#poem_50c152624dd41 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} وشب العرب خلت تقاليد وسلوم وراحت ليم الغرب تبغي مباديه ومن بعد حب اليد والراس وخشوم والاحترام اللي على الكل نهديه شباب وانت تسلم احيان مايقوم يشوفها تخلف الله يهديه ويمكن يعممها على الحج والصوم اعمى بصيره ماله احدن يقديه وان جاك يهرج يمسك المجلس علوم وهروجه بنادي خويه وناديه والشايب العاقل وهو سيد القوم ساكت واخونا علم يجيبه ويوديه يقول وين اللي لهم قول محكوم راحوا وبالرحمه رفع للسما يديه مقهور في نفسه وله قلب مكلوم مابقي الا هو ويومه يناديه هذا ترى ماهو على الكل معموم البعض فيهم خير وباللاش نفديه هذا التغرب ياهل العرف مسموم ولا خير في رجلن يغير مباديه