غرزت انا والعائلة ..

محروم.كوم · #1 02-28-2013, 11:30 PM

كنت طالع في رحلة بريه ماهي بعيدة عن المدينة لكنها ارض مملوكة وكبيرة جدا ولها طريق وحيد بين الجبال انا الوحيد اللي طحت عليه المهم اللي ابي اقوله ان المنطقة ذي نادر جدا احد يجيها ..
وبعد الفله وسعة الصدر كان فيه طعوس صغيره منتشرة في المكان قلت في نفسي يا ولد خلني اجرب الموتر في الغراز (فورتشنر دبل تماتيك) قلت خلني اغرز به وهو راقي النفود الصغير يعني الموتر طالع وكانت الشغله كلها غير موفقه ابدا لاسباب منها ما
1-ما معي احد الا المدام ما تقدر تسوي شي
2- الموتر ماني خبير فيه خاصة في الغراز
3- اختيار اصعب شي في الغراز وهو الموتر طالع
4- الموتر تماتيك واربعة سرندل يعني العزم لك عليه
5- الوقت كارثي قبل مغيب الشمس تقريبا بثلث ساعه
المهم رقيت النفود ووقفت في النص لاني لو بتلت ماشي بيرقى الطعس بالراحه لكن قلت خلني اوقف اختبر الموتر وقفت وحطيت الدبل في LL ودعست خفيف ورج الموتر رجة قوية وفجاه تجمد مكانه لا يمشي لا ورى ولا قدام ونزلت واشوف الكفرة الخلفية يسار تلعب في الهوا تدور بوش وبدا الشغل التقليدي قدم وخر احفر حط حصا تحت الكفر ما نفع ابدا الكفرة تدور مكانها والموتر خلاص تعلق والوقت كان يداهمني قلت يا ولد خلني افكر كيف افك تعليقة الكفرة نسيت اقول لكم اني حفرت عن جميع الكفرات الا الكفرة اللي ورى المقابلة على اليمين كانت ماهي مغرز ابدا وهذا اللي خلاني استبعدها من الحفر نهائيا المهم نزلت راسي تحت السيارة وطالعت الكفرات اللي ورى وفجاه عرفت وين السبب لو حفرت عن الكفرة اللي ورى يمين الموتر راح يستعيد توازنه وتنزل الكفرات على مستوى واحد وفعلا كان التفكير سليم وصحيح مئة في المئة حفرت حفر بسيط عن الكفرة اللي ورى يمين لين حسيتها بتنزل وركبت الموتر ورويست بكل سهولة طلع الموتر مباشرة وكانه ماهو مغرز كانه على اسفلت

الموضوع ماهو سواليف اتمناها فائدة للجميع ولاخذ الحيطة والحذر خص نص لا صار معك عائلة وشكرا لكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل غرزت أكثر من مرة؟	محروم.كوم	منتدى أخبار المواقع والمنتديات العربية والأجنبية	0	12-14-2012 10:50 PM
برنامج خطوة 2011 الحلقة الاولى بعنوان أهل الزوجين. العلاقات الأسرية والعائلة	محروم	حلقات برنامج خطوة 2011	10	07-14-2012 02:50 PM
نسيج \| باقر درويش \| كيف تكون البحرين عاصمة للثقافة العربية والعائلة ال	محروم.كوم	منتدى أخبار المواقع والمنتديات العربية والأجنبية	0	12-19-2011 05:40 AM
شباصة أم غرشة مسافي!!	خالدالمنصوري	الحوار والنقاش - الرأي والرأي الآخر	13	12-16-2011 02:12 PM
::+_ غرشة فواره _+:: روعــــــــــــــــــه	..كلي دلع..	الشعر المنقول	18	05-27-2008 08:39 AM