#poem_50cecb143aad6 td { font-family: Tahoma, Verdana, Arial, Helvetica, sans-serif; font-size: medium; font-weight: bold; } النفس تعشق طلعة البر والنوق وشوفة ربيعه بعد ماضي دهرها والعمر وانا اخوك لاحق وملحوق متع عيونك قبل موعد سفرها والجيب تله بالنمر لين مايروق ووره دروب الصيد واتبع اثرها ودربل وتابعهن مفاريد وفروق والنفس متعتها ترى في نظرها ولا صرت في راس الطويلات من فوق لاتهمك الدنيا ولا من خسرها اجلس وسج الفكر ياعالي الذوق واكتب قصيدة شعر راقي بحرها من بال رايق ناظر الشمس بشروق وشاهد بوسط الليل كامل قمرها في مرقبن عالي ولا فيه مخلوق سحابته دوم يتتابع شررها مع خوة رجالن وفيين وصدوق يجلون عن نفسك بواقي كدرها تسكن محبتهم غلا داخل عروق قلوب بالايمان ربي عمرها