بسم الله الرحمن الرحيم

السلام عليكم ورحمة الله وبركاته ..
حيّ الله جماعة الربع من مشرفين واعضاء وزوّآر ..


يالله ان تحييهم ,

سالفتنا اليوم , , يذكر ان فيه رجال ساكن في مزرعته وبيته داخل المزرعه , هو وزوجته وثلاثه من عياله وبنتين ماشاء الله رجال مسترزق من المزرعه ورازقه الله , طيب مع عياله وام عياله ويغليها وتغليه , السالفه باختصار ,,
كبرو العيال وكبرو البنات وتزوجوا , ومابقى الا هالرجال وزوجته ,,
قسم الله وأراد في يوم من الايام ,, راحت الحريمه للحوش تبي تحلب البقره ! والا والله هاك الحنيش ( الدّآب) اللي طولها حول مترين !! واقرصي الحرمه في الســآق وصاح الصيـآح !!!!

جا الرجال يم المره يبي ينقذها وشالها والله يدفع البلا , ماقعدت الا ساعتين وراحت لربها والدّآب صاير " سمها مركز "

مالكم بالطويلات .....

الرجال صار عزوبي ومثل ماذكرنا عياله متزوجين وبناته لهم بيوت وعيال !!
راح شهر شهرين وثلاثه واربعه ..
والا والله الشويّب خاطره شين ..فاقدن المره وهي عشرة عمر وأم عياله غالية عنده

أقبل عيد الاضحى والله ونادى ولده الكبير وقاله:
وانا أبوك هذي قيمة ضحيتين جبرات وسمان ,امي وابوي في واحد مثل العاده , ولأمك الله يرحمها واحد> من غلاها جاعل اهله في ضحية وحده وهي لحالها في ضحيه ..

قال الولد : ان شاء الله يـآبوي أبشر .
وصار يوصيه كل سنه ,

وفي السنه الثالثة جا العيد وضحو الضحايا
وبعد مانتهوا ,
وهم متجمعين في يوم العيد ,
تشاورو العيال والبنات دون مايدري ابوهم
قالو : ابونا مهوب كبير بالحيل وحنا لاهين في بيوتنا وعيالنا ,وودنا نخطب له بنت الحلال يستانس ويقضي عمره معها ترد له الصوت وعلى ماقال نطمئن على ابونا
قالو : خوش فكره نبي نعرضها على الوالد ,,
وهم عارفين غلاة امهم عنده , لأنه يذكرها دايما بالخير ويثني عليها
يوم اقبل ابوهم , ولاهم جالسين سلّم عليهم وجلس معهم صبو له فنجال قهوه وبيالة الشاهي
وقالو يـآيبوه ,
بصوتن واحد ,, ترى حنا يآبوي نوينا نزوجك
قال : (وشلووون ؟؟؟؟)
مايصير تسذا مايصصصير أبــــدن !!
عقب امكم الله يرحمها اني اعرس بعدها
ابصير لها وافي وهذا اقل شي بيني وبينها
مـآيصير اني اعرس عقبها

قالو : يايبه الحي ابقى من الميت وهذي سنة الله في خلقه
, وهذي امنا غاليه عندنا مثل ماهي غاليه عندك, لكن الدنيا تبي والاخره تبي
ولايمكن للرجال قعاد بليّـآ مره , والبيت اللي مآبوه مره مالوه ثمره !

" اخذ ورد ورد واخذ واقنعوه في النهـآيه "

وقالو ان فلان في الديره وعنده بنيّه متزوجة العام الماضي
ومات رجالها ومامعها لا ولد ولا بنيه ! ومذكورة بالزين خُلق وأخلاق , ونبي نخطبها لك !!

الرجـآل وآفق في النهايه بعد إلحاح العيال والبنات ,


.. الرجال اعرس وتم العرس ..
وظهر بثوب جديد ووجه جديد ,
وظهر على مايقولون يلقّ >> كنه مغسول بستم
باركو له العيال والبنات واثر الرجال انبسط وقال ويني عن العرس اللي جالسن ثلاث سنوات اثري ضايع
.....


وجا وقت الضحيّه , ومثل العاده نادى ولده وقال : هذي وانا ابوك قيمة 3 ضحايا
" آستغرب الولد ؟؟؟؟"
وقال : بالعاده يـآبوي ضحيتين لأهلك وحده ولأمي وحده !!! هالسنه فيها زود ضحيه
قال الوالد : أيــــه نسيت اقولك.. الثالثه , للداب اللي قرص أمك الله يجزاه خير ,

ههههههههههههههههههههههههههههههههههههه

ونلقاكم في سالفة أخــرى ,