بسم الله الرحمن الرحيم ..
..
..
السلام عليكم ورحمة الله وبركاتة ..
..
..
مساء / صباح ، الخير كلاً حسب دخوله ..

اعتذر عن الغياب ايها الاحبه.. واتمنى ان تشفع لي هذه الابيات المتواضعه ..
..
..


النوم راحة وادري النوم سلطان
لكن مساي اليوم مابه سلاطين

النوم طار وماكر النوم سهران
نوْى يحوم وثم فل الجناحين

والدم فاير والشرايين شعبان
والقلب فيضه ، منحدر به شرايين

والراس يطبخ ثاير(ن) فيه بركان
والجوف قبله ثاير(ن) به براكين

لاشاش راسي حضر الراس قيفان
قيفان شعري باللوازم قريبين

رسالتك في قلب شبلك لها شان
حطت موازينـ(ن) وشالت موازين

لا ضاق صدرك امتلى صدري احزان
كني سجينـ(ن) بين سجن ومساجين

لاينشغل بالك على راعي الشان
الشان صامد رافضـ(ن) أي تموين

مبطي وانا صابر وصابر إلى الان
وياما وياما ذقت طعم الامرين

سندت مع وديان وحدرت وديان
قطاع قفر من اول الوقت والحين

سجيت في بلدان ومريت بلدان
رحال بين انهار وبحر ومحيطين

امشي على وضح النقا بين الاعيان
ان كان في رفحاء او الهند والصين

والساس له ناسـ(ن) يبارون سيسان
ناسـ(ن) تشيل الجيم وتقدم السين

خالد انا خالد اذا جيت ميدان !
الراس شامخ في جميع الميادين

الراس للنوماس والعز خرمان
تعيش ياراسي على العسر واللين

واللي حكابي بالقفا دون برهان
ماسولف بظهري ، وعنده براهين !!

سويت ماسويت .. ولانيب ندمان
سويت ماسويت لعيون شخصين

ماندم على بري وفعلي للاحسان
في والديني من قديمـ(ن) وبعدين

يالله يالي خالق الانس والجان
ياخالقـ(ن) آدم ابونا من الطين

ترحم هلي وتعزهم وين ماكان
وتحمي وتحفظ والديني من العين

ولى زمان الخيل والسيف شامان
ياليتني وليت بين آل موليين

جانا زمانـ(ن) وقفت فيه الامزان
من هول ماشفنا ولا اظن بتزيين

اقولها صادق ومن قلب ولسان
الوضع مزري ماتغير من سنين

50% من الشعب خرفان
وصيصان شفنا بالمجالس كثيرين

الضيف لاجاهم سرى الضيف جيعان
تصرف عليهم لابسات الفساتين

أشوفهم مبطي بأشكال والوان

وحطيتهم في شبك 10 بـ 20

خذيت بالدنيا ودورات الازمان
اللي خذوه رجال قبلي بجيلين

انسان لكن ماني بأي انسان
انسان نادر والنوادر قليلين

وان كان للفزعات والطيب عنوان
للطيب شمر .. والطنايا عناوين

وان صار ولا صار ناديت جرذان
تبي تصك الارض حولي جراذين ..

قلته وانا طعان والجد طعان
من نسل ابن عباس نسل العزيزين

وسلامتكم ..

قلمي المتواضع / خالد .. ( راعي قمران )