&&£عطونا علومكم يالطواريح£&&

محروم.كوم · #1 02-04-2013, 03:20 AM

السلام عليكم ورحمة الله وبركاته
صبحكم/مساكم
الله بالخير.
أخواني المكشاتيه
جميعنا نعلم أن موسم شبك الطيور انتها
مع العلم مازلنانسمع لئيام قريبه انه تم شبك بعض الصقور
وحبيت أطرح هذا الموضوع لكي يشاركونا أخواننا ممن يشبكون الصقور والذين حالفهم الحظ بشبك بعضها ونريد من كل طاروح ان يخبرنا ماذا طرح ولايمنع ان يشاركونا اخواننا من الذين لم يحالفهم الحظ بشبك الصقور وما هي المنطقه التي قنص بها .

أخوكم :أبو وافي قنص ولا توفق في شبك شي منها
والمنطقه التي تم القنص بها هي منطقه الساحل الغربي (جده)
من (جبال صلا إلئ ماورئ المجيرمه)

وهذي قصيده أشارككم بها تحكي عن نهاية المقناص

خلاص ياخوياي ميعادناخير. ان كان يبقي للعمرمن زياده

الموسم المقبل نسوق التباشير. فاول هداد اللي يصل من بلاده

خلاص شلنا عفشنا والمواطير وشلناجميع اغراضنا والوساده

الشبك روح وانتهت هجرة الطير واللي شرا له طير بادي هداده

البر خالي من جميع الصقافير ماشفت غير الشبط يطرد جراده

هبت عواصف واخلفت هجرةالطير. والخير جانا والمطر مع براده

والامر لله مالنا فيه تدبير اللي خلق هالكون رازق عباده

شهرين فالمقناص وحنا مداوير والبال مبعد عن دروب النكاده

ياما قنصنا حزت الصبح واعصير. نقنص ونطلب ربنا فالعباده

نمشي مع الاصباح فوق المواتير. بعد الصلاة وقنصنا بالركاده

نبعد عن الزلات ولانزعل الغير. الا اذا الجاهل تمادى عناده

ويامحلابعدالفجرطرحت الطير. قبل الطلوع ان قدرالله وراده

بارضن براح ولاوطتها الحوافير تلقاه توه صاحين من رقاده

ياخذ زريقك والهدد دون تأخير. ولابه ثواني وتلبسه في مهأده

انته وخوياك النشاما مقاطير. متوجهين وكلكم في سعاده

للعزبه اللي تفتخر بالمسايير اهل العلوم الطيبه والوكاده

والكل عنده لحظه الطرح تعبير وكلن تحقق وانكتب له مراده

والرزق ماهو بالعنا والمشاوير. الرزق يسر دون حال القراده

لو بالعوافي وش تحوش العصافير وش ياكل الطيرالخضر والجراده

وياللي تحسب للتعب والمخاسير هذي علومي واستمع للافاده

خلك مع ام فلان ست الغنادير. محكوم مالك غير فن القياده

وخلاص ياخوياي ميعادنا خير. فاول هداد اللي يصل من بلاده

تحياتي: أبو وافي00
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار لاهنتو يالطواريح	محروم.كوم	منتدى أخبار المواقع والمنتديات العربية والأجنبية	0	04-04-2012 08:50 PM
ضيعت وكري ( فرخ ) فزتكم يالطواريح	محروم.كوم	منتدى أخبار المواقع والمنتديات العربية والأجنبية	0	11-04-2011 04:30 PM
الحقو علي يالطواريح	محروم.كوم	منتدى أخبار المواقع والمنتديات العربية والأجنبية	0	10-08-2011 08:40 PM
عطونا علومكم	محروم.كوم	منتدى أخبار المواقع والمنتديات العربية والأجنبية	0	11-13-2009 11:20 PM
علومكم ياهل الساحل الغربي؟؟	محروم.كوم	منتدى أخبار المواقع والمنتديات العربية والأجنبية	0	04-07-2009 11:40 PM