لو مآخترت آني آتم مع قوم يدوووه *دموعهآ آطيح بغزآره* قآلت لي لآ ترجعين الامارات آبببببد وآّذآ رجعت بتفضحني انا وياك عند العايلة كلههآآآآآآ ..
حمدآن يطآلعهآ بحزن وبصصصدمممه , مشآعره اختلطت عليه مآقآدر يتككلم ولآ شششي , يحس آنه مخنوووقققق , شل بعمره وطلع برع , غاية تقدمت من الجآمه وخوزت الستارة شوي وقعدت تشوف حمددان , كآن هآديي , كآنت خيفآنه عليييه , تحس آن هذآ هو اللي يقولون عنه *هدوء مآقبل العآصفه* , يودت المظله مآله ولبست النعآل –عزكم الله- وطلعت برع بخطوآت ثقيله , تحس آنهآ آخر خطوآت آو آخر الايام اللي بتقدر تقضيها مع حمدآن , مشت صوبه وغطت راسه بالمظلة وحضنته من ورى وقآلت بحزن ودموعهآ تطيح على ويههآ . . .
غآية : حمدآن لآ تسوي فيني جي .. لآ تهمل نفسك عقب بتمرض , آنت فيك القلب لآ تعب روحك !
حمدان نزل راسه بهدوء ويطآلع ايدهآ اللي محاوطه خاصره , مسح دمعته اللي نزلت وخذا نفس وحط ايده على ايدهآ ونزلها بقوة وطلع من تحت المظلة وقآل ,
حمدآن لف يطآلعهآ : لآ تمثلين آلحب وآنتي آخر شي بتخليني , طلعتي مثل آبويه " وآختفى من جدآمهآ "
غآية تطآلعه بصصصدمممه , آو بالاحرى تطآلع المكآن اللي خلاها فيه ورآح .. رآح بدون مظلة , تمت تحآتيه وآيد لآ يمرض آو يتعب خاصه آن حمدآن مآتعرف فالفترة الاخيره اذا ياخذ دواه بانتظام ولآلآ .. دخلت بحزن البيت وقفلت على عمرهآ البيبان وتمت وآقفة عند الجآمه تتريآه يرجع عشآن تكلمه , تعرف آن حمدآن وآيد شال في قلبه من آبوه .. لان ابوه فجآه تخلى عنهم ممآ حسس حمدان بالمسؤولية وهو بعده صغير .. عضت شفايفها غاية و دموعها تطيح .. آنحطت بين جمرتييين , وكل جمرة بالنسبه لها احرر من الثانية . .
غاية رفعت عينهآ بالسمآ ودموعهآ تطيح : ليش جي تسوين فيني يا يدوه .. الله يسآمحكم جآنكم تحآولون تبعدوني عن الانسآن اللي احبه واشوف الدنيآ معآه جنه !!
.
.
مر الوقت سرعه , قوم يدوه كآنوآ يكشخون ويتجهزون عشان بيون بيت أم حمدان , طبعآ كلهم بيون ماعادا عبدالله ومثايل لان حسوآ آن مآلهم دآعي هنآك .. كنت يآلسه اكشخ لآني بشوف ذيآب وكنت لافه شعري , طبعآ انا , اللي كنت آكره المكيآج ؟ صرت آحطه بروحي والفضل كله يعود لمنآر اللي علمتني ومآقصرت , نزلت تحت ومن شافوني البنات صفروآ .. كنت مسوية آيشدو ممزوج بالوردي آلهآدي جدآ اللي يادوب ينشآف مع سكري , وكنت رآسمه عيني بخفيف ومكثره البلشر على خدي , كنت محطيه بلشر غريب, لا أنه وردي ولآ آنه برونزي , المهم كنت بعدي مب محطيه الروج ولآ المسكره نزلت عشان اشوف غاية اللي من رجعت من مآعرف وين ؟ وهي فالغرفة ولآ كلمت حد ولآ شي , رحت صوب غرفتها ودقيت الباب ..
: عآدي آدخل !
فتحت عني الباب ورجعت انسدحت على الشبرية ,
شهقت : هئئ غآيييوه ليش مب جاهزه ؟ يلآ قومي لآ تآخرينآ .. خلينآ نروح لان بنمر عند قوم يدي أول
غآية : مآعليه لكن مآلي خآطر اروح
: غاية جي بيشكون فينآ ,
غآية قالت بهدوء : مآعليه الهنوف .. عشان لآ أفشلهم بيكم عقب الحين خليني ارتآح احس آني تعبآنه
قلت لها : وين رحتي اليوم ؟ *وبتهديد* لو سمحتي لا تقولي الجآمعه لان اعرفج جذآآآببببه الجآمعه لآ اتصلت ولآ شي ..
غآية اعتدلت : مآلي نفس اتكلم بهالموضوع ,
: آزين عيل يالله قومي اجهزي , خل حممدآن يشوفج , يلآ قومي وتمكيجي عشان لا احس اني الوحيده اللي متحمسه !!
غآية ابتسمت : آنزين بكشخ .. يلا طلعي
: بتلبسين ولآ تستهبلين عليه ؟
غآية قالت بصوت مليآن حزن : مآستهبل ,
قربت صوبها وحضنتها بقوة وقلت لها بهدوء : شو اللي صآير معآج ؟ منو مزعل غآيوتي ؟
غآية قالت بصوت خفيف وهي ف حضني : احس اني بخسر حمدان .. أحس ان اليوم اخر مرة بشوفه فيها
قمت من حضنها بخفيف وك نوع من الصدمه : شو اللي يالسه تخربطينه ؟
غآية طالعتني وعيونها تلمع : يدوه عرفت كل شي .. كل شي يالهنوف .. قالت لي يا آختآركم يآ آختآر حمدآن .. ولو سكتت عن موضوع زوآجي من حمدددان ماتباني ارجع عندكم الامارات ابببد ماتبا تشوفنننني " حطت ايدهآ على خدي ودموعها بدت تنزل " كل ماحس اني قربت منه يا الهنوف شي يصير كل مآحس آني بعيش مرتاحه معاه وبنعيش بسعاده واخيرا بنربي بنتنا مع بعض نفترق !
تميت واقفه وانا مصدومة من الكلآم اللي قالته يدوه , غآيييية حبيبتها , اللي تغصص فيها ومآتتخلى عنهآ , غآية اللي كانت يدوه تتصل فيها طول مانحن مسافرين تطمن عليهآ ومآتكلمني حتى جي تقول لغآيييية !!!
غآية مسحت دموعهآ وابتسمت : روحي كملي لبسج وسوي شعرج آكيد متحمسة عشان بتشوفي ذيآب , روحي خليني البس , خلاص بروح عشان اشوفه حتى لو كآنت آخر مرة على الاقل اشوفه .. آحفظ ملآمحه " قربت مني ودزتني وطلعتني من الغرفة وقفلت الباب "
صعدت فوق وانا مصدومة , لبست عقدي وحلقي ولميت شعري ولبست جآكيتي وسويت روج ولبست نعآلي –عزكم الله- وحطيت شيلتي وتعطرت على السريع وشليت فوني ونزلت تحت تميت سرحآنه والبنآت يسولفون ويمدحوني وحآلتهم حآله , تمينآ مآل ربع ساعه قآعدين .. شوي وآنفتح بآب غرفة غآية وطلعت منه , كآن شكلها 180 درجه غيييير , كآنت لآبسه دريس لونه أسود يآي على الجسم مررة , ولابسه كعب خفيف ولامه شعرها ومنزله خصلات منه وراسمه عينها من فوق بايشدو ومسويه روج أحممر يشد .. سكتت يوم شفتها , والله اللي يشوف غاية بهالكشخه , بينصدم باللي بقلبها , اللي يشوفها الحين مآبيقول هاي اللي كانت تصيح مساعه , مب هاي اللي صاير وياها ككل شي , ابتسموآ البنآت وقعدوآ يصفروآ اما انا ابتسمت بخبث وفي فراسي فكرة جممميلة وآيييييد ! رفعت راسي لغاية وغمزت لها وابتسسسمت من قلب , ابتسمت لي تتحراني امدح شكلها , المهم بعد مآخلصنآ لبست غاية شيلتها وعبايتها وتعطرت وطلعنآ انا وهي , رحنآ عند قوم يدوه , عقب طلعنآ كلنآ مع بعض , طبعآ غآية كانت وآيد هآديه ومآترد على اي حد يكلمهآ , وكانت طول مانحن بالتكسي تطآلع برع , طلعت فوني وطرشت مسج لذيآب .. أوصيه فيه على شغله , المهم وصلنآ بيت أم حمدان واستقبلتنآ هي وحمممدان , طبعآ لاحظت آن حمدآن آبد آبد مآلف على غآية , يآ ترى متضآربين بعد ولآ يمثل جدآم يدوه انه محترم بزيآده والله مآعرف , المهم انفصلنآ , نحن الحريم دخلنا الصآله ويوسف ويدي دخلوا مع حمدان الميلس . . .

