روآيــة * *..*تفدآگ ” عين تحبگ وأنت موجود ~ ويفدآگ [..♥قلب..] يذگرگ وأنت . غ`ـآيب`` - الصفحة 9

Bora · 05-07-2013, 05:00 PM

المشاركة الأصلية كتبت بواسطة prsteg-ketbia

❤آلپآآرت روعهـ ونتريآج >>لا طولين علينا ☺❤

انتي الروعه حبي .. يلا دقايق و انزل البارت .. __DEFINE_LIKE_SHARE__

Bora · 05-07-2013, 05:02 PM

آلبآرت آلحآدي عَشر .. /

.
.
.

اليوم الخميس .. ف المدرسه الي سرحان والي راقد والي يسولف والي والي والابله تشرح حق عمرها ..
مهوي : حليلها ميره غايبه ..
مواز : هيه وانا قول ننو الي ناقص ..
مهوي: خخخخ انزين ليش غايبه ؟
مواز: شدراني بها .. ابا ارد البيت ..
مهوي تثاوب : مي تو والله ..
مواز : هههه..
.. ف طاولة ثانيه قريبه منهن شوي ..
يزوي يالسه اروحها و ملانه ،، الله يغربلج يا ميره حق شو تغيبين اففف بتجوف ،، و يلست تفكر ف عبدالله ..
ف طاوله ثانيه .. الي سرحان والي يشخبط ..
شموه كانت تشخبط ف كتابها و انتبهت لفطوم كانت سرحانه ..
شموه: فطوم !!
فطوم انتبهت لها و ابتسمت : هلا ؟
شماني : شو بلاج؟
فطوم: شموه بخبرج ..........
الابله طالعت فطوم ( ماعرف ارمس مصري ) : اييه انتيي حق شو تسولفيين نحن ف حصه ولا مقهى ؟
شماني : ابله مب بس هي ترمس حتى هذيل .. ححششاا
الابله: طلعن برا !!
فطوم و شما: اففففف ..
الابله طالعتهن بنظره و ظهرن ..
و ف الممر ..
شماني : الله يغربلها انشاءالله ..
فطوم: حيوانه تولي ..
شماني طالعتها : هيه شو كنتي تبين تقولين ؟
فطوم وقفت و جابلتها : تعالي بنسير مكان ثاني ..
شماني : تعالي بنسير صوب المقصف بنيلس هناك ..
و سارن ..
شموه : يلا قولي ؟؟
فطوم: شموه اصلا انا احب اخو يزوي ..
شما شهقت : ششووه؟
فطوم: اصصص شو فيج !!؟
شما: فطووم ! من متى خبريينيي بالتفاصيل ..
فطوم: ششمووه متعايزه تعالي اليوم بيتنا و بخبرج ..
شما : اوكيهوالساعه ست اكون ببيتكم ..
.
.
.
نشت ميروه من رقادها و جافت البنات كاتبات ف تويتر * سكول * ابتسمت .. عقب سارت الحمام و تغسلت و نزلت تحت عشان تتريق .. و جافت واحد واقف عاطنها ظهره
ميروه بصوت عالي : حححمممدااااانننييي .. * وربعت وحضنته من ورا *
و الريال منصصصددممممم !!
حمدان اول ماسمع اسمه ربع صوت مصدر الصوت .. و جاف ميره حاضنه ربيعه !!!
ميره اول ماصدت الصوب الثاني جافت اخوها !!! .. على طول ربعت فوووق .. و هي تتنفس بصعوبه ،، اوييه ياويلي انا شو سوييييت !! قسم بالله يوييلييي !! ،، و سارت تسبح ..
.
.
.
الساعه 6:27 والعصر.. ف بيت قوم فطوم .. ف حجرتها ..
خلود مسوي حشره ..
فطوم بصوت عالي : خخلووود اطلعع بررعع !
خلود : مابا مابا مابا ..
شماني بصوت هادي : يلا حبيبي خالد اطلع برع شوي و عقب بزقرك ..
و خلودي ظهر برع .. و فطوم منصصصدمه ..
شموه : ههه الواحد جي يعامل اخوه هب اتصارخين عليه ..
