3)تقاليد وعادات مزعجه!

..اصبحت مزعجه تلك الخرافات..التى كانت تتحكم باجدادنا ..واليوم تحاول السيطر علينا..فأقف انا امامها واقول لها بجرأ كفي عن ملاحقتنا..كفى عن التحكم بحياتنا فنحن لا نرغب بك بعد اليوم..وها هي اليوم تحاول تدمير حياتي لاني من تجرأ و وقف امامها..


....

..بالشرقية..الموقع بيتنا ..الساعه السابعه صباحا..


كنت اسمع صوت خرابيش واكياس ولويه ..بس ما قدرت افج عيني من التعب..فسالت ريون :رييييييييييييييييون ساعه جم الحينه..


ما سمعت ردها فبطلت عيني اشوي اشوي جفت الحجره فاضيه ما فيها احد بسم الله وينهم قمت من علي السرير وطالعت الساعه يالي تبين انه سبع الصبح ..في حد يقوم الحينه حرام عليهم اليوم الخميس..قمت من سرير وسرت صوب الجامه اطالع الجو ..خخخ بررررد من كثر البرد اهني عادي ما استغرب اذا ينزل ثلج !..فجيت وجفت الدنيا مغيمه حلو الجو ابي اركض برا من حلا الجو لكن شو اقول عييييب.سرت اتغسل ومن خلصت لبست وحطيت لي كحل وكلوس خفيف وبسيطه عن ياكلوني بعد ..رشيت رشتين عطر وطلعت من الحجره نازله الصاله اوه سوري المطبخ يوعانه ..وبعدين صج وين اغراضي وين خذوها ؟


نزلت الصاله وجفتهم مرتبشين بالفواله فقلت بالبدايه:السلام عليكم ..


ردن علي:وعليكم السلام والرحمه


يلست ينب عموه مريوم:شو صاير عندكم عرس وانا ما ادري حق منو كل ها الدلل والفواله؟؟


عموه اريام:ما تدري ها لبيت عمج عبد الرزاق عنه ريايييل اليوم


بوزت من انذكر اسمه ما ادانيه ها العم ..العم الوحيد يالي ما ينبلع قسم بالله..ومن سمعت طاريه قلت خلاص ما ابي اعرف التفاصييل ..سرت المطبخ ابي اتريق جفت مولي وكيت يالسين يزهبون الريوق ..يلست على الطاوله اترياهم يخلصون وابدء ما فيني انتظر احد والله يوعانه ..بعد دقايق اجوف القوم كله مجتمع في المطبخ والطاوله ما توسعنا كلنا مال 8اشخاص واحن قوم ..فبكرامتي طلعت وخذيت صحني اترس فيه اكل ..سمعت عدول يقول:اشوي اشوي لا تنفجري..


مارديت عليه مالي مزاج سرت الصاله وجفت لؤي اهناك تنهدت بس ما كان بروحه الريم اخته ومؤيد وريون نوير احمدوه كانوا اهناك عسب جي يلست ..مالي مزاج اتكلم ولا اسوي شي خليني اكل عن تنسد نفسيتي واموت يوعانه..


لؤي:زين وياه ها الوييه الناس تسلم لاه


كملت اكلي ولا عبرته بس سمعت الريم اتقول:زين انا على الاقل سلمي علي واحليلي من زمان ما جفتج ولا معبرتني


بعدني على وضعني فسمعت لؤي يسأل ريون :شو بلاها؟؟


ريون:ما ادري وشو يعرفني انا


بعد الريوق الكل قام يتجهز ما ادري حق شو وسمعت امي اتقول:شو انتي ما بتسيرين بعد؟؟


قمت وقلت:وين اسير؟؟ اساسا انتوا وين رايحين ؟؟


امي:ما تدرين اليوم خطبتت بنت عمج بنسير نتشرا لانه ها الاسبوع الملجه والزواج بعد


مسكت قلبي:بسم الله اي بنت عم امي ؟؟


امي:عمج عبد الرزاق بنته سوسن خطبتها اليوم وملجتها باجر وسلمى زواجها الاسبوع الياي يعني عسبت


شهقت منصدمه :امي انتي من صجج امي سوسن تعرفي جم عمرها !!


امي:ما فيها شئ بعدين احن بعد جي تزوجنا من زمان


اشرت لورا:من زمان خلاص احن بأي عصر عايشييين امي ؟؟


امي مطوفتني:شهد قومي لبسي عباتج ولا تنسين البرقع


واختفت عن عيني مو معقول ها الشئ صج احن وين عايشيين بنت عمرها 12 سنه يزوجونها حرام عليهم


ردت لي الذكرى لورا ..يوم هزبنا عمي ذاك اليوم ..كان بعد في رياييل ولويه وتقريبا كان الجو جي بس انا اتمرد عن ها الاجواء لما كنت ياهل ..وسلمى طول الصبح كانت محبوسه بالحجره لا تتكلم ولا تسوي شئ عسب جي بقرابة المغرب لما خفوا الناس بطلت لها الباب عسب اتشم هوا وتلعب اشوي كانت ياهل ام 11 سنه واليوم هيه ام 17و تعرس حرام عليهم والله حرام ..اهم شئ انا ما كنت اعرف ليش ها اللويه حق شو بس عقبها عرفت انهم كانوا مسوين خطبه لسلمى وملجتها باليوم الثاني استغفر الله بس ..وبعد ها السنين يزوجونها شو ها العادات المتخلفه يقيدونها من صغرها ويوم تكبر يقولون خلاص سيري انحن دبرنا لج حياتج الله يسامحه ها العم كيف ما يحب بناته اساسا ما يحب البنات والحينه اصغر بناته سوسن بيملجها كل همه يفتكك من بناته ومصارفهن والله حرام..


دشيت حجرتي وانا اسب في ها العم وافكر في حال البنات واحليلهن والله كاسرات خاطري ..جفت عليها لما دشت وهي حاطه البرقع فوق راسها اتقولون نظاره شمسيه ..هاي جي حالتها شو اقول


الريم:واااااااااي شهوود سمعتي الخبر المقرف!!


