روآيــة * *..*تفدآگ ” عين تحبگ وأنت موجود ~ ويفدآگ [..♥قلب..] يذگرگ وأنت . غ`ـآيب`` - الصفحة 16

prsteg-ketbia · 06-05-2013, 04:16 AM

الباااارت جناااان
مهره وجااسم >> الله يعوضهم بغيره
مهاوسييف >> الله يعين سيف على مها
حمممد وفطوم أحلا ثنييين أحس بيكون لهم دور بعديين ،.،،،
نتريااج ولااطولين علينا __DEFINE_LIKE_SHARE__

Bora · 06-05-2013, 10:49 AM

المشاركة الأصلية كتبت بواسطة prsteg-ketbia

الباااارت جناااان
مهره وجااسم >> الله يعوضهم بغيره
مهاوسييف >> الله يعين سيف على مها
حمممد وفطوم أحلا ثنييين أحس بيكون لهم دور بعديين ،.،،،
نتريااج ولااطولين علينا

إنتيِ الي اجننين ❤-❤
اشكرج ع ردج :* ،
انششاءالله م ببطي عليكم __DEFINE_LIKE_SHARE__

la6oof · 06-05-2013, 03:08 PM

الباااارت رووعه حبييته

مهره وجااسم >> الله يعوضهم انشالله

مها و سييف >> الله يعين سيف
حمد و فطوم اححلا اثنين في الرواية احسهم بيكونون احلا ثنائي

وتقبليي عفدتييههه ويتننق يوو على أأححححررر من الجمممر __DEFINE_LIKE_SHARE__

Bora · 06-05-2013, 03:48 PM

المشاركة الأصلية كتبت بواسطة la6oof

الباااارت رووعه حبييته

مهره وجااسم >> الله يعوضهم انشالله
مها و سييف >> الله يعين سيف
حمد و فطوم اححلا اثنين في الرواية احسهم بيكونون احلا ثنائي

وتقبليي عفدتييههه ويتننق يوو على أأححححررر من الجمممر

انتي الاروع ❤
آششكرج ع ردج ..
انشاءالله باجر :* __DEFINE_LIKE_SHARE__

Bora · 06-07-2013, 07:48 PM

آلبآرت آلسآدس عَشّر . . ؛

.
.
.

