مغامرة العراق 3

محروم.كوم · #1 02-09-2013, 08:50 AM

هذي الحلقه الاخيره لمغامرة العراق

http://www.mekshat.com/vb/showthread.php?t=561389

المهم الرجل يقول

صاروخ سكود شب وبدا يصفر ...

وانا خفت انه يطير ويطيرني معه ولا ينفجر ..

واناظر الموتر الا وجهه قام يرتفع .. وانا اللي

اقوم واخذ شماغي واحزم الدركسون بالقير ..

اخاف الموتر يطلع عن الخط .. وافتح الدريشه ..

واقمز بالصندوق .. ومعي موية صحه كبيره ...

واروح لشكمان الصاروخ واصب المويه عليه ..

واشوى ويطفى .. وينزل وجه الموتر بالارض ..

وارجع للغماره وافك الشماغ ... وارفع راسي وانا ماسك

الدركسون الا قدامي تريلة من اللي تشيل السيارات ..

فاضيه ..وانا جايها مسرع ... وبغيت اسقط عليها لكن

شفت جكس عوايل مقابلني .. وانا اللي اقمز للحوض

مره ثانيه .. واجيب الكبريت واولع بسكود ..

ابيها تطير .. لكن الصاروخ ولع لكن يتفتف ..

المهم الموتر ارتفع وجهه .. لكنه وصل التريله ...

ودوووووب يوم نقز على ظهر التريله ..

والصاروخ طفا وانا اتشهد ..

واناظر ولا الموتر متساوي على ظهر التريله

قلت بس الحمدلله ... وانا اللي انسدح

على المرتبه قلت خلني اغط لي شوي

والتريله توصلني ... المهم وانام ..

وانا بغرقة النوم .. الا اسمع صوت

" القادم باللهجه اليمنيه "

ياقني مالك ... قلت وش تبي ويني فيه

قال انت على الحدود اليمنيه

ماهو اللي معك بالسياره ..

قلت صواريخ موصيني عليها علي عبدالله صالح ..

قال مالك ما تستضي وتقول الحق يا "طوووووط "

قلت ياخي هذا الحق ودوني له ..

والله وينزلزن السياره ويربطوني بوزره

ووينك ياصنعاء .. على القصر الجمهوري ..

ويدخلون وياخذون لهم ساعه

وشوي ويطلعون معهم علي عبدالله صالح ..

ويجي .. قال لي مالك يا "طووووط"

ايش قصة صواريخك ... انتا ارهابي

قلت عين خير يارجال .. واركد ..

هذي هديه من ابوعدي لك ..

قال ماهو .. ابوعدي .. حبيبنا

قلت اجل من .. قال فك الرباط عنه يا " طووووووط"

ويفكون الرباط .. ويقلطونني بالقصر ..

وادخل ويجيبون لي قات .. واعلفه ..

وشوي ويجيبون لحوح ومطبق وزربيان ..

وفول بالبيض وتونه بالبزاليا ..

واتغدى عندهم .. قلت لعلي عبدالله صالح ..

كيف الامور ... قال ماااااش .. متهاوشين مع

اليمن الجنوبي ... قلت فيه تلفون قال ايه ..

ويجيبونه .. وادق على الشيخ الاحمر .. قلت تعال

.. والله ويجي ... ونتغدى عند علي عبدالله صالح ..

واتفاوض معهم .. ويتفقون على اتحاد اليمن

الجنوبي والشمالي .. واقنعت الاحمر ..

انه يخلي علي عبدالله صالح ريس عليهم ..

واجيكم راجع للرياض

وسلامتكم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مغامرة العراق 2	محروم.كوم	منتدى أخبار المواقع والمنتديات العربية والأجنبية	0	02-06-2013 11:40 AM
مغامرة العراق 1	محروم.كوم	منتدى أخبار المواقع والمنتديات العربية والأجنبية	0	02-05-2013 03:30 PM
زيكو: تعادل قطر والبحرين يصب في مصلحة منتخب العراق - أصوات العراق	محروم.كوم	منتدى أخبار المواقع والمنتديات العربية والأجنبية	0	12-12-2011 03:10 AM
[Style] : ستايل العراق السمائي 2012 مقدم من منتديات انفاس العراق	محروم.كوم	منتدى أخبار المواقع والمنتديات العربية والأجنبية	0	10-04-2011 09:20 PM
[Style] : استايل نجوم العراق البرتقالي 2011 اهداء من منتديات انفاس العراق	محروم.كوم	منتدى أخبار المواقع والمنتديات العربية والأجنبية	0	09-14-2011 01:20 PM