سويت مالت :هيه شو ها التخلف


الريم:ابييييه صج تخلف شو احن وين عايششين ؟؟ها خالي شكله فيه عوق واحن ما ندري


ضحكت لما قالت عوق هاي يالي تفهمني:هيه مو شكله اكيييد فيه شو تبين بعد


الريم يت ويلست يبني:ما خاطري اسير العرس ولا الملجه ولا خاطري بعد اطلع وياه ها (تاشر على البرقع )شو اسوي اوف ياريتني ما يت


تنهدت:مثل حالتج لو دريت ما ييت بس عشان خاطر البنات انا يت شو انسوي بعد


سوت حركت عدم اهتمام:موب وايد وياهم انا يعني عادي ما يزعلون مني لاه


رفعت حاجبي ها كل شئ فري عندها متفتحه وايد شو اقول مثل امها بس ازياده اشوي ..لبست عبايتي والبرقع وهي قالت:اخيييييج الحينه منو بيطل بويوهنا ؟؟


قلت :لا تحاتيين اهني الشباب يطالعون العيون وبس ..


الريم:انجوف ما الشرقيه يدلون الجمال ولا لاء


كنت بكفخها هاي جايف عمرها جميله وايد زين صحيح تراها جميله بس تراها تغتر بعمرها ما ادري هيه وين تحسب عمرها عسب الشباب يتراكضون وراها فسكتت عنها وطلعنا من الحجره وياه بعض سايريين نتشرى بالسوق..

كانت في حجره ولدها تدخن له الدشداشه وهي تهدده:اسمع زين حمد وانا اقولها وما اعيدها مره اتسير وياه ابوك وترد البيت بسرعه ما ابي اجوفك برا بالشارع فاهم ولا لاء


حمد يهز راسه:ان شاء الله


الجوهره:حتى البنات لا تسلم عليهن موب لازم بس رد البيت..


حمد:زييين


الجوهرة:قول ان شاء الله هب انزين


حمد:ان شاء الله


رمت الدشداشه على السرير وقالت:يلا بسرعه البس ابوك يترياك..


طلعت من الحجره وخطفت على باب حجرتها جافتها ملعوزه فعصبت اكثر:انت شو ما تعرف تختار ملابسك بشكل مرتب


جاف عليها ببرود:انتي شو رايج؟؟


مسكت اعصابها ودموعها لا تطيح وسارت عنه الصاله يلست وحطت البرقع على عينها من العصبيه..ياه ريلها صوبها وهو يقول:دخنيني يلا بنسير


قامت ويابت الدخون وهي تدخنه من دون نفس..بعدها قال لها:اهلج ما عندهم سالفه ليش يعني يعزموني ما يعرفوني مشغول


الجوهره:والله ما باين لهم انك تاجر..جوف حالتنا بالاول


سعد هز ايده:ايهييييييي موب فاضي لج انا قومي يبي الولد وسيرينا


ابتسمت بسخريه"ولا حتى داري عن ولده يالي صار يمشي يحسبه ولد ولارضيع ؟؟اه ياالدنيا بس"


طلعوا من البيت وركبوا " البيك اب "وهم يتوجهوا صوب حاره اهل الجوهره..


سعد:بتنزلين عن عمج ولا يدج؟؟


الجوهره:وقف اهني بنزل


سعد:والولد ما بتشلينه ؟؟شو


الجوهره جافت عليه بعين ورقعت الباب فيه.. فقال:بااااااب سيارتي يالبقره حاسبي عليه


دشت بيت يدها وهي تمسك دموعها ..فسخت البرقع وجافت البيت فاضي استغربت ..لانه لمت البنات اهنيه..فسخت العبايه ودشت المطبخ..جافتهم وحاولت ببتسم:السلام عليكم


البنات:وعليكم السلام


سعاد:حيا الله من يانا الجوهره من زمان ما جفناج


الجوهره:ظروف عاد شو انسوي..الا وين الحريم؟؟


سعاد:ببيت عمج وين بعد يزهبون الفواله وسوالفه


الجوهره:ليش ما سرتي انتي ؟؟


سعاد:ما يبون صغاريه شو اقول وبعدين تعرفين اعيالي وين احطهم؟؟ هذولا بروحهم سالفه ما منهم الا المنكر ما يتامن لهن على الاقل لو شهود اهني هيه اامن بس هذولا ولا خابريين بي


الجوهرة:زين اقول خلا سايرين الصاله اهنيه حر

بعد السوق يالي ما حبيت فيه الكثير بس تشريت غصب انا والريم .. على العصر ..


دشيت بيت يدي علي فديت يدي انا وايد احبه ومشتاقه له مووووت ..اول ما دشيت جفت بنات عمي يالسات ..


قلت:هـــــــــــــــــــــــــــاي بنات عمي ..


الجوهره جافت علي بعين :الناس اتسلم ..


اوف هاي يالي تغث وترفع الضغط لين فوق احسها معقده هيه الثانيه فقلت:السلام عليكم ..اعلومكم بنات عمي عساكن طيبات


قامت رهام بنت عمي ناطه لي اتسلم حضنتها وقلت:متولهه عليج موووووت


رهام: حتى انا من زمان عنج وينج والله متولهيين عليج


ابتسمت لها هاي بنت عمي رهووم بعمري تقريبا وياه بعض وااايد وهي يالي تفهمني بس في بعض الاشياء ما تتفهم فتظل ساكته وما تقول شئ عسب ما تزعجني ..سرت صوب البنات اسلم عليهن بنت عمي العود حمد الجوهره هاي معرسه وعنده ولد واحد بس.. بنت وسط ثلاث اولاد شريرة اقصد متسلطه وما يعيبها العجب ما ادري كيف ريلها مستحملنها ..بنات عمي الثاني سالم حبيبي ها العم طيوووب وايد عنده ولد وثلاث بنات ويالي هم رهام واروى وبدور ..وعمي الاخير تدلونه يالي ما ادانيه عنه بنت معرسه سعاد هاي وطيووبه لدرجه ..وسلمى يالي بتعرس بس موب موجوده حاليا ..وسليمه اختها وسوسن اخره وحده بعد ما كانت حاضره..وبس


يلست وجفت الريم تدش وعاد الجوهره ما تزخها بعين والريم مشاء الله لسان بروحه ما تداني الجوهره


الريم:هاي (ويت يلست ينبي)سمعتوا الخبر القنبله ..اخر زمن يزوجون صغاريه


الجوهره:ها موب خبر ها بشاره زين ..شو جايفتنا جريده ننشر اخبار يعني !؟


الريم:والله الخبر ها يحتاج له الونسيف لحمايه الطفوله حرام عليكم بنت ياهل تزوجونها


الجوهره:والله مو انتي يالي بتعرسين اتوقع بنت خالج


الريم:هيه ادري بس قلبي رحيم يعني شو اسوي لازم بعبر (تدزني)ولا شو رايج شهود؟؟


هزيت راسي وقلت:الصراحه انصدمت سلمى زين ما قلنا شئ بس سوسن ياهل بعدها شوو عرفها بالدنيا ..