أم حمدان : زآرتنآ البركة وآلله ,
يدوه ابتسمت : مآتقصرين يالغنآه .. نآس والنعم فيكم وآلله
غآية ابتسمت وكآنهآ تستهزء بكلآم يدوه , ليش تقولهم هالكلآم وهي مسمعتنها كلام يسم البدن ؟
ام حمدآن : شخبارج غآية بنتي ؟
غآية : الحمدالله .. بعدي عايشه عموه ,
ام حمدان سكتت ,
يدوه عصبت : غآييية ..
غآية وقفت : عن اذنكم بروح الحمآم
ام حمدان : بدليييج ..
وطلعت هي وام حمدان فوق غرفة غالية ومن دخلوآ , تنهدت غاية بضيج وقالت ,
غآية : آسفه عموه على ردي سامحيني ,
ام حمدان : معذوره يا بنتي , تغسلي ونزلي تحت وكملي التمثيليه ولا تخربين شي عشان تعيشين انتي وحمدان ببيت وآحد " خلتها ونزلت "
غآية دخلت الحمام *عزكم الله* تمت تطالع نفسها بضعف , عدلت شيلتها وعبايتها ولبسها ونزلت تحت وابتسمت وقعدت تسولف , شوي ورن جرس البيت ووصل الهنوف مسسج , ابتسمت وقآلت . .
: غريبة خآلوه ؟ منو يآي الحين !
ام حمدان : والله مآدلهم يآ بنتي , بقوم اشوف منو .. " قآمت ورآحت تشوف منو ويوم فتحت الباب سلمت على ذياب وانصدمت آنه يآيب سلآمة " ليش يا ولدي ؟
ذيآب : عموه الهنوف مطرشه لي مسج آن تبآهآ , يمكن تبا يدوه تشوفهآ ..
سلآمة دخلت تركض ومن شافتهم فالصآله صرخت : مآمآآآآآآآآآآآآآآآآآآآآآآآآآآآآآآآآآآآه
غاية رفعت راسها بصصصدمه , وسلآمة على طول ركضت فحضن غآية وطاحت فيها تبويس وأحضان , واليده تيبست من شآفتها ..
غآية نزلت رآسهآ بهدوء , مآعرفت شو تقول مآتوقعت آن سلآمة بتكون موجودهه !!
طآلعتهآ بنظررره بريئه : وخآلوه نونآ مآلهآ سلآلآلآممم ؟
سلآمي يات وبآستني عقب قالت : هاي انا شافيتها من قبل
نزلت سلآمة من حضني وقلت لها : سلمي على يدوه وقوليلها انتي منو ؟
سلآمة باست اليده وقالت لها : انا سلامة ..
اليده بطلت عينهآ بصصصدمةةة : شو آسسسسمج ؟
سلآمة تزآعق بونآسه : سلآلآلآمممميييي
غآية رفعت رآسهآ وآطآلعتني بنظرة *هين انا آرآويج* . .
يدوه لفت صوب غاية : ليش سميتيها علي ؟
غآية تطآلعهآ : للحين مآعرفتي شقد آنتي غالية علي ؟ وبعدين انا وعدت يدي ان بنتي تكون بآسسسمج .. سلآمة تعرفين هذي منو ؟
سلآمة تهز رآسهآ بلآ
غآية : هآي آمآيه سلآمة , قوليلها من اليوم مآمآ آلعودة انزين !
سلآمة : يا سلامم , " رآحت ويلست ف حضن اليده " ماما عادي ايلس هني ؟
غاية تمت سآكته . .
يدوه صاحت وكلنآ هني صخينننآ , طلعت انا وام حمدان من الصآله وخلينآهم عشان ياخذون رآحتهم , ام حمدان راحت غرفتها فوق وقالت عقب بتنزل عندهم اما انا طلعت برع وشفت ذيآب يكلم أخوه , ابتسمت ولفيت عطيته ظهري ويآيه برجع دآخل سحبني بقوة ولفني وابتسم . .
ذيآب : على وين يآ الغوي ؟
فتحت عيني بآنحرآج من زود قرب ذياب مني قعدت اضربه على صدره عقب هدني ,
ذيآب : أنزين خل نسسسولف . .
: ذيآآآآآآآآآآآآآآآآآآآآب
ذيآب : قلببببه
طآح قلبي وصل لريلي : آآآ ذيآب روح دآخل آكيد حمدآن محتآجنننك !!
ذيآب : انزين شباه مآ **** انا !!
فتحت عيني بصصصدمه وهو هلك ضضضضحك ,
: يا قليل الادب يا ذيآآآآآآآآآآآآآآآآآآب " مشيت جدآم بسبقه "
ذيآب : يآخي سولفي ويآآآي شووويي انا ياااي عشانج وانتي تحرميني منج ومن هالجمآل كلهه
حقرته وكملت مشيتي مآوعيت به آلآ جدآمي وبآسني على خدي وقال . .
ذيآب : بس كنت بقول محلوة " ضحك من قلب " ويلآ بآي بروح حمدآن محتآجني
يودت خدي ومسحته بقوة وصرخت بقوووووووووووه واسمعه يضضضحك , يا كلب يآ ذيآب يآ كل آنوآع الحيوآنآت آنآ بوريييييييييييييييييييييييييييييييييييييييييييك , دخلت دآخل وانا منغاضضضضه منهه !!!!
يوسف استاذن من يدي واسترخص من حمدان وطلع برع يتمشى ولقى غالية قآعده بالمكتبة ويآلسه تطآلع الكتب وابتسم . . رآح من ورآهآ وقآل ,
يوسف باستهبال : لو سمحتي ابا اسال شو احلى كتآب عندكم ؟
غالية لفت وراها ومن شافت يوسف فتحت عينها بصصصدمة ورجعت على ورى ممآ خلى كل الكتب اللي وراها آطييييح , آنحرجت من الناس اللي موجودين هناك كيف كلهم لفوآ صوبهم , نزلت تحت ويلست تلقط الكتب وهو نزل يلقط وياها وبعد مآرجعوآ كل شي ..
غآلية بصوت مسموع : وقح
يوسف : لعيونج بس
غالية لفت صوبه : آنت شو تبآ بآلضبط ؟
يوسف يلس يتآملهآ بهدوء وقآل بكل صرآحه : أبأج آنتي ,
غآلية رفعت حياتها : لآ آنت فعلآ وقح وبآيعنها بشرف " طلعت على طول من المكتبة وهو يلحقها لفت وصرخت " آنت شو تبببآ !! خلآصصصص انا مب بنت تقدر تلعب عليها " عصبت عليه " انا بنت عرب ونننآسسس فآهم ولآلآ " ورجعت تركض وطآحت وحست بآلم ف ركبتها وحبست دمعتها "
يوسف حس بالذنب راح صوبها ونزل لمستوآهآ : شي عورج ؟
غالية صآحت وصرخت فويهه : روح من هنننني , مابا اشوففففك , شو بنآت النآس لعبه عنددددككك !!
يوسف ابتسم : أنزين خليني بس اردج بيتكم وعقبها مآبتشوفيني آتفقنآ ؟
غآلية بخوف قآمت وبدون لآ ترد عليه مشت لين وصلت بيتهم وركضت داخل بسرعه وسكرت الباب ومسحت دموعها بسرعه ودخلت وانصدمت آن أهل غاية بعدهم موجودين , دخلت وسلمت عليهم ويايه بتطلع كلمتها اليدة . . .
