كانت تشوف عداد السرعة يزيد و تشوفه يطالع الساعة و هي بهدوئها و قلبها يدق بسرعة
نوف "ويين بيوديني , لا يكون بيوديني المحكمة يطلقني لا لا ليشي وديني فليل المحكمة إذا يبا المحكمة يسير بروحه ماله داعي يشلني ويآه , آكيد عصب مني و بيوديني مكان محد يشوفني فيه و يذبحني هئئئئ مستحيل مستحيل أصلن يحبني ما يروم يسوي جي"
نوف بهدوء : وين سايرين
صد صوبها طالعها خايفة و رد يشوف الدرب و مب مسولها سالفة أما نوف قلبها يدق طبول و دموعها تنزل و تمسحهن
حمدان : ليش جي خايفة ؟
نوف : أنت تخوفني
حمدان ببرود : ليش ؟
نوف : وين بتشلني ؟ قول لا ترمسني ببرود
حمدان يبتسم بخبث : بوديج مكان محد يشوفنا فيه و بذبحج و بفتك من سخافاتج
نوف بنفعال : انا كنننت حاسسسه بالهههشيي يالححقيييييير
حمدان : ههههههههههههههههه شفيج صدقتي بسم الله
نوف صاحت : بس ععآد تححب تلععب بأعصاببي
حمدان ما رد علييها عقب ساعة وصل المطار
حمدان : يلا نززلي
نوف : ليش يايبني هنيه
حمدان : كنسلت ويزتج بردج سيرلنكا بلادج
نوف بتسمت غصب : لا و الله
حمدان : ههههههههههههههههه يلا نزلي بنتأخر !!
نزلوآ من السيارة
نوف : حمدان لا تتمصخر قولي ليش ياين هنيه ؟؟
حمدان : ليش الناس إيون المطار ؟؟
نوف : عشان يسافرون
حمدان يبتسم : عيل نحن بنسافر
نوف : هئئئئئئ تتمصخر ؟؟ ليييش وين تبى توديني و بنتي
حمدان : بس بس عنبوه شياج
نوف : انت ترمس جد ؟؟
حمدان شق الحلج : هيه عيل ليش يايبنج المطار
نوف تحاول تستوعب : يعني بنسافر انا و انت
حمدان : ههههههههههه و الله أنج هببله أنا من ساعة شقول
نوف : بس نسافر بدون أغراض
حمدان : ما عليج أنا ضبطت كل شي اليوم تأخرت لأني كنت أشتري لنا أغراض
نوف "بعده يحبني سوآ كل هذا عشاني خلاص و أنا بسني عننآد أصلن عقب ما زيغني اليوم تأدبت "
حمدان : بنعييد شهر العسل
نوف بتسمت : يعني لو شلينا فطيم ويانا أحسن
حمدان : اقولها بنسر شهر عسل تقولي فطيم أمشي أمشي عن نتأخر
نوف : آنزين وين مسافرين نحن
حمدان : ههههه ليش جي مستعيلة بتعرفين إن شاء الله
.
.
.
الصبح
منصور : تسسلم إيدينج ما شاء الله طباخه
هند تبتسم بدون نفس : بالعافية
منصور : سلمى روحت المدرسة ؟
هند : هيه من ساعة مروحه
منصور : أنتي شفيج ؟
هند طالعه : ما فيني شي
منصور : ما ادري أحسج مب مرتاحه
هند : لا
منصور يطالعها : يبين عليج يوم تجذبين
هند طالعه
منصور : يلا قولي شفيج ؟
هند : بصراحة مب مرتاحة مب حابه وضعي فهالبيت أنا ويا واحد غريب إذا أي واحد عرف شبيقول عني بيقول هذ وحدة صايعة "تنزل دموعها" كآرهة الددنييا بكبرها أحس الموت أهون من عيشتي

منصور : آفآ شو هالرمسه
هند : منصور أنت ما تحس بالي أحسه
منصور تم ساكت و يفكر : بس إذا عشنا رباعه بالحلال بيغير إحساسج
هند قلبها يدق و طالعه : كيف يعني ؟
منصور يبتسم : نتزوج
هند تبتسم بسخافة : أنت تتمصخر و لا شو أهلك بيرضون فيني أنت شو تعرف عني ليش واثق فيني لهدرجة
منصور : صحيح أنا عشت وياج فترة صغيرة بس فيها عرفتج يوم تصدقين و يوم تجذبين
هند : بس انا مب موافقة ع هالحل
منصور : ليش ؟
هند : لا تفهمني غلط أنت ريال و النعم فيك و ألف بنت تتمناك بس أنا صعب أرضى فيك
منصور : تحبين
هند : لا و الله محد فحياتي و لا حد بعد دخل حياتي
منصور : عيل ليش ترفضين ؟
هند : لأنك أنت تحب أنكر هالشي بعد ؟
منصور سكت
هند تبتسم : شفت
منصور : بس انا و هيه مستحيل نكون ل بعض
هند : ما في شي مستحيل دامك تحبها
منصور : بالنسبة لي في
هند : شو ؟
منصور : ما أبا أفتح شي جديم
هند : آسفه جان ذكرتك فيها مب قصدي و الله
منصور : ما بسامحج
هند ستغربت : ليش
منصور : جي لأنج ذكرتيني فيها بس في مجال أسامحج إذا بتوافقين نتزوج
هند : رديت و قلت زواج
منصور قام : أنتي فكري "طالع الساعة" يلا أنا بسير دبي عند الأهل ديري بالج ع نفسج بحاول أرجع باجر
هند : لا لا ترجع خلك و يا أهلك هم أولى
منصور : كيفي ياخي متى برد
هند بملل : انزين
منصور : يلا فمان الله
هند : ساير لا تستعيل الدنيا ضباب
منصور : أحب خوفج علي
هند حمرت : يلا روح
منصور : زين مع السلامة
.
