الشمس عابت يا نهار العدامه =يا ويح عين تنتظر داجي الليل

النفس طابت ما عليها ملامــه=ملت من وعود الشتا و المناديل

ابطيت عنيه يا غزال العدامــه=كابرت في بعدك ولا عاد بي حيل

شفت صدري لك يجمع حطامه=يجمع و تتناثر ظلوعه غرابيــل

يا صيده اللي ما يسوق الغشامه=ظاري على صيد الظبا له محابيل

حر عيونه ما تتوق به الحمامه=له ف قنيف الغيم موقف و تسجيل

قنصتها يومت القنص بالفهامـــه=ما صال به ميدانه بليد و مهابيــل

و اليوم جيتي و في عيونك علامه=نظره و طاويها من الفرحه تمثيل

شوقك يفجر في عنادك خصامه=ضحكه و تبدي لي ربيع و تساهيل

ضمي متوني عن براد الغمامـه=لا يختلط و دق المطر بالمهاميـــل

نامي على صدر الذي ف منامه =تسهر على شعره ظعون و مراحيل

خليه يدفى قبل تنحني عظامـــه =بيموت من كثر الوله به مواويــــــل

خلي الغلا ياخذ مسيره انتظامه=دام الوعد ظالم ولا يوفي الكيــــــــــل

ما دام وصلك بي يزيد الوسامه=صدك ذنوب اقبح من اعذار الويـــــل

زرع سقيته من عروقي غرامه =حرام يذبل و ما قطفة منه المحاصيل

بحق من صلى و زكى و صامه=ما طاع في حبك هل القال و القيــــــل

شاعر وله شعره يدين احترامــه= ما عرضه صوب الوطا و المهازيـــل

راسي كسيته عن مداهم عمامــه=انذرت ما يذعن لقول شر المراذيــــــل

فوق الغلا عندي حقوق و كرامـه=ان غاب خلي حافظ العهد ما ميــــــــل

الشمس غابت يا نهار الندامـــــــــه=يا ويح عين تنتظر لين اظلم الليـــــــل


راكان المنصوري