#poem_50fe8c6359a0b td {font-family: Simplified Arabic;font-size: x-large;font-weight: bold;} يوم جيت المنتدى هب النسيم مصدره منكم يا أغلى بشر كني جالس متكي والجو غيم بين ورد وبين حبات المطر مرةً يوقف ومره صار ديم يا حلاة الصبح يا زين السهر جيتكم بي شوق والله به عليم مثل غصن ٍ ما ارتوى كمّل شهر وانشدك وادري عن لغزي هشيم ان رمعت اللغز صاير به خطر كلمة ً ماظن صاحبها رحيم وان بغيت العد محسوبه عشر له قبيله تحمله وانت الفهيم وله قبيله بآخره أيضاً ظهر اوله في الغرب ديره يا حكيم اربعه بالضبط خذ مني خبر ومنهو جاب الحل له فكرٍ سليم ما يباعد دام له فكرٍ حضر واللي راح بعيد في جوٍ عتيم الوكاد انه في ضلعٍ حمر



مع تحياتي وتقديري
ابو اسامه - خيمة الالغاز - منتديات مكشات