الجوهره:اقول ها عاداتنا الا اذا انتي نسيتي ها العادات يا بنت مسقط


جفت عليها بعين :بينت مسقط ولا الشرقيه ترا ها العادات الغبيه خلاص بحت من زمان بس انتوا حاصرين عمركم فيها ياخي ها الشئ ما ييصير تزوجونها غصب


الجوهره بعصبه:موب غصب بعدين تعالي جوفيني انا متزوجه جي وجوفي حياتي كيف


قلت بقهر اكثر:والله حياتج ممله وخاايسه بعد واذا عيبتج ها من ذوقج الدنيئ يالي مال عصر قبل النهضه ..بابا انحن دشينا النهضه وتطورنا وانتوا بعدكم على حالكم


عصبت الجوهره وقامت تصرخ ما ادري شو اتقول طلعت من الصاله وهي معصبه حدها ..بوزت واشرت لها بعدم اهتمام :اتولي لاه والله مسويه فيها ام


جفت الكل يطالعني بنظرات غريبه قلت:شو بعد عندكم كلام تبون توجهونه لي


الريم:والله صج يالي قالته بنت خالي شو يعني غصب تموتون روحكم في عادات قديمه خلاص ولت


سعاد:الريم ,,شهد ها رايكم انتوا ..بس احن خلاص تعودنا ..واتوقع يا شهد انتي غلطتي على الجوهرة وايد


تاففت وقمت متنكده:بسير اكل انا يوعانه


دشيت المطبخ والريم وراي وهي تقول:اخيييييييييييييييج معقدين لو ما ييت


قلت اسكتها:مهما كان الريم تراه هذولا اهلنا


الريم:اهلج بروحج انا اهلي قوم بابا


سويت مالت لها هي والبابا مالها ياخي غاثيني اهل ابوها فري واايد


دشوا المطبخ اروى ورهام وبدور والريم تاففت وطلعت.. ياربي من هاي البنت قسم اتنكدني ..رهام قالت تمزح:انتي بعدج بوتمبه وياه ويهج


رفعت حاجبي:بوتمبه في عينج بعدني رشيقه ابوي ما فيني شئ بس تراني يوعانه شو اسوي (يلست)درت في السوق لين ما قلت بس


رهام:ليش ما تشريتوا من مسقط؟؟


هزيت راسي:لاء ما واحينا اساسا ياينكم البارح بالليل شو تبين بعد وانا الخبر وصلني اليوم(بوزت)الا وينهم البنات؟؟


اروى: بيت ابوهم وين بعد الحريم كلهن اهناك بس بقينا احن البنيات ويدي راقد اهني


بدور:هيه قاطينا احن اهني وياه يدي تدري به تعبان اشوي


مسكت قلبي:شو بلاه يدي عسى ما شر


اروى:لا لا لاتحاتينه هو بخير بس تعب اشوي من المشي وجي قمنا رقدناه


تنهدت:هيه عبالي بعد ابيه وقفتوا قلبي


ضحكوا علي ويلسوا حوالي يسون لي اكل عاد هذولا بالطبيخ ماشاء الله فن ..اكل اصابعي ..سولفنا اشوي ونسيت سالفه الخطبه..بس بعدها قلت:الا صح ما بنسير احن الخطبه شو ؟؟



يت سعاد وقالت:لا ما بنسير ما ييوز انسير شو تبين يذبحونا الرياييل (دشت سميه بنتها الصغيره وولدها علاوي)


فتحت حضني لهم وقلت :فديتهم الكتاكييييييت حباايبي انا


نط علاوي عمره 4سنوات بس:خااااالوه سههههههد


نزلت لمستواه عسب احضنه:هيه هيه خالوه سسسهد انا (بسته وايد لين ما تعب مني )وااي اشتقت لك انت وينك عنيه



علاوي ياشر بايده:انتي وين؟؟


بسته:فديته سعااد كبر ها الصغنوط


علاوي مبوز:لاء انا ريال هب صغنون


بسته بقوه:فديتت الريال انا بعد قلبي والله انت


نزلته وبست سموووي حبيبتي هاي .. فديتهم اعيال سعاد كيوتين احبهم وايد ..قلت لسعاد:سعوودة باخذه ها الريال اليوم بيتنا ..


سعاد:بكيفج والله ترحميني منه على الاقل


ضحكت :حرام عليج ها فديت قلبه عسسسسسسل على قلبي صح حبيبي


علاوي:لاااء انا هب عسل انا ريال ما تعرفي انتي (ضحكت وبسته )


قلت :انا بسير بيتنا منو ياي وياي ؟؟


رهام:هي انتي مينونه تطلعين من اهني دامج دخلتي ما شئ طلعه يالخبله


تجتفت:لا والله انا بسير البيت كاهو الا جمين شبر واوصل (همست في اذن علاوي)يايبه لك حواوات وايد ترا


علاوي فرح بس ما بين اوينه ريال ما ياكل ها الاشياء فديته :قلت يارب ايب ياهل يشبهك قول اميييين


علاوي :انا ريال هب ياهل انتي ما تفهمي (ويالس يسوي حركات بايده)


ضحكت ويت اطلع رهام تلحقني:شهدووووه يالسبااله اقول لج لا تطلعين قري مكانج اشفيج انتي تبين المشاكل وياه اعمامي


اشرت لها بعد اهتمام:ياخي ابي اسير البيت زين


رهام:عقب سيري ولا واحيتي اتملين منا


قلت:مو جي بس مليت ابي ابدل وريحتي تايحه


عطيت علاوي لرهام عسب البس البرقع .. لبسه وخذيت علاوي منها ..بطلت الباب وجفت شباااب جدام الباب ..قلت:درب درب عيال عمي ..


