ۈش رجعگ لآيگون قلبگ يۈم حس آنہ جرحني آۈجعگ ؟ - الصفحة 173

روحي بلقااكك · #1 04-18-2014, 12:36 AM

ووويييييينج __DEFINE_LIKE_SHARE__

Ko0oka5 · 04-18-2014, 12:45 PM

روعه الباارت تسلم ايدج ^^ __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 04-18-2014, 04:38 PM

آلسلآم عليكم ورحمةة الله وبركآتهه *

شخبآركم قرآئي ؟ آتمنى تكونون بآلف صحة وسلآمة . .

آدري آني قآيلة لكم آن البآرت بيكون فالويك آند لكن للآسف

مآبقدر آنزله لا اليوم ولآ بآجر , فآعتذر من قلب على هالشي ,

صآرت لي ظروف , آدري آن البعض بيقولون " شو كل مرة ظروف ؟ "

لكن الشي مب بايدي وخآرج عن آرآدتي تمآمآ ,

لكن رغم الظرف اللي صار الا اني بديت في كتآبة البارت الحمدالله

آلبآرت بنزله يآ آلآحد يآ الاثنين

ويوم بينزل بيكون من وقت ان شاء الله

وبكون مصححه الاخطآء كآملة بعد ~

آتمنى اللي بيرد يرد على البآرت ولآ يكتب " متى البآرت "

" وينج تآخرتي " , " كل مرة تآجلين لين متى " ؟

سبق وآعتذرت على تآخيري وحددت متى بينزل آلبآرت

فآتمنى مآشوف هالكلآم بعد مآنزل هالرد . . .

ترقبوني / لكم وديي جميععآ ♡♡
__DEFINE_LIKE_SHARE__

alk3bya · 04-19-2014, 11:30 PM

البارت كان وأيد حلو وتسلمين حياتي
أفا عليج خذي راحتج ونحن بإنتظارج

بس بليييييز نبأ احداث بين ذياب والهنوف __DEFINE_LIKE_SHARE__

3eƏπ ɑ̠lмɑ̠ƗƗɑ̠ ♥ · 04-21-2014, 08:57 PM

آلبآرت الـ31 ..

طبعآ بعد مآردينآ من عند موآز , دق عمي لآبوي وقاله آن بعد نص ساعه بيون عشان يتقدمون لروضة رسمي , روضة من كثر مآمستآنسه على طول رآحت فوق وتعدلت , تتحسب آبويه بيخليهآ تشوف خآلد , انا تميت قاعده تحت مع امي واساعدهآ وارتب الميلس , طلعت فوني من مخبى آلكندورة على آمل آني الاقي رساله او اتصال من ذياب لكن ابببد , آحسه مآفتكر فيني حتى , فريت الشيله وانسدحت وقعدت آلعب بالفون شوي , عقب ماستحملت وطرشت له رسآله . .

" آنت وينك ؟ ليش اليوم مختفي ! "

ذيآب " مافيني شي بس كنت مشغول "

آنقهرت منه " والله وقمت تنشغل عني من الحين "

ذيآب " شو نسوي بعد , دنيـآ . . . "

" ذيآآآآآآآآآآآآآآآآب "

مآرد علي جد جد تنرفزت شو بعد دنيا مادنيا لا ايلس يستهبل علي, انا اعرفه زين هالاسلوب الخايس اللي يكلمني فيه معناته افهمي يالهنوف اني زعلان ومابرضى , آوف اوف اوف يبالي اطبق الشي اللي قلته عشان وقتها صدق يزعل مب يزعل عشان كلآم لا صار ولا استوى !

" انا ماغلطت "

بعد مآرد علي , جد استفزني , على طول اتصلت فيه ورد وقال لحظه ..

ذيآب : يآ مزنه خلآصص شفييييييييج مآمآه , روحي عند آممج فكيني من ششرج مب فاضي لج انا " ودزهآ وطلع " هلآ

: شفيك معصب عليهآ ؟ لآيكون آطلع حرتك فيها

ذيآب يبا يشوف رده فعلي : هي خبرج عتيج , وضربتها بعد

شهقت : هئئئ من متتتى تضرب اليهااال !!!!

ذيآب : ههههههه آتمصخر ,

يوم سمعت ضحكته , وآلله عروق قلبي نبضت من الونآسه : زعلآن مني ؟

ذيآب : شوي

: آنزين , اشتقت لك !

ذيآب : وآنآ آكثر , آممم

: ..

