السلام عليكم ... اليوم ودي اتكلم عن الغوص في فصل الشتاء ....
من وجهة نظري اشوف ان الغوص في فصل الشتاء افضل من الغوص في فصل الصيف والسبب اهو ان العوالق الي تترسب بالماي تقل في الشتاء بسبب برودة الماي لأن درجة حرارة الماي توصل لي 11 درجة سيليزية
لكن بالبداية في اشياء مهمه تحتاجها قبل لا تفكر بالغوص في من هالضروف
واهم شي انك تحسب حساب بدلة الغوص الي تتراوح سماكتها من 3 لي 5 مم
طريقة عمل بدلة الغوص : بدلة الغوص ما تمنع وصول الماي لجسم الغواص لكن تدخل كمية قليلة من الماء داخل البدلة ينحبس بين جسم الغواص والبدله وبهالطريقه يكتسب الماء المحبوس بين البدله والجسم حرارة الجسم الي اهو 36 درجة ويعمل على عزل الماي الخارجي المحيط
وطبعا ما يفضل وجود الماسك الي يغطي كامل الراس

نصيحه الي يفكر بالغوص في الشتاء لا يستهتر بالبدله
لأن جسم الانسان يفرز حرارة لي مده معينه واذا ما حصل استجابه بالدفء فطاقه الجسم راح تقل تدريجيا وممكن تحصل تشنجات بالعضلات وحالات اغماء

اما بعد الغوصه فلازم يكون عندك ملابس تدفيك عن الهواء البارد وشي دافي تشربه

وسلامتكم