.
.
: ي قوآت عيييينج يا ميرووووووه
ميرة : هههههههههههه حبيبتي أسوي المستحيلات
: يالله لو سيف درى
ميرة : هههههههه و انتي كله عندج سيف أظن لو درى بيقولج ما تيلسين و يايه يسويها دامه جي يمشيج ع مزاجه
: إذا بيسويها الصراحة الحق ويييياه لأنج صدق قويه عين
ميرة : أنتي ما تحسين و الله انا حزينة ف قلبي , المهم هالسفرة تكون خيره له و ينسى فيها مزنة و طوايفها
.
.
.
يدوه : زين يوم نزلتي من مقامج و يتينا
حسنا : الله يسامحج يدوه
يدوه : أبركلج يوم قلعتي هالجامعة و جابلتي كتاب ربج هذا إلي بينفعج
حسنا تبتسم
يدوه : هالطريق الصح الله يثبتج ع الطاعة
حسنا : آمين يدوه
"يندق الجرس"
يدوه : قومي طاعي منو ها إلي ياي ؟
حسنا قامت و سارت تشوف منو ع الباب فتح الباب
حسنا طلع جدامه ريال طويل و كتوفه عريضة حنطاوي ما عرفته منو و صدت بسرعة و تغشت
............: السلام عليكم
حسنا : و عليكم السلام و الرحمه , منو أنته ؟
............: ما عرفتيني أصلن حتى انا ما عرفتج منو انتي
حسنا : لا و الله منو انتي بعد أسميك قليل الأدب
يدوه من ورى حسنآ
يدوه : خلييييييييييييفة الغغغغغالي "و تلوي عليييه"
خليفة : فديتج يدوه شحالج ؟
يدوه : يالله فديت ريحتك يا وليييدي القاطع
حسنا واقففة منصدمة "متغغير 180 درججة"
.
.
.
مريم ماسكة البيبي مالها و طالع التحديثات شافت طيف حاطه صورة أخوها زايد فتحتها و تمت تطالعه و تتأمل شكله
حصوه من ورها : بسج كلتي الريال بعيونج
مريم فزت : الله يخس بليسج روعتيني

حصه : يا السسلام طلععتي تحبين من وراييه بعد
مريم : جب شو أحب بعد "سكرت البيبي"
حصه مسكت فونها : أنا لازم أخبر طيفوه عيل فالمدرسة تقولين أونج ما تحبين أسميج تكابرين من ورانننآ و انتي مييته فييه
مريم : يوييييلج حصوه
حصه تربع عنننها و مريم ورهآ لين دشت حجرة حسنا و قفلت الباب
مريم ادق الباب : يويييلج يا حصصوه مني لو خبرتيها
آمآ حصه اتصلت ل طيف
" طيف كانت تتمشى ف المول و يا زايد تبى تاخذلها كمن غرض ناقصينها "
طيف تصد صوب زايد : ها يحصوه متصلة ما أحيدها تتصل هاي زطية بالرصيد
زايد : زين ردي شوفي شو عنندهآ ؟
طيف ردت : هلا حصووه
حصه تتنفس : آخخ آخخ ما تددرين يا طيفوه شو اسستوآ
طيف تروعت : بسم الله شو مسستوي ؟؟
حصه : مريوووم
طيف : شو فيييها مريوم شي فيييها
زايد طالع طيف بهتمام
حصه : هههههههههههههههه طلعت تحب أخوج
طيف : ههههههههههههههههههه حسسسيت لآه
زايد : شو في ؟
حصه : تخيلي دخلت عليها و هي تتأمل صورت أخوج إلي حاطتنها ديبي ما خوزت عينها عن الصورة
طيف : مععقول ههههههههههه أسميها مرييوم
حصه : من وررآنننآ
مريم من ورى الباب : خبرتيييها ؟؟
حصه : هههههههه هيه خبرت
مريم : خسس الله هالوييه
حصه : ههههههههه يالله باي ما بعبر رصيدي عليج "وسكرت ف وييها"
طيف : آسميها زططيه هالحصه
زايد : انتي قوليلي شو فيها مريم
طيف :بقولك بس بشرط
زايد : شو ؟
طيف : تقولي أمس شو قلتوآ ؟
زايد : ف أحلامج أقولج
طيف : عي لانا بعد ما بقولك
زايد : خلاص اصلن طابت النفس مابا أعرف
طيف تبتسم : انت الخسران
.