ذيآب : ترآني بسافر البحرين بعد كم يوم مع الشباب

: شو تسوي هنآك ؟

ذيآب : بحضر الفورميلآ

: زين آستآنس وآن شاء الله تغير جو , هي نسيت آقولك , ترى الحين عمي بوخآلد وآلآهل ياين بيتنآ

ذيآب : غريبه شو آلطآري !

: بيتقدمون رسمي يبون روضة لخآلد " زليت " وهي ماصدقت على طول صعدت تتكشخ له

ذيآب : يعني تحبه

عضيت شفايفي : هي , ذيآب يب خآلوه عندنا اليوم من زمآن مآجفتهآ

ذيآب : مآوعدج بصرآحه , عيال وديمه مسوين وايد مشآكل فالبيت احس امي شوي وبتكفخهم وبتطرد عامر ومرته وعياله

: ههههههههه افا شو مسوين ؟

ذيآب : عاقين اللوحه , زين ماطاحت ع راس واحد فيهم , وكآسرين المزهرية , واللي يجلط انهم رايحين يتسبحون بالحوض , اللي يقهر صدق عآد يوم ايج واحد نتفه متوصخ من ساسه لراسه ويقولج والله انا بس دخلت ريلآتي فالحوض , جذآب من عييينه الخايس

: هههههههههههههههههههههههههههههههه حبيت جذبتهم ,

ذيآب : انزين الهنوف كلميني عقب روحي ساعدي روضة اكيد محتاجتنج ,

: هممم ؟

ذيآب : مب زعلآن آطمني

: ونآسسسه , خلآص يلآ عيل آنييو

ذيآب : الناس تقول مع السلآمة

: هههههههه مع السلآمة حيآتي " وبندت "

ذيآب ابتسم لآني مب دوم اقوله هالكلآم بالفون . . . صعدت فوق وشفت روضة كآشخه وطآلعه جد حلوة ماشاء الله عليها , رحت ولبست لبس محترم وكشخت شوي , ونزلت تحت شفت غايه ولطيفة وعموه لكن مآشفت عمي , سلمت , عقبهآ بشوي نزلت روضة وسلمت وقعدنا نسولف عقب عموه ام خالد بدت وتكلمت وعآد آمآيه رحبت فيهم وجي , اللي ضحكني بالموضوع آن خآلد طلب يكلم روضة , هذا المفروض مايشوفها ابد لين العرس حتى المفروض ماشي نظره شرعيه , 24 ساعه مع بعض , خلآص شو بعد !

روضة بخوف : آبوي كيف رضى !

غايه : اصطلبي وروحي

روضة : جب آنتي , لآنه آخوج بتيلسين تتنازعين

غايه : آصطفلي , خله زعلآن منج

روضة : اففف منكم " قآمت ورآحت الميلس عقبها بشوي دخل خآلد "

خآلد : روضة

روضة مآقدرت ترفع عينهآ : نعم

خآلد آبتسم وهو يشوف مستحآهآ وقلبه بيطير من الونآسة لآن روضة خلآص بتصير ملكه , لكن مآحب يبين لها هالشي , وكآن يبآ يقهرهآ مثل آخر موقف سوته فيه فقآل : ترى مآلي آيد بالخطبه , آنآ قررت آنسآج بس دآم آهلي تقدموآ آنآ مآبترآجع عن الكلآم اللي قالوه . .

روضة كآن حد صب عليها ماي بارد قآمت ومشت بآنكسآر صوب الباب وتذكرت اخر كلآم قالته حق خآلد , وقفت شوي تفكر , آمتلت عينهآ دموع , آلحين يوم صار خآلد وياها وقريب منهآ هي اللي بتخسره بآيدهآ ؟ سرعت من خطوآتهآ وعلى طول طلعت من الميلس وصعدت الغرفة فوق قفلت على عمرهآ الباب وانسدحت على الشبريه ويلست تصيح . . . .

خآلد ابتسم : سآمحيني لكن لآزم تحسين باللي حسيت فيه " وطلع من الميلس "

بعد مآخلصوآ قوم عمي كلآم على طول روحوآ حتى غايه مآتمت , بس اللي استغربنآ منه كلنآ آنه روضة من طلعت من عند خآلد لآيآت قعدت ويانا ولآ حتى نزلت تسلم على قوم عمي قبل لآ يروحوآ , تمينآ ندق عليهآ الباب لكن صرخت ..

روضة : بنآم خلوني شوي , تعبآنه!

