ليس من العقل أن أكون مؤدباً دائماً .. ف الإنحراف له لذه أحياناً - الصفحة 26

حسبتكـ لي · 01-31-2013, 02:23 PM

مسآآ الخير ..!

علوومكم ؟!

هذآ المستخدم شخط وظهر من الدوام

ساير اكششخ حق باشر لآآه هههههه

/

:

كنت يالس مع الوالده وقلت يلآآآ اسدحي لي طلبآآت نصفي الثآآني

لان باجر ماراح يكوون شي وقت طبعآ

/

الوالده : مااشي ي ولدي

انا بخووف : شو يعني ماااشي ؟؟؟؟

ماتريد مهر ؟؟؟

ماتريد حفله وووالخ

ماتريد اي شي جي باخذها بعباتها يعني ؟؟

الوالده : ههههههه الآ مهرهآ الله يسلمك مفتووح يعني مش محدد

بعد ماتعقدوون بتظهر معاها واهي تاخذ اللي بخاطرها معاك لين ما تقولون بسس

واذا عن الحفله اهي تبى تعقدون وتتعود عليك واليمعه اللي بعدها يمقن تسون حفله الملجهه

انا : شووووووووووه هاييييييييييل من صجهم شووووووه ؟؟؟؟؟؟

الوالده : والله هم جييه يبغوون واذا مب عايبنكك برآآيكك

انا : الا عايبني بس متى يبوون نعقد ؟؟؟؟

الوالده : مادري براحتك ي يمه

انا : بعد صلآه المغرب شو الرآآي ولا بعد صلآآه العششى ؟؟

الوالده : لو نظهر بعد المغرب احسن لين مانوصل دبي نص ساعه وتعرف يلسهه حريم روحه ياخذ وقت يعني تقريبا قبل صلاه العشى لو ربك رااد

انا : خلآآص قبل صلآآه العشى احسسن وعقب الصلآآه بتم معاها لييييييييييييييييين ساعه 3 الفير

الوالده بعصبيه : على كيييييييييييييفكك هووووووو ؟؟؟؟؟؟؟

انا : شوووووووه بعد خلآآص حرمتيييييييييه بتصير اسهر لين الصبح بكيفي

الوالده : بس عيييييييييييب مب ف بيتك ترااك فبيت ابو البنت وبعدين منوو اللي بيرجعنا ان شالله ؟؟؟؟؟؟؟؟؟

انا : زييييييين عاادي لآآآآه خلهه واحد من اخواني يردوونكم شوو هااه يعني بس ايلس مال نص ساعه واذلف مايصييييييييير

الوالده : عاااااااادي فعييييييييييينكك هذآ اللي يبى يفشلنييييي

انا : هفففف المهم مالي ششغل مابرد من وقت

الوالده : لآحق تشبع فيهآ وتمل بعععععععععد

انا من هبالي : لاتحاولين مابشع لاني عطشآآن

>> نسيت عمريييه عبالي يالس مع الربع ههههههههههه

الوالده : شووووووووووه ؟؟؟؟؟

انا : احمم هاااه اقصد ششسمه بسير غرفتي ناسي قلاص الماي هناك

الوالده : هييه زيين

انا : هفففف بغيت ارووح في شبر ميييه

الوالده : هههههه الله يهنيكم يارب

انا : اللهم آميييييييييين

/

:

وعقب سرت غرفتييييييييه

جلبت الكبت فوق تحت واخر ششي اخترت

بوحمده : اآآآخ لآآآه انته ساير الموول ولا ساير تخطب لك وحده شهاللون ؟؟؟؟؟؟

انا : شووووووه بععد حلآتهه الآسوود

بوحمده : ساير عزآآآآآ شووه البس لوون ثآآآآني

انا : سيييييييييير لاآآآآآه بلبس اللي داش مزااااااااااجي

بوحمده : كييييييييفكك

انا : طبعا كيفي

ماخليت كندوره مالبستها اخر ششي فوق سريري جبل من الكنادير

انا بصوت عالي

سعديووووووووووووووووووووووووووه

البشكاره : نعععععععععععاااااااااااااااااااااااااااامممم

انا : تعآآآآآآآآآآآلي بسسسسرعهه

وتجيني طيآآره اول ماشافت الكنادير اللي ع شبريتي يتلها حاله نفسيه مع شهقه شطولها
هههههههههههههههههههههههههههههه