.
.
" آخخ يا ددبي أسميج تردين تذكريني بويع قلبي إلي أحاول أنساه يليت أقدر أمحي حبج يا حسنا من قلبي و أكمل باقي حياتي بدونج يليت "
يقطع حبل أفكارة الفون يمسكه و يشوف هند متصلة
منصور : تولهتي علي
هند : آوننننه تولهتي علي
منصور : ما أدريبج ما كملت ساعتين من طالع و تصلتي
هند : وصلت و لا لا ؟
منصور : شفتي انج خايفة علي
هند : أبا أعرف ليش تحب تلعوزني
منصور : آنزين عترفي
هند : هيه خايفة لأن الطريق ضباب
منصور : ههههههههه بس
هند : هيه بعد شو
منصور : ما في شي ثاني
هند : اسميك ما عند سالفة باي "وسكرت"
.
.
.
خليفة : يدوه هاي "يأشر ع حسنا" قالتلي قليل أدب عند الباب بس لأني سألتها منو هيه مالت عليها
يدوه : ما عليك مننها هاي "طالع حسنا" حد يقول جي لولد عمه
حسنا : ههههههه آنزززين شدرآنني آنا أنه خليفة
خليفة يبتسم و يطلع التقويم و شكله يخبل : الحين ممكن نتعرف
يدوه تضربه بالخفيف ع ريله : وآبوييييه عليك شو نتعرف بعد
خليفة : ههههههههههههههههه أذكر أسامي بنات عمي بس ما أذكر أشكالهم
حسنآ : آنزين أحزر أنننآ منو ؟؟
خليفة : ميرة خت سيف
حسنا : لا ججد ما يخصصنآ ف بعض
خليفة : بس ميرة أحيدها الطويله شرات بنت عمتي الخوافة ناسي شسمها
يدوه : يزايييه يزايييه الخوافة
طلعنا أنا و ميرة من الحجرة
ميرة : خليييييييييفة شحححآلك
خليفة : الحمد الله انتي شحالج من هالطول عرفتج أنتي ميرة
ميرة طالعه : يالله يا خليفة من زمان ما شفتك و الله لو حلال جان لويت عليك
يدوه : وآبوووويه عليييج يالسسبالة
ميرة : و الله استهبل قسم بالله
ضحكنا كلنا ع هبالها
خليفة : و الحلوة الثانية منو ؟
يدوه : وآبويييه عليك شياك تتغزل ف بناتنا , هاي حرمت سيف لو يدريبك قص لسانك
خليفة : آوب آوب "طالعني" لا تقوليلي أسمج خلاص
: ههههههههههههههه أنننآ اليازية بنت عمتك
خليفة : أييييييوآ أنتي الخوافة , و عرستوا انتي و سيف ؟
: لا ما عرسنا ملجة بس
خليفة يبتسم : الله يوفقكم "يصد صوب حسنا" أنتي حصة
حسنا : لا حشا بس لا تحزر أنا حسنا
خليفة صد صوب يدوه : من متى شي عندنا بنت أسمها حسنا
حسنا : خيبه قلت نسيت شكلي بس عنبوه لا تنسى أسمي
خليفة : هههههههههه ناسنج أنننا أذكر مريم و حصه هالهنتين كانن يرفعن ضغطي
حسنا : هههههههههههههه
.
.
.
حصه طالعه من الحجرة بحذر جان تشوف مريم يالسه ع الغنفة و طالع صورة زايد
حصه : بسج بسج
مريم طالعها بجدية : طيف سخيفة ليش تحط صورة أخوها و هي ظايفة بنات ما تعرفهن
حصه : ههههههههههه أوب أوب كيفها أخوها
مريم : لا و الله شو رايج أحط صورة أحمد الحين
حصه : هئئئئئ يويلج تححملي !!