عواش : ففططوووم ننننششششي !
انا : خخييير شو تبين ؟
عواش : امي بتسير عند خالتيه ، نشي يلسي عند خلود
انا يلست : لاا والله و ويينها الخدامه عنه !
عواش: ي حيوانه ابوووي مايبا الخدامه تيلس عنده
انا : ونتي شو شغلتج ؟
عواش : برقد
انا حطت ايدي ع خصري : ي سلاااام
و انسدحت و لحفت عمري : ظهري برع
عواش : اففففف
و ظهرت ..
رقدت ساعتين ، و عقب يا اخويه يقومني
غانم : يلا نشي
انا: شو بعد ابا ارقد
غانم : خافي ربج طاعي الساعه كم
انا : الساعه كم ؟
غانم 12 !!!
انا نشيت : انزين ، منو تحت ؟
غانم : محد ، بس من تخلصين سيري بيت عمي ناصر
انا : انزين !
قرص خدي و ظهر ، و انا كششت شعري و سرت الحمام *عزكم الله* ، اسبحت و ظهرت و لبست لي جلابيه حمرا حلوه ، و حطيت لي جحال اسود و قلوس احمر ، رفعت شعري ، و لبست لي شيله سوده ، يلست اجوف البرودكاست ، عقب دقايق سرت اتريق تحت ، عقب شليت خلود الي كان ويا غانم ، و سرنا بيت يزوي ، جفت حمد برع صوب سيارته جافني و يا صوبي ..
حمد : هللاا
انا ابتسمت : اهلين
حمد : شحالج
انا : بخير
حمد : مححلوه
انا استحيت شوي : اها
حمد يبا يقرص خد خلود بس انا رجعت ع ورا تحريته شي بسويبي ^ هههه ،
حمد مستغرب : شفيج ؟
انا : هههہ ماشي ، بسير دااخل حر
حمد : قولي انج ماتبيني و خلااص
انا توني برمس
امي : فطوم !
انا شهقت و سرت صوبها : لبيه
امي : شو ادورين عنده !
انا: أ ماشي بس كان يرمس خلود
امي : هيه *شلت خالد* اباج تسيرين عند ام مواز و بتعطيج كيسه و هاتيها !
انا مب متفيجه مول : انششاءالله
و سرت و انا اجوف حمد يرمس تلفون يضحك ، اخاف يرمس وحده غيري !!! لاا بسسسم الله ، سرت بيت مواز ، و انا اسمع صوت سيف ،
سيف : حبيبي ، الحين شمس وين اييج ، هههہ ، انزين ، مهووي ..
اول ماقال مهوي قلبي دق ! ششوووو ححتى ترمسه ف التلفون ووو اتجوفه ! يمكن اتخييييل ؟
سيف يزاعج : ففططوووومممم!
انا فزيييت و جفته : آ آ هااا ؟
سيف : شو فيج !
انا : ويين امك أ خالتيه
سيف : جوفيها ف حجرتها ،
و سرت حجرتها ، بسسم الله كيف صوته لازم يبااغم . لقيت الكيسه برع الحجره ، و شلييتها و ظهرت بسرعه ، مافيني ارمسسه ، سرت بيت قوم يزوي ، و انا اجووف حمد بعده يرمس تلفوون ، افففففف ابا اعرف منو يرمسسس ! ☹ ، دشيت داخل و عطيت اميه الكيس ، و سرت حجرة يزوي ، لقيت مهره عندهم
انا : السسسّلام عليِكم !
البنات : عليكم السلام
و سلمت عليهن ، عقب يلست عدال ميروه
ميره : وينج نحن من الصبح هنيه
انا : راقده
ميره : دومج راقده
انا ابتسمت و ظهرت تلفوني و لقيت مسج من حمد (( قريب بتصيرين حلالي )) !!!! مااععررفف شو اقوولللككمم 3 دقايق و انا اتخيل لو صرت حلاله ، مَ عرفت شو اسوي ، سكرت التلفون و انا شاقه الويه ،
يزوي : فطووووووم هاتي هاتي
انا : هههہ ششوو ؟
يزوي: ماشي
مهره : حليلي م تهنيت ف المزرعه ، كله داخخل
مواز : والله مححححححد قالج انثبري فوق
مهره : جب جب
انا : اييييه موزووه شوي شوي عليييهاااا
مواز طالعتني و ابتسمت
انا : ههہ ابااا اععررففففف شوو فييككنن ؟
الكل اببتسسسسسمممم ، انا خلاص شوي و بعصب
انا نشيت : م بتقووولن ؟
البنات : هههههههههہ
مهره : مفآجأه !
انا : آييييييييييييہ شووووو ؟
يزوي : اليوووووووووووممممممممم، وححده تكمل
انا فجيت عيوني و رفستها : رممسسسييي
يزوي : كلنا بنظهر ، بنسير شاليييه ف الفجييييره و مههوووي بتي ويااناا
انا فجيت عيوني : قولي واللہ ؟
مهره : ههههہ
انا : ونآسہ !
مواز : انا قلت لكم ولا ؟
يزوي : شووو ؟
انا : شو؟
مواز : آمممممَ سيِف بياخذ مهآ p
انا اششهق : ققووووليِ وواللہ ؟
مواز : ههههہ ، مَ ادري سمععت !
البنات : ماعليه بنجوف هههہ !
ميره تضربني ع ايدي بالخفيف : انزيين !! و شو علومج
انا ابتسمت و فجيت الايفون مالي يلست اجوف الصور بالانستتقرام ، لقييت مهوي حاطه صورت ايدها هي و سيف !! معقوووله جييي يسووون ! مها تمسسك ايده و هذا.
ميروه : ايه ردي ردي منو هاي ؟
انا : شدرااني سسكتي عني !
مواز : ههههه خليها تولي
اندق الباب علينا
الخدامه : مدام يقول تأال تهت !
يزوي : ليشش ؟
الخدامه : في قدا
انا : انا مابا توني متريقه
مهره : و انا بعد *جافت ساعتها* وووللل ! بسير اوعي جاسم نسيته !
مبروه ابتسمت : ههههههہ برايج
انا : نترياج ،
و سارت توعي جاسم ،
انا : خلاص انتي سيري محد يبا غدا
سكرت الباب و سارت ، و كل وحده يلست عفونها ،

.
.
.

عققب 3 ساعاات ، يت الساعه 4 ، اذن و سرنا نصلي ، عقب نزلنا تحت عندهم ، الكل تحت الا سيف ، سرت و يلست عدال عواش الي مستحيه من حركات مَروان ، قرصتها ع ايدها ، طالعتنيي
عواش بابتسامه : شو فيج ؟
انا شوي و بضحك : انتي الي شو فيييج مستحيه ههههههه
عواش جافت مروان و نزلت راسها ، جففت مروان جان يغمز لي
انا : ههههہ ،
حمد : ها ها بدينا
انا : شوو ؟
ام جاسم : بس عيب
حمد ابتسم و يلس ع فونه ، انا عصصبت ! شو يسوي هذا ! اككييد يرمس غيري ! افففف
يزوي : امييه متى بنسير ؟
غانم : يمكن ما نسير
انا: ليششش ليش ؟
غانم : جييي
انا بوزت و طالعت خالتيه : صصدددق ؟
ام جاسم : لا ههههہ تصدقينه
غانم يلس ششوي ع تلفونه و قام : يلا فطوم و عواش نشن !
انا : شو ؟
غانم : بنسييرر
انا ابتسمت : وييين ؟
غانم : دبي ، يلا نشششي
الكل: الله وياكم
انا ضربت ريل عواش و نشيت ، سرنا البيت و خبرت عواش تلبس نفسي ، تلبست لي برمود اسود و قميص ابيض عليه كلام و لبست سويرة تيفاني و خواتميه و رفعت شعري و حطيت جححال ابيض و قلوس وردي و لبست لي نعال عادي و عقب لبست العباه و كتبت ف البلاك بيرري owwwt و سرت الصاله اترياهم ، خلصت عواش و يت و يا غنوم كان لابس كندوره بيضا و سفرا بيضا ، و ريحته شاله البقعه ! و سرنا صوب السياره ، و توجهنا لدبي .. وصلنا و سرنا دبي مول ، حولنا و سرنا داخل نحوط
انا : متى بنسير االفجيره ؟
غنوم : المغرب
انا : زين
لقينا واحد بكستاني شكله ططططوووووييييل جي عملاق ( اللهم لا شماتا ) .
عواش : خيييييييييبه مطوووله!
انا زغت من طوله : بسم الله !
غانم : ههههه قولن مشاءالله الحين بيموت
عويش : ويت ويت الحين كيف ها يركب سيارته ! او يوم يبا يركب اللفت !
غانم : هه عادي بيسدح السيت
انا ظهرت تلفوني و صورته و طرشته للبنات ..
انا : تعالوا بسير اخذ لي ملابس حق هناك
غانم : كلنا نبا يلاا
و سرنا محل زارا ، الباااسه رووووووووعه ! ، تشرينالنا كم من لبس و ظهرنا ، عقب سرنا محل H&M خذيت لي نعال عشان يوم نسير البحر ، و خذت لي جححال ازرق غامج و كم من برمود و قمصان و ظهرنا سرنا محل كله مال الكريمات و هذا اسمه (body shop) ، كنت باخذ لي الكريم الي يسمر بس ماخلاني غنوم اونه بسود و اييب الامراض ، و سرنا ناكككل ،
انا : بطني ممزوره خلاااص
غنوم : كلي كلي
عواش : ابا العيش الي ياكلونه الصينيين
انا : لذيييييذ
عواش اطالعني : اذوقتييييه ؟
انا : هييه
غانم شبع : الحمدالله
عواش تاكل بسرعه ، تخااف نسير عنها *لول* ، عقب ما خلصت نشينا و ظهرنا من قسم مال المطاعم
انا : وين بنسير ؟
غانم يجوف الساعه الي ف فونه : امممم الحين الساعه توهااا 6
عواش تتلصق ف غانم و تمسك ايده و هي زايغه : ليش جي يجوفون
غانم : ههههههههههههههههه يويلج شي ف ويهج
انا : ي حيوانه قومي اغار !
غانم يطالعني : يوييليييي تعالي تعالي
انا : هههههههههههههههہ قولها تقومم
عواش حاطه ايدها ع ويها : مابا
غانم : بطيحين و لا بتدعمين ف حد و انا ما يخصني
عواش خوزت ايدها . و صلنا عند اللفت
انا : ما بركككبه !!
غانم : شفيييج !
عواش تيره من ايده : تدلللععع
انا اسحبه من ايده : لاااا تركككبه !
عواش : تبينه تعالي
و دخلوا اللفت و انا ربعت عندهم و انا ميته خووووف ، ماحبب اللففت ! اخخاف فجأه يطيح علينا او شي
انا احضن غنوم : اخاف
غنوم يحضني : ههه فديتج
عواش محححترقه ، تبطل اللفت و سرنا صوب باسكن روبن ، عواش طلبت لها ، عقب سرنا مكان يودينا برج خليفه ، مب داخخله يعني برع ، حلو كان الجو مب شمس وايد ، يلسنا نتصور و تخبلنا شوي *لول* كششخه كان من زمان ما طلعنا جي رباعه ، قبل سرنا و يا خلود و خخخرب السيره ، سرنا صوب الباركنات عشان بنرد

انا ابوس خد غنوم : ثااانكس وااايد
غنوم : هههہ العفوو
عواش : هييه شكرااا
غانم : عفوا عفوا
و ركبنا السياره و من دبي سرنا صوب الفجيره ، الحمدالله الدرب مب طويل وايد ! بس من العين ل الفجيره الدرب طوييل ! ، وصلنا شالييه حلووووووو اسسمه رويال بيج ، في بيوت متلصقات ف بعض و نصهن لااء ، و ججدام شي بحححرر ، حلو المكان ، حولنا و لقيناهم كلهم برع ، ههههه من جفت البنات يتني ضحكه لاني نسييتهم ، سرنا و حطينا السمان داخل و عقب يلسنا عندهم ، اممم قسموا البيوت ، في بيت كامل فيه صاله و مطبخ و حمامين و حجرتين ، هالبيت حقنا امي و ابويه ووياهم خلود و الحجره الثانيه نحن البنات وويانا عواش ، و في بيت بس حجره و حمام حق مهره و جاسم ، وعدال هالبيت حجره فيها شبريتين حق غنوم و سيف و عدالهم حجره نفس مات مهره و جاسم فيها مروان و حمد و خلوف يرقدون ع شبريه وحده ، و في حجره نفس بيت قوم فطوم فيها ام ميره و بو ميره و حمدان ف الحجره الثانيه و وياه و في حجره نفس مهره و جاسم حق ام مواز و بو مواز و في نفس هالحجره نفس بو يزوي و ام يزوي ، و جي ، و دشينا حجرتنا و لبسنا مخور ، اللحمممدالله يوم امي حاطه ملابس واايد لانه بنتم هنيه اسبووع ، و تعدلنا شوي و شليت الكام و سرنا صوب البحر ، الشباب كلهم ف البحر يلست اصورهم ، عقب سرنا عند البحر
ميروه : ططععع الحريييم كيف متفصخات ،
انا : ههههههه شله اطالعينهم ،
عقب سارت صوب البحر و صورتها من ورا
يزوي : فطومم لحظظظه بصورج من ورا و انتي تصورين
و صورتني ، و يلسنا نصور كم من صوره ، اظلمت الدنيا، ششششوي و يت مها ، ربعتنا صوبها و حضناها
مها : احبكم والله
انا : و نحن اكثر
مها تصدد يمين و يسار ، جنه ادور سيف !
مواز : شو فيج
مها : لا ماشي ،
تمت تحوط ادور ححددد
انا : مهاااا شفيييييج ؟؟؟
مها شوي و بتصيح : م جفتي بنت صغييره كانت ويايه ؟
انا و قلبي يدق : لااااا منو هاااي ؟
مها صاحت و حضنتني : يوييلييي فطوممم دوريها بليييز
انا اوخرها عني : كيف وصفيلي شكلهااا ؟
مها : بييضه عيونها لونهن جي عالازرق و شعرها بني مسويه ذيل حصان و منزله بكلتها *تششهق* يويلي والله لو صار لها شي !
من وصفت لي شكلها انا على طووول خبرت البنات و ركضت ادورها ، سرت عند المطاعم ما حصلت ، خبرت واحد واحد وحده وحده ! قلت يمكن عندهم ربعت صوبهم دشيت بيتنا محححد ! سرت عنده مهره و جاسم الباب مقفول سرت عند قوم حمد و مروان و خلوف ييتهم و انا مسسرعه اول ما جافني حمد سيده وقققف كان بس حمد ! يا صوبي وهو خايف
حمد يحط ايده ع ويهي : حياااتي شفيييج !
انا غمضت عيني شوي و فتحت عيني و رجعت ع ورا ، تميت اجوف الخووف الي ف عيون حمد
حمد عصب : قووولييي لييي شفيييججج ؟
انا بارتباك : ماشي !! بس جففت بنت صغيره ؟
حمد : تستهبلين مليون بنت صغيره هنيه !
انا : لاا قصدي جفت بنت هنييييه صوبنا عندنا
حمد : جفت وحده ويا سيف
انا رديت بسرعه : سيييييف ؟
حمد : ليش ؟
انا : بسرعه تعال دلني وين مكانهم
مشا ويايه و وداني صوب غرفتهم ، فج الباب و لقيت البنت عنده كان يلاعبها ، تششششششبه مها كوبي بييسسستتتتتتتتت ! ليكون هذيي بنت مها من سيف !!!!
انا : سيييف !
سيف طالعني و طالع حمد : شو فيكم ؟
انا : هاات البنت !
سيف : ليش انشاءالله !
انا : مها ادورها
سيف : اوكيه * يطالع البنت و يبوسها ع خدها * زين حبيبي بعدين خبري عموه مها انج تين عندي
هند : اوكيه .
و يابها صوبي و شليتها و البنت اتجوفني باستغراب و ظهرنا
انا طالعت هند : انا ربيعة عموه مها
هند عقدت حياتها : وديني عندها
انا : انزين ترا بوديج عندها
حمد : يالله بسير داخل
سويت له فلاي كيس بالغلط ، و حمد سوا نفس الحركه ، وااااااااي بالغللططط ! شو بيقول عني، سررتتت عنه و و صلت عندهن و مهوي ويها احمر من الصياح ، اول ما جافتني يت صوبي و شلت البنت و يلست اتحبها
مها : ثانككسسس واايد
آنا : نو نيييد
مها : وييين سرتييي عنييي
هند : سرت عند عمي سيف
مها ابتسمت و طااالعتني : انا بسير اوديها عند امها
انا : برايج
مواز يتني : هاااا شو تسوين عند حمد
انا تذكرت شو سويت : سرت ادور البنت
شوي و يو مهره و جاسم
انا : مهوووووور
جاسم يطالعني : اوووننجججج بتشلينها عندجج ؟
انا : هيه ليش ؟
جاسم: ههههههہ موووتي
مهره طالعته : حرام عليك
جاسم : هههههه
و ساروا جدام و حطوا ريولهم ف البحر
انا يلست ارمس شموه ف البيبي ام اشتقت لها والله احس من زمان ما رمستها
يزوي تصارخ و تصفر : عااااااشششش جااسسسسمممممممم
يوم صديت صوبهم انه جاسم يبوس مهره ،
انا : هههههههههههههههههههههههههههههههههههههههههههههههههه ههههههههه
مهره ويها احمر * لول *
و يلسسسنا ننسسسووولفف لييين مااذن العششا و سرنا اقرب مطعم ، خخييبه متروس اوللاد ، عادي جاسم ويانا ، طلبنا لنا كم من اكل و كلنا لين م شبعنا و ردينا البيت
خلود : توووووووم.