آمي : خلآص الهنوف خليهآ شكلها تعبآنه , وبعدين آلحمدآلله آن عدى اليوم على خير ورضت تشوف العرب ومآفشلتنآ

: مآتوقع روضة تسويهآ وتفشلكم

آمي : مآقصد جيه , اقصد يعني انها ماتباه ولا تبا تشوف حد من الاهل عقب اللي صار مع عبدالرحمن لكن الحمدالله , كل اللي صار خيره والله يتمم هالموضوع على خير !

: آمي مآفكرتي بدرآسه روضة , يعني احس بعدهآ صغيرهه . .

آمي : فكرنآ يآ آميه بس شو نسوي ؟ خآلد يقول بيخليهآ تكمل , وهي تبا تكمل بس مآدريبهم يميه , الشي رآجع لهم ..

: زين وآلله , انا بروح اريح شوي , نآدوني قبل لآ تروحون لموآز لآن بروح معآكم

آمي : آن شاء الله ,

صعدت الغرفة وسكرت الباب وآنسدحت على السرير عشآن اريح شوي ..

.

.

موزة لفت على يمينها شافت التلفون , يودته وكانت ترتجف , محتآرة تتصل فيه ولآ تخليه على رآحته , غمضت عينها , شافت صبعها وشافت انها اتصلت لمآيد , لكن سمعت شي مآكآنت تبا تسمعه " آلهآتف الذي طلبته مغلق , يرجى الاتصال فيمآ بعد , وشكرآ " . . . .

موزة خوزت اللحاف عنها ويوم نزلت من الشبريه حست بالم فضيع , حطت الشيلة على راسها وطلعت شوي لفت يمينها شافته غافي في قسم انتظار الرجال, رآحت ووعته !

موزة بالم : مآيد " هزته بخفيف " مآيد قوم تعآل نآم بالغرفه لا آتم نآيم هني

مآيد آنتبه لها وعصب : أنتي شو مطلعنج من الغرفه ؟ ليش تمشين هالمسافة كلها مب زين !

موزة ابتسمت " حتى رغم اللي فيه يفكر فيج , يآلله , ليش تكابر هالكثر يآ مآيد وآلله العظيم محتآجتنك " : نش وياي يلآ

مآيد : مآبروح روحي بروحج

موزة يودت ظهرهآ وتساندت بخفيف : عيل انا بعد مآبروح

مآيد تنرفز : موزة ترى هذا قسم انتظار الرجال

موزة : قلت لك تعآل وياي

مآيد قآم : يلآ زين قومي وياي , مابا حد اي هني ويشوفج

موزة كانت يايه بتقوم حست بآن الالم يزداد عليها عضت على شفايفها وحاولت تقوم لكن مآقدرت , قعدت تصيح .. مآيد قعد صوبها ويود ويههآ . .

مآيد : موزة ليش تصيحين ؟ شو يعورج !

موزة تصيح من الخاطر : انا تعبآنه , مآقدر اتحرك , آنآ اسفه !

مآيد حضنهآ : آشش اهدي , الحمدالله على كل حآل ..

موزة من حست بحنان مايد ودفاه , صاحت من الخاطر , طلعت كل الكلآم اللي في خآطرهآ على هيئه بكآ , هو رص عليها وقعد يهديهآ ويقرا عليها المعوذات عقب ساعدهآ تقوم وودآهآ الغرفة ولحفها ,

موزة غمضت عينهآ وقالت برجى : لآ تروح

مآيد : مآبروح , آرتآحي لج شوي لا تجهدين نفسج

موزة يودت ايده ورصت عليهآ ..

مآيد قآم وباسها على راسها : انآ بروح البيت , بسبح وبغير ثيابي وبريح شوي وبيج

موزة قامت واعتدلت وهي تحس بالويع لكن سوت له طآف وقالت : لآ تروح , أنا اعرف انك مآبترجعع , اذا مابترجع شلني وياك الحين , مابا اتم هني بروحي ..

مآيد : تخبلتي اشلج ؟ على الاقل تمي لين باجر !

موزة صآحت : لآ تروح انا اعرف انك مابترجع , بتسوي فيني نفس حركه مساعه ,, خليتني يوم قلت لك اني محتاجتنك

مآيد تنهد وقعد : خلآص لا تصيحين يلآ قعدنآ ..

موزة تمسح دموعها وببراءه قآلت : مآبتروح صح ؟

مآيد : صح

موزة انسدحت ويودت ايده وغمضت عينهآ وغفت , آمآ هو قعد يتآمل فيهآ , كيف ويها ذبل هاليومين , كيف تغير وصآر اصفر ويبين عليهآ التعب .. مآيد يوم حس آنهآ نآمت خلآص , قآم وباس على راسها وطول في البوسه , وطلع من الغرفه لانه كان وايد تعبآن , فقال بيرد البيت بيسبح وبينام له شوي عقب بيرد لهآ . . .