يعني منو بيكون غيرهم


لؤي:هييه انتي يسلمون الناس اوينه درب درب وياه ها البرقع


جفت عليه بعين وهو اشر على عينه وقلبه خبل ها يبي يفضحني .. جفت على باقي الشباب اتوقع اخوان الجوهره معقدين بعد هم


سمعت حامد ها اكبر عنيه بسنه ولا سنتين تقريبا:اعلومج بنت عمي عساج طيب وشخبار اهل مسقط؟؟


رديت:الحمد لله طيبين يسلمون عليك(انكت يعني بس ابي اسير انا مو فاضيه )


سمعت حمدان يقول:الحمد لله على سلامتج بنت عمي اعلومج صحتج عساج طيبه ..


قلت:الحمد لله بخير تسلم ..(اشر على الدرب)ممكن بطلع انا


لؤي:صج ما تستحين انتي زين سألي عن اعلومهم


جفت عليه ها اللوث بعين وقلت:لؤي مودي ضارب زين مو ناقصتك والله


حمداان:بنت عمي ما يصير تطلعين الرياييل محتلين الدرب


وقفت اطالعه وهو نزل راسه صج اني ما استحتي:انزينه شو يعني بسير بيتنا انا


لؤي:شههههد عاد الرياييل تارسين الحاره اتقولين يحجون.. يعني وين بتخطفين خلاص يلسي اهني


ضربت ريلي على الارض وانقهرت دشيت داخل وجفت رهام اتوايج جفت عليها بعين:شو عندج انتي بعد ؟؟


رهام تمسك قلبها:حشاج وقفتي قلبي اعوذ بالله منج


طوفتها ودشيت الصاله حطيت علاوي على الارض وفسخت عبايتي ..خذيت فوني من الشنطه واتصلت بالريم وين اختفت هاي


ردت علي:هاااي بنت خالي


قلت:وينج انتي وين اختفيتي؟؟


الريم:بالبيت لاه


شهقت:اببببيه متى مواحيه اتسيرين انتي وياه ويهج؟؟


الريم:الحينه انتي شو تبين خلصي


قلت:مشغوله شو؟؟


الريم:هيه عندي خط ثاني بسكر يلا ذلفي..


سكرت في شكلي وجفت علاوي يطالعني ابتسمت له:شو بلاك تطالعني


قام ركب الكنبه وقال في اذني شئ بس ما فهمته:انت شو اتقول؟؟


علاوي ركض ابعيد عني وهو يقول:اناا ريال ما اعيد كلامي..


سويت له مالت وقلت:سعاد اشفيه ولدج معلق على ريال كل دقيقه؟؟


سعاد:متاثر من ابوه وولد عمي حمدان شو بعد


ضحكت:هيه مرابع رييياييل اوينه ..

سمعت العيوز اتصارخ :خنسسسسسسسساء يبي الدخون اخلصي..


قامت تركض بالدخون وحسين يطالعها:اشوي اشوي بنت عمتي عن اطيحين على راسج


ابتسمت له:لا ما بطيح لا تحاتي


العيوز تزخها بعين:سكتي انتي سكتي (خذت الدخون منها بالقوه)هاتي عندج ما تعرفين شئ انتي


حسين يضحك:خفي علينا عيوزي يعني انتي يالي تعرفين كل شئ


العيوز:هيه على الاقل اعرف اكثر عن هاي الزباله..


ضحك حسين عليها واستحت الخنساء وقامت تسير..فقال حسين:بنت عمتي عيوزي ما تقصد تراه عادي اتسولف لا تاخذين بخاطرج


ابتسمت له وقالت:لا عادي


العيوز مطوفه الخنساء ولا جنها موجوده:اقول ابويه اسمع عدل دير بالك من العين ماشاء الله عليك انت احليوه تف تف تف


حسين يمسح ويهه:عيوزي اخييييج خيستني وخربتي كشختي ..


العيوز تضربه على الخفيف:خوز عني يلا رح الخطبه..


حسين:عيوزي ادعيلي الله يحفظني اخاف على جمالي الخلاب انا..


ابتسمت خنساء وهو جافها من بعيد وغمز لها..نزلت الخنساء راسها وابتسمت..طلع من البيت وسارت اتسكر الباب وراها..الا والعيوز اتهزبها:انتي ما تستحين تكلمين وياه وليدي جدامي؟؟بعد


مسكت الخنساء ضحكتها وقالت في خاطرها.."ها بس كلمناه جدامج عيل وراج شو بتسوين.."


العيوز اتكون يدة الخنساء ويدة حسين..ام لبنت وولد بس ماتوا اعيالها.. ام خنساء ابو احسين بحادث سياره مع بعض وما عندهم غير ضني واحد..ابو الخنساء متوفى من زمان على حسب علم الخنساء ..واما ام حسين معرسه وعايشه في الباطنه بعيد عن اهني..

قلت بصوت:خيييييييبه تخيبه ان شاء الله ..باجر ملجتها..وبعد خلي عرسها ورا باجر مو احسن


سعاد:عرسها راح يكون بعد اسنين لين ما تكمل العمر الطلوب


سويت مالت:عسب جي اتيبون درزن اعيال..ابوي الحمد لله اني عايش ابعيد عن اهني ولا جان انا الحينه ام لعشر اعيال


ضحكت سعاد وقالت:لا تقولين جي شهود ترا ها الشئ عادي صار خلاص


قلت بجمود:زين عادي عندج انتي بس غيرج ما عادي عنه.. انزين انزين اتخيلي لو كان احد منا يحب عيال عمه والمشاعر متبادله وتخيلي يعني انفصلوا بسبب ها الشئ شو بيكون شعورهم ؟؟


سعاد:عاد هاي قسمه ونصيب


خذيت الكارتون الكلينكس وضربتها وانا اقول:شو عليج انتي ماخذه الحب من زمان شو تبين بغيرج


سعاد:حرام عليج شهد لا تقولين جي بس احن متمسكين بعاداتنا وما نقدر نودرها خلاص


رفعت حاجبي:شو قصدج انا الضايعه الصايعه يالي ناستنها يعني بالعكس انا كل شئ يخص اهليه اموت عليه بس في اشياء ترا خلاص ولت وانتهيت من زمان ..ولازم نودرها..