فطوم ابتسمت : عاد انتي لو عندج اخو صغير جان بتتمنين الموت ..
شما ابتسمت ونزلت راسها ..
{ نتعرف على عايلة قوم شما } ..
الاب : علي .. مععصب مايحب شما كله يضربها .. اذا جافها يعصب !!
الام : روضه .. ام طيبه تموت ف شما ..
شما : هي البنت الوحيده .. 17 سنه جمميله جميله .. طيبه حيل .. بس مايعرفن البنات عن سالفة ابوها .. تتمنى يكون عندها اخوان. .
.. ..
شما اذكرت : هي يلا قولي لي عن السالفه ؟؟
فطوم : هيه اوكيه .. *نزلت راسها تحت* مثل ما قلت لج انا احب اخو يزوي حمد .. مادري ليش من قالي انه هو يحبني .. حسيت بخخووف .. عقب حبيته .. شمموه انا ماعرف كيف اقولج
شموه : حبيبتي انتي .. حد يعرف ؟
فطوم : لاء ..
شموه : اها .. يعرف انج تحبينه ولا شو ؟
فطوم: لاء .. كل ما ابا اقوله احس بخوف مابا .. و مره كنت بقوله خلاص .. بس اخويه زقرني !
شموه : ترمسينه فالفون ؟
فطوم : لاء بس قبل اتصل لي ..
شموه: انزين يلا عندج الفرصه .. دقيله و ......
قاطعتها فطوم : لا لا لا لا مسستحييييل ششموه !
شماني : فطوم عيل متى ؟ يوم بينساج و بيحب وحده ؟ ..
فطوم : شمووه لا تقولين جي * نزلت راسها* راح اتم احبه لين الموت ..
قاطعهم صوت دق الباب ..
فجت الباب ام غانم : فطوم * طالعت شماني * مرحباا بشماني ..'
و نشت شماني و سلمت عليها : شحالج خالتيه ؟
ام غانم : بخير فديتج انتي شحالج .. جيه ماتين وتسلمين ..
شماني نزلت راسها تحت وضحكت بالخفيف ..
ام غانم : عيل زين يوم انا سويت اكل .. يلا نزلن تحت بتاكلن ..
و نشن البنات و نزلن تحت ياكل ..
عواش : فطوم .. عطيني ايبادج شوي ..
فطوم: لا والله و وين ايبادج ؟
عواش : شلته امي ..
شماني : ههههههَ افتكيتي ..
فطوم: لا والله امي شاله عنج الايباد عشان ماتلعبيبه و اتشلين مالي عشان تشله سيري موتي ..
عواش: اوكيه فطوم *وسارت*..
شموه: ي حليلها والله ..
فطوم طالعتها بنظره ..
شموه: ههههههههَ .. اصلا الايباد ممل ..
فطوم: يب يب ..
شموه: نشي نسير عند يزوي ..
فطوم : يلا ..
.
.
.
دش حمدان حجرة ميره .. لقاها منسدحه و اطالع الصقف .. تقرب منها وقال ..

حمدان: شو كنتي اتسوين عند ربيعي ..
ميره طالعته: كنت اتحراك انته والله العظيم ..'
حمدان تم يطالعها شوي .. و هي دمعن عيونها و نقع ضحك ..
ميره تمسح دموعها : جب ..
حمدان : ياهل .. انزين ماباكلج بس حبيت اروعج خخخخ ..
ميره تضربه بالخفيف : سير عني ..
حمدان : ههه ليش تتحريني بتم عندج ..
وسار ..
.
.
.
ف دبي .. مها و سيف يالسين يتحوطون عدال برج خليفه .. وين عدال دبي مول ..
مها نزلت راسها : احبك ..
سيف يقرص خدها : اعشقج ..
مهوي: انته ماعندك الا القرص ..
سيف وقف مهوي و جابلها و قرص خدها الثنينه ..
مها : ههههَ .. خلاص يعوووور ..
سيف: خليه يعورج .. * مسك ايدها و تمو يتمشون *
مها اطالع ساعتها : وييه الساعه 6 *رصت على ايده * ردني البيت * ..

