أشوف البدر من حولي ، والبدر في داخلي عايش !

qɑιв 6єєг ♥ · #1 01-04-2013, 10:37 PM

أشوف البدر بعيني والنجـوم من حول البدر تهلي
......................... وانـــــــــــا عندي قلب صافي ، يشبه البدر والوانه
حبيبي لو تشوف النـــــــــاس كم هي من حولي
........................ تقول اني نسيت الكل وصرت انت الوحيد مضمونه
صحيـــح اشوف البحـر امامي ويتحدى هو وصولي
........................ ولكن دامك اقـــرب من البحر لأنفاسي وش معونه
بعيد مثل بعد المستوى بين الفقير وغني المالي
........................ وقريب مثـل قرب العضيد لعضيـــــــــده بحباً يصونه
....................................
~*{ السلام عليكم ورحمة الله وبركاته }*~
كيف الحآل اخواني وخواتي ..؟ عساكم طيبين ..

أولاً ولكم باك تو قلب طير .. هههه ..
وحشتووني بصرااحه اوي اوي << ما وحشتكم .. هههه ..
طبعاً كعادتي اذهب وارجع واذهب وارجع .. والله كريم ..
هو بصراحه انا كنت مسافره فصيف وبعدها رحت العمره ..
وكنت بسافر هالشهر .. لكن سافروا وماشلوني ..
يالله ما علينا ما يخالف اذا تخالفنا ويا الحظ مره ..
المهم وبدون ثرثره .. حبيت انزل لكم صور رحلتي .. لمنتجع الكوف ..
امم للي ما يعرف المنتجع / هو منتجع في رأس الخيمة .. وعبارة عن فلل وجي ..حجوزات ع حسب
الغرف .. يعني نحن كنا طالبين غرفتين .. وواااو بصراحه ..شغلهم عجييييب و استجاام ورااحه
نفسيه .. واسعارهم اوكي ، يعني لليوم 3750 درهم ..ويكون كل شي موجود .. واذا تبون غدا او عشى
او اي شي .. المطاعم مكوده من كل صوب .. وبعد الجووو غرااااام بليل .. وكل شي تمام التماااام ..
بس المشكلة الوحيييييييدة الاجانب .. ع العصر بتحصلونهم برع .. في حالة Xx ..
وبس هذا الي ما عجبني ولا البااجي وااااااو ..
ع العموم ما بطول عليكم .. اخليكم ويا الصووور ..

^^

الصورة الأخيرة .. تذكرني بهـ الآيه [ نار احاط بهم سرادقها ] .. مادري شو يخصه بس مخي عااد يستعبط مرات ..
وشسمه ابصراحه انصحكم تروحون وتريحوون الاعصاب .. كااان يوم جمييل جداً بنسبالي ..
والاهم من كل هذا يذكرني بناس ..
ع العموم انا انتهييت .. الحين عليكم الدووور ..
ابي تحطييم فردوود و هيك حماااس يعني ..
الان المنتدى مييت بصراااحه .. صحصحووه شووي ..

وما بطول عليكم .. اتمنى ان الي قدمته نال رضاكم وعجبكم..
وللي حابين يتواصلون وياي .. بيحصلوني هني !

سيداتي وسادتي ..
لكم تحياتي / قلب طير ..
.............
~*{ فمان الله }*~
[B]
__DEFINE_LIKE_SHARE__

الغضي الياسي · 01-05-2013, 02:03 AM

رأس الخيمه في سباق مع الزمن للتطور أكثر وأكثر .. عمااار يا دار القاسمي

وبعد منتجع نادي ريال مدير اضني بيكون من روائع رأس الخيمه القادمه

تصويرج وتقديمج للموضوع هو 5 نجوم قبل التقييم ..

اشكرج على الصور

وعلى تواصلج

الياسي
__DEFINE_LIKE_SHARE__

راقيه باسلوبيْ}~ · 01-05-2013, 04:08 PM

رووووووووووعه __DEFINE_LIKE_SHARE__

OuniQueO · 01-07-2013, 05:50 PM

وااايد نااايس ماا شااء الله

ابدااع الصرااحة

الى الامام دائماا

^^ __DEFINE_LIKE_SHARE__

حسبتكـ لي · 01-07-2013, 10:53 PM

يالبى

يالبى

يالبى

رآآكك وهلها

شسمه شحقآآ ماعزمتيني هآآآه هااه

صرآآحهه تصويرج طررررررر والمكآآن باين عليهه غآآووي

بس يباله جوو بآآرد ومغيم ماداني الحر والشمس وايد لاني خخخ

واللي عيبني انج قلتي رآييج فالمكان من كل النواحي عسب الغير يستفيدون وجي يعني

ماقصرتي صرآآححه ..

يعطيج العافيه ع التصوير والتنسيق الطيب الغاوي

لاعدمناااج

وان شالله نشووف لج مواضيع حلووه ثانيهه .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عايز رقمك برايفت وتتكلم دولى بسعر رخيص جداا لدقيقة ادخل هنا	محروم.كوم	منتدى أخبار المواقع والمنتديات العربية والأجنبية	0	06-24-2012 10:40 AM
حد عايز يكسب دولارات بدون صعوبه من شركات مضمونه جدا مش اقل 100 دولار يومي مش هتندم	محروم.كوم	منتدى أخبار المواقع والمنتديات العربية والأجنبية	0	09-29-2010 07:40 PM
البارحه في غبة البحر غايص	محروم.كوم	منتدى أخبار المواقع والمنتديات العربية والأجنبية	0	09-14-2010 11:40 AM
لا يفوتك نبذه ولا احلي من سمك البحر الاحمر والبحر الابيض	محروم.كوم	منتدى أخبار المواقع والمنتديات العربية والأجنبية	0	02-12-2010 04:30 PM
أشوف السمآ أقول ودي أشوف حبيبي	الحاير	عدسة الاعضاء , كاميرا الاعضاء	25	09-17-2008 10:16 PM