سعاد:المهم شهود ما قلتي لي اعلوم اهل مسقط


جفت عليها شكلها تغير الموضوع عن نتضارب فابتسمت:الحمد لله تمام التمام اتسلم عليج..الا ليش ما تيوناا بدوركم اهناك دواره


سعاد ضحكت ورهام قالت من بعيد:يعني حسستني انه لج سياره اهناك ..


ضحكت:شو اقول ها حال الدنيا ..ليش ما يخلوني اسوق ما ادري والله حرام


اروى:اقول شهود استغفري ربج عن تكفري ..


ابتسمت :هيه .استغفر الله


سمعت صوت الشباب عند الباب :هود هود يا هل البيت ..


كل وحده غطت بشيلتها ولبست البرقع..فسويت مثلهم .. دخل حمدان وهو يقول :السلام عليكم ورحمه الله


البنات+انا:وعليكم السلام


سعاد:هلا ولد عمي حياك..


حمدان:الله يحيج بنت عمي بس بغينا الوالد اذا تكرمتوا..


قمت انا وقلت:انا بسير اقومه..


رهام:عيل من الحينه اقول لكن ما راح تطلع شهود ولا ابويه العود


ضحكت وجفت نظرات حمدان علي فنزلت راسي مشكلتي متعود شو اسوي ..سرت صوب حجره يدي ودقيت الباب ..سمعته يقول بصوت:اقرب..


دخلت راسي بالاول وجفته ييلس على السرير:ابوووووووووويه العود انا شهود ييييت..


رفع راسه وجافني وابتسم فتح حضنه لي وقال:شهود بنتي حياج يا بنتي حياج اقربي


سرت صوبه وحضنته وبست راسه :متولهه عليك ابويه..


يدي:جان متولهه علي ليش ما تيني كل اسبوع..


قفطت وقتها وقلت:ابويه تدري الدراسه كروبات..


ضحك علي:قلت لج ايلسي عن يدج وبيعلمج اعلوم ها الدنيا ..خابرتنها انا ..


ضحكت وقلت:اقول يدي بسالك عيل امنوه مسوي الاضويه؟؟


ضحك يدي وقال:اديس ما ادري اديسنو


ضحكت عليه وقلت:انت امنوه معلمنك ها اوينك مجهز عمرك حق اسالتي يالعشاش


ضحك يدي وكح بعدها ..فخفت وقلت:بسم الله عليك يدي (يبت ماي وشربته)بسم الله يدي سمي واشرب بسم الله عليك


بست راسه وهو قال:ابويه لا تخافيين عليه ما فينه شئ انا,,تراني ريال ما يهزني جبل


ضحكت وقلت:والله ذكرتنه ها الولد الصغنوط ..الا يدي حمدان والشباب يبونك برا شكله بتسير الخطبه الغريبه هاي


نزل ريله وساعدته يقوم:هيه ابويه لازم اسير الخطبه انا العود


قلت اضحك:وايد خقاق يدي جاف عمرك ها اوينك العود


ضحك وقلت:ابووويه بسك خلاص انا ما بقول شئ عن تتعب من الضحك


ابتسم لي وطلعت لها دشداشه وقمت اركض ناسيه انه الشباب عند الباب عسب ايب ادخون ليدي..دشت الحجره مره وكان متلبس خلاص فيلست ادخنه واقري عليه وهو يقول:محد بيحسدني على ها البيض يالي تارس راسي..


بست راسه :فديتك يدي انت وها البيض..بعدك ابو الشباب وبعدين بيحسدونك على علمك ماشاء الله هههه


فجيت الباب ومسكته وانا مستانسه فيه فديتك يدي والله.. وصلته عند الصاله وفجيت عنه..


اروى:الحمد لله على السسلامه ..


ابتسمت:الله يسلمج..(همست وضحكت على الخفيف)لو بايدي جان خليت يدي يتزوجني ..خخخ ما يوني الخطاابين بعد


ابتسمت سعاد ورهام مسكت ضحكتها وبدور قالت بصوت عالي الحماره:اوه اثاريج مستعيله على الزواج وياه ها الويهه..


فجيت فمي ويت اضربها بوكس لكن الشباب بعدهم اهني واساسا استحيت اصد وراه ..وخايفه خوفا شديد انه عدول يكون موجود والله بيذبحني ..اول ما طلعوا ..قمت اعفد فوقها واعطيها كفوف بس ما مال بقوه يعني على الخفيف واخرب كشتها الحماره وهي تضحك علي


بعدت عنها:انتي شحقه اتقولين جي بصوت ها؟؟


بدور ترفع جتفها:ما ادري خخخخخ


رميت الخدايه عليها:سباااله وحده..


.


.


.

4)مريضة ومعقدة!

..اشعر أن الدنيا تخبطني في متاهات..لا ادري اين بدايتها ولا اين نهايتها..!!


....

..نظراتها تحوم حولين شخص واحد بس ما قدرت اتخوز نظرها عنها.. افكارها ترجع وتروح وهي اتجوف ضحكاتها وبسماتها..حست بالشخص يالي نطت ييلس ينبها:هاي..


جافت عليها ببرود:اهلين..


ريان:اوهو نوير طالعه حلوه اليوم مشاء الله


نورة:شكرا..


ريان تضحك :والله ما توقعتج ترضين تتمكيجين على ايد الريم اتصدقين عاد


نورة قالت ببرود :شو اسوي لج يعني ..


ريان استندت على جتفها وقالت بصوت هادئ:نوير ابي افهم اشحقه ها النظرات على شهود؟؟


نوره تلبكت وقالت:ماكنت اطالعها اساسا ..كنت اطالع الناس شو ابي في اختج


اشرت عليها وعلى نوره:هاي اختج مثل ما هي اختي يالغاليه..هههه المهم بسير ارقص(مدت يدها لنوره)تعالي وياي


نوره كشرت:اذا تبين تلحقين سلمى سيري ارقصي ..


ريان ضحكت وقالت بهمس:انا ادري انه انتي بودج ها الشئ


اختفت عن عينها بعدها ونوره فاجه فمها"شو قصدها هاي ؟؟"خذت نفس وهي تطالع شهد وبعدها صدت من لاحظت نظرات ريان عليها وهي اتناظر لها وتغمز فصدت الصوب الثاني..

