اقروها (((سعودي))) يرسل رساله للملك عبدالله

محروم.كوم · #1 05-29-2009, 06:40 AM

هل من مجيب

بصراحه ياعيال ودي اعرف من الي كاتبها وقسم بالله إن أذبح له ذبيحه

سعودي منتف ومفقع عقلة وجيبة
روح زمان الكرامة يازمان الرخامة

أوجه رسالة للوالد القائد خادم الحرمين الشرفين

((حفظة الله وأطال في عمره))

****
من واجبات الأبووووه أن الأب يستمع لصرخات أبنه ويضمه على صدره وإذابة كل آلامه
والملك زي أبوي،، لاأحد يتدخل بين أب وطفله.

أبشرك يا خادم الحرمين الأسعار مضبوطة

والمواد الغذائية متوفرة
ما نقصنا بس إلا الخبز يرفعون سعره لاتراهم رفعوة أمس
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات أرتفعت 30%
الأدوية 25%

تخيل يا خادم الحرمين
جبن كرافت والمراعي السايل أرتفع
طيب وش نسوي لبزارينا المشكلة يقدرون الكرافت السايل مع الصامولي
يعني وش نفطر الطحين زاد والبيض زاد حتى الشابورة
الببسي صار 2.5
والأيجارات أرتفعت
وقسايم المرور زادت

الحمدلله على النعمه أمن وآمان
الله لا يغير علينا
حتى رز أبو كاس أرتفع
لا وأزيدك من الشعر بيت رزمة الكراث والبصل صارت بريالين
شفت شلون حنا بنعمه
****

في كلمة راس <IMG height=19 alt="" width=19>؟؟؟
ما ودك.. تنزل رواتبنا شوي..؟؟؟
عشان.. نبني للأردن 70 ألف وحده سكنيه ثانيه!!!
ونعطي لبنان مليار ونص دولار!!!
ونرسل لمصر المعونه السنويه!!!
ولايهون أهل المغرب اللي بعض المناطق الكهرب ببلاش !!عشان الصيد يطلع لة طعم !!! أجل غزلان ببلاش !!
وحنا ضبان وجرابيع وواجد علينا ناحسونا فيها...لا وصار فترة صيد يامال الفقر !!!
ونرسل أعانة لساوث كالوراينا ونبني لهم مرة ثانية مثل أرامكو السعودية في نيوأورلينز!!
اللي مازادت موظفينها شئ بس ترسل عيال الأجانب
يدرسون ويتعالجون في أحسن الجامعات والمستشفيات وتتبرع لأمريكا بأكثر من مليارين غير بناء 2500 وحدة سكنية للمساكين
وحنا آآهـ من الحنا ترى غلا بعد يخلف اللة علينا . ننتظر اللة لايقول زلزال أرب الجماعة يعطفون ويعطون فلل زي رعاة البقر
وياقلب لاتحزن !!!
****
تعرف ماشاء الله حنا..؟؟؟
من كثر الفلل التمليك..؟؟؟
الناس صارو يأجرون ببلاش <IMG height=19 alt="" width=19>

ممكن طلب طال عمرك.. أبي سلف 12000 ريال لأخر العطلة نبغى الفقع مبطين عن الفقع !!!
يافقعي فقعاه؟؟؟
عندي دين أسدد فيه لي سنه ولا خلص.. كل شهر 500 ريال
الله يرحم حالنا والله<IMG height=19 alt="" width=19>..
****

ابشرك طال عمرك
قبل كم يوم حطم سعر برميل البترول الرقم القياسي وصار يباع بـ 99 دولار
ورصيدي أيضا حطم الرقم القياسي في نفس اليوم وصار فيه 17 ريال

الحمد لله شفت كيف أنا بخير وشعبك بخير
اللة يرحم زايد والعمر زايل اللي قال عز شعبك يعزك وربعنا ذل شعبك يمشي وراك بس ربك فوق ويمهل ولايهمل
ياحسابات سويسرا وصفقات الطايرات الخربانة والمشاريع الوهمية

****

اطمنك قبل كم يوم صرنا نسوي رجيم

تعرف اللحم ما عاد نعرفه عقب ماذبحنا الكرم ألحين الواحد معاد عنده عشان يعزم
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه

****

نم قرير العين الشعب بخير
لاتتعب نفسيا ودور في النت توأم تفصلهم
توائمنا ليش ينفصلووو

صلة الرحم زينه خلهم يتشابكون طول العمر
يمكن لو فصلناهم يتهاوشون ويفترقون
خلهم متشابكين في جسد واحد
الله لا يغير علينا
****

أبشرك طال عمرك شعبك تطور
أستبدل البكاء بطعم الملح؟؟؟
ببكاء بطعم الدم؟؟؟
آآآآآآآآآآآآآآه يا حلو مذاقه
ودك تجربه؟؟؟
أنا أقولك وشلون؟؟؟
نظف منزلك من حليب الأطفال!!!
والبامبرز عشان تطلع الريحة صح وتعرف معنى الحياة
نظف جيبك من الفلوس؟؟؟
نم ومخباك فاضي؟؟؟
خل زوجتك تصحيك من النوم قبل الفجر
وتقولك أن طفلك ما عنده حليب
دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى كلهم

أنس أنك ملك وأرجع للبيت
بتدخل على أنغام بكاء طفلك
عندها ستحتقر نفسك وأنت عاجز عن أشباع طفلك
عندها ستلعن اليوم اللي أنولدت فيه
عندها ستلعن اليوم اللي أنولد طفلك وصرت مسؤول عنه؟؟؟
عندها ستضمه وستبكي من القهر
ستنزل دموعك وتحس بطعم الدم في حلقك
وتستغفر ربك لأن الجوع كافر والطفره طق أصبع وهبال على خبال والنتايج قريبة !!!
سوف يكثر الفساد والطمع والسرقة في عز النهار والقتل والقوي ياكل الضعيف
****
طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم
****

بس ودي أقولك شي قبل ما أروح وأصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة والوطنية اللي تعلمناها في طفولتنا
معناها إحساس المرأة بالأنكسار وعدم الأمان
معناها خنوووووع ما بعده خنووووع للظروف القاسية اللي وضعنا فيها
معناها أمور كثيرة ما راح تفهمها..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فضيحة السيف اللذي أهداه حمد للملك عبدالله	محروم.كوم	منتدى أخبار المواقع والمنتديات العربية والأجنبية	0	04-19-2010 09:50 AM
رسالة مفتوحة للملك عبدالله بمناسبة زيارته للبحرين	محروم.كوم	منتدى أخبار المواقع والمنتديات العربية والأجنبية	0	04-13-2010 09:50 PM
رسالة مفتوحة للملك عبدالله بمناسبة زيارته للبحرين	محروم.كوم	منتدى أخبار المواقع والمنتديات العربية والأجنبية	0	04-13-2010 09:40 PM
صور للملك عبدالله بن عبدالعزيز آل سعود حفضه الله	محروم.كوم	منتدى أخبار المواقع والمنتديات العربية والأجنبية	0	08-05-2009 01:20 PM
صور للملك عبدالله بن عبدالعزيز آل سعود حفضه الله	محروم.كوم	منتدى أخبار المواقع والمنتديات العربية والأجنبية	0	08-05-2009 01:10 PM