ربيّعي مِن لوّلْ .!‏

Miss Rumithia · #1 03-29-2013, 01:23 PM

ربيّعي من لوّل ...
أحيآ وأموتْ ويآهْ
إن عقني في الشبقآ ..
أعقه في الغيقآه

[ هذآ بيت شعري كان الصغآر يتغنون فيه قبل وهم يتمشون في الفريج
أو البنات وهن يلعبن و يتمريحن ..
وبعد كان الاهل قديما يرددونه على مسامع عيالهم اذا صار من بينهم ( أي اليهآل ) زعل ]

..*
ربيّعي : تصغير ربيعي أي صديقي ..
لوّل : قديماً
عقني : رمآني
الشبقآ : الشجرة ذآت الشوك الكثير وتنبت في الصحرآء
الغيقآه : ايضا هي شجرة صغيرة تنبت في الصحرآء لا ينبت فيهآ الشوك أبداً

معنى المثل الشعري ..*
هالمثل فيه معاني كبيرة ندورها في زماننا هذا
وهو التسامح وعدم رد الاساءة بالمثل

فـ صديقي " ربيعي " مهما بدر منه أي تصرف أسآء لي
أكون الشخص المتسامح لان العشرة تغفر لزلاته
فان بادر ربيعي وفرني على الشوج ويقصد به انه اساء به بفعل او بقول
يكون ردي عليه اني ابعده عن هالشوج وافره على شي ما يأذيه .

__DEFINE_LIKE_SHARE__

شموخ اجتبيه · 04-02-2013, 09:12 PM

يشرفني اكون أؤل من يرد على موضوعج الراقي>>وجآن استانس..
ننتظر المزيد من مواضيعج الحلؤه
تقبلي مرؤري.. __DEFINE_LIKE_SHARE__

Miss Rumithia · 04-04-2013, 12:23 PM

المشاركة الأصلية كتبت بواسطة شموخ اجتبيه

يشرفني اكون أؤل من يرد على موضوعج الراقي>>وجآن استانس..
ننتظر المزيد من مواضيعج الحلؤه
تقبلي مرؤري..

تسلمييين عزييييزتي(شموخ اجتبيه)
على مروورج اللي اسعدني ولا هنتي ولا تحرميني منه ابد __DEFINE_LIKE_SHARE__