حبيبتي كم احبكِ - الصفحة 3

رااشد · 12-13-2012, 07:30 AM

انا في الوقت هذا قاعد اقرأ موضوع للرد عليه وبعد ما خلصت قلبت على موضوع ثاني الا وأشوف الرساله وقريتها جان اقول في خاطري هذي

هذي انسانه محترمه يالله كلهن جذى بالبدايه
رسلت الها رد اعتذار واني ما بكرر هالشئ __DEFINE_LIKE_SHARE__

رااشد · 12-13-2012, 07:56 AM

ومن ذاك اليوم وهي ترسل لي ادعيه بالصبح وبالمسى وحتى انا كنت ارسل الها ادعيه وبعض الاحيان كانت تناقشني ببعض الادعيه
وتقولي هذي الادعيه ضعيفه وغير صحيحه وكنت اتعلم منها أشياء كثيره واستفدت لدرجة اني قبل ماكنت أحافظ على الصلاة ( يعلم الله اني من عرفتها وعندما كانت اطرش لي هالمسجات الله هداني للصلاة وصلواتي الحمد لله كله في المسجد حتى قيام الليل ماودرتها ) ( يهدي من يشاء بغير حساب) وفجاءة وبدون سابق إنذار ما دشت المنتدى ماشي مسجات ( أفكاري تروح وتيي لاني بحي ولا ميت أرسلت الها رسائل خاصه عافاني النوم ولا ذقت الزاد قلت في نفسي راشد اشفيك وش صابك ماادري ماادري )هل هو وله هل هو حب هل وهل .....تعلق قلبي فيها بشكل رهيب حسيت اني ( خبيل ) لا عندي تلفونها ولا الأمييل بس تعارفت عليها في المنتدى

أهلي في البيت وفي الدوام يسألوني وش فيك يا راشد كأنك مب طبيعي هالايام
وانا اقول الهم مافي شي ما يدرون اني من العشق ميهود وللحديث بقيه __DEFINE_LIKE_SHARE__

رااشد · 12-14-2012, 07:11 AM

السلام عليكم
اشكر جميع من قيمني والذي مر وقراء المدونه وهناك من استغرب وقال بنت تغيرك نعم غيرتني بنت الى الافضل والاحسن لانها ليست ككل البنات انها حبيبتي
على العموم أشكركم جميعا
وبعد يومين من المعاناة والا ب مفتوح حتى اني اخذت ايباد على شان يكون المنتدى مفتوح دائماً في السياره في الدوام وين مااروح وياي كل هذا لكي اترقب اي رسائل تييني منها والله يالربع يومين وكأنهن شهرين وفجاءه الى حبيبتي ترسل لي رساله
::::::: السلام عليكم راشد أشحالك انا بسالك شو هالرسائل الي أرسلتها حتى صندوق الرسائل عندي انترس فل يعني هههه ادري انا تأخرت عليك في الرد لكن كنت مريضه شويه حمة وزجام ولا تحسب اني ماتولهت عليك بالعكس انا كنت أبغي ادخل بس مارمت وسامحني . __DEFINE_LIKE_SHARE__

رااشد · 12-14-2012, 07:29 AM

انا هني وبعد ما قريت الرساله ماتمالكت نفسي في دمعه من عيوني طاحت
هي فرحه والا حزن لمرضها والا ......الخ
ماعرفت بس سجدت شكر لله
وبعدين رديت عليها برسالة :::::
وعليكم السلام

اول حاجه ماتشوفين شر وطهور ان شاء الله وعسى الله يشفيج
الحين شو حالج طمنيني عليج شو صحتج أهون الحين خفيتي تشربين الدواء
اسميج قتلتني يافلانه يومين ماادري بنفسي بهالدنيا والا لا
صدق انج طبختيني على نار هادئه واستويت حدي
الحين تعطيني رقم تلفونج والا الأميل تويتر اي شي على شان أتواصل معاج
وللحديث بقيه __DEFINE_LIKE_SHARE__

رااشد · 12-19-2012, 07:14 AM

السلام عليكم ورحمة الله وبركاته
اشكر جميع الاعضاء الذين سالوا عني وقيموني وسامحوني على التقصير كنت مسافر
وفعلا ياخواتي وايااخوان لااحد يعلم من الشخص الذي وراء الكيبورد في جميع نواحيه ولكن الحمد لله بالنسبة لي وأقولها وانا بكامل قواي العقليه نعم انا وأضبت على صلاتي والسبب نصيحة فتاة

على العموم نرجع لنكمل مادار من احداث __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حبيبتي نور	محروم.كوم	منتدى أخبار المواقع والمنتديات العربية والأجنبية	0	08-25-2011 08:30 PM
حبيبتى	قلـ قطر ــب	شعر و خواطر	2	07-27-2011 06:20 PM
مقآطع عرس حبيبتي :'(	wasllawy	قسم المقاطع	14	05-01-2011 02:47 AM
حبيبتي	قلـ قطر ــب	الإستراحه العامة	1	04-27-2011 12:04 PM
حبيبتى هى القانون	محروم.كوم	منتدى أخبار المواقع والمنتديات العربية والأجنبية	0	01-21-2010 03:50 PM