روآيــة * *..*تفدآگ ” عين تحبگ وأنت موجود ~ ويفدآگ [..♥قلب..] يذگرگ وأنت . غ`ـآيب`` - الصفحة 20

Bora · 06-24-2013, 06:42 PM

المشاركة الأصلية كتبت بواسطة forza alain

اباااا بااارت دخيلج ردي عن عشرين رد بليز ابا بااارت

ان شاء الله ❤❤ __DEFINE_LIKE_SHARE__

Bora · 06-24-2013, 06:43 PM

المشاركة الأصلية كتبت بواسطة بنت أإبوي

يسلموووو ع البارتااات خيتووو
اممممم ماعندي توقعات
لا طوليين علينا نتريااا البارت الي بعده كمليها
و يعطييج العافيية

الله يسلمج
مب مشكله
ان شاء الله
الله يعافيج . __DEFINE_LIKE_SHARE__

نبع الطيب · 06-25-2013, 07:22 PM

سوري حبيبتي ما قمت ارسل توقعاتي بس الروايه تهبل __DEFINE_LIKE_SHARE__

Bora · 06-25-2013, 07:43 PM

المشاركة الأصلية كتبت بواسطة نبع الطيب

سوري حبيبتي ما قمت ارسل توقعاتي بس الروايه تهبل

مب مشكله حبيبتي ، تسلمين ❤ __DEFINE_LIKE_SHARE__

Bora · 06-26-2013, 08:59 PM

آلبآرت آلتآسعّ عَشّر .. ()*

حمد : شوووو مستوييي ؟
انا بحزن : حمود برمسك عقب !
حمد : لا اطولين
و سكر
انا احضن شما : هدي هدي حبيبتي
شماني : آبووي جتل اميي ،
انا : خلاص الله يخلييييج تسكتين
شماني : فطوم .....*و اغما عليها*
انا اصفعها : شششممماااااااا !!!
ماعرفت شو اسسسوي ! اتناااافضضض ، زخييت الفون و اتصلت على حمد
انا : ححممممدددد تتععاال بسسرررععه *اصيح* الله يخلييييك
حمد : يلا يااااي ، خلج لا تسكرين
انا : بسرعه بسرعه
حمد : خبريني شو مستوي ؟

انا خلاص ماروم ارمسس : يلا
حمد تنهد و سكر عني ، و انفج الباب ، اول ماجافني غمض عينه
انا سحبت لي شيله : حمود بسرعه الله يخليك
حمد شلها و انا سرت البس عباتي بسرعه و سرت وياهم ، ركبها ورا ، ونا يلست جدام عشان لانها منسدحه ،
حمد : خلاص سكتي
انا مسحت دموعي
حمد : خبريني شو السالفه ؟
انا : فجأه جي يتني و قالت لي انه ابوها جتل امها
حمد : لا حول ولا قوة الا بالله ، ليش ؟
انا : مادري
وصلنا المستشفى و هذا ، دخلوها الغرفه عشان يجوفون شو فيها ، جفت حمد يالس و سرت صوبه
انا : حمد
حمد : ها ؟
انا : ليش جي تغيرت
حمد يطالعني : كيف يعني تغيرت ؟

انا : استويت غير ، بارد و يوم اتصل او شي تقولي سكري
حمد بعده يطالعني و يبتسم : آحبج انزين ؟
انا ابتسمت : و انا اكثر
حمد : فديت هالويه
انا صديت الصوب الثاني
حمد : ههه والله ما باكلج
طلعت الدكتوره
سرنا صوبها
انا : شو ؟
الدكتوره : شو تقرب لكم ؟
انا : ربيعتي
الدكتوره بحزن : وين اهلها ؟
انا : مادري ، قولي شو فيها ؟
الدكتوره : مافيها شي بس كدمات ف جسمها
انا اشهق : و بعد ؟
الدكتوره : ماشي
و سارت ،

.
.
.

