فزعتكم يا شباب مشكلة وابي حلها تكفون ...

محروم.كوم · #1 11-25-2012, 07:50 PM

بسم الله الرحمن الرحيم

عندي سيارة شفر كروز موديل 2010 شاريها وكالة و الحمد لله السيارة قعدت معي 3 سنين ما اشتكيت منها ولا شي ومشت الى الأن 84450 كم , والله وتصير معي مشكلة يمكن صارت مع البعض منكم وهي القير ( حسبي الله عليه من قير ) , بدأت المشكلة عندما شغلت السيارة ظهرت علامة افحص المحرك اللي في الطبلون :

والقير عندما انزله على ( R ) ترج السيارة كلها ويصير يؤشر حرف ( R ) في الطبلون بس عندما شلت رجلي عن الفرامل السيارة ترجع طبيعي مافيها شي !

وضعت القير على ( D ) وشلت رجلي عن الفرامل والسيارة ما مشت واقفة ! وصرت ادعس على البنزين والسيارة صارت تمشي على شوي شوي وعرفت ساعتها انها على التعشيقة الثاثة مو الأول ولا الثاني لا على الثالث على طول !!

وقفت السيارة وطفيتها وفتحت الكبوت وصرت أعاين و أوقل وش السالفة وصرت أناظر تحت السيارة وأقول ما في شي وش السالفة ؟ رجعت وشغلت السيارة ولاكن علامة افحص المحرك ما راحت ولاكن عندما وضعتها على الوضعية ( R ) ما رجت السيارة ووضعتها على ( D ) صار القير طبيعي ويغير وما فيه شي المهم مشيت مسافة عشرة كيلوا على سرعة 80 كم وفجأة ترج السيارة ورجة مو بسيطة قوية جدا والضغط حق السيارة يرتفع الى 4 واحاول ادعس على البنزين الين ما وصل الضغط 6 ومو راضي يغير القير !! وقف على الثالث

وقفت السيارة وطفيتها ورجعت شغلتها والمشكلة راحت ولاكن كل ما مشيت مسافة ترجع مرة أخرى .

واروح لورشة وأفحص كمبيوتر ويقولي العطل كوده ( P0700 ) وهو خطأ في كمبيوتر القير لازم توديها وكالة

وديتها الوكالة الجميح في الرياض وبعد يومين اتصل علي المهندس يقول ( القير يبي توضيب لان الكلتشات تزلق من الثاني للثالث وحلها الوحيد توضيب فقط وقال في حل أخر هو تغيير كمبيوتر القير ولاكن ما يضمن المشكلة تروح وما راح يتحمل المسؤلية وحلها الوحيد اللي ينهي المشكلة توضيب )

الكلام هذا ما دخل عقلي قلت له بفكر وبرد عليك , سألت صاحب الورشة اللي فحصها كمبيوتر لي قالي أن الحل أسهل من التوضيب وهو الحساسات غيرها وتنتهي المشكلة , رحت للوكالة ثاني يوم وقلت لهم غيروا لي الحساسات قالوا لي ( نغير لك الحساسات بصفتك ايش ؟ انت تعرف أكثر منا ؟ حنا قلنا لك توضيب يعني توضيب تبي ولا خذ سيارتك واذلف ) والله هذا كلامه وكنت ابي اضربه لولا الحياء والخوف من الله

المشكلة هي ( توضيبهم بـ 13 الف ريال شامل قطع الغيار ) وأنا ما ابي اوضب وش الحل تكفون ساعدوني وين اويدها اي ورشة وش اغير وش اسوي على شان المشكلة تروح ؟

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مكيف الفتك ... مشكلة وابي منكم حلها ...	محروم.كوم	منتدى أخبار المواقع والمنتديات العربية والأجنبية	0	07-28-2012 07:50 PM
عندي مشكله وابي حلها ضروري ؟؟ تكفون	محروم.كوم	منتدى أخبار المواقع والمنتديات العربية والأجنبية	0	08-15-2010 04:40 AM
تكفون ياهل مكشات الوكري غدى وابي فزعتكم	محروم.كوم	منتدى أخبار المواقع والمنتديات العربية والأجنبية	0	04-23-2010 06:40 PM
مشكلة وابي حلها	محروم.كوم	منتدى أخبار المواقع والمنتديات العربية والأجنبية	0	09-17-2009 01:00 AM
تكفون يا شباب عندي مشكلة وابي حلها بسرعه تكفون	محروم.كوم	منتدى أخبار المواقع والمنتديات العربية والأجنبية	0	05-04-2009 04:40 PM