السلام عليكم ورحمة الله وبركاتة

هذا ياشياب الله يسلمكم من مبطي 30 سنه او اكثر كان معي ددسن غماره مكيف 0
اتفقت مع واحد من الجيران نروح ناخذ عمره بالددسن علشانه مكيف وكان الجو حار جدا

المهم اخذنا عمره وحنا راجعين بين عفيف والبجادية بعد الظهر لقيت اثنين ومعهم كفر قالوا خذنا للمحطه اللي قدام ركبو بالحوض ومشينا وبعد فتره وصلنا للمحطه وكان رفيقي يسولف بـ ابوناصر جارنا 0

طقو الصندوق وجنبت للمحطة ونزلو حطيت الددسن بواحد ومشيت وناضرت بالمرايه والا هم
ياشرون وفتحت القزازه واشرت لهم بايدي وكملت الطريق ظنيتهم يقولون شكرا 0

وصلنا الديره بالليل ونزلنا ونمنت ورحت للدوام وبعدين رحت اشتري جح من السوق
جيت احط الجح بالحوض ولا هذا عين ابوصبيح كفر الجماعة والله يوم ضاق صدري وش السواه
راعين الكفر ايش سوو0

وضيق صدري هاك اليوم ومن باكبر ما داومت ضايق صدري

ويلهمن الرحمن سبحانه تقول نزل علي وحي اني اسال فلان صديقي ملتزم وادور رقم تلفونه وازهم عليه ما لقيته وازهم اكثر من مره واوصي الحرمه اللي ترد ابيه ضروري حيات او موت
والله ويتصل علي هو واقوله السالفة وان المسافه فوق 500 كيلوا وممكن ما القاهم


قال بسيطه بع الكفر وزيد المبلغ وتصدق به عنهم وانت ما عليك شىء لانك ما قصدت تضرهم
والله وارتاح ولله الحمد