انا : يلآآآآآآآآآ علقييييييه كله ولاتكرفسينه لا اكرفسج معااهم

البشكاره : شنووووووووووووو هدا حراااااااام عليييييييييييييك كسر ظهرري انا كل يوم كوي كوي

انا : خفيييييييي علينا على اساس انج تكوين ابلآآآآآآآآش يلآآآآآآآآآآ بسرعه علقيييي

حليلها سارت تعلق وجــــي

/

:

سرت اخترت لي

سآآعه

وبزم >> قطري

وعطر والخ

/

وسرت اجرب البس وجذه مافيني باجر اتبهذل ادور شي وما احصله

البشكاره واهي تعلق باجي كناديري : ماشالله الله اكبر الله اكبر بابا انته واااااااجيد هيلوو

بوحمده : خلآآآآآآآآآآآآآآآآآص بتسدحك ست كيداهم وبعدين شنوو يعني انا مافي حلووووووووو ههههههههههههههههههههه ؟؟

انا : ههههههههههههههه لاحول ولاقوة الا بالله تفلييييييي حسبي علييييييييج

البشكاره : ههههههههههه والله كلوو ف بيت هيلوووووووو

بوحمده : ههههههههههههههه اصلآآآآآآآآآ كلووو عادي انتي احلى وحده

البشكاره الله لا يراويكم فيسها كيف صار خقت خقه مو طبيعيه هههههه

سعديووه بحيآآ : لا مو سج انا مافي هيلوووه

انا : الآآآآآآآآآآآآآآآآ بتصيرين احلى لا شلتي غترتي وطلعتي من الحجره لحسن ما انش الحينه وازهب لج العقال واشخطه ع ظهرج هممممممممم عليييييييييييييييييج هاااه

من الزييغه طآآآآآآآآآآآآآرت ههههههههههههههههههههههههه

صج ماينعطون ويييييييييييييييه هايييييييل

المهم

ابوييييييه سيروو تغدوو

وانا الحينه بسير ارد ع كمن مسج واطفر ربعي بالواتساب

واطفر خواتيهه شويهه مطفريني من البارحهه ههههههه

وبرجع لكم

بسالفه الهدايا اللي عندهم افكار يسدحوولي

خوو انتوو ماشالله تبارك الله عندكم ذووق وافكار حلووووووووه اكيد

برب
__DEFINE_LIKE_SHARE__

حسبتكـ لي · 02-01-2013, 03:05 PM

بآكك

/

:

مسآآءكم خير

طابت لكم يمعتكم .. ربي يسعدكم مع اهلكم

اكيد يلسهه الاهل غير ^^

وشسمه البارحهه مارمت ادخل

فالسمووحهه ..

/

:

سرت خذت رقم طالبنهه من فتره طويلهه اصلا حقي بس يلآآ طلع من نصيب اميرتي

وشريت بعد جلآكسي s3 عسب انطقم انا وياها ابيض ابيض مالي ششغل

وخيتي يابت لي كفر بنووتي عليهه اسمي واسمهآ

خوو انا احيانا ذوقي يضرب اكس

/

:

برب

طويييييييييييل

__DEFINE_LIKE_SHARE__

حسبتكـ لي · 02-02-2013, 12:51 PM

صباحكم .. مسآآءكم امطآآآآآآآآآآآر وبرد ووالخ

شحالكم عساكم مستانسين ؟؟؟؟!