انا اقرص خده : ها حبي ؟
خلود : عواش تصصصصصصيح !
انا : ليش ؟
ميروه : يوييلييييي كتكوووووت
انا سرت حجرتنا و جفت عواش اتصيييح و كانت خرسانه ماي
انا : بلاااااج ؟
عواش : حيووواااان والله
انا : منوووو ؟
-
-
-

كانت عواش تبا تودي خلود عند غنوم ، سارت صوب المسبح و غانم شل خلود عنده ، و هي كانت تبا تسبر مروان يرها من رييلها و هي طاحت ف المسسببححح ، و المسبح متروس اولاد ، هيه صارخت ، و ترا هي ما تعرف تتسبح ، غنوم لححق عليها و شلاها و هي ما تتنفس و عقب سوالها تنفس اصطناعي ، و مروان عادي عنده ، عقب نشت و هي تكح ، و شلها غانم هي و خلود و سدحهاعالسرير و تم يرمسها شوي و ظهر .
-
-
-

عواش : بعد ما سار عني يلست اصيح ،
انا امسح دموعها : يالله خلل يولي ، نششي غسلي ويهج
نشت عواش و غسلت ويها ، و انا فجيت التلفون لقيت مسكول من حمد، ما قدرت ارد لآنه هذيلا هنيه ،
امي تصارخ : فطووم يلا عششااا
نشيت و خبرت عواش و بت ويايه ، و البنات ظهرن ، العشا كان برع ، فاررشيين تحت و العشا كان لذيذ من ماك *لول* مع انه كلت اليوم منه، مشاءالله حتى الاولاد معانا ، يلسنا ناكل بشهيه ،
حمد قام و طالعني. : الحمدالله
انا : عافيه
حمد : الله يعافيج
و عقب جفته سار صوب البحر ، نشيت و سرت صوبه و ويايه البيبسي
انا : ححممد
حمد يصد صوبي و يبتسم : ليش ماتتصلين
انا : كنت ويا عواش
حمد يمشي : اهاااا
انا سرت عداله : انزين
و يلسنا نسولف شويه .. ليين يت الساعه 10

.
.
.

توقعاتكم تهمني ♡ ♡ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥ قلها وأنت ساجد‎..!	bєdαч̝̚et 7łм	الإسلام والشريعة	13	05-01-2012 10:05 PM
كن حذراً :لاتأكل وأنت غاضب أو وأنت حزين	محروم.كوم	منتدى أخبار المواقع والمنتديات العربية والأجنبية	0	12-13-2011 04:11 AM
من لم يفهمك وأنت صامت لم يفهمك وأنت تتكلم ,,,	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	3	06-07-2011 12:39 AM
أنا وأنت ..	محروم.كوم	منتدى أخبار المواقع والمنتديات العربية والأجنبية	0	02-18-2010 09:00 AM
توقف المطر وموت الحيوانات وموت الطيور وزياده الأسعار وانهيار الأسهم وخسوف القمر.. وال	محروم.كوم	منتدى أخبار المواقع والمنتديات العربية والأجنبية	0	08-09-2009 11:40 AM