سيف فج عيونه : لييش !
مهوي: امي قالت هالساعه لازم اكون بالبيت ..
سيف: انزين ..
و وداها بيتهم .. قبل لا تنزل ..
مها : تحمل على روحك حبيبي ..
سيف ابتسم وباسها ع خدها : انشاءالله وانتي بعد .. اتصلي لا تنسين ..
مها : اوكيه .. و نزلت .. و جافها اخوها نازله من السياره ..
( نتعرف ع العايله ) .. ~
الاب : عبدالله ريال غني وكله مسافر ..
الام: هند طيبه ..
البجر : مطر 27 معرس من بنت خاله .. و عندهم بنت اسمها هند ..
نوره : حرمة مطر 24 طيبه وايد ..
هند : بنت مطر 6 تدرس .. صف 1 دومها ويا مها ..
مها : 17 طيوبه و حبوبه تموووووت ف سيف .. محد يعرف .. و ماتيلس ويا اهلها وايد الا لشي ضروري ..
مريم : 10 هالبنت خخققاااااقققه .. دلوعة ابوها .. تدرس و صف عاشر .. دوم هي و هند يضاربن ..
.
.
.
مطر : وين كنتي ؟ ..
مها : كنت ويا ربيعتي ..
مطر : وين سرتن ؟
مها : صوب دبي ..
مطر : يلا سيري طالعي امج تترياج ..
مها سيده ربعت عند امها ..
.
.
.
وصلوا مهره و جاسم للامارات ❤❤..
حمد يخاشم جاسم: الحمدالله ع السلامه ..
جاسم : الله يسلمك ..
حمد يطالع مهره : الحمدالله على السلامه ..
مهره تنزل راسها: الله يسلمك ..'
وساروا صوب السياره بيسيرون بيتهم ..
.
.
.
ام جاسم ادق الباب على يزوي ..
يزوي فجت الباب : هلا امي ؟
ام جاسم : وصلوا قوم جاسم ..
يزوي فجت عيونها : صصصصددقق ؟
و ربعت و خبرت البنات و فرحححن .. و سارن تحت يسون شي حقهم .. عقب ساروا فوق يتزينن .. عقب يو قوم جاسم و هن كانن ف الاستقبال .. و فرحت مهره لما جافت شموه ..
يزوي تحض جاسم و شوي و بتصيح : اشتقتلك ..
جاسم : فديتج انا بعد ..
فطوم : الحمدالله على السلامه جاسم ..
جاسم ابتسم : الله يسلمج ..
و سار يسلم ع امه .. و ربعت يزوي و حضنت مهره ..
مهره : ههه اشتقتلج ي حيوانه ..
يزوي : جب ..
مهره: بل ههه * جافت فطوم * ففطووووم .. و حضنتها ..
فطوم : الحمدالله ع السلامه ..
مهره : الله يسلمج حبيبتي ..
مهره : شششششمممممااااننيييي و حضنتها ..
شماني همست لها : اشتقت لج وايد ..
مهره: وانا بعد ..
و عقب يلسوا .. شوي و تبطل الباب .. محد انتبه غير فطوم اول ماجافته زاغت .. هو تم يطالعها .. عقب هي صدت على طول .. محد انتبه .. شموه الي الي انتبهت .. و ابتسمت لفطوم .. و فطوم ردت لها الابتسامه .. و تموا يسولفون شوي .. و كلوا .. و ع الساعه 8 ساروا يرتاحون قوم جاسم .. و شموه ردت بيتهم و حتى فطوم ردت و هي زايغه من حمد ..
ف حجرتهم .. ~
جاسم انسدح ع السرير : اخخخخخ ..
مهره : ههه انا بسير اسبح ..
جاسم : انزين ..
تسبحت وخلصت .. ولبست لها بجامه و ظهرت و تلحفت و رقدت .. وهو يوم جافها انسدحت .. سار يسبح .. عقب خلص و سار عدالها و سحبها لحضنه .. و رقدوا ..
.
.
.
مروان : موزوه والله العظيم !!
مواز تعطيه الفون : شله ماصدق ..
مروان : اييييييه ! والله لانشرها ..
موزوه: سر عني صدقت ..
مروان : استغفرالله انتي محد يراويج شي .. و ان وصل لميروه .. بخبر سواف ..
موزوه صارخت : بررررررعععع !!
مروان قبل لا يظهر : حمدان يا ..