بعد شَهر استوا شهر 7، سآفروا قوم مهره و جآسم ماليزيا ، و شما تبات عندنا ، و حمدان و موزوه ملجتهم عقب اسبوع ويا قوم ميره و غنوم ، و يزوي كله ويا امها ماتفارجها ، و حمد رد من السفر من اسبوعين ، قوم العنود ردوا ، شماسي تبات ويانا هي و مريم و العنود ، مهآ و سيف بعد 8 ايام عرسهم ، عوآش مرآت تتعب و مرآت عاديه و كله وحيده ، و زآيد تغير شويه يبآت ويا غنوم ، و منو بعد ؟ هههه آنزين ؛ آححم ، آنآ مآشي بس آموت ف شي اسمه حمد ، '$

.
.
.

ع الساعه 6 و نص كنا انا و البنات يالسات ف الحوش عند العشب ، نسولف و جييي ، كانت ويانا مها ، و جي ~
مَريم : ههه بعدكن صغآر ،
ميروه : شو نسوي ، مانروم نقول هيه او لا .
مريم : اونه
شماسي : يلا عقبالكن خخخخ
العنود تضربها : هههه
انا : آنزين ،
شماني : و جي يعني
العنود : فطوم عطيني اورنمنسي !!!!! ححششااا ميودتنه ف حضنها
انا : جب يلا ، عيالي هذيلا
مواز : هيه صحح عطييناااااا
انا : هههه فلوس ؟
العنود : يلا يلا عاد !
انا : هههه انزين ،
عطيت كل وحده اورنمنسي
مهآ : ياخي احب هالشي
ميروه : الكل يحبه
انا يرن تلفوني ؛ هلآ آميه ، آنزين ، ان شاء الله ، هاا ؟ ، انزين ، انزين ، باي
انا انش : دقيقه بس
ميروه : لا تتأخرييين
سرت داخل و سرت عند عواش ، لقيتها منسدحه و اطالع التلفزيون
انا ابوس خدها : نشي بتيلسين عندنا برع
عواش بصوت يالله يالله ينسمع : ماروم
انا : يلااا نششييي
عواش : ماقدر احس بزوع
انا : خلاص برآيج
قبل لا تظهر: تبين شي ؟؟
عواش هزت راسها بلاء .
ظهرت عنها و سرت صوب البنات ، جفت مها منسدحه ع ريل يزوي
انا : ها شو فيج ؟
مها : تعبآنه ابا ارد البيت
انا : نسير بيتكم ؟
ميروه : هيه يلا
نشينا و مريوم قالت ماتبا تسير و سارت عند عواش ، خبرنا الدريول و سرنا بيت قوم مها ، كان فاضي ، و سرنا حجرتها ، يلسنا شوي
العنود : حلوه حجرتج بس مب احلا عن حجرتيه
مهآ : لآ والله :/
شماسي : هههه حلوه حلوه
انا : خلصتي كل شي مهوي ؟
مها تهز راسها بهيه
شما تحط ايدها ع ويه مها : شو فيج
مها تحس الدنيا ادور وغمضت عينها ، تححس بلوووووووعه ، نششت و سآرت الحمام ترجع ،
انا : فديتها يمكن مريضه !
ميروه : الله يقومها بالسلامه
ظهرت مهآ و سيده طاحت ع السرير : تعبآنه
آنآ قمت و سرت صوبها : نوديج المستشفى ؟
مها بخوف : لا لا لا لا ما يحتاي ، انتوا سيروا الحين و بخبر اميه
انا بأستغراب : خلاص ماعليه الي يريحج
و نشينا و ردينا ، كنا سايرين صوب بيت قوم ميروه
موزوه وقفت : آنآ مآبدش ، بسير بيتنا
ميروه : تعالي لا تخافين هو محد
موزوه : صدق ؟
يزوي : يالله يالله علومها تستحي
انا : جب جب
ميروه : سآر دبي
دشينا دآخل و يلسنا ،
انا : تدرون لين الحينه ماشتريت شي للملجه
شماسي و العنود : ولا انا !
ميروه : انا خلصت ؛)
موآز : وانا بعد خلصت
يزوي: انا ف الخياط
انا : يلا نشن بنسير رباعه
و كل وحده سارت بيتها تتجهز ، انا لبست لي تنوره سودا منقطه بالابيض و قميص ابيض عليه رسمه بالاسود ، و رفعت شعري و حطيت جحال ابيض و قلوي وردي خفيف و نعال خشاشي اسود و عباه فيها حزام و شيله و شليت فوني و نزلت و خبرت امي ، و سرنا ولقيت السياره و وكبتها ، سرنا دبي مول ، و سيده سرنا صوب المطاعم كنا يوعانات كلنا و عقب سرنا نحوط ع المحلات و لقينا لنا فستان حلوو ، و خذناه و خذنا بعد حق عرس مهوي ، و ردينا البيت ، و كلنا رققدنااا ف بيت قوم يزوي ..
.
.
.

