#poem_5166bf7109d92 td {font-family: 'DecoType Naskh', Arial, Helvetica, sans-serif;font-size: x-large;font-weight: bold;} جيت بعد السكوت وجبت درّ الكلام ماتجف المحاجر لو يطول السكوت حامت نسور همي والسعاده يمام اهربي يايمامه لاتصيرين قوت قالوا المرّ سم ! وقلت : من قال سام ؟ آآتجرّع مراره ، وأتطعمه توت عايشن في حياتي بين حلم ومنام ادعي الله واطلب لاصحيت الثبوت من حشمني حشمته له غلا واحترام وان تردى وطيته حافيٍ دون بوت و عزت النفس كانه في زماني حرام راضيٍ بالحرام ولا احب البشوت فوضوية مشاعر ماتحب النظام القصيده خيوط و نسجها عنكبوت لاتلوم الفريسه ! / وان تلومه تلام ضيفها شال هم و ردْ فخر البيوت للطنايا سلام ولاهل حايل سلام ولاهل رفحا ورفحا ديرتي ماتفوت وللجراذين ربعي طيب مسك وغرام من حفيد الفقيده قبل وقت الفروت في زمانه شجاع و للشجاعه سنام اختفى كيف مدري اختفى دون صوت ياعمامي اغني والمواجع قيام شاشت ولات قافي للجراذين لوت الجراذين حنا و الفتى مايضام لابسين الشجاعه والوفا لبس كوت للقرابه عزاز / وللصداقه مقام بالقوايل عزير وبالشتا عنزروت للمصيبه مصايب / للغمامه غمام ياسنام المراجل ياوساع البخوت بين بحر ومحيط وبين صبح وظلام في محيط المجره للجراذين حوت لو تنام الطنايا والجنايز تنام ماتموت الشجاعه كود شمر تموت ان زمى سيل وادي / زاد فيه الركام وان مشى شال قشّ المعترض والنحوت جيت بعد السكوت وجبت درّ الكلام ماتجف المحاجر لو يطول السكوت