!×][ ساحة معارك الشعراء][×! - الصفحة 22

مجبور الفراق · 02-18-2008, 02:15 AM

[align=center]

المشاركة الأصلية كتبت بواسطة اميـ اليافعي ـن

[align=center]صباحكم خير وعافيه
و ودّ وقلوب صافيه

سمعت إشاعه :
إن مجبور الفراق يبي يظهر ..
ويش السبب .؟
يقولون عشان مايجرح أحد
وتأكد من الخبر لقيت الخبر صحيح

أخوي مجبور ...
بعض الشعر يجرح وبعضه يشرح وإن كان قوي
وإنت أدرى مني طال عمرك ...

أستمرّ وانا أخوك

وخل الحزن بعيد ...

ويامرحبا بج الميث في صفوفنا أنتي وجروح دفينه ..
ترحيبتن تلفاكن بكل يوم ...

::[/align]

يا مرحبا والله يا طيّب الفال

أمين أنا أرجو السموحة منك ومن كل الأعضاء عاللي صار والله مدري شقول
يمكن لأني ما فهمت المسابقة عدل
والصراحة الدعوة اشوي حوسة كل واحد يرد على كيفة على الي يبيه

ما دامها الدعوة كذا حوسه
.........والكل فيها ينثر أبياته
بعطيك بعض أبيات مدروسه
........من شاعر(ن) قاسى بداياته

يا كثرررر ما أفكر قبل أقول شي، مشكله والله

المهم

كلما أجي اباخذ لي قرار
........أرجع أتندم أقول... المعذره
كلكم في داخل اعيوني كبار
.......ولا واحد أجتري أستحقره
قصيدكم يا يافعي مابه غبار
......ولجلكم أرجع أقول المعذره
بس ناظر من يمين ومن يسار
.....وانت تدري خاطري وش كدره
القصايد ليه ما تسلك مسار
......ليه أبيات الشعر متنثره
أنا ما مشيت أبي رد إعتبار
......دام مابه شي يمكن أخسره

طبعا وبعد التفكير ،،،،،،،
كملت القصيدة بهـ الأبيات الي بتقرونها الحين

شب يا الأخضر على الأعداء نار
........من يقول إن الحمر ما نقدره
نكتسي بالنار من ولع شرار
........نحرقه ومن بعد حرقه نقبره
سيفنا بتار ليامن إستدار
.......يكسر الكسر الذي ما تجبره
وبلغ الي قال من خلف الستار
........ما أنا بالي ينازل له مره

وفي الأخير أرجع أرد الإعتذار
....المعذره.. المعذره.. المعذره

[/align]

[align=center]بنو غيلان أبشر والله بعزك

دام الدعوه كذا ما عاد أنا طالع خلاص
والي يزعل مصيره يرضا[/align] __DEFINE_LIKE_SHARE__

III سنـادي عنـادي III · 02-18-2008, 02:52 AM

المشاركة الأصلية كتبت بواسطة بقايا هواجس

انتي ييتي بعد الكلام يعني ما يشملج

ما وصيك امين توالهم .. ملسونه معسوله عليه

يالي تناظرني بعينك روح و تجحل
هذا ردي عليج ملسونه معسـوله

لاني من الي بربـــعه قام يتجحمل
و عند الصعايب دايم تقصر فعوله

لكن شعري من طورايج يتخجـــل
وودي اخفيه عنهم و لا اقــــــوله

يا طالبي كثير لــــي عنيـــه تجهل
وفي بعدج صارتلج اشياء مجهوله

بس بعدج ما ذقتي ضربت المنجل
ولا عرفتي خفايا هواجس و عقوله

سجل يا هاجس الشعـــــــر سجل
ابيــــات فكر ما هـــــــي بمنقوله

يالي تماري بقايا تحمل لا تعجـل
تحذر من لي بياتيك من العجوله

تحمــل تحمــل و لا بتقدر تتحمـل
يا ويل قلبـك لو حط بقايا حموله

بطيح من الهم بتتكدر اقول اعقل
احذرك مني و انتظر مني مقوله

عاد خوفتني انت وياويهك خخخ
بق بق بقييييييييق هههه
خـــــــــــذ وهذا هو ردي خخخ

احـــــــم

هونك على هونك وفي كلامك لا تعجل
وخذ ردي عسا ينفعك في يوم قولــــــه

ابديه بسلام مني لشخصك المبجــــــــل
واثني على ماقلت من الشعر بعجولـــه

لكن تمهل سنادي عنادي تراك تجهــــل
وانت يالورع بعدك صغيرٍ علّي تقولــه

تراني ان رميتك بالهدف دايم اسجــــــل
ماهمني من تكون اقنصك وبسهولـــــــه

راجع وراجع كلامك وعن الرد لاتخجل
واللي تبي تخفيه لايردك شي قولـــــــــه

ماهمني قولك وان كنت بالشعر اعقــــــل
فرق بيني وبينك يا سفيه المقــولــــــــــــه