ف ماليزيا عند مهره و جآسم .. ~

كانوا ف الشقه يالسين يطالعون التلفزيون ً جاسم من الصبح يطالعها و يفكر ف شي
مهره طالعته : ليش اطالعني هكو التلفزيون جدامك
جاسم : بسألج سؤال !
مهره ابتسمت : سأل
جآسم : قبل لآ آخذج و جي كنتي تحبين حد ؟
مهره بأستغراب : لآء
جآسم : صدق ؟
مهره : هيه ليش ؟
جآسم : مستحيل مهووو
مهره : والله لا ليش انزين ؟
جآسم : بس أسأل
مهره بفضول : وانته ؟
جآسم نزل راسه و عقب طالعها : تبين الصدق ؟ كنت آحب
مهره تمت سآكته
جآسم : تبين تعرفين منو ؟
مهره و شوي بتصيح : منو ؟
جآسم ابتسم و مسح دموعها قبل لا اطيح : إنتي
مهره ابتسمت بحيآ : ههه.
جآسم : فديييت
مهره : ؛$
جآسم : نشي نطلع
مهره : يلا
و ساروا يتلبسون و عقب ظهروا ~

.
.
.

سيف : شحآل ولدي ؟
مها ابتسمت و حطت ايدها ه بطنها : شدراك انه ولد ؟
سيف : ههههه شو تبين انتي بنت ولا ولد
مها : ان شاء الله تكون بنت
سيف : ان شاء الله
مها انسدحت و بتعب : انا بسكر الحين
سيف : ع رآحتج حبيبي
مها : تحمل بروحك
سيف : ان شاء الله ،
و سكر

.
.
.

كانت شماسي واعيه و ترمس شوآخ ف التلفون
شمآسي : هههه آونه ~
شوآخ : والله حشره ،
شمآسي : تعالي هنيه عندنا
شوآخ : لآ شو آستحيي
شمآسي : هههههه عآدي محد هنيه
شوآخ : آنزين آلحين أنا ماعرف حد
شمآسي : تعآلي و بتتعرفين
شوآخ : أي مكان ف العين ؟
شمآسي : ****
شوآخ : بعيييييده !!
شمآسي : لاء
شواخ : انزين بي ويا محمد اخويه
شمآسي : ماعليه باي ~
شوآخ : باي
و سكرت ، و رقدت ..
.
.
.

