إستفسار عن مشروع خليفه ارجو دخول الجميع

محروم.كوم · #1 05-28-2009, 08:40 AM

صبحكم الله بالخير يااخوان شحالكم كلن بحاله عساكم بخير ؟؟عندي بعض الإستفسارات عن مشروع الشيخ خليفه لدعم مشاريع الشباب السالفه ربي يسلمكم في واحد من الشباب حصله موافقه على تمويل مشروعه بنسبه 90 في الميه وجيمه التمويل تقريبا جريب المليونين درهم ومثل ماتعرفون لازم يحط الباجي من المبلغ كضمان بنكي جريب (250 ألف درهم ) فكان حاط إعلان طلب ممول في أحد الجرايد وتواصلت معاه وشفت جميع الأوراق الاصليه التي تفيد بحصوله على الموافقه , وفكره المشروع حلوه بالاضافه ان يبدا تسديد أول قسط من القرض بعد 20 شهر فكان شرطي اني ادخل معاه شريك بالرخصه بنسبه 50% من الشركه مقابل توفيري للمبلغ + تحملي نصف مهام العمل والإداره , بتقولون ليش مادفع هو الميتين وخمسين ألف وخذ كل الأرباح , السبب إنه الريال مديون وعلي أقساط تقريبا اكثر من نص راتبه وإطلعت على شهادات مديونيته ومايقدر يسحب شي بالاضافه لطبيعه عمله في العسكريه يداوم أسبوعين بأسبوعين فمحتاج حد يساعده في الشغل لكن يوم رحنا لهم قالوا مايصير تدخل معاه شريك بحكم انه هو الي جدم الطلب , بس ثاني سنه وقت التجديد عادي تدخل معاه شريك بصراحه انا كنت متحمس للموضوع ولكن في واحد من الشباب الي حصلوا تمويل عن طريق صندوق خليفه قالي انهم يأخرونك في تسليم الدفعات وبهدله لازم اتم تراكض وراهم عسب يعطونك المانجر شيك وبخصوص الضمانات المطلوبه أنا شفت إني أخذ علي إيصال أمانه بالمبلغ + شيك بنفس المبلغ + توقيع عقد شراكه موثق في المحكمه ويكون غير قابل للرجوع عنه ونضع شرط جزائي بجيمه نص مليون درهم هل هالضمانات تشوفونها كافيه ؟؟ بحكم إنه الريال ماعنده شي ممكن نرهنه سواء عقار او ارض ياليت الاشخاص الي حصلوا تمويل عن طريق الصندوق يفيدونا بخصوص طريقه تسلم الدفعات وهل في روتين زياده عن اللزوم ولا إجراءات سلسه ؟؟ومشكورين يالربع مقدما

أكثر... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارجو دخول الجميع مهم جدا	محروم.كوم	منتدى أخبار المواقع والمنتديات العربية والأجنبية	0	08-07-2009 11:40 PM
هل لي من مساعده بين اخواني في المعهد ارجو دخول الجميع	محروم.كوم	منتدى أخبار المواقع والمنتديات العربية والأجنبية	0	07-06-2009 06:30 AM
ارجو دخول الجميع -----> مساعده	محروم.كوم	منتدى أخبار المواقع والمنتديات العربية والأجنبية	0	07-01-2009 12:10 PM
هام جدا ارجو دخول الجميع	محروم.كوم	منتدى أخبار المواقع والمنتديات العربية والأجنبية	0	06-23-2009 05:30 PM
مناقشه ارجو دخول الجميع	محروم.كوم	منتدى أخبار المواقع والمنتديات العربية والأجنبية	0	05-09-2009 06:40 AM