.

.

بعد مآكملوآ وقت الرحلة ونزلت فيهم الطيآرة خذوآ تكسي ورآحوآ للفندق , ظبية كآنت مآتعرف ولا شي هناك طبعآ لكن استغربت ان ناصر مخلص الحجز من قبل وجي كان حاجز لهم في فندق اسمه " هوتيل لوفت " كآن حآجز جنآح كآمل وطآر عقلها على الفندق طبعآ لآنه رآقي والمكآن مرتب حتى السرآير شكلها يفتح النفس , نآصر حقق لها حلم الطفولة وهالشي مستحيل تنسآه !

نآصر : آذآ مرتآحه ومخلصه خلينآ ننزل نتمشى

ظبيه : يلآ ننزل

نزلوآ تحت وكآن فليل ف مآقدروآ يطلعوآ مكآن , لان الفرق بين الآمآرآت وكوريآ تقريبآ 6 سآعآت , نزلوآ وتموآ يتمشوآ حذآل الفندق عقب ردوآ الفندق , طلبوآ لهم اكل ف الغرفه وقعدوآ يتريوآ آلآكل , قآمت ظبيه بدلت ثيابها وبدل هو ثيابه , تمت منسدحه فالكرسي وتطالع البلكونه . .

ناصر : شو مب ياينج رقآد ؟

ظبيه : لآ , ناصر خل نسولف لآ تنآم

ناصر : تعبآن

ظبيه : جذآب واحد مآدري كم ساعه نايم وبعدك تعبآن !

ناصر : ههههه انزين بقعد معاج " رآح وقعد فالكرسي اللي حذالها وشغل اللعبه في تلفونه وقعد يلعب وظبيه كل ساعه تخرب عليه " ظبيوووووووووووووهه

ظبية : نعم

نآصر : آصطلبي

ظبيه : هفف مليت نصور يعني انت مامسولي سالفة شو ها اونه بتقعد وياي ومناك ميود فونك وتلعب فيه , يعني هآي حآلة بذمتك !

ناصر : شو تبينآ نسوي عيل ؟

ظبيه : آسمعني زين يآ صديقي العزيز , ابا كآميرآ آنآ

ناصر : مآحيد الربع يشتروآ هدآيآ غاليه جي

ظبيه شاتت عليه مخده : بلآ , انا وانت غيرولازم تآخذ لي

ناصر فر الفون وقال باهتمام : وشو تبين تسوين فيهآ ؟

ظبيه : ابا كاميرا عشان نتصور , وآصور آلآمآكن واخلي الصور تذكآر ..

ناصر : بسس , انا تحريت بتصوريني وبتسويلي البوم لكن دام انتي بتتصورين ماشي كام

ظبيه : آوهوووووو , آنقلع نصور مابا هدايا منك يالبخيل " قآمت وآنسدحت ع الشبريه "

ناصر : ظبيييووهه

ظبيه مآردت عليه , ناصر تحراها زعلت لكن يوم قرب منها لقاها نآيمة , غمضته , بعد مآنآمت بشوي وصل الاكل قعد يآكل صحنه ويشوف صحنهآ , وقعد يفكر هل ممكن يعشيون حيآة دآيمه مثل حيآة الآصدقآء , مايباها ك زوجه بس يباها كصديقة . . بعد مآخلص رآح وسوى مخدآت بينه وبينهآ ونآم . . .

.

.

ذيآب شل مزنه ويبوسها ومزنه تصارخ ماتباه . .

ذيآب : ليش مآتبين عمج يالخايسه ؟

مزنه : فيك ثعر وايد اع

ذيآب : يع في عينج يالهرمه " وقعد يبوسها وينفخ في بطنهآ بعنآد وهي تضحك وبنفس الوقت تعصب عليه "

آحمد صآح : نذلها

ذيآب نزلهآ : كله ولآ الشيخ آحمد " فتح حضنه " تعآل

احمد ركض له وقعد ف حضن ذياب وكل ساعه يغايض مزنه ..

مزنه راحت وقعدت في حضن عامر وتغايضه ,

سعيد : عز الله خلصنآ اليوم من هالمغايض كله

عمر : آوفففففففففففففففففف خلني افوز هالقييييييييييييم

عمير : مآيخصصصني

عمر : آبويه وين مآشفته اليوم ؟

ذيآب : طآلع من الصبح آميه تقول . .

سعيد : غريبه آحيد آميه تطلع معاه

عآمر : بيرد لآ تقعدون تهلوسون !