موزوه ماصدقته .. و هو ظهر ،، يمكن يا خل ارمس ميره .. و اتصلت لها ..
ميروه: خير ؟
موزوه : صدق حمدان يا ؟
ميروه ضحكت : لاء .. تعالي بيتنا ملانه ..
موزوه: الله يغربله مروان قص عليه ..
ميره : تعالي يلاااا.. يوم بتين تعالي حجرة حمداااان انا هناك ..
موزوه : يلا يلا يايه ..
سكرت عنها و لبست لها جلابيه زرقا حلوه و خفيفه وجحلت و حطت مرطب شفايف .. و لبست شيلتها و كثرت من العطر و نزلت تحت .. و قبل لا تنزل من الدري .. صقعت ب سيف .. سيف مسكها من جتوفنا : وين ؟
مواز : بسير عند ميره ..
سيف : لا يَ حبيبي .. رقاد ..
مواز بترجي : سوااف باجر الجمعه ..
سيف: سيري سيري ..
و سارت بيت قوم ميره و سيييده صوب حجرة حمدان .. فجت الباب بقوه ..
موزه: ميييررررره !
ووانصدمت !! تيبست مكااانهاا .. جافته واقف جدام المرايه و يتصور وحاط السماعات ف ذنه .. و كان لابس برمود اسود ويا قميص ازرق غامج .. و مكشش شعره شوي .. هو اول ماجاف منو عالباب .. فج عيونه .. و بطل السماعات من ذنه ..
حمدان سوالها حركه بإيده بمعنى شو ؟
موزه تمت اطالعه ،، ججميييللللل !! جميل وايد ماقدر اخوز عيوني .. ححللووو حلو !! قاطعتها ضحكة ميره ..
ميره : هههههههههههههههههههههههههههههههههههههههههههههههههه هههههههااااييي .. كنت ادري والله !!
حمدان طالعها بنظره و سكر الباب .. و تم يتصور .. و موزه طالعت ميره بكل غيض و تمت تضربها ضضضضرررررببببب !! ..
.
.
.
فطوم كانت يالسه ويا خلود .. ف الصاله الصغيره ..
فطوم : يلا كتب عشان باجر تلعب ..
خلود : انتي كتبي ..
فطوم: يلا خلوودي !!
ابو غانم يا : فطوم ابويه تعشيتي ؟
فطوم : هيه ..
خلود : باااباااااه !
بو غانم : يلا كتب عشان نسير نرقد ..
و سيده يلس يكمل كتابه .. و عقب ما خلص .. سيده ربع فوووووق صوب ابوه .. و فطوم يلست ع الانستقرام شوي .. عقب سارت فوق حجرتها .. عقب قالت بتظهر صوب البلكونه لانه مهب خفيفه برع .. يلست اطالع النجوم و الهوا يضرب بويها .. و حمد كان برع .. و جافها .. هي اول ماطالعته سيده سارت داخل .. و مسك حمد تلفونه واتصل ..
فطوم شهقت : اويه .. ششوي ارد ولا ..
قبل لا ترد دشت عواش حجرتها و هي سيده حطت صبعها عند الاحمر ..
عواش: فطوم برقد عندج ..
فطوم: ليش ؟
عواش: المكيف حار عندي ..
فطوم : برايج ..
شلت مخدتها .. وسارت صوب الصاله الي فوق .. و انسدحت و تمت تترياه يتصل .. دقايق و غمضت عينها جان يتصل .. فزت و بالغلط دقت لون الاخضر :/ ..
حمد : هلآ ..
فطوم : آهلين .. * و بلعت ريجها * ..
حمد : ليش خايفه ؟
فطوم : مب خايفه ..
حمد : آنزين ..
و تموا ساكتين .. عقب دقايق ..
حمد : يلا ظهري برع ..
فطوم : ششووو ؟ ليش ؟
حمد: لبسي عبايتج و ظهري برع بسرعه عندج 3 دقايق و ان ماييتي بتجوفين * وسكر * ..
فطوم تمت خاايفه ،، شو بيسوي يعني ! .. و عقب تفكير نشت و لبست عباتها و شيلتها و نزلت تحت .. تمتاطالع اذا حد برع .. و سيده سارت صوب سيارة حمد .. كانت بتركب ورا .. بس حمد يا و فج لها الباب الجدامي .. و فطوم مستحيه + خايفه .. و ركبت و ركب حمد و ساروا ..
.
.
.
توقعاتكم ؟ .. __DEFINE_LIKE_SHARE__