يدوه : على وين يآ بنتي ؟ قعدي معانا ؟
غالية لفت وهي منزلة راسها : طحت وتعورت بروح انظف الجرح وببدل ثيابي وبرجع
يدوه : بسم الله عليج , آوك روحي بنتريآج ونآدي آمج
غالية : آن شاء الله " على طول صعدت فوق وخبرت أمها وراحت غرفتها سكرت الباب وقعدت ترتجف وهي تفكر في يوسف "
.
.
حمدآن كآن هآدي وآيد .. وبس يجآوب على آسآله يدي وبس !!
يدي : حمدآن فيك شي ؟
حمدان بابتسآمة صفرآ : لآ
ذيآب دخل الميلس وبعدهآ بشوي دخل يوسف وقعدوآ يسولفون لكن يبين ان حمدآن فيه شي , ذيآب قرب من حمدان وقاله ..
ذيآب : آلحقني برع " وطلع برع "
حمدان : دقآيق وبي .. بخليهم ايبون الاكل " وعلى طول طلع "
يدي يكلم يوسف : يوسفو وين رحت ؟
يوسف : يآ يدي لو شفت هذيك البنت ماشاء الله عليها بس
يدي كفخه : انت رايح تغازل
يوسف : يدي اباها
يدي فتح عينه : ومنو هآي ؟
يوسف تم سآكت
يدي : قول مآبخبر حد
يوسف : آخت حمدان .. اللي يات وسلمت عليك قبل !
يدي : هيي .. زين والله عرفت تختار بدون لآ تسوي مشاكل , خلاص سكر هالموضوع اليوم وعقب انا بكلم حمدان , الريال اليوم متضايج مب على طبيعته ..
يوسف : بس يآ ويلك يآ يدي لو خبرت حد
يدي كفخه بعصاته بقوة : اييه انا مب ابوك , انا يدك احترمننني
يوسف يممسح على ريله : آوك آوك " باس راسه " مسسسآمحه يدي !
آمآ صوب ذيآب وحمدآن ,
ذيآب : حمدان طفرتني ترآك , شو صآير ويآآك ؟ ووين كنت طول اليوم مب على اساس بتيني ؟
حمدان تم يطآلعه : ذيآب ممكن تخليني ف حآلي شوي ,
ذيآب : لآ مب ممكن , قولي آول شو صاير . .
حمدان تنرفز : يدتك عرفت عن كل شي جي زين ؟ هذا اللي كنت تبا تسمعه , يآلله روح داخل بخليهم ايبون الاكل " وعلى طول رآح , مآعطى لذيآب آي فرصه يتكلم فيها "
ذيآب رفع تلفونه واتصل فالهنوف . .
: آلو
ذيآب : تعالي برع بسرعه " وبند الخط "
هذآ شو صآير ويآه ؟ توه رآيق والحين معصب , خل اسير اشوف شو سالفته , اتسحبت بهدوء .. يدوه ماكان لها بارض تسالني وين رايحه ووين يايه لانها ماكلمتني ولا كلمت غاية من بعد مآعرفت آن بنت غاية سميتها .. طلعت ورحت ادوره , وماحسيت غير بايد ذياب تسحبني بقوة لورى البيت . . .
ذيآب يطآلعني : هذآ اللي كنتي تبينه ؟ تبين تزيدين الطين بله !!!!
: آويه ذيآب شوي شوي علي .. انا شو سويت الحين ؟
ذيآب : ليش كنتي تبين ايب لج سلآمة . .
طآلعته شوي عقب قلت : ذيآب .. يدوه لمآ عرفت عن سلامة قالت لغآية يا تختارنا يا تختار حمدآن .. ولو آختآرت حمدان مآتباهآ ترجع الامآرآت ابببد .. هذآ غير الضرب اللي حصلته غآية من يدوه , قلت لك آتيب سلآمة اليوم عشان يدوه تعرف ان غاية سمت بنتها عليها وان هي نفذت الوعد اللي وعدتنا فيه .. صح ان من يوم يبت سلآمة ويدوه مآتكلمني لا انا ولا غاية لكن احس وجهه نظرهآ تغيرت .. ليش شي صاير مع حمدآن ؟
ذيآب تنهد : حمدآن يبين آنه تعبآن , ومآيبآ يقول شي .. شكله متضارب مع غاية
: حتى غاية كآنت تصيح .. خلاص انت خل كل شي مثل مآهو اللي علينآ سوينآه والباقي عليهم . . .
ذيآب ابتسم لي ومن شفت ابتسآمته شردت وهو ضحك بصوت , الله يديم هالضحكككهه لي ولآ يحرمني من صآحبهآ ♥
.
.
لطيفة : تأخر الوقت صآر لآزم آروح ..
مهره : قآعدين يآ حرمممة ,
لطيفة : لآ مب حلوة مهآري من الظهر يايه عندكم لآ سويت غدا ل ريلي ولا شي , خل الحق اسويله عشا على الاقل
مهره : انتي تطبخين ؟
لطيفة : هي عيل شوه
مهره : وآآآو ماشاء الله عليج , انا من رحت بيت عمي ماطبخت ولآ شي ماغير بس اساعدهم
لطيفة غمزت لها : جربيها مرة صدقيني بيحب الاكل من ايدج
مهره : مآعرف اطببببخ . .
لطيفة : خلآص باجر تعالي عندي بفضي لنا البيت وبعلمج كذا اكله .. منها اعلمج ومنها اطبخ طبعآ وآنتي عقب طبقي مرة ثآنية بالبيت ..
مهره : خلآص تمآم ..
لطيفة : تصدقين آنتي متضايجه على حآله سهيل وبشآير , مهمآ صآر بينهم مآكنت آتمنى آن يزعلون من بعض بهالطريقة !
مهره : مآعليه لو ربج كآتب لهم يتراضون بيتراضون " يودت فونها ودقت على محمد وقالت له اي ياخذها " ,
لطيفة : ليش مآبتبآتين هني ؟
مهره : لآ , مب حلوة آخلي محمد بروحه .. يكفي بعد فترة بيدخل دورة وفترة شبه طويلة مآبشوفه
لطيفة : هيي , الله يقويهم " دقت لظآهر اللي تحرطم عليها لين مآقآل بس عقب قالها انه بي ياخذها " خييبه ريلي شرهآن ليش مآرجعت البيت من الصبح , يآ ويلي من ربي أكيد مآكل شي المسكييين . .
مهره : يوم بترجعين آطبخي له ما لذ وطآب
لطيفة : هههههه شكلي جججيي , آونهآ رضوة هآ
مهره : هي عيل شو ها الريايل مآيهمهم غير بطنهم .. مآوصيج تفنني واهم شي تصوريلي الشكل النهآئي للآطبآق
لطيفة : مع آني مآبكون فآضيه للتصوير بس خلاص عشانج بصور ..
بشآير نزلت وسلمت عليهم وصبت لها شاي ورجعت غرفتها , تنهدوآ على حآلتهآ .. آول شي يا ظآهر وشل لطيفة عقب يا محمد وشل مهره وكل وحده منهم رآحت بيتها مع ريلهآ !
.
.
جرآح قعد يتفل وظبيه معصبه من هالحركه يودت ايده وعظته بقوة عشان مآيسوي هالحركة وبدآ صيآح جرآح يععلى , طلع ناصر من غرفته ورآح صوبهم . .
نآصر : شو صآير ؟
ظبيه معصبه : ولدك متعلم حركه سخيفه مثل ويهه وعظيته
نآصر : ظبيه حرآم عليج هذآ يآهل شو جي تضربينه " شل جرآح وقعد يهديه ويلآعبه لين ضحك بس يمثل انه زعلآن من ظبيه "
ظبيه : حبيبي ازعل من اليوم لبآجر لآ تفكر برآضيك *قالت بتهديد* والله لو رجعت اتفل وعدت الحركة بصفعك المرة اليايه " وطلعت عنهم "
نآصر حط جرآح ف فرآشه وقآله ينآم لآن الوقت تآخر وجرآح تم سآكت يعني مآتكلم آمآ نآصر طلع من الغرفة ورآح غرفته ولقى ظبيه قاعده وهي حدهآ متنرفزه ,
نآصر قعد حذآلهآ : الله يهديج يآ ظبيه شحقه معصبه هالكثر على اليآهل .. !
