السلام عليكم ورحمه الله وبركاته

هلا بالغالين تراي احبكم كلكم في الله وربي يشهد علي وشلونكم عساكم طيبين مع ذا البرد الي يشخف شخف انا مدري ورانا الا جا البرد تشهب يدينا وعصاقيلنا يطلعن شهب لهب كنهن محاريث رماد هههههههههه
انا اتحدى النامسه تقرصني ترانا نسميها - بقه - منول وجمعهن - بق - بس يوم تمدنا صرنا نسميهن نامس يعني ان انحن تطورنا وكلن يولع بدافوره ههههههههههه لا تشرهون علي يالربع تراي شايب وتقصرون ونتم تقولون شايب من كبري وما ورا مني اعرف اكتب بعد نرجع لكلامنا وش كنا نقول ولا يتسلطن علينا ذا النامس الا في الصيف الا رقدنا في الطايه او السطح الا بغينا البراد يحوسن نومنا حوس مغير نسمعهن مثل الطيارات الي شانات حمله على العدو نننننننن هههههههههههه المهم اني اتحداهن يقرصني ايام البرد لاني اصير اتلاصف من الفازلين هههههههه طبعن هلحين مهوب منول والله اني اشوفها الا جت تقرصني انها تنشب في الفازلين ومغير تقول زززززز تبي الفكه هههههههههه كنها واحد طاب له في طين هههههههههه ويبي يطلع نفسه منه ههههههه خلها مصاصه الدم تصدقون اني اعرف واحد الا قرصته النامسه انها تموت والله انه يوريني ويقول شف ذي الي جايه لحتفها ونجلس نناضرها ولا مصت من دمه الاها تنجعف على جنبها ميته الظاهر في دمه موبيد حشري هههههههههههه خل اعلمكم بشي للي يحب يستعمل الفازلين منكم ترا الفازلين الي في البقالات والاسواق والصيدليات ذاك مهوب فازلين ابد ذاك شحم سيارات الي يشحمون به السيارات حتا ريحته وعععععع الي يبي الفازلين الصحيح يرفع اصبعه هههههههههههه شوفو الفازلين النقي تلقونه في صيدليه وحده بس في الرياض اسمها صيدليه - ادمه - مقابل مجمع الملك فهد الطبي على طريق المعذر من جنوب الا جيتا من غرب للشرق وتعديتا شارع الضباب تجيك على يمينك ههههههههههه سويت دعايه ههههههههههه بس ترا هذا الفازلين الصدقي يبيعونك بالكيلو او اقل الي تبي ورخيص انا شاري من عندهم نص كيلو ب 50 ريال والظاهر انه غلى شوي بس هذاك الفازلين حتا لونه ابيض وريحته يالله من فظلك والعلاجات الي ما تلقاها في صيدليات الرياض الله يجعلكم ما تحتاجونها ولا حبايبكم تلقاها في صيدليه ادمه هذي اسئل مجرب ولا تسئل طبيب - الله وكبر يالدنيا صرنا ندهن بفازلين نقي عقب ذنبه الخروف نموعها منول وندهن منها ولاهنا ولا نمله منول الا تعرفنا اصلن يتغذن علينا النمل منول هههههههههههه تبون الصدق منول حالتنا حاله يتصلط علينا القمل تصلط القدره يمامن القمل منول في روسنا ههههههههههههه مغير نمرش مرش يعني نحك روسنا بقوه ولاجا الضحى الاك تلقا الحريم ما سكات بنياتهن وقاعدات في الشمس ويفلن روسهن ابد تشوفون القرود وهي تفلي عيالها مثلنا منول ومن زود علاقتنا بالقمل منول نعرفهن بساميهن اذكر فيه عجوز تقول لبنتها وهي تفلي راسها اصبري اصبري لاتحركين فضربتن تضربك لقيت صيبان خل اقصعهن ياكثرهن كثراه ولهن بيض بعد يعني مسويات عمليات تكاثر والصيبان هذا اسم ام القمل تصير مبيظه وراجنه عليهن هههههههه اكذب مهيب ترجن تبيض وبس المهم تقول العجوز لبنتها اصبري امسكهن وقصعهن يعني تمسكهن وتحطهن على ضفر الاصبع الكبير وترصهن بضفر الاصبع الكبير الثاني ولا تسمع الا صوت طع طع طع يعني تفظخهن او تمرسهن عمليه اباده هههههههههههه الله من زين السواليف هههههههههههههه بس ولو توسع الصدر ملينا منذا الدنيا تراي فايحه كبدي منذا الدنيا فوحان ههههههههههههه

