السلام عليكم ورحمه الله وبركاته

- راعي العجراء تراي احبك في الله -

ياشينها الا حطو الناس حرتهم فيك ونت ماسويتا شي

فيه مرتن جيت امشي في الشوذبي حي من احياء شقراء المهم امشي مع ذيك السكه الي يالله تمر معها السيارات ونا امشي فيه حرمه تمشي قدامي وفي يدها زبيل خوص صغييير ويوم جت تدخل في بيتها وهي تعكرف وتطيح ويطيح الزبيل الخوص في السوق ولا فيه بيض وتكسر البيض كله وهي ضعيفه تعورت سالمه سالمه يم فلان قالت انت وشعليك مني سالمه ولا منيب سالمه وتقعد تهوش علي ههههههههههه انا وش دخلني فيك هذا جزاتي -
=
مره كان على شقراء مطر قوي والسكيك ما ينمشا فيها كلها زلق ونا امشي ولا فيه نقعه سيل وش كبرها ولا فيه ذاك الشايب الي معه عصاه قالي تعال ياولدي امسك يدي الين اتعدا ذا النقعه اخاف ازلق قلت ان شاء الله ومسك يده وهو يسرع في المشي وقوله ارفق لياك تزلق لا تعجل امش بشويش ولا كني اقوله شي المهم يوم مرينا من عند المنقع وهو الي يتطرف جنب النقعه وبسم الله ههههههههههه وهو الي يزلق ذيك الزلقه ولا يرده وهو على بطنه الا وسط المنقع ههههههههههههههه ويقعد يهوش علي يالي فيك ما يخطيك وراك ما مسكتني ههههههههه قلت انت الي تمشي بسرعه وعلمك ولا تاخذ العلم قال انا الي ما اخذ العلم قلت ايه قال تعال اظهرني وجي وجره هو وعصاه ولاه يتقاطر طين وماء ههههههههههه سبح سباحه ويوم اظهرته وهو الي يلخني بذاك الكف يوم دار راسي وصرت اترنح قال انا الي ما اخذ العلم يا الهيس ههههههههههههههه وبعد عنه ودلي اصوعه بالحصى وله عياره وعيره وهو ما يواطن عيارته ابد وهو يتقاطر طين وماء ويوم حلته بذيك الجمشه الطين اليابس نسميه جمش المهم وتطيح تحت رجليه وهو الي يلتفت علي يبي يهوش وهو الي بسم الله ويمحط ثانيه هههههههههههههههه قالي تعال اقعدني يبي مسكتي بس وقعد متمزعه مصراني عليه من الظحك المهم يوم جا بعد يومين ولاه ماسك ابوي جعله للجنه في حليوه سوق شقراء منول وشاكيني عليه وتدرون وشو قايل لبوي قايله ترا ولدك دازني ثلاث مرات في نقعه السيل وتزلطت سيقاني ومرافقي ويوري ابوي الجروح الي فيه ويقول كل هذا من ولدك انه متخيتلني ودازني وقاعد يظحك علي ونه كل ماظهرت من المنقع جا ودزني ثلاث مرات ونه يعيرني ونا منيب مخليه وتراه بعد صايعني بالحصى ونا وسط النقعه هههههههههههههه ياكذبه ذا العود قال ابوي انت منتاب فاكني من شرك كل يومن جاين احد وشاكيك اول امس شاكيتك ام الفلان الكبيره تذبح دجاجها واليوم فلان دازه قلت تراه يكذب عليك هو الي صافقني بكف ونا ماسك يده ابي اقطعه نقعه السيل ويوم زلق فيها صفقني كف وشوا ما قالي ابوي شي مغير صفقني بكفين ورجفني بس -

=
مره كنت امشي في سكه من السكيك الي حول مسجد الحسيني ويقابلني رجال هو وحرمته يمشون ويتهاوشون بيناتهم فيه مشكله بينهم مدري وشي ويوم مرو من عندي دخلت بينهم وما دريت الا الرجال يوم رصعني مع راسي بدون سبب يقول وش مدخلك بيني وبين حرمتي وهم بعيدين شوي عن بعض والسكه ظيقه بس فيه حره ويبي يظهرها هو رصعني مع راسي ولا مارصعني ونا الي اقوله ليش تطقني قال ابا اطقك زود ان ما سكتا بعد قلت ليش قال بس كذا مزاجي قالت الحرمه وشو مسوي يوم ترصعه مع راسه ما خالف الوليد قال اسكتي لياني ارصعك مثله معصب ولا يدري وش يسوي وناالي ابعد عنهم وهات ياترجيم بالحصى وهات ياترجيم وصوعهم صوع وينحاشون هو وحرمته ركض مرن يجي يبي يمسكني ونحاش ولا رجع جيته بالحصى وهات ياتحليت ويركظون ونا وراهم والحرمه تقول لا يجيني شي ما خالفت عليك انا - عليك به هو ههههههههههههه وعلى ذا الحال الين دخلتهم دارهم وصير انا وياه مثل القطو والفار كل ما شافني انطلق وراي الين جا يوم من الايام ويلحقني وبغا يمسكني ولاها بجيه شايب ونا اتمسك فيه وقوله فكني منه يبي يطقني ونا ماقلت شي قال الشايب مهوب علا كيفه يطقك انت بحماي هلحين قال علاشانك يبو فلان ابا اخليه ولا تراه فالق حرمتي بالحصاه قلت يكذب عليك ويقردني بليس وظحك قال انت ما تشوفه يظحك تكفا خلني عليه قاله الشايب سامحه ها المره وشوا سامحني

وفي الختام اقول

سبحان الله وبي حمده - سبحان الله العظيم - عدد خلقه وزنه عرشه ومداد كلماته