ذهبنا يم الحفر وكان معي أبونادر الفــريدي طاروح الوحوش أطال الله بعمره وعلى طاعة الله . رحنا نشوف سوق الطيور المهم مرينا على أحد المرابط وعندة شيهانة حارة بالحيل ووجها فيها التباشير لكن عيبها الحجم وقال هذة مطروحة يم الحماد وأشتراه واحد وقال بعها
وقال فيها شيهانة بحرية بحجم 15.5 قام يمدحها " المــهم شاورت ابو نادر

قلت : وش رايك ابونادر

قال: عليك بالوجه الحاد يعني اللى أصغر حجم
قال : هذة تراه تبي تجملك وأبسميها جملاء

الله أكبر صدق أبو نادر الحباري من أول شوفه بدون تعليم تهد عليها وحارةبالحيل يازين الزيــــــن

من المعروف ان الشيهانة مطفوقة وحارة وطير مايركد واذا ركد فهو نص ساعة والباقي تكسير ريش ولو قلت لشيباننا ان الشيهانة راكده اما الشلة الثانية يقول كل شئ جائز ياحليلهم

شئ غريب اللى عندي صبح ومساء ركادة والحمام يزين وجها لكن ماتكسر نفسها وقد طلعت حباري وهي ترعي من مسافات بعيدة وصورتها وهي ترعي من العرفج وشجر العلقا وكان علينا مطر ويالله بالله جبتها الكاميرا

ياكثر من يطق الباب بيـخـــطبونها لكن قلبي يتشعط عليها .حتى ان واحد منهم شالها وحط بموترة فمكان لى الا الصمت لكن النشاما تكلموا عليه وردوها لي

واحد يسولف يقول هدينا على حباري وراحت على طيورنا وقال واحد من ربعنا ياحلالاه شيهانة الوسيدي
يقول : الرجال مايعرفك بس يسمع هههههههههه
---------------

من أهل الأمارات من المناصير طلبها وقال أريدها علشان التهجين

نصحي أحد الأخوة من الرياض وهو الصقار هضيبان المقاطي العتيبي ونعم بالرجل

قال: انتبه يامحمد تراه تفســـد وتخرب ولاتصير مثل الأول

وأصلا انا ماطــرأ على ان يمسكها اي أحد

من بعدها بلحظة انطلقت من المربط (انفك من المسابيق) ومرت على شلفا (جير شاهين ) وشلفا تاكل حتى الغراب تهد علية

المهم صار ماصار علما ان الجير معطيه لحم الأضاحي وهو ثاني العيد وبنفس اليوم أكلت جملاء وكنت أزور الأقارب

.
.
.
.
.
.
.
.

الحمدلله والشكر

في هذا اليـــوم من الصباح الباكر أهداء لى هدية اخوي عبدالكريم الحوشاني وبيض الله وجهك .وخاله وهو ابو نواف عبد الرحمن العطاوي الشاعر المعروف وصديق مقرب للأمير نايف بن عبدالعزيز

يامهدي " ناب الأسد جعللك تعيش
على الكرم والدين واليسر والجاة
الأوله ماينلحق راعيه بيش
لوكان نذبح له مفاريد وشياه
انتم على فعل الجمايل مراهيش
مثل المزون يحدر السيل من ماه

البعض صور والبعض قد فــــــــــات. واللى فات ماأقـــــــدر أتكلم عنه لان كل الكلام اللى أقوله موثقة