وان كنت تهددني يالموت تعال وقبّـــــــــل
ماهومهايط لكن نفسي عزيزه ماهي بمذلوله

والحذر مني وعلى عنادي لا لاتمرجــــــل
خلك بعيد مني تعلم الهرج واصولــــــــــــه

هذا وعلى ما قيل بالحكي دايم تجمـــــــــــل
وعرف انك ابد راسي لايمكــــن تطولـــــــه

وسواااالمــــــــــــــــــــــــــــز
اصفا من العسل
خخخخخ
^_^"

ربي يحفظكم __DEFINE_LIKE_SHARE__

هملول · 02-18-2008, 03:07 AM

السلام عليكم ورحمة الله وبركاته

حيييييييييييهم هل الشواجع

انا متابع الموضوع من الاول ومالي بارظ اشارك ..
بس لفت انتباهي شي اليوم شادين حيلهم الاخضر خخخ حيييييهم والله

وانا وياك يالاخضر بس مشجع خخخ

يعطيكم العافيه __DEFINE_LIKE_SHARE__

هملول · 02-18-2008, 03:14 AM

المشاركة الأصلية كتبت بواسطة III سنـادي عنـادي III

وان كنت تهددني يالموت تعال وقبّـــــــــل
ماهومهايط لكن نفسي عزيزه ماهي بمذلوله

والحذر مني وعلى عنادي لا لاتمرجــــــل
خلك بعيد مني تعلم الهرج واصولــــــــــــه

هذا وعلى ما قيل بالحكي دايم تجمـــــــــــل
وعرف انك ابد راسي لايمكــــن تطولـــــــه

اشهد انه مافيج حييييييييييييله
رووووح يالخضر دربك خضر __DEFINE_LIKE_SHARE__

اميـ اليافعي ـن · 02-18-2008, 10:54 AM

المشاركة الأصلية كتبت بواسطة بنو غيلان

سمعو سمعو ههههـ

والله النيه كانت علشان الواحد يقدر ينوع في المواضيع

والقاري يستمتع لكن دامها جيه

يقوولـ

ياطيري السامي شد الرحال للرحيل
وابــدأ المشوار دام الدعوه معــركه
معــنا سلاحنا قافنا وفكرنا و سـهيل
خــيالنا ابداعنا وغير هالشي اتركه
اوزانّا بحــورنا وطروقنا والصقيـل
والـخشم الـّي تعلـّى وكـــاد بنـفركـه
دامني ذيب وش الي هـمني فالفيل
ذيب يعـوي وعوية الذيـب تــربكـه
نهشي فالنحور ومالي غيـرها دليل
ولا اكـر عـلى عـدوي غدر وفبركـه
فالـدرب انا ولالي غير كحيلان خيل
والسامي عند فلان وانت في شبكه
خيالي درعي وفكري سيفٍ سليــل
وقيفاني للي تحدى اناشهد مربكه
ما قلتهـا عبث ويشهد عليكم خليل
انشدوه يوم صـابه سيفي وابركه

وسوالم ذس از فور ناو

[align=center]صباح الخير

حيا طير السنافي في حرفه الجميل
ـــــ جا بنفسه يدوّر لروحه التهلكه
والآن ياهاجسي منته بذا بخيل
ـــــ حروف نار منك للخصم مُهلكه
يذلّ لي سبع الليل وإن كان به حيل
ـــــ يدنّي راسه ولو شدّ حيله وانهكه
وانته راكب البغل وانا راكب الخيل
ـــــ شف الفرق واضح يننا لو تدركه
كن الزمن تغيّر وأصبح علي بخيل
ـــــ جاب لي بنو غيلان ذي مافيه (ابركه)
لا له بالشعر صله لا ولا حتى ذيل
ـــــ يمكن بالخواطر له روابط تشبكه
وانا من صناديد الشعر ذي هم قليل
ـــــ أشكّل الحرف وأعرف كيف آحرّكه
والهاجس اللي معي جعل عمره طويل
ـــــ هو لي سند وهو ظهر لي بالمعركه
قوي الباس في حروفه منبع الويل
ـــــ لو تعنّى بالحرف هدّ برج المملكه[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أسماء الشعراء المتأهلين لبرنامج أمير الشعراء	بن شااهين	شاعر المليون للكبار1	9	05-09-2010 01:27 PM
ذكريات من معارك الذيب	محروم.كوم	منتدى أخبار المواقع والمنتديات العربية والأجنبية	0	03-26-2010 01:10 PM
معارك في البرلمانات	محروم.كوم	منتدى أخبار المواقع والمنتديات العربية والأجنبية	0	06-10-2009 12:40 PM
[ عرض اعلان ] : احذر من صاحب هالعضوية : عبدالله الجابرى ومن صاحب شركة سوبر	محروم.كوم	منتدى أخبار المواقع والمنتديات العربية والأجنبية	0	05-30-2009 04:10 PM
!×][ ساحة معارك الشعراء][×! [ الجـ 2 ــزء ] .~	εïз~اَلِمَيّث}●	شعر و خواطر	259	06-03-2008 09:09 PM