نشيت الساعه 10 الصبح ، ببرررددد حححييلللل ، كل ما اتلحف حد اير اللحاف ، نشيت و انا اتأفف ، شغلت الفون و لقيت كم من مكالمه مني أمي ، سرت الحمام *عزكم الله* غسلت ويهي ، و ظهرت من الحجره ، و نزلت تحت
ام جاسم : صباح الخير ، ها وين ؟
انا : صباح النور بسير البيت
ام جاسم : لا ماشي تعاليِ تريقي
انا : بتريق ف بيتنا
ام جاسم : والله ل تاكلييين
يلست ع الكرسي و سميت بالله و كلت
ام جاسم : انا بسير اييب سمان و عطيه امج
سارت،
حمد : حوووووه ماصدقت
انا و اللقمه ف ثميه : همممم ؟
حمد : شحالج ؟
انا : الحمدالله
حمد : ليش هنيه ؟
انا : كنت راقده هنيه
حمد : آونه ! ولا تقولين
انا : ليش يعني ؟
حمد بخبث : آقوول ؟
يت ام جاسم : عييب علييييك ، شو ادور عند البنيه
حمد : مآشي بس اسلم عليها،
ام جاسم تعطيني الكيس : ها فديتج عطيها و هب اضيعينه ولا شي !
انا ابتسمت : ان شاء الله
يايه بقوم
حمد : ردي عقب
انا : خالوه جووفي حمد
حمد : اميه يالس اودعها
ام جاسم : يالله تعال حمد
انا ظهرت لساني : معَ السلامه ~
حمد سوا حركه انه تعالي عقب
انا ضحكت و ظهرت سرت بيتنا ً ، عطيت اميه الكيس و سرت حجرتيه حطيت الفون ع الطاوله ، و سرت حجرت عواش ، لقيتها راقده و عدالها مريم عالفون
انا : صبآح آلخير
مريم : ههه صبآح النور
انا : آكيد مارقدتي
مريم : هيه ،
انا : سيري رقدي انا بيلس عند عويش
مريم : لا لا لا لا عادي
انا : نشي يلا !
مريم : هههه اوكيه ، امممم عندج جراججةة البلا بيري مالتيه ف دبي *بوزت*
انا : هههه ، هيه عندي بتلقينها ف الدرج ،
مريم : ثانكس ،
نشت و سارت حجرتيه ، ونا سرت و يلست عدال عواش اطالع التلفزيون

.
.
.

دشت مريم حجرتيه ، و بطلت الدرج عشان تشل الجرج ، جآفت يأي من تلفوني مسج ، يآهآ فضول و فجته ،
؛ فطوم، تعالي بسرعه ، وربي اشتقت لج حييل ، } مريم ما كملت المسج و سيده بندت الفون و ردته ع الطاوله و قالت ف خاطرها " الحين صدق فطوم تحب ؟؟ منو هذا الي تحبه !! استغفرالله ، يمكن حد من البنات " ، حطت فونها ع الجرج و تلحفت و رقدت ,

.
.
.

نشت يزوي و سارت الحمام تغسل ويهها ، و عقب بطلت الستااااره و بندددت المكيييفف و الشمس تضرب عليهن ،
يزوي : يلا يلا يلا يلا نشششششششن
العنود : يزوووووووي مب يوم نشيتي جي تسوييييييين
يزوي تضربها : نشششششششي
شماني : افففففف *و تتلحف كامل*
يزوي تشهق : ويييييين فططووووومممم ؟
مواز نشت بعصبيه و بندت الستاره و شغلت المكيف : قسسسم بالله ان سويتي شي يوييييللجججج * وردت ترقد*
يزوي فجت البااب و صارخت : ااااممممماااااااااااااااااييييييه
ام جاسم تي صوبها : والععثثثثره ان شاااء الله شو بلااااج
يزوي : البنات ما يطيعن ينشن ، الحين الساعه 11
ام جاسم : يالله ي يزووي ! خليييهن
ميروه : ها جب
يزوي طالعتها بنظره ،
ام جاسم سارت عنهن
ميروه : و وين فطوم
شماسي : خليها ، يمكن سارت تجوف ختها حليلها
يزوي سوت طاف و بطلت الدريشه : الجو حلو و الهوا بارد
مواز : شراايكن نسير المزرعه ؛)
العنود : هيه والله فكره
شماني : ههه خبال
ميروه نشت : انا بسير بيت قوم فطوم
شماني و مواز و العنود و شماسي : ونا بعععد
يزوي : يالله ، انزين ساعه و تن !!
مواز : هيه انزين بنجهز و جي
يزوي : يلا
و سارن و يزوي سارت تجهز

.
.
.