ظبيه : نرفزني .. شو متعلم هالحركة ويتفل انا أمه مب وحده من الشارع
نآصر : آنزين خلآص هدي آعصآبج , الموضوع مآيستآهل تراج ضربتيه مآقصرتي فيه بعد
ظبيه ابتسمت : وانت ليش مآضربته ؟ عآيبنك اللي قاعد يسويه ؟
نآصر : لآ مب عآيبني بس حتى لو ضربتيه بيرجع يعآند فيج , هذآ يآهل كلميه باسلوب حلوو وقوليله لو مآتفل بتيبين له هدآيآ وبيسكت مآبيرجع يعيدهآ ..
ظبيه رفعت حيااتها : مستوي خبير آطفال اشوفك
نآًصر : هههههههههههههههههههههههه الله كرييييم ..
ظبيه : وينه الحين ؟
نآًصر : شكله نآم , خليه بآجر ورآه روضة لا تخربين الياهل ويآج ..
ظبيه : ههههههههههههههه ليش أخربه ؟
نآصر : تتحسبين مآسمع الاصوأت , حضرتج نص الليل مشغله لي أفلام هنديه وتقعدين آتآبعينهآ ,
ظبيه : آوييييييييييه , لآيكون الصوت كآن عآلي ؟
نآصر : لآ , كآن الصوت زين لآ بآس فيه بس لآ تتعودين تسهرين عشان لا تتعبين عقب يوم تقومين من الصبح
ظبيه آبتسمت : آن شاء الله . .
.
.
مريوم بطلت عينهآ بهدوء ومن شافت السقف بلعت ريجهآ بققوة .. اعتدلت ولفت يمين ويسسآر وتشوف كل شي حوآلينهآ وتحس أن نظرها بعد صآر 6/6 .. دممعععت بقوة , دعت لمنآر فخآطرهآآآ .. يلست تدقق فالامآكآن الموجوده فالغرفة , شوي وآنفتح باب الغرفة ولفت مريوم بهدوء تشوف منو دآخل , شآفت وحده دآخله . . .
منآر : مريآمي محتآيه شي ؟
مريوم بلعت ريجهآ وبفشله قالت : منآآآر !!
منآر رفعت عينها من تلفونها ومن شافت مريوم ان تشوفها صرخت صرخه قوييييه من ونآستها وركضت وحضنتهاااا . .
منآر : الحمدالله لك يآآآآآآآآآآآآآآآآآآآآآرب
مريوم بادلتها الحضن : هههههههههههههههههههههههههههههههه توقعتج خسسسفه بس طلعتي شوي بريئه ..
منآر قأمت عنها : هههههههههههه لالا مب جي انا عااااااد .. آنزين شخبار عيونج ؟ تشوفيني زييين !!
مريوم ابتسمت : آلحمدآلله وآيد زين احس نظري صآر 6/6
منآر بونآسه : خلآص بنخلي آلدكتور بآجر الصبح يجيك عليج واذا كل شي تمام بنحجز على آول طيآرة وبنرجع لندن
مريوم تحمست : آوك , آن شآء الله كل شي يكون تمآم
منآر : آن شآء الله ..
.
.

__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 09-06-2014, 12:10 PM

لطيفة يآلسه تطبخ له وتسولف ويآه : زعلآن مني ؟
ظآهر : لآ
لطيفة : آنزين ليش مآطلبت لك أكل من برع
ظآهر : بس جي مابا
لطيفة : آلله يهديك مستوي دلوع بزيآده *تنغزه* عيل عقب بالاربعين شو بتسوي ؟
ظآهر رفع عينه وطالعهآ : مآبسوي شي لانج بتكوني هني
لطيفة : ظآهر يآ حبيبي , انا ماعرف لليهال هذا اول شي , ثآني شي انا محتايه حد يساعدني في تغسيلهم وتبديل ملآبسهم وكل شي .. انت مآتضمن ان انا بربي طبيعي يمكن اربي بعمليه .. !
ظآهر : فآل آلله ولآ فآلج , آن شاء الله بتربين طبيعي ومآيكون فاليهال اي مشكله , واذا عن المساعده مستعد ايب لج البنآت وآرجعهم حتى لو كآن كل يوم مآتفرق وياي
لطيفة : آلله يهديك كيف ميبس راسك , يصير خير لموعد الولآده
ظآهر : هي زين , يصير خير
لطيفة خلصت آلآكل بسرعه ومآسوت شي يستحق التصوير , ف قالت باجر بتخبر مهره ليش هي مآصورت لها .. ورآحت سبحت وبدلت ويوم طلعت لقت ظآهر يتعشى قالها تي تتعشى بس مآرضت , يلست وياه على الكرسي وقعدوآ يسولفون ويضحكون وفجآه شآفهآ صخت لف صوبها لقاها نآيمة , ابتسم على شكلها وبعد مآخلص عشاه رآح حطه بالمطبخ ووعى لطيفة عشان تنش ترقد على الشبريه و ياب اللحآف ولحفها وراح هو بدل ثيابه ونآمم . .
.
.
وصلني مسج من منآر آن مريوم بخير وقامت تشوف وباجر لو كآن الوضع أوك والدكتور رخصها بيرجعون لندن .. ابتسمت بحب وونآسه , آلحمدآلله لك يآرب , آخيرآ مريوم بتعيش حآلهآ من حآلنآ .. طبعآ مآتفيجت آرد على منآر لان كنا نتعشى ومن خلصنآ عشآ قعدنآ شوي نسولف ونضحك عقب استرخصنآ وطلعنآ كلنآ .. كلهم ركبوآ التكسي مأعآدآ يدوه .. شكله في خآطرهآ كلآم تقوله لنآ . .
يدوه طآلعتنآ بنظرة وقآلت : لآ تظنون بلعبتكم هآي آني بسآمح غاية وبسحب الكلآم اللي قلته
: يدوه غاية مآسوت شي انا اللي طلبت منهم ايبون سلآمة عشان تشوفينهآ ,
يدوه : شفتها ولآلآ .. وسوآء هي سميتي ولآلآ .. بتم بنت غاية بنت حرآم !
غاية تنرفزت : بنتي مب بنت حرآمممم .. انا زوجه حمدآن رسممممي , وكل اللي قاعد يصير بس عشان نحطكم بالصورة بدون لآ نسبب مشآكل , وعشآن آمي وآبويه و يدي .. توقعت آنج بتتفهمين بس طلع العكس , يآليتني مخبره يدي جآن وآيد آحس , توقعتج بتكوني مثل يدي , مثل مآسآعد الهنوف عشان ترجع لذيآب , انتي بعد كلمتي الهنوف وكنت تآمنين بحبهم لبعضهم ليش يآت علي انا مآتبين تسوين لي اللي ف بالج ؟ كل هذا كره !
يدوه طآلعتها بنظرة : الهنوف مرت ذياب , والهنوف مايابت بنت بالحرآم عقب تزوجت ذيآب .. اللي عندي قلته ومآبرجع اعيده مرة ثانية . .
: يدوه الله يخليج عطيها فرصه ترى والله اللي عآنته غاية مب شوي
يدوه : مآعليه .. انا فاهمه كل شي لكن انا قلت اللي عندي " يآت يدوه بتفتح باب السيارة لكن سمعنآ رد صعقنآ من غآية "
غآية : عيل من الحين اقولكم اني بتم مع حمدان , ومآبآ اشوفكم ولآ برجع ويآكم .. اللي يتبرى من بنتي ومن ريلي كآنه يتبرى مني , ولو تبين تخبرين كل حد اني زوجه حمدآن خبريهم مآعآدت تفرق ويآي , قلت لكم قبل وبرجع اعيدهآ انا وحمدان غلطنا سوآ وبنرجع نصلح غلطنآ سوآ " وخلتنآ ورآحححت "
بلعت ريجي بقوة من قرآرهآ : يدوه الل...