شوي ورن تلفون آم ذيآب وكآن فالصآله رآحت وردت وتيبست من هالمكآلمه ,

آم ذيآب تعلي صوتها : آنزين انته وينك ؟ الحين يايه " وبندت " بويه عيال قومو ودوني عند آبوكم سرعه

عآمر : شوفيه ابويه ؟

آم ذيآب : مآعرف به يالس يصيح يالس يقول انه تعبان ويحس بحرقة في صدره , والله ياخوفي انه كلا شي خلى السكري يرتفع عنده

ذيآب : لآ حول ولا قوة الا بالله , قومي حطي عبايتج عليج , وبوديج يلآ سرعه

آم ذيآب صعدت فوق ولبست عبايتها وشيلتها وعلى طول نزلت : يلآ ذياب

عآمر : آنآ بوديج " نزل مزنه وصعد ايب مفتاحه وشل آمه ورآح "

بعد مآوصلوآ وشافوه بهالوضع ويبين عليه التعب على طول شلوه المستشفى , تموآ يتريوآ شوي لين سوله فحوصآت , لكن الصدمة اللي يتهم كآنت مب شويه , كلآم الدكتور صعقهم لمآ قال ان بوذياب ياته جلطه فالقلب وعنده آنسدآد فالشرآيين ولازم يسوله قسطره , طبعآ وآفقت آم ذيآب وعآمر عشآن يسون لبوذيآب القسطرة , عقبهآ آتصل عآمر في ذيآب . .

ذيآب : هآ عآمر طمني !

عآمر يمسح على ويه : وآلله ماعرف شو اقولك , آبويه ياته جلطه فالقلب وعنده انسداد فالشرايين لازم يسون له قسطره ,

ذيآب بصدمه : شوتقول انت شو تخربط ؟ آبويه من شو يته الجلطه ؟

عمر وعمير وسعيد صخوآ من سمعوآ كلمه " جلطه "

عآمر : مآعرف , ودوآ العيال عند حد تعرفونه , لآتخلونهم عند الخدآمآت وتعآلوآ كلكم المستشفى , ويوم بتيون لآ حد ينطق لابوي عن اللي صار بس قولوله ان بيسون له قسطرة وخلآص وخبروآ عموه باللي صار , بنتريآكم , مع السلامة " وبند "

ذيآب قآم بسرعه : تلبسوآ كلكم بنروح المستشفى " طآلع احمد ومزنه " وهذيل بندبر حد نفره عندهم لان عامر قال مانخليهم عند الخدامات !

الكل قآم ولبس , ذيآب رآح صوب غرفه عآمر ودق الباب . .

وديمة : دقيقه " حطت الشيلة على راسها ورآحت تبطل البآب "

ذيآب : وديمه ياليت تتلبسين انتي وشمسه لان بنروح المستشفى

وديمه : ليش شو صصصآير !!

ذيآب : آبويه هنآك

وديمة : لآ حول ولا قوة الا بالله , شفيه عمي ؟

ذيآب : عقب بنخبركم يلآ خبري شمسه تروح تلبس

وديمه : انزين واليهال ؟

ذياب يمسح على ويهه : غيري ثيابهم وجهزي لهم شنطه وبنشوف وين بنفرهم لان عامر طلب مانخليهم عند الخدامات

وديمه : خلآص ان شاء الله

ذيآب : آدري بتعبج لكن غيري لاحمد وياهم

وديمه : لآ توصي حاله من حال عيالي ..

دخلت وخبرت شمسه وشمسه على طول راحت الغرفه عند سعيد , اما وديمة نزلت ويابت كل اليهال وبدلت لبسهم على السريع وزهبت لهم شنطه وحده ورآحت تلبس ولبست عبايتها ونزلت تحت ونزلت كل اليهال معاها ولقت الكل تحت جآهز ..

ذيآب : عمر وعمير وديمه وشمسه روحوآ مع سعيد , اسبقوني المستشفى , وانا بشل هاليهال وبدور حد احطه عندهم وياينكم

وديمه : فشلة ذيآب احس ماحد بيتقبلهم هذيل حشرة , خلهم هني عند الخدامات

ذيآب : عآمر مآرضى شو اسوي فيه , مآعليه انا بدبر السالفة انتوا توكلوآ

طلعوآ هم وذيآب شل اليهال وقعد يركبهم سيارته وهددهم تهديد صريح اي حد يتحرك او يلعب باغراضه بيضربهم , وعاد هم من جافوا ذياب معصب كلهم هدوآ , ربطّهم بحزآم الامان عشان يتاكد انهم مابيسون شي وركب وتحرك , دق لعمته . .

