إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


إضافة رد
 
LinkBack أدوات الموضوع انواع عرض الموضوع
  #1  
قديم 12-09-2012, 01:30 AM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلام عليكم ورحمة الله وبركاته
مساكم الله بالخير
سالفتي اليوم ياطوال العمار صايره قدامي وانا صغير وانا الحين تراي شايب
مره يومني صغير رحت مع ابوي نخايل المزون ونشوف البروق والرعود
اللي تشرح الصدر طبعا بعيد عن البيوت .. وتجينا هاك المخيله وتهل

وبلها وحنا مستانسين ودنا نتغرق من الماء كذا مدري وش معناها
وحنا فالليل والله يوم جانا برد قال ابوي رجعنا للبيت هذي فيها
شيً هايل يعني بيجينا سيول وعاد ابوي عنده خبره في ذي الامور
مدري كيف يعرف ولا سالته يقول وشيم المطر اللي يعلمني
المهم ونرجع للبيت ونمسي واصوات الرعود ترعب ونور البروق مع شقوق
الدرايش المهم انها ليله مرعبه بس حلوه وامسانا على خير يوم جاء
الفجر واصبحنا طبعا ابوي اهم شي عنده القهوه بعد صلاة الفجر
ويتقهوى طويل العمر وانا واخواني عنده وكل اشوي يبه مشينا نشوف السيول
ويقول اصبرو خلونا نسفر اشوي وحنا كل واحد يعاين الثاني ونعكف وجيهنا ولما خلص قال
مشينا الا شوي ماعنده احد قد حجزنا مكان بالموتر الددسن ابو غماره
وناخذ سنه على مايحتر الموتر ونمشي اخيرا ولا كل شي سيل ونطمر بالموتر بالسيل
ويالله رحنا ونسوق النظر في ذي المناظر اللي جعلها تعود
ويوقف ابوي الموتر على عرض الجبل وننزل ونروح نشوف العجام في الجبال
ولافيه عجمه تخوف وقد قالوا فيها جنون وهوش وبلا المهم اخوي مقرود جاء على
جالها طبعا رمل وجايه ماء يعني وش بيصير حط اخوي رجله يبغى
يحط بصمه او علامه مدري وش كانت فكرته ويوم حط رجله ويسحط ويطيح على ظهره
ويرفع يديه يعني انقذوني الا وابوي معه ويمسك يديه ويطلعه ويوم درى انه نجاء الا وهو يوزع ابتسامات
ووجهه صاير طماطه وعيونه فيها شوي دموع وابوي يعطيه من الكلام الله لا يوريكم ولو ان ابوي ماهو بمعنى يالله المستعان
والله ان يروح في خبر كانا والحمد لله على السلامه
والحين يالربع انتبهو على عيالكم ترا وقت السيول جاء والناس تطلع
ويخلون عيالهم يدجون فاأرض الله وياما وياما جاتنا قصص غرقهم وترا هذولا الصغيرين عليهم مغامرات ولا جاكي شان
والله يستر على الجميع ويحفظ لنا ولكم كل احبابنا امين وسلامتكم
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:55 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML