توفيت امه فكتب قصيده ابكت من لا يبكي ((شوف وما راح تندم))

qmar14 · #1 02-06-2008, 08:05 PM

لقد اعجبني موضوع اطلعت عليه
واحزنني كثيرا وحبيت ان تطلعو عليه ايضا
وهو عبارة عن شاب متهور تعرض لحادث وكانت معه
امه فتوفيت وبقى هو على قيد الحيـاه وكتب القصيده هذي

يواسيني وانا الميت وحالي يجبر الدمعات........تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات.........يجبروني عشان امشي ورجلي ما تمشيني

قتلت رعايتي بيدي قتلت الحب والرحمات........حرمت النفس من حقها وانا ابكيها وتبكيني

وكنه حلم قدامي يقيدني من الصرخات.........ابي اصحى ولكني عجزت القى ال يصحيني

فداك القلب يايمه ومهما قلت من كلمات .........صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات.....صحيح اني ولد طايش وكل ما أسمعه فيني

تجول عيونهم فيني تفصل مني قياسات ........وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة ........وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات .........وصار الهم عكازي اباكيه ويباكيني

عطيتيني بدون حساب ولا سمعتك تقولي هات ......وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات ............واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات ..........تعالي غيري هالقول واطيعك باقي سنيني

واترك عادة التدخين وانفذ ما تبي بسكات ........واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات .......ابيك انتي ولا غيرك على موتك تعزيني

وضميني وداويني مثل ما كانت الهقوات ........ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات ..........انا مقوى ابكيك اذا انتي تبكيني ..

كم آلمني مشهد الشاب وهو يتفوه بكلمات الحب والاعتذار لأمه المتوفاة

خصوصا اذا توفت في

حادث أليم وامام عيني ابنها الذي يقف مكتوف اليدين لا يستطيع عمل اي

شيء لانقاذ والديه او احدهما .

اناشد كل شاب وشابة ان لا يتوانى في طلب رضا والديه وخاصة الام

ولا يذنب في حقهما لانهما سبب وجودنا في الحياة فبدونهما لما كنا

وحتى الله سبحانه وتعالى يوصي بهما خيرا

مـــــــــنـــــــــقــــــــول
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيده تخلي الزعلان يرجع لخلهـ وهو يبكي ..	mamoth	شعر و خواطر	10	01-17-2011 02:52 AM
مووووثر جدااااا .. مالذي يبكي الاول وما الذي يبكي الثاني	نزيف المشــاعر	اناشيد وصوتيات ومحاظرات ومقاطع دينيه وصوتيات ويوتويب اسلامي,	6	05-09-2010 07:51 AM
أدخل ولن تندم .. مقااااااطع على كيفك ... أنشر ولن تندم ..	محروم.كوم	منتدى أخبار المواقع والمنتديات العربية والأجنبية	0	04-24-2010 04:50 PM
~{قصيده بألف قصيده .. شموخ وعزه وكبرياء .. في زمن لايعرف الشموخ والعزه	~{ قمــهـ	الشعر المنقول	4	03-13-2010 09:56 AM
قصيده ترجع الزعلان لحبيبه وهو يبكي ..	الـغـلا	الشعر المنقول	8	01-31-2008 07:21 PM