مريم تمسك البيبي مالها : نفس ما تغايضيني بغايضج
و تربع مريم و حصه و راها
أحمد : شوي شوي
حصه تعدل شيلتها : أحمممد شوف أختك
أحمد يطالع مريم : شو فيكن
حصه : تخيل تبى تحط صورتك ديبي جدام البنات عشان يطالعنك
أحمد يبتسم : أنزين بتخيل
حصه بقهر : أحمممد
أحمد : ههههههههههه حصوتي تغارين
حصه : لاا "تنزل من الدري و هي معصبة فووول"
أحمد : هههههههههههههههههه
مريم : علموها البقرة تغار بعد
أحمد عقد حياته : محد بقرة غيرج
مريم : لا تخاف ترى أنت الثور مالها
أحمد يرفع عكازته : لو حطيتي صورتي دي بي بالعكازة ع راسج
مريم : لا تخاف ما بحطها مالتت , آنت وين ساير
أحمد : بسير الملحق أسلم ع خليفة ولد عمي رد من السفر
مريم : صصدق بسير ويآك
.
.
.
أم حمدان : أبا أعرف هالهروم وين روحوآ
فتحية : خليهوم يا حبيبتي بيغيروآ قو
أم حمدان : جي بس يقولون للخدامة أنهم بيسيرون و البنت حليلها تصيح تبى أمها و أبوها و هم مسكرين تلفوناتهم يعرفوني بحاتيهم
يتصل رقم دولي ل فون أم حمدان
أم حمدان : ها مب من البلاد
فتحية : طيب ردي
أم حمدان : ألو
حمدان : هلا أمي شحالج
أم حمدان : و الخخيبة أنت مب فالبلاد
حمدان : ههههههه لاا أمي نحن ف فرنسا الحين
أم حمدان : شو مودنك هنناك
حمدان : نغير جو شويه
أم حمدان : عنببوه تسافرون و لا تخبرون زين عطونا خبر حشمونا شويه
حمدان : و الله جي قلنا بنسويها لكم مفاجأه , زين أمي نوف تسلم عليج
أم حمدان : الله يسلمها رد السلام عليها
حمدان : يوصل , آنتي امايه خبري حسنوه تيلس ويا فطيم تراها تسمع رمستها
أم حمدان : هيه حشرتني هالبنت و أنا قايله بخبر حسنا تي طالعها
حمدان : زين أمي ما بطول علي جيلا مع السلامة
أم حمدان : الله يحفظك الغالي
و سكر عنها
نوف : شخبارها فطيم ؟؟
حمدان : تدلع بنتج
نوف : لا تلومها أبوها مدلعننها
حمدان يطالع ساعته : زين يوم نشيتي من متى أوعيج حتى يوم وصلنا ما خليتينا نغير جو نسولف شوي سيدة رقدتي
نوف : زين كنت تعبانة
حمدان باسها ع راسها : يلا لبسي بسرعة بنطلع
.
.
.
سيف : ناصر أمس سافر
بو سيف : الله يحفظه
يندق الباب
السكرتيرة : في رجال برى بدو إياك
بو سيف : خليه يدخل
السكرتيرة : ما شي
دخل الريال : السلام عليكم
بو سيف : و عليكم السلام تفضل أخوي ؟
"كان شايب عمره ف الخمسين"
بو سيف : أقدر أخدمك بشي أخوي
.........: أكيد ما عرفتني أنا بو سلطان
بو سيف : و الله ما عرفتك ؟
بو سلطان : أنا عم اليازية
بو سيف و سيف نصصصدموا
بو سلطان : أكيد ما توقعت أي عقب هالسنين و أسأل عننها
بو سيف : هالسنين كلها و لا يت و الحين تطلع فجأه خير أخوي شبغيت , و بعدين شو يأكد أنك عمها
بو سلطان : يدتها تبى تشوفها قبل لا تموت
سيف : كيف نتأكد أنك عمها
بو سلطان يطالع بو سيف : أنا أخو جاسم أبوها انا علي ال ................
بو سيف : السموحة يا بو سلطان البنت عقب شهر عرسها
بو سلطان : بتعرس ؟؟؟
سيف : لا بتطلع تستعرض ع الكوشه
بو سلطان : ضروري يدتها تشوفها قبل لا تموت هي تعبانة
سيف : مشكلتها
بو سيف يطالع سيف : عيب الحرمه بتموت
سيف : أنا المسؤول عنها و مابا حرمتي "يطالع بو سلطان" تسير و يا هذا
بو سلطان كاتم غيضه من سيف : انا ما برد عليك
بو سيف : انت تدري لو درت الحين البنت يمكن يأثر ع حالتها ووضعها النفسي
بو سلطان : شوفوآ أنننأ أترشاكم ابا أحقق رغبة أمي قبل لا تموت
سكتوآ دقايق و سيف كان يفكر
" ع الأقل الحين عرفت منو أهلها و بيكون أحسن بعد لو عرفت ها الشي إلي أنا أباه"
سيف : خلاص أنا برمسها
بو سلطان رفع راسه و بتسم : و الله فيك الخير يا ولدي
.
.
.