كان يالس في حجرته وهو يصيح دموعه ما وقفت من النزول..قام اخذ جاكيته وقرر انه يهرب من الدريشه..بطله وياه يهرب الا ويسمع صوت الباب يتبطل..عرف انه امه راح تدش اهني فقام يسكر الدريشه ورمي جاكيته ..انسدح على السرير وغطى عمرها..


دخلت الجوهره الحجره بعد ما انتهى الملجه كان تفكيرها كله في حمد شو يسوي بروحه طلع من البيت او ما طلع كانت خايفه انه ما سمع لها بس تطمنت من جافته ضامن نفسه وراقد..سكرت الباب وسارت صوب حجرتها وهي تتافف كانت كارهه شهد كره على انها ما اعتذرت منهاا بالكلام يالي قالته ولا حاولت اتقرب صوبها لا تتشمت فيها..كرهها انه ولدها يطلع جدامه الناس ها سببه ..ما تبي احد يعرف عن حياتها يالي تدمرت بسبت هاا الزواج ..والاخس شهد..ليش اتحس انه شهد تعرف "عيل ليش قالت ها الكلام لي ليش؟؟

..دشيت البيت وانا اتافف..رحمتج يا سوسن والله رحمتج..نظراتها تدور وتدور حول ناس ما تعرفهم تصفيق ورقص هي مو فاهمه السبب ..عبالها عيد ميلادها ما تدري انه نهايه حياتها كانت بها الملجه الغبيه..خذيت نفس ..صار يالي صار ومالنا كلمه من بعد ها العم الله يسامحه بس الله يسامحه..


دشيت الحجره ورميت عبايتي على السرير..وطحت انا من بعده ..تنهدت وانا اغمض عيني من التعب..مو قادر ابطلهم فيني رقاد..سمعت صوت موبايلي ..وتعايزت اسير له مالي خلق..بس لما حسيت انه الرنات ما راح توقف ..قمت وجفت الموباييل ..ما ادري ليش كنت متوقعه لؤي بس ما طلع هو ..رقم غريب ما ادريه ..ضغطت على الزر ارد


وقلت:الــــو..السلام عليكم..


ما سمعت رد..كل يالي كنت اسمع له هو صوت انفاس ..تخرعت :منوه وياي ؟؟


:.......(وماشئ رد)


سكرت الفون ورميته وانا متخرعه منوه ها ..ما ادري ليش خطر على بالي التهديد..طوفته وحاولت ما افكر وايد ولا ما برقد ..خذيت ملابسي عسب اسير اتغسل وارتاح من كل ها ..


في صباح يوم الثاني قمت وانا مدوخه على الاخر..سمعت صوت امي تناديني ..فنزلت من فراشي وانا اطالع البنات رقود..طلعت من الحجره و لبست الشال على راسي عن يطلع لي لؤي في اي لحظه بعد هو ينام اهني ..جفت امي وجفت الساعه..كان 8 الصبح ..


صبحت عليها وبست راسها ..ادري بعدها ماخذه بخاطرها مني بس مع الايام تنسى ادري بها امي ..


قالت لي:شهد قومي تسبحي ولبسي بتسيرين وياه بنات عمج


استغربت:وين انسير؟؟


امي:شهد قومي وانتي ساكته..


تنهدت:ان شاء الله الحينه..


سرت وسويت مثل ما قالت لي امي وطلعت بعدها وانا البس البرقع..سمعت صوتها من وراي :وين سايره انتي هيه؟؟


جفت عليها وابتسمت:صبااحو ريون ما ادري امي تبيني في حيايه



ريون تصارخ:امي انتي ما تبيني وياه شهود تراني بعد ابي اسير


امي:رياان قومي دشي حجرتج وياه ها الكشه ..


ضحكت ريون ونا ابتسمت عليها فديت اختي انا ..:ها امي جاهزه انا..


امي:سامي ولد عمج بييكم الحينه وبتسيرين السوق وياه بنات عمج حق عرس سلمى تتشرون لها هدايا عرسها..


تنهدت هيه يعني باجر ما بسير الجامعه ما علي يولي ..خلي الدكتور مصطفى يحترق بارضه..طلعت من البيت بعد ما سمعت هرن السياره ..وركبت وانا اسلم عليهم ..ردوا السلام..ومن بعدها حطيت راسي على الجامه وغمضت عيني ابي اكمل نومي


دزتني رهام:هيييييييه لايكون بتنامين


قلت بتعب:هيه بخاطري والله فهدوء ارجوكم..


سامي ولد عمي اخو البنات الوحيد..قام وشغل المسجله مالت سيارته يغايض بي ..هو كله جي ..يحب ينكد بحياتي ..ما رديت مافيني بارض له قسم بالله..


سامي:افا بنت عمي ما سويتي زغاريط اليوم؟؟


قلت:تعبانه ومالي مزاج لك صدقني..


سامي:سلامات ما تجوفين شر ..


مارديت ..بعد ما وصلنا السوق يلسنا نتشرى لسلمى الهدايا .. بس تدرون ودري اجوفها وايلس وياها بس ماشئ مجال..


تذكرت شئ وسالت البنات:بنات وينه ولد الجوهرة ما جفته من زمان ..حتى نسيت ويهه ..


اروى:والله اتصدقين حتى انا من فتره اطويله مو جايفته كبر ولا بعده شو صار فيه بس الجوهرة اتقول هو وايد وياه ابوه وجي..


ماقلت شئ بس الغريب يعني وايد وياه ابوه شو تعني ما انجوفه احن لانه وياه ابوه..بس ما تهمني..



اروى:شهود تراج ما اعتذرتي من جوهر موب زين اتحطين في خاطرها..


اشرت بعدم مبالاة:ما تهمني اتولي ..


هزت راسها مستنكره مني ها الاسلوب وانا ما عطيتها اهتمام ..من خلصنا سرت بيتهم ما ادري ما دقني مزاج اسير بيتنا بعدين بيتهم كله بنات ما عدنا سامي يالي في خبر خير ..من قطنا سار وما جفناه..

كانت يالسه تغسل المواعين وهي اتفكر..وتفكر ..لين متى بتسكن اهني ..ابتسمت لما حست انه مالها غير ها البيت يؤويها..غمضت عينها من حست انه العيوز تناديها ..وتصارخ ..تركت يالي بيدها وسارت لها ركض..


العيوز:وينج انتي مساعه اناديج ما تسمعين ما تسمعين؟؟


الخنساء:اسفه يدوه بس كنت اغسل..