يدوه مآعطتني آي مجآل اتكلم , على طول بطلت الباب وركبت التكسي ورآححت , آكيد يدوه وآيد تضآيجت من رد غآية . . . لمحني ذيآب وآقفه ف يآ صوبي وخذاني ووصلني الشقة ورجع شقته !
.
.
آلصبح , بعد صلآة الفير | وهم طآلعين من المسيد . .
سهيل : صآلح سوآلي درب ف بيتكم بي عند حرمتتتي
صآلح : حيآك البيت بيتك ومآحد غريب ..
سهيل : مشكور ومآتقصصر ..
مشوآ وهم رآجعين البيت دخل صآلح وسوآ ل سهيل درب ودخل سهيل وعلى طول صعد غرفة بشآير .. حآول يفتح مقبض الباب ولقى الباب مفتوح , استغرب , توقع آنهآ قآيمة للصلآة بس من دخل شاف الغرفة وآيد بارده وبشاير بعدهآ نآيمة , ابتسم على شكلها , يحس انه كمل 10 آيآم مب شايفنهآ .. رآح صوبهآ ويود ايدهآ , بطلت عينهآ بتعب تبا تشوف منو يآي عندهآ ومن شافت أنه سهيل بطلت عينهآ بصصصدمةةة وآعتدلت ف قعدتهآ ونست تسحب ايدهآ من ايده . .
بشاير : آنت شو يآيبنك هني " نزلت عينهآ بهدوء وشافته ميود ايدهآ , حآولت تسحب ايدهآ لكنهآ مآقدرت قآلت بطفش " وبعدين ؟
سهيل : بشآير انا مب ياي اضاربج ولآ يآي آزيد الطين بله .. يعني معقولة مآشتقتي لي مثل مانا اشتقت لج
بشاير تكآبر : لآ مآشتقت لك ,
سهيل تنهد بضيج : آنزين آنآ آسف على الكلآم اللي قلته , آنتي تعرفين أنه مب من خآطري .. ولو قضيت عمري كله وياج بالمستشفى عمري مآرآح آتذمر .. زله لسآن وندمت عليهآ ..
بشاير سكتت يوم شافت آن ايده الثانية ملفوفه : آهنتني وآيد هآك اليوم . . وكل هذا بس لآني قلت لك بطلع ؟
سهيل : لآ مب عشان جي , لآن انتي كل شي تبينه يصير تبينه يصير على مزآجج . . ولآني ولآ مرة قلت لج لآ فآنتي زعلتي وكبرتي الموضوع حتى قمتي تهملين صحتج , ولآ تريقتي هاك اليوم والله يعلم ولو كلتي لج شي البارح ولآلآ , والببارح يت بكلمج ومآتبين تكلميني آبد , كل هذآ بس عشآن مآخليتج تروحين مع مهره ولطيفة ؟
بشآير سكتت وفخآطرهآ " صدق آني تآفهه , توني آحس ان الموضوع مآيرزى " : آنزين ليش عيل جي قعدت تقول بعد جدآم عمي وعموه ومرت خآلد آني وآيد آتكلم بالتلفون , آنت تعرف زين مآزين آني مآكلم حد غير الاهل حتى ربيعاتي واللي هم ربيعاتي مآقمت اتواصل وياهم !

سهيل تنهد : خلآص حقج علي .. انا غلطآن , كنت آمزح ويآجج , وبعدين آنتي صدق تكلمينهم وآيد حتى لو كآنت مهور ولطوف , من الله تشوفون بعض 24 ساعه هذا غير يوم الجمعه تمون ف ويهه بعض من الصبح لين فليل حشا ماتملون من بعض ؟ وبعدين انا ريلج مب مهور ولطوف !
بشاير تطآلعه : آنزين هد ايدي بقوم اتغسل واتوضى وأصلي عقب بنتفاهم
سهيل هدهآ ورآحت بشاير الحمآم *عزكم آلله* تغسلت وتوضت وطلعت صلت وتمت تستغفر على السيادة شوي عقب لمتها وحطتها فوق .. رآحت وقعدت صوب سهيل ,
بشاير : آنزين انا اسفه , حقك علي .. توني آحس آن الموضوع تآفهه وكآن المفروض مآزعل منه بس بعد آنت ضايقتني بكلآمك عشان جي ماكنت ابا اكلمك .. عشان لا اسمع كلآم ثآني بعد يضيج بي أكثر !
سهيل باسها على راسها : خلاص وعد مآقول هالكلآم مرة ثانية بس رجعي وياي البيت , البيت من دونج مب ححلو
بشآير تطآلعه بنظرآت تآكيد : ترآك وعدتني
سهيل : هي وانا قد وعدي . .
بشآير : خلآص آنزين برجع ويآك ..
سهيل ابتسم لها وبآدلته بالابتسآمة ورآحت طلعت لها ملآبس وبدلت وكشخت على الخفيف ورجعت مع سهيل البيت . .
.
.
مشاعل : حآمد قوم دوآم يآلله !
حآمد : آنزين آنزين شوي وبقوم
مشاعل نزلت عنه وصبحت على كل اللي موجودين تحت وتمت تتريا حامد ينزل لكنه مآنزل , صعدت فوق ولقته نآيم , آنصدمت !
مشاعل معصبه : حححآمممد دوآمممم يآلله تآخخخررررت
حآمد قآم بتعب وتغسل ولبس وتعطر وقآل : آسميج صصصدعه
مشاعل : آوك خل الخدددآمممه توعيك مرة ثانية " ورجعت نزلت تحت "
حآمد : هذآ اللي فالحه فيه مشاعل , هزابها امره على طرف لسآنهآ " نزل تحت وشافها سلم على الموجودين " يلآ برخصتكم
كلهم : الله ويآك . .
.
.
حمد : عذآري ..
عذآري : نعمم
حمد : شفيج ؟
عذآري : ولآ شي
حمد : متآكده ؟
عذآري سكتت عنه ,
حمد : كل هذآ بس لآني رفضت طلبج ؟
عذآري بدون لآ تطآلعه : هي عشان جي , تعرف ليش لان هني ماحد لنننآ , ولآ تنكر آنك بعد تشتآق لاهلك .. لو شو مآسوآ لك بعدك تحبهم .. عشآن جي انت تبا ترجع لكن تكآبر !
حمد تنهد : عذآري ! انا قلت لج مآبآ آرجع هنآك انا هني مرتتآح
عذآري : بس انا مب مرتآحه .. ابا ولدي يربا بين اهله كلهم مب بس امه وابوه وبلآد غربه بعد , مآمليت من هني بذمتك ؟ من بعد زوآجنآ ب 3 شهور ونحن هننني " قالت بضيج " يعني تبانا نموت هني بعد ؟
حمد تنرفز : عذآري شو هالكلآم بعد ..
عذآري : آنآ مآقول غير الحق .. ولو مآبترجع برجع بروحي !
حمد بعنآد : آوك روحي وسوي اللي تبيه " شل جآكيته وطلع من البيت "
عذآري : سآمحني لكن مآشي غير هالحل , ان احطك جدام الامر الواقع عشان انت بعد ترجع وتعيش هنآك ويآي . .
رأحت بدلت ثيابها ولبست جاكيتها وشلت شنطتها وطلعت .. رآحت حجزت لها طيآرة بالباجر ل آلآمآرآت وراحت المستشفى وقالت لهم انها تبغي تضرب ابرة مثبت حمل لانها بتسافر وطبعآ الدكتورة وآفقت وضربتها آلآبرة عقب على طول عذآري رجعت , وشافت حمد بعده مآيآ , رآحت سبحت ولبست ثيابها وقعدت تتريآه يرجع . . . !
.
.
غآلية ميودة رآسهآ وتحس بصددآعع : آطططلععع من مخخخيييي عآآآآددددد .. هففففففففففففففففففففف
ام حمدان تدق عليها الباب : غاليييية
غالية قامت بتعب وبطلت الباب : هلآ آمممي
آم حمدآن : شفيج ؟
غآلية : احس بصصصدددآععع , مآنمت عدل حتى البببآرححح
أم حمدآن : والجآمممعه ؟
غالية : الحين بقوم آلبس , وبنزل
آم حمدآن : آوك ..