انا احس ان ودي ارقد وارقد وارقد واصكه رقآآآد

جوو رقااد اصلآآ مع المطر وجـــــي هع

http://www.youtube.com/watch?v=GAzyE0URWus

/

:

ي لبى جوو الشآآرججه امطآآر وغيم وبرد

عسآآآآآآآآآآآآآآآآه دووووووووووم مو يووم ي رب

الجوو بآريسي شرجاووي

/

:

تعرفوون البارحه كان يووم وايد حححلوو مب بس عسب اني عقدت القرآآن والخ ..

كلام الوالد وايد وايد اثر فيني ..

>> استحيت من نفسي كل هااه ابوويه حاط فخاطره من سنين وساكت

(( ع فكره الوالد من النوع الكتوم شويه يعني حتى مشاعره مايظهرها لنا بسهوله

لا الحزن ولا الفرح يعني جاد شوويه بهالسوالف ))

اول مره بحيآآآآآآآآآآآآآآآآتي اشووف الوالد تدمع عيوونه عليهه

لان انا واخواني اكثر شي مشيبين شعر راس الوالد ههههه

اكثر واحد انضربت وتكفخت لاني شيطاني وبنفس الوقت ادافع عن خواتي واخواني

يعني مسوي مشاكل بالفريج والمدرسه والبيت

>> رئيس عصابه هب ياهل كنت وقتها هههههههههههههههههه

والشي اللي ابويه ما بينسااه انه مره دعمني من غير قصد لما كنت اصغير

وخلص كنت برووح فيها خصوصا ريولي اليمين

قالي شفت لك موقف :

وحده عمرها 22 مليانه شويه امها قطتها ماتبى لاتغسلها ولا تآكلها يعني اتبرت منها وابوها شل بنته واهو تم يغسلها ويآكلها وربي من شفت هالموقف تذكرتك لما صار ودعمتك من غير ماشووفك ع طووووووول طياره ع المستشفى ودعيت ربي ماياخذك مني سووو اي شي كسر الدرايش سوو اللي تباه بس لاتمووت وتخليني انا وامك

بس والله على كثر اللي سويته اني ضربتكم وحرمتكم من بعض الاشياء عشان بس تدرسون وماتصيروون شرى هاليهالووه الخرابه ولين يومك هذآ تراني فخوور فيك يعني لو بموت بموت وانا مرتااح وتراك مابتحس بهالطعم الحلوو الا لما تجرب مثلي

واتيب لك ياهل وتجرب معاه الحلو والمر لحد مايكبر واتزوجه عقب بتحس بشوو اللي قاعد احس فيه

:

انا جي يالس ماعرف شقوول نشيت حبيته ع راسه وحضنته بس

فديتك يا يبه
__DEFINE_LIKE_SHARE__

حسبتكـ لي · 02-03-2013, 02:16 PM

بآآكك

/

:

الله يبارك فيكم يمييع

تسلموون & يزاكم الله الف خير ^^

/

:

بررب اتغدى ورآآجع ليكوو

__DEFINE_LIKE_SHARE__

حسبتكـ لي · 02-03-2013, 02:44 PM

بآآكك

/

:

الواحد بعد الاكل شو يقوول

آآآححح الحمدالله ترسنا الكرشهه ويالله من فضلك وعلى طول ينسدح بمكان مريح وينفرش ويناااااااااااااااااام هههههه

وشسمه انا عندي عااده اني بعد الاكل لازم اشرب جااهي

جي احسه سبحان الله يعدل مزاااجي قبل لا ارقد بس من

اليوم ورايح بيطير الرقاد دام عندي ششي اتونس فيه هههههههههه

/

من يومين مارمت ادخل شرى العالم للآسباب الشخصيه ..