بنت أإبوي · 05-07-2013, 09:19 PM

الباااارت جناااان
تسلمييين خيتووو ع البااارت الروعة
اممم ههه احترت شو اكتب ماعرف > خفي علينا
المهم نتريااااا البارررت خيتو لا طولين علينا __DEFINE_LIKE_SHARE__

Bora · 05-08-2013, 03:13 PM

المشاركة الأصلية كتبت بواسطة بنت أإبوي

الباااارت جناااان
تسلمييين خيتووو ع البااارت الروعة
اممم ههه احترت شو اكتب ماعرف > خفي علينا
المهم نتريااااا البارررت خيتو لا طولين علينا :afk_r:

الله يسلمج ..
خخخخخ .. انشاءالله ماببطي عليكم ..
يمكن انزله يوم السبت او الجمعه ❤❤
.. نورتي البيج .. __DEFINE_LIKE_SHARE__

мѕ.ѠяЭǝиѕԋ™ · 05-08-2013, 06:51 PM

البارت عجيب وااااااااايد
اكثر شي حلو فيه ردت فعل حمداان هههههههه اونه شووه هههههه

الموهيم البارت كان طر وايد ونترقبج فبارت احلى واحلى

وتقبلي خطفتي المتواضعه

خيتج مس جرينيش __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥ قلها وأنت ساجد‎..!	bєdαч̝̚et 7łм	الإسلام والشريعة	13	05-01-2012 10:05 PM
كن حذراً :لاتأكل وأنت غاضب أو وأنت حزين	محروم.كوم	منتدى أخبار المواقع والمنتديات العربية والأجنبية	0	12-13-2011 04:11 AM
من لم يفهمك وأنت صامت لم يفهمك وأنت تتكلم ,,,	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	3	06-07-2011 12:39 AM
أنا وأنت ..	محروم.كوم	منتدى أخبار المواقع والمنتديات العربية والأجنبية	0	02-18-2010 09:00 AM
توقف المطر وموت الحيوانات وموت الطيور وزياده الأسعار وانهيار الأسهم وخسوف القمر.. وال	محروم.كوم	منتدى أخبار المواقع والمنتديات العربية والأجنبية	0	08-09-2009 11:40 AM