غآلية قفلت البآب ورآحت تسبح عقبها تلبست , وسوت بلشر ومسكرة وحطت روج وردي خفيف وشلت شنطتها وكتبها والنوتس وطلعت نزلت تحت شافت امها وحمدان .. قعدت تتريق وشافت حمدان مآيآكل مثل الناس . . .
غالية : حمدان حبيبي فيك شي ؟
حمدان : لا
غالية : آنزين شربت أدويتك ؟
حمدآن : لآ بعدي
غالية خلت كتبها وشنطتها وراحت غرفته ونزلت الادوية ويابت له كوب ماي : يآلله اشرب مب زين تلعب بصحتك جيه
حمدان ابتسم وخذا الادويه وشربها : مشكورة !
غآلية : العفو ..
ام حمدان : الله يخليكم مع بعض , وان شاء الله اشوفج عروس يا بنتي
غالية ابتسمت ابتسآمة صفرآ ومآتدري ليش يا فبالها يوسف : لآحقه آمي درآستي أهم
أم حمدان : انزين يالله كلي لج شي عشان يخف الصداع
غالية يلست تاكل خفايف عقب قامت : بروح عن آتآخر
حمدان : تري بوصلج
غالية : لآ مآعليه شكله مآلك مزآج .. بروح عشان مآتآخر انت تم تريق " شلت كتبها وطلعت , وماركبت الباص يلست تتمشى "
.
.
يوسف متغصص : يدوه وبعدين ويييآآآججج !!
يدوه : صآه , خلني اختار على كيفي ..
يوسف : آنزين ليش يبتي بنت عبود ويانا جان خليتيها نايمه عند أمها
يدوه تخصرت : انت مآرآيم تشل ياهله وعقب اذا تزوجت ويبت بنت شو بتسوي ؟
يوسف تغصص زود : يدوه سرعه خلصي من هالمحححل , عندج 5 دقايق مآرآح آتريييآج .. الحين مخليه يدي وعبود ومثايل يتريقون وانا ساحبتني وياج من صبايح الله خير ماحطيت ف حلجي شي غير شااي يآلله سرعه ,
يدوه اختارت على السريع وحاسب يوسف وطلعت هي وياه , يدوه كانت شاله الاغراض لان يوسف شال بنت عبدالله . .
يدوه حطت الاغراض على الارض : تريآ شوي هني بروح اسلم على بنت ام حمدان " وتخطت الشارع وراحت صوب غالية اللي يالسه تمشي وهي منزله راسها "
يوسف قعد يلاعب امونه عشان مآتصيييح . .
يدوه : بنتتتي
غالية لفت : هلآ , آوه آمآيه " وباستها على راسها " صبحج الله بالخير
يدوه : صبحج الله بالنور والسرور , وين مويهه من الصبح ؟
غالية : الجآمعه آمآيه , عندي كلآسسآت . . تبين اي مساعده ؟
يدوه : لآ , يايبه وياي وليدي يوسف لكنه غاص لي مامخليني اشتري على كيفي
غالية : ههههههههههههههههه , الله يعينج آمآيه
يدوه : هي وآلله , يلآ زين مآبغصص فيج ولا باخرج توكلي فدربج ولو شفتي بنياتي الهنوف وغاية سلمي عليهم
غالية : يوصل ان شاء الله .. مع السلآمة
يدوه : فحفظ الله " يدوه تمشي تقطع الشارع عشان تروح ليوسف "
غالية رفعت عينها وطالعت يوسف اللي كان يلاعب امونه واللي فجاه لف عليها وانحرجت بالقو , على طول لفت وكملت دربها ..
يدوه : ياحظ الله بياخذها بنت اياويد ..
يوسف : عن التحرطم الزايد وشلي شلالج ويلا قدامي خلينا نروح
يدوه : مآلت عليك من فرخ .. صدق انه مآحد يطلع ويآك
يوسف يتنهد : هذآ 8 محل تدخلينه وبعد مآحد يروح ويآي ؟ هين يآ يدوه أنا اوريج ,
يدوه كفخته بالكيس وتعرف انه مآبيقدر يسوي شي بس يلس يتنازع وهي حاقرتنه لين وصلوآ الفندق وتريقوآ ويوسف على طول راح ياكل له شي ويخبر عبدالله ومثايل عن حركآت يدوه ويتحرطم !
.
.
غآية تبوس سلآمة : آخيرآ يتي عند مآمآتج
سلآمة تمسح على عيونها : ماما خليني انام
غاية : لآ قومي بوديج مكآن تحبينه !
سلآمة تعلقت فغاية وشلتها غاية آلحمآم *عزكم الله* وغسلتها وسبحتها عقب لبستها وعدلت شعرها ولبست جوتيها وخلتها تطلع تتريق مع البنآت , اما غاية دخلت تسبح وبدلت ثيابها وكشخت على السريع وطلعت وقعدت تتريق معاهم . .
ترفة : من زمآن مآكشختي للجآمعه ؟
غاية قالت بهدوء وهي ميودة كوب الشاي : ومنو قالج بروح الجآمعه !
ميثآ : غاية تستهبلين ؟ عيل وين بتروحين من صبايح الله خير
غاية : بطلع اليوم مع بنتي مالي نفس اروح الجامعه
: غاية الشغله مب لعبان , مآتم شي ونتخرج كلنا الا انتي وبعدج تبين تطلعين مع بنتج , لآحقه على الطلعه معآهآ
غاية حطت الكوب بقوة : آلهنوف لآ تمثلين آنه في وقت وانتي تعرفين اللي صار , بطلع مع بنتي الحين بشوفكم عقب , كلاساتي ف فترات مختلفه مابحضر مال الصبح يصير خير على مال الظهر يمكن آحضر ويمكن لآ .. " قآمت ولبست جاكيتها وشيلتها وتعطرت وشلت شنطتها ولبست نعآلهآ -اكرمكم الله- وطلعت " يآلله سلآمي ..
سلآمي مسحت ايدهآ : بآآآي
كلهم : بآآآيي
طلعت سلآمة مع غاية والبنآت كلهم طآلعوآ الهنوف بنظظظرررههه . .
ميثآ : شو صصصصآيييير لههاااا
ترفة : يآ وييييلججج آن خشييتي علييينآآآ
عليآ : آحسس متلآعنه مع حمدددآننن صصصحح ؟
قلت بحزن : يدوه عرفت عن سلآمة
كلهم شهقوآ مرة وحده . .
ميثآ : شت شت , وشو قالت ؟
: قآلت يا تختار حمدان يا تختار اهلهآ من جي غاية تبا تطلع مع بنتها , لان يدوه مصررره على رايها !
عليآ : لآ حول ولا قوة الا بالله
: خلكم من هالموضوع بنفكر بحل له عقب يالله قوموا خلنآ نروح دوآمنآ عن نتآخر بعععد!
قآموآ البنآت على السريع وكملوآ لبسهم واللي باقي لهم وشلوآ كتبهم وطلعوآ مع بعض ويوم وصلوآ الجآمعه كل وحده رآحت لكلآسهآ
.
.
يوسف قال لهم انه يبا يطلع يتمشى بروحه يعرف ان يدته عقب بتهلكه فليل مرة ثانية , ف خلوه على راحته , وهو يتمشى شاف غاية وهي تضحك ومستآنسة قرب منها ويوم شاف وياها ياهله استغرب , قرب صوبها وقآل . . .
يوسف : غآية
غآية لفت وابتسمت : صبآح الخير
يوسف : صبآح آلنور .. " رفع حياته " منو هآي اللي ويآج ؟
غآية : سلآمي سلمي على يوسف
سلآمة سلمت عليه وتقززت : فيه شعر واييد
يوسف : هههههههههه تعالي ببوسج ,
سلآمة شردت وهي تضحك وتصارخ ب " لآ "
يوسف : منو هآي العسولة ..
غاية ابتسمت : بنتي !
يوسف فتح عينه بصدمه : شوووههه !!