فالسمووححه

/

:

طبعا بتاريخ 1 / 2 / 2013

كان يوم عقد قرآآني (( اليمعه ))

بآميرتي الصغيره القميله

/

:

بقول لكم شوو صااار بس مو قاهرني غير اخووي بو شامه وهالثوور اخووها اووووف نكد نكدووو عليهه

/

المهم

تعرفون يوم اليمعه وزحمه الشوارع ظهرنا قبل المغرب

وصلينا بمسيد فدبي وعقب سرنآآ بيت الحووب ماالي

وربي ساعتها قبل لا ادخل تذكرت كلام (( لاموني فحبك ))

اونه ركز ع الدرايش بتلاقي الكل يطالع فيك ويراقبوون والخ..

هههههههههههههه

ونحن واقفين عند الباب

الوالد وانا واخواني

كل واحد يالس يدز الثاني

انت اول
اوووه
انت اول
اوووف
انت اول اقووولك

جان الوالد يعصب مالت عليكم كلكم شبلااااااكم فضحتوووووووونا
دخلووو واصلبوو عوودكم وباعتدال >> داشين معسكر مو بيت ههههههههههههههه

فديت ابوويه

/

عقب جان اقوول

انا : منتوو كفوو الواحد ياخذكم شهوود

اخواني : لا والله ؟؟؟ اصلا نحن ياييين انطالع ف ويهك كيف بيصير يوم تقوول موافق ههههههههههههههههههههههههههههه

انا : هههههههههههههههه مالت عليكم بيي الدور عليكم واضحكك عليكم واحد واحد و يلآآ انا بتجدم

عقب

دخل الوالد

عقب

انا

عقب

اخواني والحريم والخ ..

/

بعد ماسلمنا وجذه يالسين

انا اسوولف مع اخوان الحرمه

والوالد مع ابووها وضحك وسوالف وعقب المطوع دق الجرس ودخل

وربي بيني وبينكم كنت شووي متوتر

عقب

المطوع تم يطالع فيني انا واخوويه بوشامه

اونه منو فيكم مايد ؟؟؟؟

الحبيب مضيع مو عارف شكلي من الحينه

تم جذه يركززز اونه انتتتت صحح

انا بابتسامه : هيه نعم

المطوع : يالس يكتب وجذه

وين تشتغل .. شو من شهاده عندك .. المهر متفقين عليه ؟؟

دفعت ولآ ؟؟؟؟؟؟ .. انت موافق ؟؟

والخ ....... وايد يسآل

انا بقلبي (( حششى كل هاالاسئله امتحان هب عقد ههههههههههههههههههه ))

بعد التوقيع قال دعاء نسيته من التوتر ههههههههههههههههههههه

المهم يا دور الانسه اقصد اميرتي توقع من الزيغه اونه ماعرف اوقع ابصمي يامال الصلاااااااح

المهم عقب وقعت وجذه

/

:

جان يآذن العشى

صلينا وتعشيينا

عقب المطووع سآآر

وعمي وعياله
ترخصوو واخواني بعععد ساروو شكلهم الميلس الثاني ع اساس انا ايلس مع الحوووب لآآآآآه

/

:

لكم ان تتخيلوو ماذا حصصصصصصصصصصصصل

برررب
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المهر.. باب يسد الطريق نحو الزواج أحياناً	محروم.كوم	منتدى أخبار المواقع والمنتديات العربية والأجنبية	0	02-12-2010 09:50 AM
قاسم حسين: عليٌ مؤدباً	محروم.كوم	منتدى أخبار المواقع والمنتديات العربية والأجنبية	0	07-05-2009 09:30 AM
وتتوالى المفاجأت دليل مواقع العقل الشاسع من فريق العقل	محروم.كوم	منتدى أخبار المواقع والمنتديات العربية والأجنبية	0	06-02-2009 02:10 AM
أحياناً يغرقنا الحزن	عجيد اليوازي	الإستراحه العامة	10	03-08-2009 01:07 AM
الوصفات الطبية.. قاتلة أحياناً	fa6oom.96	اخبار محلية و عالمية	13	07-17-2008 11:39 AM