العيوز تضرب بخنزرانتها على الارض:وشو يعني شو يعني ما تقدرين اتين لي ما تقدرين؟؟


الخنساء منزله راسها:اسفه يدوه ما بعيدها مره ثانيه..


العيوز:اصلا اذا عدتيها اتجوفين الويل مني ..(اشرت على الصنيه يالي جدامها)قومي خذي ها لجارتي ام سويلم..


بلعت ريجها هي ما تحب تطلع من البيت:الحينه؟؟


العيوز:لا باجر ..طبعا الحينه يلا قومي يلا..


اخذت الصنيه وهي تنهد ..سارت تلبس برقعها وعبايتها وطلعت من البيت ..نظرات الناس تدور حولها..ضحكات وهمسات..مزعجه..كان ودها اتصيحن على ها المعامله القاسيه من الناس..بس ابتسمت لما حست انه يدتها اتعاملها جي عيل شو عن الناس..دام اقرب شخص لنا يعاملنا بها الاسلوب فالناس راح اتجوف عليه بنظره مو حلوه..جنه مذنب في شئ ما اقترفه..ودها تعرف خطئتها يالي سوته عسب تكرهها يدتها ها الكره..من يوم ولدت وهي تعامل بها المعامله الكره ونظراته في عيون العيوز..حتى لما امها كان على قيد الحياة ..كان تعاملها بكره بس موب بقسوه ..والسبب تواجد امها..عجزت تعرف السبب يالي يخلي الناس تتهامس باسمها طول الوقت ..وجنه مافي احد بالدنيا غيرها..


وصلت بيت ام سالمم ودقت الجرس ..طلعت بنتها يالي نظراتها بنفس النظرات ..جنه زباله غير مرغوب بها..


الخنساء:السلام عليكم..اعلومج خيته..


اخذت منها الصنيه وسكرت الباب في ويهها..نزلت راسها من الاحراج يالي لاقته من معامله بنت ام سالم ..تعالت الضحكات في الحار ..دام انها حاره اصغيره والبيوت متشابكه وقريبه من بعض ..الممرات اصغيره و اي احد يقدر يطالع الثاني..طاحت دمعه من عينها ..وكلمت طريقها للبيت بالم وحرقه في قلبها..ليش يعاملوني جي شو سويت انا شو؟؟

طلعنا على العصر من البيت انا ورهام ..خذيت من سعاد ولدها حبيب قلبي علاوي..فديت قلبه ها الولد...سرنا الدكان بس علاوي منعنا ندش.. مع انه ممنوع نمشي من دون ريال وجي ..بس علاوي ويانا لاه..


علاوي:ما تدخلون انتوا انا ريال انتوا حريم انتظروا اهني انا ريال..


ضحكت وقلت:زين انت تعرف احن شو نبي؟؟


علاوي همس لي عسب رهام ما تسمع:شو تبي؟؟


ضحكت عليه اكثر وقلت:قوم خليني بشتري..


علاوي معصب:والله لا دخلتي بخنزرانه


رهام مايته ضحك:اقول لج ماخذ من يدي حركاته خخخخ


علاوي ياشر لها:عيب عييب لا تضحكين ما تجوفي ريييييايييل اهني..صخي عيببب


نزلت لمستواها وبسته بقوه :فديت الريال انا..


علاوي دزني بقوه ومسح خده:انتي ما تعرفي ..انتي ما تعرفي انا ريال ما يصير اتبوسيني قومي عني قومي


ركض ودشت الدكان وانا ورهام نضحك عليها فديت قلبه ها الصغرنون ريال اوين..طالعت رهام وقلت:رهوم شو راج انسير بيت الجوهره؟؟


رهام:وليش بتسرين لها؟؟هي تي لين عندج..


رفعت جتفي:زين ابي اسير ياخي فيها شئ ؟؟


رهام تطالعني بعين:بتعتذرين..؟؟


هزيت راسي بس عسب اسكتها:هيه بعتذر..المهم تدلين بيتها ولاه؟؟


رهام:هيه ادله بس تدرين من زمان ما سرنا له ..وهو بعيد عن اهني بكم شبر يعني..


طلع علاوي ومعاه كيس بيبسي شهقت لما جفته ياخذ حقه ويعطينا الكيس..قمت خذيت منه البيبسي وانا اقول:هييييييه انت شو بتشرب ها مينون انت شو؟؟


علاوي معصب:يبي انا ريال..


هزيت راسي:زول ما تشربه شو ريال صدعتنا وياي تشرب بيبسي..(نزلت لمستواه)حبيبي انت البيبسي حقك موب زين انت صغير بابا..


بعد ايدي عنه وهو مبوز:قومي عني ما حبج انا..


بسته بخده بقوه فديته لما يعصب:زين ازعل علي عادي موب مشكله اهم شئ صحتك انت..


يلسنا نمشي وهو يمشي ورانا مايبيني اوينه واحن نشرب البيبسي ..شريت له عصير بس مارضى ياخذه وخليته على راحته..كان يقول في الدرب:برد بيتنا..وبرد بيتنا..


عصبت منه لماا حاول يسويها وهو ادموعه اشوي وتطيح ..يعرفني لما اعصب ما العب وياها..مع انه كسر خاطري بس السيارات ماليه الدرب اخاف لا حد ياخده فديت قلبه..


وصلنا بيت الجوهر وانا اطالع البيت..كشرت :اهني هيه عايشه؟؟


رهام:هيه اهني ..


قلت:وانا عبالي ريلها مال خقه وسوالف..


رهام:شهود لا تعايري عاد..


رفعت جتفي:موب معايرتنها ..(اشرت لها)يلا خلينا انسير لها..


قبل ما نقرب صوب البيت جفت واحد يحاول ينط من الشباك واشرت لرهام:منوه ها رهام ..في حد يحاول يهرب..


رهام شهقت:لا يكون ولدها ..


انصدمت اكثر:ولدها يهرب من البيت ..


قام يركض وهو ياي صوبنا ..جفت على جوهر تطلع من البيت وهي اتصارخ باسمه:حممممممممممممد حمممممممممد رد اهني ولا والله اكسر ظهرك رد اهني...رددددددددددددددددد..