انا: عواش انا بسير تبين شي ؟
عواش : احس اني زينه
حطيت ايدي ع راسها : هيه اوكيه انا بخبر ماماه
عواش ابتسمت و غمضت عينها ~
و سرت خبرت اميه ، قالت بتخبر المستشفىٰ ، و عقب سرت حجرتيه جفت مريم واعيه و البنات عندها ،
ميروه : تو الناس !
انا : شو ؟ ذ
العنود : بنسير المزرعه
مواز : يلا سيري خلصي
انا : انتن اول ~
شماني نشت و شلت لها ملابس و سارت الحمام تسبح و هيك ، و عقب مواز و عقب ميروه ، و عقب العنود و عقب شماسي و عقب انا و عقب مريم ، شماني كانت لابسه مخوره بنيه و حاطه قلوس وردي و ايلاينر ماتحب تحط جحال ، و مواز لابسه مخوره حمرآ و حاطه قلوس برتقالي و جحأل اسود ، و ميروه مخوره زرقا و حاطه جحال ابيض و روج بني ، و العنود مخوره خضرآ حلوه طالعععه عليها و قلوس وردي و جحال اخضر ، شماسي مخوره خضرا نفس العنود و جحال اخضر و قلوس وردي ، و انا مخوره حمره و حاطه قلوس احمر و جحال و مسكرآ ، و مريوم مخوره ورديه و قلوس وردي و ايلاينر، و عقب خلصنا وسرنا عند يزوي ، و خبرت حمد عشان يودينا المزرعه ، ما ضمتنا ال G55 ، ركبنا آلرنج و سرنآ ، يلست ورآه عشآنه ^خخخخ ، حط غنية فن رن ،
طالعت الدريشه و بصوت خفيف : وقتك كأنه سيف كل سآعه يقطعنيِ !!
و عقب حمد طول و الكل ارتبش ، و جي و عقب وصلنا الساعه 12 ، كلنا سرنا نيلس جدام المسبح ،
انا احط ايدي ع بطني : يوووعآنه ،
يزوي : وانا بعد
حمد قام : بسير اطلب لكن من ماك
انا فجيت عيوني : صصددقق !!
حمد ابتسم : هيه
انا : اممم تعرف شو نبا ولا ........
حمد قاطعني : ماعرف *غمز لي* تعالي ويايه
انا نشيت : يايي
يزوي : انا بعد بسير
حمد بنظره : انتي قري
و سرنا صوب السياره و هو يطالعني، و حرك ،
حمد : آحم ، و انزين
انا هنيه استحيت : ههه.
حمد : احبج
انا : وانا اكثر.
حمد : وآيه فديتج ♡ ♡
انا : فدوه

.
.
.

توقعاتكم تهمني ؟ ♡ ♡

*My Twitter : @Borax96
*Ask.fm : ask.fm//f6owm9996
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥ قلها وأنت ساجد‎..!	bєdαч̝̚et 7łм	الإسلام والشريعة	13	05-01-2012 10:05 PM
كن حذراً :لاتأكل وأنت غاضب أو وأنت حزين	محروم.كوم	منتدى أخبار المواقع والمنتديات العربية والأجنبية	0	12-13-2011 04:11 AM
من لم يفهمك وأنت صامت لم يفهمك وأنت تتكلم ,,,	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	3	06-07-2011 12:39 AM
أنا وأنت ..	محروم.كوم	منتدى أخبار المواقع والمنتديات العربية والأجنبية	0	02-18-2010 09:00 AM
توقف المطر وموت الحيوانات وموت الطيور وزياده الأسعار وانهيار الأسهم وخسوف القمر.. وال	محروم.كوم	منتدى أخبار المواقع والمنتديات العربية والأجنبية	0	08-09-2009 11:40 AM