هههههههههههه خل اعلمكم بشي بعد هذي سالفه فلاح من الفلاليح يعني راعي نخل ومنول انتم خابرين مهنا صراويل مهنا الا مقطع يعني ثوب بس لا نعرف فنايل ولا صراويل كلش طوط طوط هههههههههه يالله لكا الحمد والشكر ابرد لنا منول ايام القيض او الصيف المهم ذا الفلاح مقصر ومقيل في صفه او حجره جنب القليب وذا السالفه واقعيه لا تقولون من ضرب الخيال المهم وهو راقد طال عمركم وداخل عينه النوم الله من زين ذا الحكي راقد داخل عينه انوم ههههههه المهم وهو نايم حس بشي ماسك الطوط هههههه حق عمليات التكاثر ويصحي من نومه حس بنشوه هههههه ويرفع راسه بشويش ويناضر ولا وش يشوف البلا والجلا ولا فيه داب يعني ثعبان وش كبره جاي وبالع حق عمليات التكاثر وشوا ذا الر جال حكيم التزم الصمت ولا تحرك ولا حركه لانه لو تحرك تبي تقرصه الداب على طول وهو مغير يحس بالداب تبلع زود الين وصلت الميداليات هههههههههه المهم ويجي واحد يمه شايب مثله من الي يشتغلون في النخل وهو نايم ويقول وراك الله يدفع البلا ما قمتا من نومك تباطيتك وجيت اشوف وش بلاك ولا رد عليه مغير يشرله بعيونه على تحت مثل الي يقول شف البليه الي تحت ولا الشايب الثاني بعد فطين والشياب منول اهل فطنه وهل خبره وهل بال وسيع الله يغمد ارواحهم جميع الي نعرف والي مانعرف في الفردوس الاعلى من الجنه ويقوم الشايب الي جاي يوم شاف الداب بين رجلين خويه وهي بالعه حق التكاثر هههههههه وهو يقوله خلك خلك لاتحرك ولابحركه وهو الي يسحب نفسه بشويش يخاف تنتبهله الداب ثمن تخاف وتعض رفيقه ويوم سحب نفسه وهو يروح وياخذ له قطعه طريده يعني قطعه قماش ويلفها ويربطها على ذاك العود يعني كسره عسيب نخل ويقوم ويشب فيها يعني يولع في قطعه القماش النار ويوم شبت يعني الهبت وهو الي يقوم وينفخ الضو او النار ويطفيها وصارت تدخن بس ما فيها لهب وهو الي يروح لرفيقه ويدخل عليه مع دريشه الصفه او الحجره لان الدرايش منول كبار ولا عليهن حديد ولا شي خص حجر المكاين الي تطلع الماء المهم وهو الي يدخل عليه بشويش من عند راسه ويقرب القماش الي يدخن حول الداب ويدلي ينفخ عليها الدخان وينفخ وينفخ بشويش بعد الين انحشرت الداب من الدخان يعني كتمها بالدخان وتدلي تطلع الطوط هههههه بشويش وتطلعه بشويش من وسط بطنها انتم خابرين الداب تبلع الصيده بلع مهيب تعلجه قبل - كني اشوف الداب تجتر - مثل البقره هههههههههههه لازم نملح السالفه شوي المهم ومع الدخان الين الين طلعته كله ويستمر في نفخ الدخان عليها الين ابعدت عنه شوي وهو الي يمسكها مع ذنبها ويدور بها ويصبخ بها في الجدار يعني يظرب بها في الجدار ويرص القماش الي يدخن على راسها الين ماتت المهم ويقوم الرجال الي مبلوعن فيده وهو يتنافض من الروعه ويقوله الشايب الثاني هناك العقلان يبو فلان الحمد لله على سلامتك شوفو وشلون حكمه الشياب منول وعدم التسرع فيهم وش لوه هلحين وصايره لي انا ذا السالفه بسم الله علي وعليكم كان ابا انقز ذيك النقزه وتعضني الداب اصلن يبي يغمى علي من يوم اشوفها هههههههههههه المهم السالفه ما قظت على كذا وبس لا تدرون وشصار للظعيف انقلب لون الي مبلوع وصار كنه حق حمار فيه برص وهذي القصه حقيقيه وواقعيه


والله يحفظكم من كل شر يالغالين

ونتبهويالغالين للدواب او الثعابين كلهن واحد هههههههه انتبهولهن في روضه خريم وروضه التنهات او اي روضه تروحون لها يالغالين ولا تنسون تحصنون انفسكم تراها حجاب لكم ان شاء الله تعالى والله يحفظكم من كل شر جميع


سبحان الله وبيحمده سبحان الله العظيم - عدد خلقه وزنه عرشه ومداد كلماته