غآية : اللي سمعته ,
يوسف عصصصصب : شو هذا اللي يالسه تخربطييينههه !! من منو هاي البنننتتتت
غاية : من ريلي
يوسف فتح عينه بصدمه أكبر : ريللججج !!! آنتي متزوجججههه ؟
غآية : هي وحمدان هو ريلي .. وهآي بنتي سلآمة
يوسف زعق : لآ تجذبيييييينننن
سلآمة يلست ترتجف وتمط ثياب غاية : ماما خلينا نرووححح
غاية عصبت : لآ تعلي صوتك خوفت بنتي .. " غاية نزلت لمستوى سلامة وقالت " ماما خالي يمزح وياي الحين بنشتري لج ايس كريم وبنروح الالعاب انا وانتي وهو انزين ؟ " غاية طالعت يوسف " آلحقننني
يوسف متغصص ومنغاض منها على الاخر وده يعطيها طراق بس ميود نفسه يبا يعرف السالفة , فرآح ويآهآ آول شي شروآ ايس كريم كلهم عقب دخلوآ سلآمة لعبه المكان اللي متروس كور ودخلت هي مع اليهال تلعب . . .
غآية : انا خبرتك الصدق لآنك تغيرت بس آتمنى مرة ثانية مآتقلل من قدري وآحترآمي قدآم بنتي !
يوسف منغاض : بكل وقاحه تخبريني انها بنتج
غاية لفت صوبه : مافي شي استحي منه عشان مآقولك آلصدق . . انا افتخر ان سلآمة بنتي وان حمدان ريلي ..
يوسف قوه قبضه ايده وداخل نفسه يستغفر عشان مايصفعها كف جدام الاوادم !
غاية لفت تطآلع سلآمة وعينها انترست دموع : تعرف اني مآقدر ارجع الامارات بسبب يدوه ..
يوسف تم سآكت ,
غآية : يدوه قآلت لي يآ آختآر حمدآن وبنتي يآ آختآركم " لفت صوبه اللي تام سآكت حاس بصدمه على استغراب على قهر " لو كنت مكآني شو بتختآر ؟
يوسف : حد يعرف من الاهل ان عندج بنت ومتزوجه ؟
غآية : لآ .. ماتشوف حمدان تقدم لي جدام الاهل وخلاص الكل موافق
يوسف : كيف وآفققققوآ ابا افففههممم ..
غاية ابتسمت : لان يعرفون آن سلآمة هي بنت حمدآن ..
يوسف سكت شوي عقب قالي : لو كنت مكآنج بختآر اهلي , لآن اعرف ان مآلي غيرهم
غاية : تعرف انا شو اخترت ؟ اخترت حمدان وسلآمة ..
يوسف : وآنتي قد قرآرج ؟
غآية : مآبآ آكون مثل ابو حمدآن .. تخلى عنهم وهو صغير ورآح وخل عاتق التربيه على حمدآن , حمدآن اللي ربى آخته وهو اللي صرف عليها .. مابا اكون أم بنتها تربى بعيد عن عينهآ , ابا اربي بنتي مهما كانت العواقب .. انت اذا صرت ابو بتحس فيني وبشعوري .. كيف اذا بعد ضناك عنك ليله وحده كيف تحآتيه وتخآف عليه " ابتسمت بحب وهي تشوف بنتهآ " سلآمة بعدهآ عمرهآ 3 سنين ونص الحين .. صغيرة وآيد صغيرة يآ يوسف, كيف تباني اظلمهآ ؟ وآتخلى عنهآ من الحين !!
يوسف عوره قلبه : ويدوه .. كيف جي تقولج ؟
غآية : هه يدوه حتى بعد مآعرفت آن سلآمة سميتها مآسوت شي .. سلآمة لآبسه العقد اللي يده هآدنه لي .. قالي البسه لبنتي يوم بتزوج .. " مسحت دموعهآ و لفت مرة ثانية على يوسف " ممكن هالشي يكون بينآ ؟
يوسف حس آن آخيرآ قدر يرجع ثقه النآس حوآلينه وآن اكثر نآس كآنت تكرهه يمكن الحين هي آكثر نآس تثق فيه : وعد آنه يكون بينآ .. بس شو بتسوين ؟
غآية : شو بسوي بعد , برجع بعد الفاينل وبنعرس انا وحمدان جدآم الكل وبعد مآرجع وياه لندن مآبرجع الامارات مرة ثانية
يوسف : مآعليج آنتي لآ تضايجين ولآ تشيلين هم , بس تعالي انتي مآعندج كلآسآت ؟
غاية : هههههههههههههههه بلآ عندي بس قلت بطلع مع بنتي شووييي
يوسف : مب زين , روحي كلآسآتج عن تتآخرين عقب ومآتتخرجين بسرعهه
غاية : لآ عآدي بحضر كلآس الظهر , آنت خبرني " غمزت له " شو يمدحونك من ورآيييههه ,
يوسف : ههههههههههههههههههههههههههههههههههههههههههههه تقصدين اخت حمدان يوم كنآ بالباص ؟
غاية : هي يحليلها هههههههههههههه أحسهآآ مآتتتت من الفشششششلهه
يوسف : ههههههههههه هي , بيني وبينج لحقتها هاك اليوم وكلمتها لكنها هزبتني , ووعدتها بس اوصلها البيت مابترجع تشوفني مرة ثانية , لكن يدتج بارك الله فيها من صبايح الله خير دارت 8 محلات وفوق ها تتنازع لاني اقولها بسج خل نروح
غاية : ههههههههههههههههههههههه الله يهديهآ , واشترت شي عاد
يوسف ابتسم بقهر : لا مب وآيد , بس طلعت بكيستين ..
غاية فتحت عينهآ : على هالمحلآت كلها وطلعت بكيستين , صدق قههرر
يوسف : زين حد حس فيني
سلآمة طلعت وهي متغصصه لآنهآ تسوي لهم بآي وتزاعق تباهم يشوفوها لكنهم مشغولين يالسين يسولفون مع بعض , بعد مآطلعت شلها يوسف وقعد يسولف وياها ودشت قلبه بسرعه , وقعدت تتحرطم وتتشكى له عن كل شي . .
يوسف : بنتج شاله ف قلبها وآيد عليج انتي والبنات
غاية : آشوفهآ ..
قعدوآ يتمشوآ ويسولفون عقب رآحوآ محل هيلوكآتي واشترى يوسف لسلآمة كل شي تبغيه وغاية تتنازع على يوسف عشان مآيسويلهآ ويه بزيآده وعاد من اشترى لسلآمة اغراض هيلوكاتي سلآمة عشقت يوسف زيآدة وصآرت متعلقه فيه , بعد مآطلعوآ وخلصوآ وصلوآ سلآمة الحضآنه وشلوآ الاغراض اللي شروهآ وسلمت غاية على يوسف وشكرته ووصته مرة ثانية آن اللي قالته يتم بينهآ وبينه ومآيطلع جدآم آي حد , ورجعت هي الشقه وفرت اغراض سلآمة وشلت كتبهآ ورآحت آمآ يوسف كمل تمشيته ..
.
.
ترفة : صبآح الخير
فآرس : صبآح النور . . ليش مآيتي هآك اليوم دورج ليش خليتي سارة بدآلج ؟
ترفة : مآكآن لي نفس وكآن خآطري مرة آرجع من وقت .. تصدق آن مآتم شي لنآ ونتخرج ؟ ونآسسه
فآرس ابتسم : هي لآه , مآتم شي بعد وتصيرين ملكي ..
ترفة أنحرجت : فآرسسس عآآآدد
فآرس : ههههههههههه شو قلتتت آنآ آلححين , متحمس نخلص بسرعه , ومن الحين اقولج غصبن عن عينج تآخذين صيفي
ترفة : آنزين بآخذذ
فآرس : هي زين عشان اصبح بويهج كل يوم . .
سآرة يت : صبآح الخير فآرس
فآرس : صبآح النور ..
سآرة تطآلع ترفة بقهر : وآنتي شو تسوين هني ؟
ترفة : يوم بيكون باسم ابوج المكآن تعالي كلميني
فآرس : ترفففة !!