ما ادري كيف مسكته لما مر من صوبي بس مسكته وهو يحاول ينفك مني ..جفت الدموع بعينه:وخرني عني خليني بهرب من اهني ما ابي اعيش اهني..


ًصدمت وصدمت رهام كانت اكبر مني شو بلاه الصبي ..بعدين ها ولد جوهره؟؟


نزلت لمستواه ومسحت دموعه:شو بلاك حبيبي انت هدي الحينه وما راح يصير الا الخير يلا تعال انسير البيت..


كان يهز راسه..ودموعه تنزل وحده وراه الثانيه..:ما ابي اعيش اهني ما ابي اعيش اهني..


كسر خاطري من هاي المريضه النفسيه قربته صوبي وحضنته من جنب واحن سايرين صوب الجوهره..يالي كانت معصبه ومفوله على الاخر..قالت وهي معصبه :حممممممممممممد تعال اهني ..


جاف علي خايف شكيت شو مسويه فيه هاي فقلت:انتي شو مسويه فيه..رعب عنبوج من ام بس في ام جي تمنع ولدها حتى من الطلعه؟؟


الجوهره صرخت:هييييييييييه انتي مالج شغل ببيتي وولدي فاهمه خلج بحياتج..


عصبت منها بس حبيت ارفع ضغطها:هيييه لانه حياتج مقلوبه فوق حدر عسب جي انتي موافقه زواج مال صغر سن عسب الاهل يتعذبون مثلج مو انتي متعذب وتبين الكل يكون مثلج يالانانيه..


الجوهره تطالعني بعين :حممممد لا تعصبني اكثر من جي وتعال اهني..


مديت ايدي له وقلت:حمد تعالي ويانا بنسير الدكان ونشتري وايد كاكاوات وحلويات شو رايك..


نظرني بنظرات بريئه مسكين ها الولد ..مسك ايدي وهو يطالع امه بالم ..المريضه النفسيه ..وقبل ما نسير قلت لها:انتي معقده ومريضه نفسيه قومي عالجي نفسج ولا في ام اتسوي في ولدها جي فيه؟؟


تحركنا وبعدنا عنها وهي تصارخ بحمد مو قادره تطلع من البيت وتيي صوبنا ليش ما ادري ..استغربت من اسلوبها وجفت على حمد يالي حاول يبتسم ويمسح دموعه..قلبت راسي وجفت علاوي يطالع ايدي وايد حمد بعين ..شكله الولد غيران لأني ناسيته..خخخ ايب عينك علاوي انا ايبه لك ..


رهام بلوم:مو جنج غلطتي بحقها مره ثانيه..


تاففت:لا ما غلط ولا شئ ما تجوفينها هاي متخلفه قسم بالله


رهام:ولو شهد تراه ولدها وانتي ماخذتنه من دون اذنها


حمد:انزين هو ما يباها!!


رهام:تراها امه مهما كان وانتي معاندتها ومسوي فيها الام تراه ولدها واكيد المصايب بطيح فوقج عقب مالج حق تاخذين الولد


اشرت بعدم اهتمام:جوفي امه مريضه ومعقده ومتخلفه ما غلطت ابد يوم سميتها جي والحينه اكدت لي بتصرفاتها حق ياهل عمر 8 سنوات بس ..المهم اتولي وخليه الولد يستانس اشوي ..


سكتت وماردت علي شكلها ما عايبنه الوضع وعلاوي بعد ..فطوفت الاثنين ويلست امشي حمد واسولف وياها..ابتسمت لما جفت ابتسامته ..وعيونه تبرق ..الدموع تختفي من عيوونه..شئ خلاني ارتاح..حسسني اني سويت الصح..

كانت ..تروح وترد مكانها جنه الدنيا مو واسعتنها من كثر الغضب يالي مالينها من شهد.."كيف تسمح لعمرها تاخذ ولدي من دون حتى اذني ..؟؟منوه هيه منوه؟؟والله لوريها "ضربت ايدها بقوه على الطاوله حسيت بالالم بس ما اهتمت للموضوع كل همها ولدها ما تبيه ينطق بحرف واحد لشهد..ما تبي احد يعرف عن حياتها ولا شئ ..جافت جلاس جدامها ..مسكته وهي اتقطه على اليدار من العصبيه..جافت على الساعه يالي تشير الى 6 المغرب.."لحد الحينه ما رد لين الحينه وين اخذته هاي وين؟؟"


انفتح باب البيت ودخل بخطواته الهاديه..جافته وعصبت اكثر واكثر ..قربت صوبه وهو حاول يركض ويبعد عنها..لكنها ركضت له باسرع ما يمكن ..ومسكتها من اجتافه بقوه وصرخت فيه:انت منوه سامح لك تطلع من دون شوري منوه ها تكلم..


حمد ودموعه تنزل:خالوه شهد خذتني


صرخت بقوه:لا تقول خالوه هي موب خالتك فااهم هي موب اختي ها وحده قليله ادب وما تستحي على ويهها الكلبه..الحقيره..


حمد صاح بقوه لما حس انه اظافر امه بدت تشرخ جلده وتحاول تخترق لحمه..بعدته عندها بقسوه وصفعته كف قوي خلاه يطيح بارضه..ما كفاها ها يلست تضربه وتصفعه وترفسه جنه تطلع قهرها في شهد باسلوبها المنرفز..كان يصيح ويصيح..ومافي احد بيساعده..انفتح الباب ودخل ابوه بس كانت حالته ما تسمح انه يقرب من ولده..فابتعد ودش حجرته وبعدها طلع من البيت..صوت صياحه حمد ما رقق قلبه على ابوه ولا حنن قلب امه عليه..بعد ما طلعت كل غيضها ..رفسته وهي اتقول:روح حجرتك ويا ويلك اذا فكرت بس تطلع منها فاهم ولا لاء (صرخت )فااااااااااااااااااااااااااااااااااهم ؟؟


هز راسه بخوف وسحب عمره لصوب حجرته يصيح ..لمس خشمه وحس الدم ينزل منه اخذ انفاسه وهو يحاول يخبي صوت بكاءه ..سكر باب الحجره وحضن نفسه بقوه ..ما كان يتمنى يرد البيت ..لكن اصرار شهد عليه هو يالي اقنعه ..وتمنى وقتها انه هرب ولا رد ..لانه انسان غير مرغوب فيه..مثل ما هو يفكر..


.


.


.