قصه واقعية حدثت في الخليج

قمر ام القيوين · #1 02-09-2008, 01:49 PM

هذي قصه واقعية حدثت في الخليج كل من سمعها تقطع قلبه

البداية:
البنت هذي عمرها 17 سنه وهذي البنت لاحضو عليها أمها وأبوها

دائما تفكر يعني فكرها مو مع أهلها أمها سألتها بنتي فيك شي تحسين بشي
شفيك ما تتكلمين ردي علي أنا أمك اقرب إنسانه لك ماحد بينفعك غيري فتحي لي
قلبك وتكلمي والبنت ترد أمي يا بعد عمري ما فيني شي لوفيني اي شي بقولك
أنا اقدر اخبي شي عن ******* .....
ونفس الشي مع أبوها ولا حياه لما تنادي
بعد ماتعبو أهلها منها قالت ألام خلاص يابو فلان أكيد بنتنا ما فيها شي تلقاها
متهاوشه مع صديقيتها بالمدرسة أو حاله من حالات سن المراهقة
بعد تقريبا أسبوعين البنت قامت تحس بألم شديد في بطنها وإذا قالو أهلها نوديك
للدكتور يفحص عليك عشان ترتاح أمك لان البنت تتعب في الليل وتقعد تصارخ من
الألم اللي يجيها وأمها في الليل ما تنام كله معها وإذا قالو نوديك تقول لا شوي
ويخف الألم .
في اليوم الثاني تعبت وما قدرت تستحمل وأخوها الكبير في الجامعة والي اصغر منه
في أول ثانوي مافي احد يوديها قامت ألام تسرع وتروح لأبوها
قالت له تعال ود بنتك المستشفى بتموت علينا
جاء الأب وباليته ما جاء وشالها وداها الطبيب سوو لها فحوصات وقالو انتظروا برا
طلع الدكتور وقال انت مين قال أنا أبوها قال ممكن تجي الغرفه قال ان شاءالله
ودخل عند الطبيب قاله الطبيب لحظه على ماتجي الفحوصات ........
جات الفحوصات وقعد الطبيب يبتسم قال الوالد هاه بشر شنو قال:
مبروووك بنتك حامل
قال أبوها شلون حامل تأكد قال بنتك حامل وهاذي الفحوصات تأكد
الابو طلع وركب مع بنته السياره قالت البنت ابوي شفيك شقال الطبيب
قال سكتي اعلمك بعد شوي.
وقالت البنت ابوي وين رايح شافت الطريق طريق سفر فاضي ؟؟
قالت ابوي بيتنا موهنا
مو في هالطريق قال سكتي لاطقك
قامت البنت وسكتت.
نزل أبوها من السياره وقالها نزلي نزلت البنت
شافت البنت أبوها يحفر في الارض ويقولها تعالي ساعديني
جات وساعدت أبوها بعد ماخلص قام أبوها وقالها نزلي قالت وين؟؟؟؟؟؟؟؟
قام الابو ونزلها ففي ذيك الحفره البنت حاولت تقوم قام الاب وطقها على راسها
بحديده بحيث ان البنت فقدت الوعي أو ماتت قام أبوها وحطها وحط عليها
الرمل ورجع البيت ألام تسال وين بنتي والاب ساكت دخل الاب غرفته
والام تصييييح جاو عيالهه امي شفيك قامت وقالت لهم شنو صار
شوي ويدق التلفون رد الولد قال هذا بيت فلان الفلاني
قال ايه مين انت قال أنا الطبيب انت عندك اخت اسمها فلانه قال ايه
قال احنا اسفين الفحوصات اللي طلعت ان فلانه حامل مو صحيحه فلانه معها
سرطان في بطنها وعشان هذا تحس بألم في بطنها وهذا حال الدنيا الله الله في الصبر
واحنا اسفين راح الولد ودخل على ابوه وقال ابوي الدكتور
اتصل وقال........الخ طاح الأب على الأرض وبعدين جاته حاله نفسيه

والأم دخلت العناية المركزة وبعد شهر ماتت والعيال صارو أيتام
هذي نهاية من يستعجل في موضوع خطير مثل هذا

لامانه القصه منقوله

فى التأني السلامه و فى العجله الندامه

عمر التسرع و العصبيه ما يحلن الامور

ولا الانسان يتأكد قبل المره عشر ... قبل لا يحكم

ما قول الا حسبي الله و نعم الوكيل

ولا حول و لا قوه الا با لله العلي العظيم

الله يغفر لهم و يرحمهم و يتوب عليهم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تصويت في قوقل إيرث، هل هو الخليج العربي أم الخليج الفارسي	محروم.كوم	منتدى أخبار المواقع والمنتديات العربية والأجنبية	0	06-12-2010 10:20 PM
مايكروسوفت تستبدل الخليج العربي بـ الخليج الفارسي والعرب مستائون	محروم.كوم	منتدى أخبار المواقع والمنتديات العربية والأجنبية	0	03-18-2010 06:30 AM
[ بيع موقع ] : دليل الخليج سكربت رابط مترخص من شركة دنيا الخليح للبيع بـ300 ريآل a11v.com	محروم.كوم	منتدى أخبار المواقع والمنتديات العربية والأجنبية	0	09-11-2009 05:00 AM
ركاز لتعزيز الاخلاق لهم مناشط في كل دول الخليج و خارج الخليج	محروم.كوم	منتدى أخبار المواقع والمنتديات العربية والأجنبية	0	07-04-2009 09:40 AM
فتاة تقتل حبيبها أمام نظر والديها.... قصة واقعية حقيقية ومؤثرة حدثت في الطائف	غــ راك ـلا	قصص و روايات	10	02-04-2009 02:05 PM