ترفة : شوووه فيك انتتتههه يعني البنت يالسه تتميع لك من الصبح وانت ساكت عنهآآ " روحت عنهم وهي متنرفزه " الكلبة الحمآرة الحقيرة , مآخلتني آتهنى بصبحي مثل كل النآس !!
فآرس : حقج علي على الكلآم اللي قالته ترفة شكلها تنرفزت شوي
سآرة : مآعليه عشانك بنسى الموضوع

فارس راح على طول عشان يدور ترفة , ويوم لقاها يا جدآمهآ وقال : مب عيب اللي قلتيه لها ؟
ترفة بقهر : شو العيب بالموضوع ؟
فارس : شو يخص ابوهآ الحين بالموضوع
ترفة : كلمه وطلعت مني بالغلط " قالت بقهر " اصلا شكلك اعتذرت بدالي وخلصت , ماشاء الله صايرة سارة مآتهون عليك ..
فآرس أنقهر منهآ : شهالكلآممم انتي بعد ؟ يعني يزآتي استسمح بدل اسلوبج الزفت اللي تتعاملين وياه مع النآس , خل اروح اجيك على المرضى قبل كلاسآتي ابرك من مشاكلج انتي وسارة " ورآح "
.
.
ميثآ كآنت يالسه تمشي ومن شافت عمر وعمير قريب الكلاس راحت صوبهم وقالت : عمير ممكن اكلمك شوي ..
عمير : تقدرين تتكلمين جدآمه !
عمر افتشل : لآ خذي رآحتج انا رايح داخل
ميثآ مدت دفترها : ممكن تعطي هالدفتر لمطر ؟
عمر خذآ الدفتر : آن شاء الله " ودخل الكلآس وخلآهم "
عمير لف صوبها : اسمعج ..
ميثآ : آنآ .. آنآ آسفه على الكلآم اللي قلته لك هآك اليوم مآكآن قصدي اعقه عليك بس كنت ماباك تتعلق فيني لاني كنت محيرة . . .
عمير : وليش يعني الحين يايه تقوليلي هالكلآم ,
ميثآ آفتشلت : لآ بس يايه اعتذر لآن حسيت كلآمي كآن جآرح بزيآده .. شفتك متغير بالكلآس ف قلت بعتذر عن الكلآم وعن اسلوبي
عمير سكت عنهآ ..
ميثآ ابتسمت : بس هذا اللي كنت بقوله .. الحين عن اذنك " ودخلت الكلآس "
عمير ف خآطره * بعد تكآبر ولآ طرت شي * كآن سرحآن ويفكر يات عليآ صوبه وقالت . .
عليآ : لو سمحححتتت !!
عمير : هلآ ..
عليآ : هذآ كلآس ميثآ ؟
عمير : هي ..
عليآ : آنزين نآد لي وآحد اسمه عمير ..
عمير رفع حياته : آنتي شو عرفج بآسمممي ,
عليآ افتشلت : هآ .. هي لآني يايه آكلمك بموضوع مهم .. اتمنى تسمع لي بسرعه لان جدامي 5 دقايق عقب بركض لكلاسي انزين , فتح اذونك عدل
عمير رفع حياته . . .
عليآ بجرآه : يت بكلمك عن ميثآ , مآدري لو يات تعتذر لك ولآلآ بس ميثآ وآيد تعبت يوم مطر ملج على بنت عمهآ , يآليت تقدر مشآعرهآ , هي قالت بتي تعتذر لك لكنها كانت وآيد متردده خآفت آنك لآ عرفت تتحسب انها تلعب على الحبلين .. بس اسمعني ترى والله ميثآ مب جيييههه فآتمنى تسآمحهآ , ولآ تكشر بويههآ يآخي خلك سمح ومبسوط وتبتسم فويهه الاوآدم ..
عمير ابتسم : آي آوآمر ثآنية ؟
عليآ : هههههههههههههه , آويهه لآلآ مآفي شي ثاني " وركضت كلآسهآ " الله يغربلننني شو جي كلمممتهههه !!!
عمير رآح صوب الكلآس ودخل آلكلآس وهو يفكر فكلآم عليآ . .
مطر لف على ميثآ : شككرررآآ على الدفتتر , تحسبتج نسيتيه ..
ميثآ ابتسمت : العفو !
.
.
وصلني مسج ف نص الكلآس , طلعت فوني وغطيت عليه عشان الاستاذ مآينتبه آني قآعده العب .. فتحت المسج وكتمت ضحكتي بقوة , ذيآب آلمتفيج مطرش لي مسج ممن صبآيح الله خير *نكته* وفنهآية المسج كآتب لي -صبآحي انتي- , تميت آترآسل معآه مسجججآت لين خلص الكلآس , وكآن تقريبآ بين هذآ الكلآس اللي خلصته والكلآس اللي عقبه 5 دقآيق .. يعني يادوب اروح مكآن الكلآس بتكون طآرن هالخمس دقآيق مآمستفيده شي منهآ ابببد .. المهم رحت وخلصت الخمس دقآيق وبدآ الكلآس وانا بعدي اتواصل مع ذياب مسجججآتتت لين صدمني بمسجه كآتب فيه " آطلعي برع آنآ فآلكآنتين آتريآج , بقولج شي مهم ومآيتآججل , لآتتآخرين " آويييه هذا صدق صدق تخخخبببل ؟ كيف آقددر آطلع من الككلآسس .. دخلت الفون فالشنطة وسويت عمري آتآلم من بطني لين شافتني الاستاذه وهميتها وطلعتني وقالت لي اروح العياده , طبعآ انا شردت الكآنتين على طول , ومن شفت ذياب رحت صوبه ,
: والله لو طلع شي سخيف يا ذياب مآتلوم الا نفسك !
ذيآب لف علي ونقع ضحك : شوفيج , ليش جي شكلج تقول خدامه شارده
: ههههههههههههه حيوآن , آنزين يآلله خبرني شو تبببآ . . .
ذيآب طلع من الكيسه صندوق صغير , وفتحه وطلع الخآتم وفتحت عيني على وسعهن يوم شفت آلخآتتتم , كآن نفسس آلخخآتم اللي ملبسني اياه ذياب يوم ملججتتتتي .. ابتسمت بحزززنن على ونآسسسههه , ذياب تم سآكت شوي عقب طلع الخآتم ولبسني آيآه , كنت سآكته عقب قآل . .
ذيآب : آدري المفروض آن مآيب لج نفس الشي بس كنت آدري آنج تحبين هذآ وآيد .. من جي يبت لج نفسه
رفعت عيني وشفته شوي عقب صححت .. مآدري ليش صحت عقبها ذياب على طول يا وقعد حذآلي وقعد يهديني و باسني على راسي جدام كل اللي ف الكآنتين و اعتذر على اللي سوآهه قببببل .. بعد مآوقفت صيآحح رآح طلب لي وله كوفي وقعد يسولف وخذآني بجوه .. نفس سوآلفه مآسمعتها لآني كنت سرححآنهه فيه !
.
.
مابي منَ الدنيآ سُوا
تبقـآ معي . .
محتآج لك ؟
والحُب ب الأصل احتياج ❤
.
.

__DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 09-06-2014, 12:15 PM

آلسلآم عليكم ورحمةة الله وبركآتهه *

شخبآركم قرآئي ؟ آتمنى تكونون بآلف صحة وسلآمة
بعدي مآحس آن لقيت هآك الزود من التفآعل ,
صحيح في نآس متفآعلين بآلآسك وشكرآ جدآ لهم طبعآ

وشكرآ للي يردون هني . . .

عشآن تكونون بآلصورة ولآ حد يرجع مرة ثآنية يسأل
" بآقي بآرتين عن الروآية " آخر بآرت بيكون هو
البآرت الـ50 آن شاء الله ,

مآعندي شي ثاني اقوله بس آتمنى آلآقي
ردود مثل النآس هالمرة طويلة وجميلة وتفتح النفس
والله يوفقنآ جميع في درآستنآ , *مرآقبه بصمت*

قرآءهه ممتعه ولكم وديي جميععآ ♡♡
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM