يامقفي ...

بن حمرور · #1 02-10-2008, 03:41 PM

[align=center]نوخ ركايب غلاك وبهــر دلالــــــــــــك
وسقلي فناجيل عشقك صاحبك ضامي

سولف عن الماضي وخبرني أبحالـــك
العمر بأيدك لاتنشد عن أيامــــــــــــــي

الســــلام عليــــكم

يسعدني ويشرفني ان اكون احد اعضاء هذا الصرح الراقي
ومن هذا المنطلق اخط لكم ما فاظت به القريحه ,, عسى ان
تصل إلى حسن أذواقكم ,,,

أخـــوكم : سعــــــيد بن حمرور

يامقفي ويش لي قد ياك منــــــا ؟
لاسعينا في جفاك ولاخطينــــــــا

غبت دون أسباب وغيابك محنا
وأشتقينا في غيابك وأبتلينــــــا

كل غايب معه عذره بس حنــــا
عذر لك يبعدك عنا ما لقينــــــــا

كم نشدنا عنك يالغالي وسألنــــا
ونتصلك وانت ما أتجاوب علينا

لنت قلت انك تحب وهاوينـــــــــا
ولنت قلت انك نكفت وما تيينـــا

كان حدن في المحبه خذك عنــــا
الله أيهنيك في حبه سنينــــــــــــا

العيب عند العرب كيفن وفنــــــــا
والغلا لي يجمع أقلوب الثنينــــــا

ومن هوى بأحساس صادق في زمنا

لا يعذب في الغرام ولا يهينــــــــا

ونحن يوم انا حسنا فيك ظنـــــــا
ماحسبنا حساب تخلف ماهقينـــا

كنت أظنك منوة فوادن تمنــــــــا
ذخر يوم الوقت في طبعه يشينــا

أثر مالك في الهوى قلبن تعنـــــا
ماهوانا مثل ماحنا هوينـــــــــــــا

وين كنا وشوف كيف اليوم صرنا؟
أنتهينا مثل ماحنا بدينـــــــــــــــا

مازعلنا منك لاكنا زعلنــــــــــــــا
ع زمان" مر في حبك رهينــــــا

روح عن دربك تنحينا وحدنــــا
صرت ماضي فات عن ذكره سلينا

كان صدك جرح ف الخافق محنـا
بس هذا اليوم من عوقه شفينـــا

ماوقف وقتي على وصلك لأنــــا
ناس والنا ناس تشري لابغينــــا

طبعنا وافي ومعنانا رفعنـــــــــــا
فوق وأصبحنا شرا الدر الثمينا

من حضابه عاش مرتاح وتهنــا
ولي خسره الله على حاله يعينـــا

ذي حقيقه لاغرور ولا تجنــــــا
واظحة تنشاف فينا شوف عينا

والسموووووحه[/align] __DEFINE_LIKE_SHARE__