نصائح ابوحسين الذهبيه اعاده للحلقه 3 زبده الهرج في مصانع التلج

محروم.كوم · #1 06-16-2013, 02:40 PM

السلام عليكم ورحمه الله
احبائي و اعزائي
مرحبمبكم يا احلى اعضاء
واشكر كل من وضع ثقته في خبرتي 17 سنه جلب واشكر كل الاخوه والحبايب اللي راسلوني واستفادو من الدرر اللي طرحتها في المنتدى

واليوم حنتكلم وحنعيد في موضوع التلج اللي من اول نزلتو لكن المره دي بطريقه مرستكه وحنرجع للموضوع تاني مع شويه تفاصيل معطره متل الزنجبيل

واثبتها بالدليل بدون حزر فزر واضحه زي الشمس

اللي عندو اثبات عن مصنع نظيف ياريت يدلنا عليه عشان صحه المواطن والاعضاء

وفي مرة ونا رايح اجلب قبل يومين ومعايا صاحبي ما تعرفوه اسمو عبدالرؤوف البرماوي 19 سنه خبره مشكات في الشعيبه قلتلو بالله وقف عند مصنع التلج وباخد كم صورة قوام عشان يشوفو حبايبنا فين يتصنع التلج لانو فيه اعضاء متحرمصين على تقاريري اللي انزلها في المنتدى وتاخرت عليهم

المهم كنت احاول اتدحلس بطريقه عشان ادخل واصورلكم والحمدلله قدرت اخد كم صوره بتتعجبوا من الحاله اللي وصلت لها مصانع التلج

طبعا الصوره لمصنع مشهور وعندو فروع في كل مكان وشوفو الصدا والوسخ والمويه مكشوفه وكمان المويه شوفو كيف لونها اول ماخرجت من المصنع قلت لعبدالرؤوف

يا وارد الماء واسقيني شربيت
واللي سقاني ما يخاف الله

=======================

وهدي صور من مكان تاني للمكينه اللي تجرش التلج الصلاه على النبي جديده اخر موديل وضد الصداء ومهتمين بالمكينه كل يوم ينظفوها يعني مستحيل في الليل تدخل الصراصير في المكينه لانهم مهتمين فيها
وادا قلك واحد انو احتمال الصراصير تنطحن مع التلج
قلو بطل نمك
وشوفو الصور تتاكدو بنفسكم

وهذا اشتريتو من السوبرماركت مو كاتب مصدر المويا ولا اي معلومات كاتب نقي وصحي زي المنتجات التقليد تروح تشتري شامبو مقلد ومكتوب عليه احذرو التقليد
ويقلك ياعم روقنا الناس كلها تشتري

=======================

وياريت بعد ما تشوفو الصور تدخلو على هدا الموقع وتقرو عل السريع الشروط واللوائح اللي من الامانه عشان تتاكدو بنفسكم انو الصور اللي نزلتها لمصنع مخمج والبلديه نايمين في العسل ومكبرين المخده واللي يقولي لا تكبر الموضوع ولا مو مهم روح اشتري منهم الله يسهلك

http://www.tabukm.gov.sa/Systems.aspx

ومو شرط انو المصنع اللي يجيب مويتو من التحليه انو المصنع المرستك اللي حاصل على الجوده وشهاده الايسوزو ومن دا الهرج

هوا يهمنا طريقه التصنيع برضو مهم

يا حبايبي انتبهو صحتكم اهم
عبي كم زنبيل مويه من البزبوز وحطو في الفريزر انظفلك واضمن من شغل المصانع
اكتفي اليوم بموصوعي دا

انتظروا موضوعي الجاي والدرر الماسيه

في امان الله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجديد ياهل الجديد من ابوحسين والحلقه الرابعه من النصايح الذهبيه	محروم.كوم	منتدى أخبار المواقع والمنتديات العربية والأجنبية	0	06-11-2013 02:00 PM
الحلقه الثالثه لنصايح ابوحسين الذهبيه وفر +فكر+احذر	محروم.كوم	منتدى أخبار المواقع والمنتديات العربية والأجنبية	0	06-09-2013 11:10 PM
الحلقة الثانيه من نصائح ابوحسين.. موضوع خطير يهم الجميع	محروم.كوم	منتدى أخبار المواقع والمنتديات العربية والأجنبية	0	06-08-2013 04:20 AM
نصائح ابوحسين الذهبيه في الصيد حلقه رقم 1	محروم.كوم	منتدى أخبار المواقع والمنتديات العربية والأجنبية	0	06-05-2013 05:10 AM
اين مصانع الثلج بالقصيم؟؟	محروم.كوم	منتدى أخبار المواقع والمنتديات العربية والأجنبية	0	08-30-2011 01:00 AM