عذآري : هلآ , مسرع مآ اشتقت لي اليوم الصبح الا طآلعه عنكم

ذيآب : آنتي وين ؟

عذآري : مع حمد قآعدين نتمشى , شوي وبرد البيت ,

ذيآب : مآعليه لكن ممكن مآ آطولين وتين المستشفى سرعه

عذاري : شوهه ؟ شو مسسستوي !!

ذيآب : آبويه بالمستشفى وبيسون له قسطره

عذاري دمعت عينهآ من آلصدمة : ذياب , انت شو تقول ؟ آخوي شو فيه !! , اليوم الصبح شفته قبل لا اطلع مافيه شي

ذياب : عموه لآ تصيحين وخلج قوية , وتعالي المستشفى اكيد يباج وياه , اتمنى ماتتاخرين

عذاري : آنزين آوك " وبندت "

ذيآب تنهد بضيج ودق لمحمد لكن مآرد عليه , ماكان قدآمه الا الهنوف عشان يتصل فيهآ !

رن تلفوني وانزعجت , منو بيتصل هالوقت وانا نايمة , قلت يمكن آمي لان قالت بتوعيني قبل لا نروح لموزه لكن مب من عوايدهآ تتصل احيد انها تي وتدق الباب , شليت الفون وشفت انه ذياب استغربت , على طول رديت واعتدلت بالقعده وعدلت صوتي . .

ذيآب بضيج : ممكن خدمه !

: ذيآب شوفيه صوتك ؟ آطلب اللي تباه

ذيآب : عادي اخلي عندج احمد وعيال عامر

: آكيد عآدي لكن شو فيك شو يعورك !

ذيآب : آبويه بالمستشفى وبيسون له قسطرة لازم اكون هناك وعامر مايبا اليهال يتمون عند الخدامات

شهقت بصدمة عقب قلت بخوف : عمي شوفيه ؟

ذيآب : جلطه فالقلب وانسداد فالشرايين , بتقدرين تزخينهم ؟ تراهم حشرة

: آوف شو هالكلآم ذياب , يبهم انت ولآ يهمك انا بيودهم وبعدين عبدالله وامي وروضة والكل هني اكيد بيملون علينا البيت , آنت يبهم سرعه والحق على عمي لازم تكون معاهم وتسلم عليه قبل لايدش العمليات

ذيآب : مشكورة , عمري مابنسا هالشي لج

: ذيآب , مآبينآ , بتريآك

ذيآب : نحن قريب وبنوصل , بخليج الحين , مع السلآمة " بند "

قمت بسرعه وتغسلت ولبست لي مخورة ثانية وحطيت علي شمد وتعطرت ونزلت اركض تحت شفت الكل قاعد تحت قلت بضيج

: آميه لحقي

آمي : بسم الله شفيج ؟ شحقه قمتي من النوم !!

: آميه عميه راشد بيسون له عمليه

آبوي ماستوعب : منو عمج رآشد ؟

: آبويه شوفيك مفهي , بوذيآآآآب

آمي : ويديه شفيه ؟

: آمي ماعرف , وذيآب متوهق مع اليهال

آمي : خل ايبهم هني

: هي ترى استاذن مني وانا وافقت والحين قريب وبيوصلون

عبدالله : يهآل ؟

: آخوه الصغير وعيال عامر

عبدالله : يآلله آحب اليهال , بيملون علينآ البيت

: هي لآه , متحمسة اشوفهم..

شوي وسمعنآ هرنآت برع ف طلعنآ كلنآ عشان نخبر ذياب ان مب ينسى يطمنآ على عمي ,

ذيآب : مآعليه عمي بطمنكم ان شاء الله

آبوي : مب تنسى , ونحن من يطلع بالسلآمة بنيكم ان شاء الله

ذيآب : مآتقصرون , وسآمحونآ غثينآكم بهاليهال

آمي : لآ غثى ولآ شي حياهم الله باي وقت

ذيآب آطآلع الهنوف بتعب عقب طآلع مزنه واحمد : شو قلنآ ؟

آحمد : آنآ مآيخثني

مزنه لفت راسها : هو اللي يبدى

ذيآب عصب : آحححمد وممززنه

مزنه واحمد خآفوآ وقالوآ : خلاث وعد مانثوي شي

ذيآب : بنشوف , يلآ انا بسترخص الحين " ركب السيارة على طول روح "

دخلنآ كلنآ وقعدنآ اليهال فالصآلة وشغلنآ لهم التلفزيون وامي قطعت لهم فوآكه عشان يآكلونهآ , ويوم قامت روضة نزلت وشافتهم ..

روضة تغمض وتفتح : آمي متى يبتي هذيل كلهم ؟

آمي : هههههه خس الله العدو , هذيل مب اخوانج يالثور هذيل عيال عامر اخو ذياب ,

روضة : يآ برائتهم , جد كييوت

آبوي : الهنوف شوفيج ؟

: ولآ شي " تقدمت صوبهم شفت ان احمد غآفي , شليته ووديته الغرفه فوق , حطيت حواجز على يمينه ويساره ولحفته وشغلت له المكيف عشان مايحر وقعدت آتآمله , فيه ملآمح من ذياب لكن مآيشبهه , بسته على راسه ورديت نزلت تحت وقعدت حذآل روضة "

: روآض

روضة : هلآ

: شفيج متضايجه ؟

روضة : ولآ شي بس .. " سكتت "

: بس شو ؟

روضة همست لي : مستحيل اخلي خالد الحين حتى لو هو تخلى عني

ابتسمت وقلت بهمس : تحبينه ؟

روضة : موت

: زين عيل لآ تخلينه يفكر ولو لحظه آنه يخليج

روضة : آدري , " لفت وقالت بصوت خفيف " وبيندم على الكلآم اللي قاله بعد

: شو ؟

روضة : ولآ شي . .

.

.

منآر كآنت في شقتها تشرب شآي وصلهآ مسج ومن قبل لآتشوفه تآفآفت , عرفت آنه سيف و مسميتنه في تلفونهآ " النشبه " ..

سيف " انت مثل دبي بعيون المدن أجمل الأشياء و أكثرها حلا. "

منآر رآحت وحظرت رقمه من تلفونهآ لآن قآم يمصخهآ بزيآدهه . . .

.

.

سهيل فالكوفي قاعد مع ظآهر ويسولف ولآ كآنه شي صآير آمآ ظآهر صح يسولف مع سهيل لكن يحس انه يحترق من دآخله يبا يعرف ليش سهيل قال يبا يشوفه ضروري ؟ قآم يتوهم اشياء ومنها انه يعتذر له وان خلآص لطيفة رآحت في نصيبهآ , طرد هالافكار من راسه لمآ سمع سهيل ينآديه . .

سهيل : شفيك وين سرحآن ؟

ظآهر يجذب : يآت في بالي ظبيه ,

سهيل : آيوآآ

ظآهر طلع تلفونه الثاني وانتبه آن في مسج من ظبيه , قراه وابتسم , ودعى لظبية آن هالزوآج يكون لها خيره ويسعدهآ ويعوضهآ عن كل شي آنحرمت منه و مآحصلته مع سليمآن !

سهيل : بصرآحه انا يايبنك هني عشان اقولك شي

ظآهر دخل تلفونه في الكندوره : آمر !

سهيل : آنآ خبرت آمي وابوي عنك

ظآهر سكت ..

سهيل : ويقولون لمآ بتيب عميه وعموه يتكلمون وكل شي بيصير رسمي بيشاورون لطيفة ووقتهآ يحلهآ الف حلآل لو كآن بينكم نصيب !

ظآهر ابتسم : مآتقصر وآتمنى آنك مآفهمت الشي غلط , ومن ترجع ظبيه بخبرهآ وبكلم عموه بعد

سهيل : على خير ان شآء الله

ظآهر : آتمنى آنك مآزعلت ,

سهيل : لآ ولو , بس تنرفزت وقتها عقب النرفزه رآححت , وبعدين آنآ مآشك فيك لآني عشت عمر معآك وآنت ريال والنعم فيك وآختي مآبتلآقي وآحد مثلك . .

ظآهر ابتسم بآرتيآح وكمل الكوفي مآله , وقعد يسولف مع سهيل ورجعوآ مثل قبل وآحسن بعد ..

.

.

نآصر آنتبه على نور الشمس قآم , تسبح ولبس وتعطر وشل بوكه وتلفونه وشل تلفون ظبيه ويآه ولمآ لقاها نآيمة ماحب يزعجهآ ف نزل تحت وخبرهم وين يبا يروح فطلعوا له سيارة من الفندق مع واحد يسوق ووداه الاماكن اللي طلبهآ , آول شي رآح وحط له بطآقة مع خدمه وسوآ في تلفون ظبيه نفس الشي , ويوم تجددت الخدمه في تلفونه طرش بنكود ظبيه لاهله وخلآهم يضيفونهآ وضاف نفسه عندهآ , عقب رآح وخذآ لهآ كآمم ومر على ستآربكس وطلب له ولها فرآبتشينو ورجع الفندق , آول مآدخل الفندق كآنت توهآ طآلعه من السبوح وقاعده تنشف شعرهآ ..

ظبيه : بسم الله , آنت وين كنت ؟

نآصر : طلعت شوي " حط تلفونهآ قدآمهآ "

ظبيه تمت تطآلعه خآفت لآ قرى المسجآت آو شي

ناصر : جددت لج الخدمه وضفت نفسي وخليت الاهل يضيفونج " مد الكيسه " وهاي الهديه اللي صدعتينآ فيهآ البارح بس من الحين اقولج لو طلعت الصور مب حلوة يآ ويلج

ظبيه نشت بحمآس : بذمتك يبت لي " طلعتهآ من الكيس وصرخت بونآسه " مشكوووووووووور

نآصر : ههههه آلعفففو

ظبيه طلعتها ويلست تتعبل فيهآ ..

ناصر : يآ بنت نشفي شعرج ترى بنطلع

ظبيه : آنزين صببببر , " ركبت العدسة وحطت البطآرية على الجرج ورجعت تنشف شعرهآ " وين بنروح ؟

ناصر : مآعرف بنشوف يوم بننزل تحت ,

ظبيه : ها لمنو ؟

ناصر : واحد حقي واحد حقج

ظبيه : شو هآ ؟

نآصر : فرآبتشينو

ظبيه : مآعمري جربته " رآحت وشلته وجربته " طعمه لذيذ يسلم ذوقك

ناصر : ربي يسلمج

ظبيه يلست تنشف شعرهآ عقب لمته وتعطرت وتحجبت ولبست عبايتها وشيلتها !

ناصر : مب يايبه وياج شي اخف من العبايه والشيلة ؟

ظبيه : بلآ بس خفت تنازعني

ناصر : لآ عآدي خففي على عمرج

ظبيه فرت على طول الشيله والعبايه وطاحت على ويه ناصر والشيله على جسمه , راح فرهم على الارض ..

ناصر : يالخايسه

ظبيه : هههههههههههههههههه بالغلط وآلله " طلعت جاكيت طويل , آطول من الركب بشوي ولبسته وشلت شنطتها وتحجبت عدل "

ناصر : يلآ

ظبيه : يلآ " ويوم نزلوآ تحت اتذكرت " آوف ناصر الكآم مآلي فوق

ناصر : برايها خل تجرج شوي لين نتريق عقب بصعد بيبها لج اوك

ظبيه : آنزييين

قعدوآ يتريقوآ وبعد مآخلصوآ صعد نآصر وياب لها آلكآم مآلهآ والبطآرية والشنطه بكبرهآ وهي بدت تركب عقب رآحوآ الاستقبال عشان يسالونهم اذا في سيارة متوفرة واذا في مكان معين جميل وقريب من الفندق يقدرون يروحون له !

.

.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ظحــگ ۈانــا اصلـاً من الضيق~~ { مخنۈۈۈۈۈۈق~~~ مـטּ تصۈۈيري	alna3ma	عدسة الاعضاء , كاميرا الاعضاء	34	07-23-2011 03:03 PM
شفتَڪ بعيني أمآني ,, فجر ۈطيۈر ۈ ۈرۈد // رحلة آخرهآ مۈآني ,, ڪل من سآفر يعۈۈد	porshcia	عدسة الاعضاء , كاميرا الاعضاء	12	08-10-2010 12:26 AM
شـۈف آڵمۈآتر ۈآقفه كنهـآ ثيرآن ** ۈهـۈ ۈقفته ۈقفة آسد ڵعنبـۈ حيه - { إستـاندر } . . . ~ !	* мя. άl-мansooᴚi	سيارات و دراجات	13	12-11-2009 07:40 AM
.،\|[ آلرجُۈلة طبعٍ ۈَفـيً ۈشڿصُ يملٌآڳِ إحسآٌسِ .. ۈتشُۈفِ آلصْدقْ بقلبــهْ ۈعيۈنـُهْ \|/.،	« ݕڨـﭑﯦﭑ בـطٱم ™	المسنجر وملحقاته , توبيكات , ماسنجر بلس , msn	69	07-13-2009 02:18 PM
{ ليـــٍتْ الــٍزمااטּ الـاۈۈۈل يــٍعۈۈۈد ~~ من تصۈۈۈيري	alna3ma	عدسة الاعضاء , كاميرا الاعضاء	14	04-17-2009 09:49 PM