يوم دراسي لاينسى ( النبهاني )

محروم.كوم · #1 03-04-2013, 01:50 PM

بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه
اسعد الله اوقاتكم بالمسرات
هذا اليوم اللي هو عنوان سالفتنا حدث عدنما انتقلنا من القريه الى المدينه قبل سنين ودنين
انتقلنا الى المدينه وانا ادرس في الابتدائي وبالتحديد بالصف السادس ( ب ) بمدرسة عثمان بن عفان بالكندره وكانت اول حصه حساب يوم دخل المدرس مسح السبوره وقال شيلوا الكوافي زملائي كلهم مصلعين مافيه الا يمكن اربع عليهم طواقي وانا من ضمنهم المهم المدرس وقف عند السبوره مدنق وايديه مشبكهن ورا ظهره ويقول ( قولو للمتيس يشيل الكوفيه ) انا ما اعرف الكوفيه اعرف القحفيه ومازالت طاقيتي على راسي يوم شفت كل الطلبه يناظرون يمي عرفت اني انا المقصود بس مدري وش السالفه قال اللي وراي شل الطاقيه قلت بنفسي من اول قولو كذا وعرفت بعدين ان المدرس هذا يبي كل الطلبه مصلعين يقول على شان الدميجه تهوا واظنه هو مهوي المهم هذي اول حصه اكلنا فيها احراج وفشيله

يوم جت الحصه الثانيه علينا قرآن وعقب مادخل المدرس خل واحد من الطلبه يقرأ سوره وحنا نتبع والمدرس يدور علينا انا تثاوبت وكان المدرس وراي وقبل ما اصك افمي الا الدبجه بظهري طحل بغى قلبي يطلع مع افمي من الطحله هذا زود على الهبله لان الطحله جت فجأه اثر المدرس ما يداني اللي يتثاوب واللي يشوفه يدبجه مع ظهره
وبالفسحه نزلنا للحوش والقا عيال خالتي هاه وش علومك يالنبهاني قلت علوم الشر بس ماعلينا الناس هذي منين لهم بارد ( على وقت الكندا دراي والتيم ) وسندوتشات قال واحد تبي اجيب لك من المقصف وش المقصف مدري قلت خذ هذا نصف ريال جبلي
ماقصر الرجال جاب لي ورجع الباقي !!! وقعدت اسولف عليهم اللي صار .. وهم يضحكون
وبالصرفه تسلطوا علي ناس من نفس فصلي يبي يضربوني هم ثلاثه وقامت المضاربه بقوس وركب وهدود وانا ما اعرف الا طحل وشيل وبزخ وشافوا عيال الخاله المضاربه وفزعولي والا كنت ابا اكل من هالبقوس والركب لين اقول بس
يوم وصلت البيت وينشدن ابوي الله يشده بالعافيه وش اخبار الدراسه قلت ما مثله .. ومن باكر اروح للمدرسه واتاقلم مع الوضع واللي امس نتضارب انا واياهم صرنا اصحاب واصدقاء وما صار مثل امس اللي ماينسى
انتهت السالفه واملي ان تحوز على استحسانكم
وادعو الله لي ولكم المغفره
محبكم
النبهاني
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راعي الفزعة ماينسى جميلة	محروم.كوم	منتدى أخبار المواقع والمنتديات العربية والأجنبية	0	08-25-2011 02:20 AM
&^% لاينصح بالمششاهده في نهار رمضان &^%	محروم.كوم	منتدى أخبار المواقع والمنتديات العربية والأجنبية	0	09-04-2009 05:20 PM
[مشكله] : الجهاز ماينسخ على الـ cd ...؟!	محروم.كوم	منتدى أخبار المواقع والمنتديات العربية والأجنبية	0	06-29-2009 12:40 AM
مشكلة في البوست بيت لاجوسي	محروم.كوم	منتدى أخبار المواقع والمنتديات العربية والأجنبية	0	04-18-2009 02:30 AM
مشكلة في البوست بيت لاجوسي	محروم.كوم	منتدى أخبار المواقع والمنتديات العربية والأجنبية	0	04-18-2009 02:30 AM